قصيدة بحق الامام الكاظم عليه السلام


والله حيرة   لا اهل حظروا ولا حظرت عشيرة
والله حيرة   اللا رشيد يشـــــوفك بعين الزغيرة
بالسجن يالكاظم وحيد  عن اخوتك واهلك بعيد
والله حيرة   والله حيرة
________
هــــــــذا ابن ســــــــيد البشر   وابن الزچية
ماكو مثله اعـــــله الارض   بــــــين البرية
بالسجن مايدري صبحه   من المسية
ليش وي موسى ابن جعفر   هالاذية
يا هظيمة..موسى من سجن لسجن خلص حياتة
يا هظيمة..محد اتشاهدلة من حانت وفاتة
ياكَلب لمصابك ايهيد   عن اخوتك واهلك بعيد
والله حيرة   والله حيرة
________
وحشة واغلال وحديد   وسجنه خنكَة
النفـــــــس كَـــــوة يجــــرة   بريـــــــتة شهكَة
وين ما دارت عــــــيونة   وحـــــــشة يلكَة
مو سجن حكَة الخلافة  وغصب حكَة
من سجنتة..ما خفت ياطاغي من الله وحبيبة
من سجنتة..بالقصر انته وسجن موسى عجيبة منك الملعون شيريد   عن اخوتك واهلك بعيد
والله حيرة     والله حيرة
______
ظاعت اخبارة وبعد   محد يشوفة
الشيعة مهمومة وتناشد  عن ظـــروفة
الكَلب جرحة بغيابك   مــن يـــــروفة
خايفة كَلوب التحبك   والله خوفة
صعبة حالة..السلاسل من يناجي تاكل ايـــــــــدة
صعبة حالة..وين هاشم ماتجي بحملة شديدة
تفزع لموسى هواديد   عن اخوتك واهلك بعيد
والله حيرة    والله حيرة
_____
عالجــــــــــسر ظلت جـنازة  وناعي ينعة
هـــــــــــــذا امام الرافضـــــية  من يــــــشيعة
الطيب أبن الطيب اصله  حيرة وظعة
مات مســــــــــــموم بغـــربته  ايريد فزعة
خل نشيعة..كَوموا يا شيعة وتعنوا الكاظمية
خل نشيعة..نشيلة عالهامة واله نقيم العزية
بكل سنة نجدد مواعيد  عن اخوتك واهلك بعيد
والله حيرة     والله حيرة
_____
هوه تچــــوتنا وذخرنا  والنة مسند
شلـــــون باب ورحمتة   بابة ينـــسد
ظلت بكيفة ابو طلبة   المارد احد
شيعتك افواج اجتك   وانت مقصد
يا ابو طلبة   يا طبيب لكل مرض من الله نعمة
يا ابو طلبة   الله نـــــــزلكم لهاي الامـــــــة رحـــــــمة
مايفيد ويانة تهديد   عن اخوتك واهلك بعيد
_____

أسالكم الدعاء رائد الاسدي

https://hottg.com/moohamd9

https://hottg.com/moohamd9

باچر كلنه بالمحشر
امانة موسى ابن جعفر
..............
باجر من يصير احساب كل الوادم اتحضره
توگع عالسراط الناس باچر كلها متحيره
بس الشيعي ما يرتاب لا يتحير ابأمره
موسى الكاظم ايلاگيه من هالمأزق ايعبره

امْن يَمه لاتحتار 
جلدك ماتمسه النار
بيده ايعبرك المعبر
...........

