دارمي لولادة الامام الباقر "عليه السلام"
مهيمن يوسف الموسوي


باقر علوم الدين     بأول رجب صار
جده النبي و حسين  هذا ابن الاطهار
......
صادف مثل هاليوم    مولد إمامي 
عندي الگلب فرحان   لجله هيامي
ربي شهد عالصار        هذا كلامي
و الشيعه فرحانين    للباقر أنصار
......
للباقر المعصوم         هاي المحافل
ندعي السعاده اتدوم   عدنه تواصل
فرحتنه تبقى هواي  وهذا التفاؤل
كلها تظل لسنين        وبهاي الاحرار
.........
السابع سمه بالكون   والفرحه عمّت
جنّ و إنس واملاك     للهادي هنّت
بمولد حفيده الصار   وهواي سعدت
خامس لأئمه البيه     يحملها الاسرار
.........
علم و معارف حيل   و بكثره هيّه
من النبي المرسول   خير البريّه
و من حيدره الكرار   وابن الزچيّه
ومن والده السجاد     موجوده الأفكار
.........
بين البشر معروف   علم و ديانه
اعلم شخص بالناس  چان بزمانه
بتقوى و عدل و انصاف  يرعى الامانه
متأمن اعلى الدين    من كل الأخطار
.........
لجله الفرح منشور    و الكون ازهر
راح الحزن من جاي   كلشي تغيّر
هذا السمه و هواي    بجيته تنوّر
بيه الأمل و الخير     متظل الاشرار
.........
واشما نوصفه دوم    لا ما نصل ليه
چم معرفه و اسرار    هيه كثر بيه
ماله شبيه ابهاي      محد يدانيه
ميوصفه كل انسان    وشما حچه حار
........

مهيمن يوسف الموسوي
١٤٤٤هـ ٢٠٢٣م

زهيري بحق الامام علي الهادي عليه السلام
مهيمن يوسف الموسوي ١٤٤٥هـ ٢٠٢٤م


باقي ولائي لجل عاشر لائمّه       علي  
بين الإنس و الجن فضله و مقامه    علي
طول العمر مستمر واجب اذكره    علي
علم النبي و الوصي بذاته ومعارف   مِلك
يا سائلي عالمحبّه ولإمامي     ملك   (ما لك)
منّه حياتي اصبحت تقوى و ديانه   ملّك 
وبكل ولائه و محبته كل دليلي    عُلي 


مهيمن يوسف الموسوي
٣ رجب الاصب ١٤٤٥
٢٠٢٤/١/١٥م يوم الاثنين ١١:٣١م

موال (زهيري) يوصف حال الحياة الدنيا
مهيمن يوسف الموسوي ١٤٤٥هـ ٢٠٢٤م

لتظن تظل بالدهر خالد يسامع    تصح   
اصحى الزمانك نصيحه بهالوكت من   تصح
دنيا طويله واظن ابقى بكثر لا     تصح 
مثل السراب الّذي مو واقعي بل    وَهَم  
الها وكت تنتهي المن تفكّر          وَهم 
لا كل نبي لا وصي بيها تخلّد    وَهُم
ارضه الصمد والتزم دينك مسارك    تصح

معاني الجناسات:-
١. اصحى
٢. تأتي
٣. تصيح من الصياح
٤. أوهام
٥. من الهموم
٦. بل أنهم و هم أنبياء و أوصياء
٧. من الصحة و الصحيح

 