باچر بالگبر مولاك تلگا قبلك اينطرك
معصوم ويزورك راح جنه ينحسب گبرك
عن هالليله والوحشه الكاظم باچر ايصبرك
ما ينساها الك والله لطمت وجهك اوصدرك

هنيالك اذا معصوم 
يحضر گبرك بهاليوم
امن بالقبر يحضر 
............
امن بيده كلشي وروح اضمنلك ترد سالم
انته بصاية المسموم عيش ابنعمة الكاظم
من تگصدله بالحاجات ما ترجع ابد نادم
ربك للشدد خلا باب الحاجه للوادم

امن ما تضل وحدك 
تلگه الكاضم بسدك
كلشي بزوده يتيسر
.........
لو جار الزمن وياك لو كثرت مأسيه
روح اگصد اسد بغداد واشكي المعضله ابْفيه
الكاظم مايرد محتاج يَمه الحاجْه مگضيه
للذريه باب امراد  فاتح ينطي ذريه

يمسح دمعك ابچفه
الكاظم صاحب الكلفه
اتمسك بي فلا  تخسر
.........
علتك صعبه من اتصير  احذر بالك اتملها
التصعب على الدكتور عدنه الكاظم ايحلها
لا تشكيله عن البيك هوه الوحده يندلها
يگضي الحاجه والعباس بس العتبه توصلها

تكضي اوداعت الزهره 
بس تدخله بالحضره
الكاظم ينجد المضطر 
.........
اخدم وامشي واللطم دوم وابچي وانحب هوايه
بلكي بدفتره يخليك وي جوگة المشايه
ينطر كل سنه المسموم شيعه تزوره وفايه
الكاظم ما يرد محتاج يتنعاله بالرايه

ربك رازقك خدمه 
لازم تشكر النعمه
بهاي الخدمه ماتزغر
.........
#عباس_هابيل_الزينبي
#الليالي_الكاظميه



https://hottg.com/moohamd9

https://hottg.com/moohamd9

لطميه للأمام الكاظم عليه السلام( هاكم دمعتي )


هاكم دمعتي وياكم اخذوها
يازوار للمسموم ودوها


هاكم عبرتي وهاكم دمع عيني
مريض وبس دوه الكاظم يشافيني
لا مهضوم لا حاير يخليني
هالچلمه السبع بغداد وصلوها


وصلو چلمتي ومهضوم گلوله
بس هوه اليعين الطاحن احموله
ادعولي بضريحه لو وصلتوله
بعد عندي وصيه موش تنسوها


وصيه السيدي ومولاي اوديهه
اگله اقرايتك للموت اسويهه
اذكر حال معصومه واعازيهه
والعدوان من سموك فجعوها


فجعوها العده وصبحت مفجوعه
حزنان الرضا ومهدمه اضلوعه
ليش ازيارتك بالسجن ممنوعه
حتى ازيارتك عالناس منعوها


گالو مانخلي واحد ايزوره
لا بيها هوه ولا ضوه الطاموره
بنتك من تهد الحيل معذوره
تجيك اليوم والشيعه ايتلگوها


معصومه تجيك اليوم تعبانه
اتگوم اتعينها الزوار عوانه
تمر اعله السجن تنشد الزنزانه
ابوي اجنازته ياكتر شمروها


ابوي اجنازته ياكتر مرميه
اجينه انواجهه ونسامر شويه
صعب فرگاه راوانه المهضميه
بس اعمامته للدار جابوها


✍شاعرة اهل البيت
العلوية هجران الياسري
بنت المله ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر





https://hottg.com/moohamd9

https://hottg.com/moohamd9

اتوفر مايك السنهايزر الالماني الاصلي 👍
#منو بعدها مااخذت منه 😳

يرهم لجميع الاصوات ينطي فخامة للصوت
كأنما هندسة صوتية
مفيد جداا للملاية الي صوتها ناعم ينطيها خشونه وقوة

اتوفر بعدد جدا محدود انوفره حسب الطلب فقط

يسمى مايك الرواديد 🔥






للطلب والاستفسار التواصل عبر المعرف التالي 👇👇👇 اضغطي


@amallakpaer_bot



قناة خاصة ببيع اجهزة جديدة حصريا واكو مستخدمة للملايات
وكتب قديمة وكل ما يخص الملايات

https://hottg.com/ajhaza_mostakdama

اسم القصيدة : عينج عليه
اسم الشاعر : #وسام_الشويلي
اسم الرادود : #محمد_الجنامي
المناسبة : ليالي الفاطمية 1446
المكان : هيئة درة علي | ميسان

🏴🏴🏴🏴🏴🏴🏴🏴

عينچ علينه فاطمه و نـطـلـب دعائچ
خدامچ و رغم الجرح ننصب عزائچ
غـايـتـنـه لـنجوم السمه نـرفـع لوائچ

🖤🍃🍃🖤🍃🍃🖤

يالزهره انتي .. خيمتنه صرتي
اي والله يا ام الحسن ما عدنه غيرچ
ابحبچ ڪبرنه .. بيچ افتخرنه
جـبـنـه العمر يـا فاطمة ننعم بخيرچ

كل ما گصه اويانه الزمن كل ما كثر همنه
بـيناتـنه ايصير الحچي خل نگصد الامنه
ابـسـدچ نـلوذ و نـحـتـمي مــن الــيـألـمـنه

ألـنـه الرزايا مـن تجي و تنزل علينه
نتنخه بسمج فاطمة و انتي الحنينه
نلگاج يمنه و عالجرح ينزل دوائچ

🖤🍃🍃🖤🍃🍃🖤

ابغيرتنه صحنه .. ابـنـائـچ احنه
مـا بـعـنه ذمـتـنـه و لا عـفنه العقيده
يا بت محـمد  .. واقعنه يشهد
و الحرب هاي المعلنه ضد الصميده

خدامڪم احنه نظل ما نخدم المحتل
و الصيحه يا ام الحسن لا والله ما ننذل
بـس الـنـريـده نظـرتـچ يـالـبيچ نتوسل

نتحمل احنه الخاطرچ و اتحملينه
و الـغـيـر بابـچ فاطمة لا ما مشنه
متعودين ابكل و كت ناخذ عطائچ

🖤🍃🍃🖤🍃🍃🖤

قصتنه ضـلـعچ .. حرگتنه دمعچ
و بـسـمـار البـضلعچ سبب ڪل الرزايه
و هاي الجرايم .. ضدچ يفاطم
و الـنـاصـبـي وي الـخـيبري شايله رايه

الڪسروا بـابـچ فاطـمة وبيه ضلعچ تڪسر
هـسه ولـدهـم بـالـحـرب دافـعـوا عـن خيبر
تيكرهون كل و احد شهم بيه ريحه من حيدر

چم ناصبي ضدنه وگف ويه اليهودي
وهذا ابن مرحب اجه يهدد و جودي
هيهات نخضع يالسرت بينه دمائچ

🖤🍃🍃🖤🍃🍃🖤

انـتي ذخرنه .. مـنـچ نصـرنه
و الصبر مفتاح الفرج واحنه صبرنه
انريد البشاره .. لهاي الغياره
و انريد بأسمچ فاطمة نعلن نصرنه

ابسوح الحرب عـند الزلـم يالزهـره وفايه
عـالـسـاتـر وبـيـن الـرمـي سـوولچ قرايه
و ان شاء الله بـقـوة علي ما توگع الرايه

صـيـحـاتـهـم بالمعرڪه لبيكِ فاطم
وابهاي شدتهم يجي و يحضر القائم
اتحيينهم يأم الحسن و انتي بسمائچ

🏴🏴🏴🏴🏴🏴🏴🏴🏴




https://hottg.com/moohamd9

🎤المايك الشور الذهبي🎖
المميز عند الرواديد 🔥

مميزاته ينطي صوت نقي جدا


اتوفر عدنه وبأسعار مناسبة
مقارنه بباقي الاسعار ✅





للطلب والاستفسار التواصل عبر المعرف التالي 👇👇👇 اضغطي


@amallakpaer_bot

مقدمة للامام الكاظم ع
.
.
.