مهيمن يوسف الموسوي
٤ رجب ١٤٤٥هـ
٢٠٢٤/١/١٦م يوم الثلاثاء ٤:٠٥م

تجليبة بحق علي الهادي عليه السلام
مهيمن يوسف الموسوي ١٤٤٥هـ ٢٠٢٤م


العلي الهادي إجت زواره و بحسره
على امصابه و رزيته امن العده وغدره
.........
بثالث من رجب كلها إجت زوار
للهادي إمام و عاشر الأطهار
لجله تعتني الگبره وإله أنصار
متعنيه بعزمها اليوم سامره
.........
علي الهادي عدوّه ضاهده بحقده
منّه بس أذيّه و الكره ضدّه
إبن طــٰه النبي المختار مضطهده
ويدرونه إمام و عالي كل قدره
.........
بني العباس منهم بس أذه مر بيه
وبكل الوسائل يا وسف ماذيه
يأذّونه إمامي حيف و معاديه
لاكن ظل عليهم باقي و بصبره
.........
علومه و المعارف ما شخص مثله
رغم كل الفتن لو ناس و تسأله
الصعب عند البشر عند الولي حلّه
وبهذا الوصف مشهور و بأمره
.........
بأرض المصطفى مثل الشعاع و شع
على الناس بعلومه و معرفه يسطع
لاكن والعده بحقده إله يمنع
والمتوكل بحكمه و كره كثره
.........
يهجره امن المدينه وابعده عنها
بأذه و احقاد يا وسفه ابتعد منها
والشيعه لغيابه وهجرته ونها
منه كل علمها و دين كل فكره
.........
لارض سامره رايح سيدي و گاصد
رغم بيها تقيّد من عده الحاقد
لاكن صوته عالحگ بيها متواجد
ضد اللي ظلم و الجور و الغدره
.........
صوته الهادي ضد الي خذل دينه
مثل جده الحسين اعله معادينه
ولو كيد العده موجود ماذينه
دينه اعلى الخلايق رايد اينصره
.........
سجنوه الامام الهادي ونظلم وسفه
زواره تذكره بالذي اتعرفه
وحزنهم بالگلب ويزيد وبوصفه
تنعه و تذكر امصابه وتهل عبره
.........
للهادي بمصابه من تجي ازياره
من كل شيعته و حتى تره أنصاره
عهد منهم يظل للدوم تذكاره
عمرنه بكل سنينه نبقى و نذكره




مهيمن يوسف الموسوي
٥ رجب ١٤٤٥هـ
٢٠٢٤/١/١٧م يوم الاربعاء ٨:٠١م

زهيري بحق مولد الامام محمد الجواد عليه السلام
ولد ١٠ رجب ١٩٥هـ


لجل الجواد الامام و كل ندائي وصل
صوت الموالي النبي وآله سلّم       وصل
بتاسع إمام الهدى منهم دعانه        وصل
لرب الخلق جن وإنس كل الخلق   وسّمه 
بالمعرفه و العلم رب الجلاله         وسّمه 
جده مّحمّد شَبه خُلق و معارف    وسمه 
باعلى المراتب إمامي بالديانه     وصل



مهيمن يوسف الموسوي  
٥ رجب ١٤٤٥هـ
٢٠٢٤/١/١٧م يوم الاربعاء    ٩:٥٤م

ابوذيات ولادة الامام الجواد عليه السلام
مهيمن يوسف الموسوي ١٤٤٥هـ ٢٠٢٤م

الجواد العتره كل فرحه وسر بيه
وعلى دربه الامام ابقى وسر بيه
ولائه بالگلب ثابت وسر بيه
نذكره بمولده باحسن تحيّه
.........
محبتي السيدي رحمه ومأمن
بولائه كل مُحب لجله ومأمن
موالي بموتته گبره ومأمن
يشفعله الجواد و بالمنيّه
.........
الجواد وبالنهج فكره وسَلِّمَ
گصدله كل مُحب يهتف وسلّم
بگلب صافي بمحبته ظل وسلم
يزوره معتني للكاظميّه
.........
ولائي بالگلب ثابت وناره
أجري بالحشر ويشع وناره
الموالي بلا عذاب ولا وناره
يجاور للجواد ابن الزجيّه