مهـدويه المــدامع .. كاظمـيه المــواجع
وتضـل وَنــتنه ونــه زينبــيه
***

الليله چــن عـاشـور حـل وكــله اهات
الليله مو بس الارض تبچي السماوات
الليله نبچي اعيـون لامانبـچي دمعات
الليله مــو مالــت لطم بل مـال قامات

مرجعية حچينه .. مرجعية بچيـنه
المشت ياناس عالناگه سبيه
***

الليله كـون ادموعنه چـنــهـن خناجر
الليله ابن جعفر غفه ابحـظن الـمقابر
الليله  تشـبه ابـو كربلاء بيوم عـاشر
الليله بيهــا اگيــود مابـــيها حـــوافر


للجسر من مشينه .. للجـسر وشلـگينه
جنازه امگيده ابگيـد المــنيه

***

بينه نـــار ونــار لامــــاتطــفـي تســعر
بينه شــوغه وهــاي كل ماجــاها تكبر
بينه حسره الفاجعة موسى ابـن جعفر
بينه الله اليـدري يــومــه شــلون أثــر

محــنته مــو قليله .. محنته اشگد ثگيله
ونضل الها نون صبح ومسيه

***

بينه من طـف كربلـه واحـزان زينــب
بينه چـن خـيـمة عليـل ولـسـه تلهب
بيــنه بـس الـحــزن وحـده ماتـسـلب
بينه حـرگه عـالـذي بـسـجـنه تعــذب

وسفـه نـور الامـامه .. وسفه عاش ابضلامه
مثل عمته ابظلام الغاظريه

***

تبقه تجري عالگضه مسمـوم كل عين
تبقه يمــه امگيـده اگلــوب الـمـوالين
تبقه ريحـة كـربلـه بــرض الجــوادين
تبقه جمـراته مثـل جمـرات الحـسين

إي وحق العلى التل .. إي وحـق التـكـفل
على الكاظم مدامعنه جريه

***

تبقه هــاي الفـاجـعـه محفـوره بالراس
تبقه عالمـسموم تبچي وتنةحـب الناس
تبقه بينه امصيبته شهگه ويه الانفاس
تبقه اي والـذي نـاحـت علــى العــباس

والـذي سلـبـوها .. والذي فرهدوها
على المسموم منبـطل العزيه
____
حيدر تركي الكربلائي





https://hottg.com/moohamd9

المن هالجنازه اوين اهلها
ظلت عالجسر محد حملها
:::::
المن هالجنازه وياهو المات
ماكو صياح يمها وماكو هوسات
كلت ما عنده اهل معقوله هيهات
گالو هذا ابن سيد السادات

دمعات النبي لموسى يهلها
:::::
ظلت عالجسر مطروحه يا ناس
النبي هذا المسه مجروح الاحساس
مو عالمتن خل  تنشال عالراس
تنباس النعم جا ليش تنداس

جنازة موسى فوك الرأس خلها
:::::
ندري الي يموت يريد خوان
يشيلون الجنازه وتمشي دفان
موسى بلا اهل واليمه سجان
ثلث تيام ظل يشبه العطشان

موسى جنازته محد مثلها
:::::
وين الرافضيه وخل يحضرون
يم موسى ابن جعفر يلطمون
يا مسموم خليهم ينادون
من الدمع ما ترتاح العيون

حلال الشدايد خل يحهلها
:::::
اسد بغداد هاي الليله مسموم
ثگيله السلسله وما يگدر ايگوم
گضه عمره بسجن ملچوم مچلوم
وين الي يوصل لهله الاعلوم

وين بيت النبي ويرجع شملها
:::::
الفرج بالجمعه گال وتحسب ايام
الشيعه من الفرح ما تگدر تنام
گالت كلها راح تصير الأحلام
لكن بالخبر فجعوها الإسلام

الشيعه من الدمع محد سألها
::::
علي جبار الكعبي
الفاتحه لوالدي



https://hottg.com/moohamd9

انه الكاظم المسموم تدروني
غريب وعالجسر مطروح خلوني
***
ايدي امكيده والكيد بجدامي
ومن سجن السجن كضيتها ايامي
الفرح ما مر عليه حته بحلامي
بدمع ومتون يا شيعه تلكوني
**
جوه الكاع سجني وكلش اظلم جان
وصلت المرحله ما اسمع الاذان
اريد اخذ نفس ما يقبل السجان
اموت واخلص امن الدنيه خلوني
**
انه الكاظم وضاع الهوه عليه
ولهسه اسياطهم الهن اثر بيه
ياربي الفرج كمت ادعي يوميه
بيوم الجمعه اريدنهم يشيعوني
*
من اسجد جنت معروفه سجداتي
وابد ما تنمسح من خدي دمعاتي
جذب ماكو بشر يحمل معاناتي
كظمت الغيض والكاظم يسموني
**




يا شيعه المصايب غيرت شكلي
الي مكتوب اموت بعيد عن اهلي
كلها تصيح يمته نشوفك اتكلي
يتامه وعالجسر ضلو يتانوني
****
من طبع اليروح بعيد ما يرجع
غريب وجبدي والله امن السم اتكطع
شفت روح السجن وي روحي اجت تطلع
وصحت اشلون بس اربعه ايشيلوني
*
انه الكاظم وذاك الالم عشته
وظلم هارون يا شيعه تحملته
عيني مساهره والنوم ما شفته
وبقعر السجون اسنين عافوني
****
تمت
تحسين الخفاجي

https://hottg.com/moohamd9

رحلت الضعن 

راح اروح ومحتمل روحه طويلة
خل بالج بويه فاطم يالعليله

ــــــــــــــــــ 
الحسين 
انطيني اودعج بويه خل امشي بسفر
ما اخذتج لان وضعج في خطر
يا حياتي المهم صحتج يالنظر
حالتج من تستقر قلبي استقر

المسافة بنيتي ابد لا مو قليله
خل بالج بويه فاطم يالعليله

ــــــــــــــــــ 
العليلة
خلني امشي وياك ويروح الالم
افرش مصلايتك وكت العدم
لو اشيل بجفي من عمي العلم
لو اسلي اختي تره قليبي انجسم

عالمريض الرحلة بويه مستحيله
خل بالج بويه فاطم يالعليله

ــــــــــــــــــ 
الحسين
ياحبيبه قلبي اريدج سالمه
يالعزيزه المهم انتي الغانمه
اني سميتج على امي فاطمه
قلبي بويه اعليها ضل ينزف دمه

جنه اني وياها خل وياه خليله
خل بالج بويه فاطم يالعليله

ــــــــــــــــــ 
العليلة
مودع الله بويه يا وجه الغسق
دزلي مكتوبك لان ابقه بقلق
خايفه اعليك اني من شر ماخلق
بويه محروس ابسم رب الفلق

وبأسم طه وعلي وانته سليله
خل بالج بويه فاطم يالعليله

ــــــــــــــــــ  
الحسين
ادري بويه الفگد مر ما ينجرع
لاتخافين اعله ابوج من الوضع
نشفي دمعج لا يهل بيه الدمع
لو بجيتي ادري مثل بجي الشمع

كفي نوحج لان دمعاتج ثقيلة
خل بالج بويه فاطم يالعليله

ــــــــــــــــــ 
العليلة
راح تبقى اعيوني تنطر اعله الدرب
الفكد بويه أمر كلش صعب
يا لوداعك نار جن نار الحرب
راح اضل بعدك انوحاً وانتحب