مهيمن يوسف الموسوي
٨ رجب ١٤٤٥هـ
٢٠٢٤/١/٢٠م يوم السبت ٤:٣٠م

ابوذيات مولد الامام علي عليه السلام
مهيمن يوسف الموسوي ١٤٤٥هـ ٢٠٢٤م

فلا مثله شَبه وكته    وقَبله
بالكعبه نولد بيها         وقِبله
إلــٰهي و هالحفل مِنَّه    وقبله
عهدنه نجدده الحامي الحميّه
.........
اريد انشد إنس و الجن   وعَالم
مثل مولد علي بكعبه      وعالم
مقامه وشكثر عالي        وعالم 
كرامه امن الصمد رب البريّه
.........
اردّد وأستمر حيدر        بسماه
ليعادي خل يظل گلبه    بسماه
منو بلكعبه ولدت مو     بسماه
فاطم بت اسد حرّه و نقيّه
.........
ولائك يا علي دايم           وذكراه      
الاعادي لو نكر فضلك       وذكراه
مثل ورد الصلاه جاهك     وذكراه
بحياتي يا علي صبح و مسيّه
.........
ولائك عالمحب لازم        ومُسلم
العقل بيك اعتقد باقي     ومسَلَم
الموالي امن العده بحبك   ومسلم
يعادونه العِده وبكل الاذيّه
......... 
اليضد المرتضى عُوفه   وخَلّه
فلا ايوالي علي زحمه    وخِلّه
من أصله نقص عنده    وخلّه
فلا اتعجب اذا عاف الوصيّه
......... 
بولادة حيدره فرحه     وسرها  
محبّه بالگلب تبقى      وسِرها 
حياتي بالولايه تظل     وسَرها  
ولائه للأبد حد المنيّه  
......... 
يوم الآخره شينفع      ولا مال
ولاية حيدره بيها       والآمال
موالي معتقد گلبي     ولا مال
فلا الدنيا تغرني بهالقضيّه
......... 
فلا اترك علي بفكري     ولا حَل
ولائي الحيدره تنشد     ولا حل
علي نفسه ابد مَلگه      ولا حُل
إذا عوفه علي صعبه عليّه
......... 
افدي المرتضى عمري    ومالك
يمن تنشد اضحّيله      وما لك
دين المصطفى وفكره    وملّك
علي فضله إلي و هواي بيّه
......... 
خِلق ربنه الخَلَق عنده    وعِلّه 
لجل طـٰـه النبي و آله    وعَلّه  
على جِنّ و إنس حيدر  وعَله  
إمام اعلى الخلق بيها وصيّه
.........
علي بجاها و مقامه هواي   وفضله
من بعد النبي ربنه             وفضله
خليفه و اليضد عندي        وفضله 
علي الاول يظل واعلى البقيّه   


مهيمن يوسف الموسوي
١١ رجب الأصب ١٤٤٥هـ
٢٠٢٤/١/٢٣م يوم الثلاثاء ١:٠٢م

زهيري (موال) بحق الامام علي عليه السلام
مهيمن يوسف الموسوي ١٤٤٥هـ ٢٠٢٤م


الما يوالي علي خسران دينه          وظَل
بالآخره و دنيته كلها سنينه           وظل
حقد و كره بالگلب عنده اليضدّه    وظل
بهذا الأمر مستمر رغم الامر          عالمه
نصّب محمد علي بعده خليفه       عالمه
بأمر الجلاله جعل حيدر وصيّه       علّمه
ولشيعته امن الخطر حيدر حِماها   وظل



مهيمن يوسف الموسوي
١٢ رجب الأصب ١٤٤٥هـ
٢٠٢٤/١/٢٤م يوم الاربعاء ١١:٠٢ص

تجليبة | لوفاة السيدة زينب "عليها السلام"
مهيمن يوسف الموسوي ١٤٤٣هـ ٢٠٢٢م

عني تزيل اهموم ردتك يخويه اليوم
تحظرني اريدك تدفني بيدك
يا عباس يا عباس
............
يا حامي خِدر زينب يبو فاضل
بالشام و صعب حالي ودمع هامل
تدري من اجاني الموت يالكافل
بالغربه منيتي هذا الذي حاصل

يمي ردت موجود ترجع إليه اردود
تحظرني اريدك تدفني بيدك
يا عباس يا عباس
............
يخويه يا كفيلي يا راعب العدوان
يبو فاضل دليلي بس قهر واحزان
تدري يالگمر موتي اجاني و حان
تمنيتك عدل و انته الي دفان
كلها وحشتي اتروح بشوفك تسر الروح
تحظرني اريدك تدفني بيدك
يا عباس يا عباس
............
يا وسفه الزمان اشگد غدر بيّه
بالغربه وكت موتي اجه اعليّه
مو برض المدينة الطاهره هيّه
بديرة للنبي و آله عدائيّه
گبري يكون اهناه بين الغرب وسفاه
تحظرني اريدك تدفني بيدك
يا عباس يا عباس
............
معروفه الذي موته گرب مِنّه
كل غالي يجليه هو يتعنّه
يَمّه كل هله اتودعه ابجي او ونّه
تبقه ابحظرته وما تبتعد عنّه
لاچن أنه وياي قهر و حزن بس جاي
تحظرني اريدك تدفني بيدك
‏ ‏يا عباس يا عباس
‏ ‏............
يبو فاضل تعرفه كل زماني زين
بعّد بينك و بيني وخويه حسين
بالطف يا كفيلي و صرتوا مذبوحين
على الغبره جثث يا بالفضل ميتين
هذا بسبب لأشرار ولمّن مماتي صار
تحظرني اريدك تدفني بيدك
‏يا عباس يا عباس
‏ ‏ ‏............
‏رضيت ابهالامر يصبح يبو النوماس
‏اموتن بالغرب يمّ العده الارجاس
‏ولا يمّي الهواشم لا جميع الناس
‏ولا سبط النبي و انته الگمر عباس
‏هذا الأمر مشهود ‏راح الامل ميعود
تحظرني اريدك تدفني بيدك
‏يا عباس يا عباس
‏ ‏ ‏ ‏............
أرضه مرقدي يصبح وسط غربه
فلا برض الرسول المصطفى و گربه
قله امن البشر لجله يجي بدربه
يزوروني بحزن وبلوعه من كلبه
حالي صعب تدريه گلبي القهر ماذيه
تحظرني اريدك تدفني بيدك
‏يا عباس يا عباس
‏ ‏ ‏ ‏ ‏............