شوفتك هيه الدوه الماكو مثيله
خل بالج بويه فاطم يالعليله
ــــــــــــــــــ 
الشاعر زين العابدين الشمري
تمت ببركة مولاي الحسين
رحلة الضعن
١٤٤٦ هجري




https://hottg.com/moohamd9

خروج الضعن

شور وگفه

كلحـــنه نمــشي وكلنه ما مرتاحــين
هاذه الدرب يمكن خطر بي يحـسين
شتگول نرجع لو نكمله
وانشالله ردتنه ســـهله
كلحنه نمشـــي وكلنه ما مرتاحـــين

َاوگـــف خـــلي نتــرايه يبن أمي على هـــونك
أشوفك علسفر مسرع اشوي ريض اضــعـــونك
چنك تدري راح اتموت ليش امغورگه اعيونك

چنك تدري يحسين _ ضعنك دربه مو زين
وتدري بالمصيبه
علهونك سولف وياي _ ليش مگابل الماي
دموعك سچيبه

شصاير يروحي وشتگوليـــن
من كون اخوتــچ كلها عدلين
چا ليش اصفر وچها وختاض
ويتنوع النه ويبــچي الحســين
000 000000000000000
اضلم دربنه ونوره وجه العباس
يمه العبايه مخدره وما تنچاس
يختاض لو بيها ترابه
بس لا تدمرها الخرابه.؟
يمه العبايه مخدره وما تنچاس

مايرضه تميل النوگ اخوي محافض علينه
ما يجرح مسامعنه  علكيفه من يحاچينه
اجينه مخدرات اوياه واضن غيره اليرد بينه

سولفلي عله الضعون _ تره بناگتكم ام عون
عزيزه امي اني
خو ما تعثر النوگ _ تره اختك صاعده فوگ
ومعزز مچاني

سولفلي نوصل يمته لهناك
بروح امك ارد ابقه اني وياك
مافارگك تدريني يحسيــــن
بس انت عندي وماكو فوگاك
00000000000000000000000000
الناگه العليها اني تفرق بالنوگ
تنزلي واصعد ما اتعـناها الفوگ
يثنــــيلـي عباس ابركبته
واصعد عليها مدلل اخته
وبس علزينب لفة الشيله تلوگ

نمشي ونستراح انوب خاف انتعب الخدّر
وعباس النفل علنوگ شايل رايتة ويفتر
خايف ناگه بيه اتميل لو ناگه بضعن تعثر

يسولف ويه الحسين _ اخوي وگرة العين
ويـــّأشر عليه
وزعل ببن الفحل لاح _ ويصفگ راحه علراح
اضن امشي سبيه

ارد انزل انشد غيرة ام عون
عن تالي اخوتي وتالي الضعون
ويستعجل العباس ويروح
ما گلي بالطف غربة يبقون
0000000000 000000
مدري شجرالي وگتله خوي الوفاي
عطشانه اريدن خويه شربه من الماي
وعيونه دمعت من نخيته
وتبــــللت طارف لحيته
ما ادري بالطف ما يضل كل سگاي

من كتله العطش عباس دنگ وختنگ وحتر
وراسه من. الزعل گب نار ودخن ورتعد واحتر
ستغـــفر ربه حته ايهيد ودنگ هامـــته و كبّر

كتله حچيلي عباس _ ليش مهبط الراس
سولفلي وحچالي
گال ام عون الضعون _ باجر غربه يحدون
بنسواني ودلالي