تمت و الحمد لله تعالى
مهيمن يوسف الموسوي
٩ رجب الاصب ١٤٤٣هـ
٢٠٢٢/٢/١١م يوم الجمعة ٤:٢٦م

بحق السيدة زينب "عليها السلام"
مهيمن يوسف الموسوي


يا علي حالي صعب راح اموتن بالغرب
روحي حزينه مو بالمدينه
راح اموتن بالغرب
........
يا وصي المصطفى يا بويه حيدر
من اجاني الموت كل حالي تغيّر
عالاهل يا بالحسن گلبي تحسّر
ابمماتي شگد ردت وياي تحضر
حتى اودعهم أنه روحي متظل محزنه
روحي حزينه مو بالمدينه
راح اموتن بالغرب
........
بت علي وسط العده والله عجيبه
لا أهل يمها وصفت هي غريبه
و الصبر كلي يبويه منين اجيبه
والغربتي هالكلب باقي ابنحيبه
عالاهل ابجي او اون بس قهر عندي وحزن
روحي حزينه مو بالمدينه
راح اموتن بالغرب
........
هالارض بيها جنت آنه سبيه
يا علي وشكد شفت منها أذيه
كيدوني بالحبل كلها اديه
سلطوا كل العده حقده عليه
يا عجب بيها الأجل وبرغم كل الحصل
روحي حزينه مو بالمدينه
راح اموتن بالغرب
........
عن دياري كل عدوي بعّدوني
وبظلمهم يا وسف من هجّروني
حيدره تدري شكثر من روّعوني
بنتك آنه و كلها تدري يعرفوني
عالاذه عندي صبر من الهي هالقدر
روحي حزينه مو بالمدينه
راح اموتن بالغرب
........
يا علي بنتك صبح ضدها دهرها
و المصايب و الحزن كلش قهرها
وبرغم كل الجره عالي صبرها
للصمد رب السمه سلمت أمرها
بس دليلي يستعر عالجرالي ينقهر
روحي حزينه مو بالمدينه
راح اموتن بالغرب
........
الأشد حين القرب مني مماتي
يا علي اصعب حدث مر بحياتي
البشر بس الاذه منهم جزاتي
لا أهل يمي اجو ساعة وفاتي
ما حضر عندي هلي ‏و لا حسين و كافلي
روحي حزينه مو بالمدينه
‏راح اموتن بالغرب
‏........
‏يا علي رغم الاذيه و الرزايه
‏وچم مصيبه لوّعتني بالسبايه
‏صابره آنه على كل البلايه
‏وكّلت أمري إلى رب البرايه
وبمنيتي من اجت تدري هم تلوّعت
روحي حزينه مو بالمدينه
‏راح اموتن بالغرب
‏ ‏........

مهيمن يوسف الموسوي

لوفاة السيدة زينب عليها السلام
لحن نجبر كسرها او كبرك جمعنه / باسم الكربلائي



بهاي الرزيّه البنت الزجيّه كل المجالس هاي
نذكرها كلنه بشدة حزنّه الشيعي يظل وفاي
بحسره و نحيبه بهاي المصيبه
........
حياة الطاهره زينب قهر و احزان
مثلها بالارض ماكو ولا الاكوان
من اول عمرها باجيه باشجان
معروفه بحزن وإلها صُبح عنوان
حگها چم مصيبه من عدوها الخان
خان المصطفى بآله و إله عدوان

شافت مصايب بنت الاطايب من العِده الاشرار
خلّص عمرها بلوعه و قهرها بس الأذه و اخطار
جداً عجيبه بهاي المصيبه
........
شافت بت علي بكل العمر لوعات
طفله و شاهدت جدها النبي من مات
من اول عمرها سالت الدمعات
بهاللحظه بدت تبجي بحزن و آهات
وبلش حزنها بكل حسره ونها لجل الرسول تنوح
موته هظمها و سبّب ألمها عدها الگلب مجروح
يسعر لهيبه بهاي المصيبه
.........
مصيبة فاطمه امها اشد و اصعب
شافت من إجه ضدها العده و يگرب
دفع باب الوصي و ضلع الطهر صوّب
ضلعها منكسر من شافته زينب
ومن ماتت شهيده بس تظل تنحب
گلبها بهالمصيبه من صبر اعجب
اتكسّر ضلعها وصعبه وضعها بنت النبي المختار
شافتها زينب واعليها تنحب تبجي مسه و نهار
آه الغريبه بهاي المصيبه
........
نذكر زينب الحره بدمع سچاب
وشلون اصبرت واعله فگد لأحباب
ابوها المرتضى قتله اشد لمصاب
من راسه انطبر هو على المحراب
وجبهته بالدمه شافت لَمَن منصاب
ومن مات بظلم صعبه تره من غاب

صبح و مسيّه صارت بأذيّه تبچي و دمعها ايسيل
صعبه تفگده حيل و تودّه بحاجة ابوها حيل
منين وتجيبه بهاي المصيبه
.........
وشلون أصبرت زينب على المسموم
اخوها المجتبى مات بغدر مظلوم
چبده منملي بالسم كثر مالوم
تأذه شافته و گلبه قهر و هموم
عجب هالگد گلبها صابر و للدوم
جبل هيه بصبرها و هالأمر معلوم

وبكل مصيبه يعله نحيبه بيه الگلب احزان
لجل الغوالي كل الليالي صارت تون باشجان
صعبه مغيبه بهاي المصيبه
.........
اشد و اصعب على زينب اخوها حسين
بقه وبكربله وحده ينصره الدين
واهل بيته ضحايه عالثرى ميتين
و الكافل تشوفه مگطع الجفين
شبه ميته اظن زينب تهل العين
من شافت اخوها منذبح خذاه البين

راسه تشوفه وصعبه ضروفه من الشمر مگطوع
برمح الأعادي بكل البوادي راس السبط مرفوع
يَمّه قريبه بهاي المصيبه
........
زينب هالجليله الطاهره بيا حال
من راحت سبيه اوي العده الأنذال
على انياگ الهزل تصعد تشوف اشكال
يالجانت فلا احد نظرها اخيال
متجتفه العقيله يا وسف بحبال
وعلى كل الأهل منها الدمع همّال

عالي صبرها بهذا أمرها بين الاعادي شلون
اهل الخيانه وبلا أمانه صعبه عليها تكون
حاله رهيبه بهاي المصيبه



مهيمن يوسف الموسوي

نصاري للسيدة زينب عليها السلام
مهيمن يوسف الموسوي ١٤٤٥هـ ٢٠٢٤م


إجاها الموت زينب و الدمع سال
تذكر كل اهلها باصعب الحال
..........
سنه ونص من بعد موت الأحبّه
إجه ليها الأجل و زداد قربه
فلا عباس حاضر وشلون صعبه
دمعها اعلى الاهل هاليوم همّال
..........
صعب هاليوم و شحال العقيله
جسدها امن القهر مهدوم حيله
تذكر طف كربله ابدمع اتسيله
وضعها نوصّفه صعبه ينگال
..........
زينب يا حزنها و القهر حيل
منها والدمع وهواي ويسيل
غريبه بالغرب وسفه والف ويل
قهرها بالگلب من هاي الأهوال
..........
بارض بيها السبي چان وقهر و آلام
آه امن الغرب يا ديرة الشام
على الحره العقيله اصعب الايام
عدوها وبحقد من زينب و نال
..........
اخوها حسين ماكو بهالأمر و الصار
تمنّت لو گصدها إبن لأطهار
لاچن ونچتل من أخسه لأشرار
عدها وانتهت من راح لآمال
..........
زينب بالمنيّه بيا وضعها
حسره بكل گلبها عالفجعها
لحد آخر نفس تهمل دمعها
مصايبها شكثر منها الفرح شال
..........
مصيبة زينب الحره شكبرها
من جاها الأجل يقهر أمرها
لأهل ماكو إجو بآخر عمرها
صبرها اعلى الحزن والكربله طال
..........
تموت الطاهره بنت الزجيّه
بارض جانت إجت ليها سبيّه
وشلون الأمر صعبه القضيّه
عدوها بالشماته بهالأمر گال
..........
اصعب كل حدث مر اعله زينب
مقهوره و ألم و بحسره تنحب
اهلها بالدفن و بهاي ترغب
لا واحد بقه منهم فلا ضال
..........
تموت الطاهره ومنها تهل عين
على الكافل اخوها والولي حسين
وبطف كربله هالأخوه ميتين
وصبرها عالقدر عدها فلا مال


مهيمن يوسف الموسوي
١٤ رجب الأصب ١٤٤٥هـ
٢٠٢٤/١/٢٦م يوم الجمعة ٦:١٢م