منه وگلت ما يبقه الحسين
ومن عندي طاحت دمعة العين
مادام اشم گال العذب لاااا
زحمة انتي اخت عباس تبچين
0000000000 000000
علي ميــــــــران




https://hottg.com/moohamd9

مهدينه    يامهدينه

انته الأمام المنتظر
ميلادك ايكحل النضر
يالبيك غيره من الگمر
بالمولد التمينه

انهي الزچيه ابمولدك
نسعدها جينه اونسعدك
انصار كلنه انعاهدك
مولدك ماناسينه

هذا الفرح كله الك
يالنورك امضوي الفلك
ياشمعه يايوسف هلك
يالشخصك امتانينه

يالمهدي جينه نحتفل
عشاگ منك مانمل
يالمولدك لم الشمل
والشوگ زايد بينه

يالساكن بنص الگلب
كل جمعه نربي اعله الدرب
مولانه اوفراگك صعب
مانحتمل تدرينه

الشاعر
ابو عبدالله الشمري

أفراح


يـمـتـه الفـرج يالغالي      يـهـتـف نـبـض دلالـي
ياحجت الله الموعود      رسـمـك يعـيش أبالي

                     🌷÷÷÷÷÷÷÷÷🌷÷÷÷÷÷÷÷÷🌷

يالساكن بدلالي بس نظرتك ترويني
بمولدك يامولاي افـرح وكحل عيني

مشتاگه عيني اتشوفك     وافـرح واقبل اچفوفك
يا أغله وأجمل معشوگ     بـيـك الـفـرح يـحـلالـي

                     🌷÷÷÷÷÷÷÷÷🌷÷÷÷÷÷÷÷÷🌷


أتنطرك يالموعود گلبي المجيئك ضامي
تدريني أني الولهان وأتخيلك بـحـلامـي

ألليله اجـمل ألليله        بـيـك الگلب ترتيله
شعت انوار الميلاد       طـيـر الـسعد غنالي

                     🌷÷÷÷÷÷÷÷÷🌷÷÷÷÷÷÷÷÷🌷

حبيتك وما أنساك يالمهدي وألله الشاهد
يـجـدد أبـمـيـلادك هـذا أنـتـظاري معاهد

تـنـبـض محـبـتك بيه     وأبـقـه انـتـظـر للجيه
حنيت الك يالمحبوب     أتـمـنـه تـنـظـر حـالـي

                     🌷÷÷÷÷÷÷÷÷🌷÷÷÷÷÷÷÷÷🌷

أتغزليت أبطرواك وعيني تصد لدروبك
أتـوسـلك وترجاك ترحم گلب محبوبك

الخليت أثر بعيونه       أسأل عليه اشلونه
طال البُعد يامولاي       منك خبر ما جالي

                     🌷÷÷÷÷÷÷÷÷🌷÷÷÷÷÷÷÷÷🌷

✍خادم الامام المهدي
الشاعر رعد الجريخي

لطميه مربعه لسيده زينب عليها السلام تنعى فاجعه فقدها المولى بي عبد الله الحسين علية سلام
================
صعب يحسين يومك ما احملنه
كضت كلبي وعمتني جرت الونه
===
اسولف حسرتي وهموم دلالي
واصد للبيت يوحش عكبك وخالي
بنيران المفارك غيرت حالي
احتام على وجهك وارد المحنه
===
صفت  بجفاك روحي حيل مالومه
يجيني اليل كلبي يفيض بهمومه
صعب فكد الاخو وما ينحمل يومه
ائيسني زماني وكاطعه الضنه
===
بيتك من اطبله يكثر ونيني
اصد ليتامك وحسرات تلفيني
بعد عيني يخويه لاتخليني
بنيران الحزن دلالي يتسله
===
عميت عليك من يوم الوداعيه
واحن لشوفتك يمته ترد ليه
صدك ضالم زماني وما رحم بيه
فراكك سل دليلي وبلكلب عله
===
وين ايامنه خويه مشت عنه
وخلت كربلا بروح الف ونه
ايتام وحرم من الهضم متنه
مامله عليكم حزني ما مله
===
كسر ضهري الحزن وبيضت عيوني
اتوجه بكومتي ومحدبه متوني
احن الكم يخوتي وضيعيتوني
عماني فراكهم يلبيكم اتعله
===
تمت بحمد الله تعالى بقلمي ✍✍
شاعرة وخادمه اهل البيت عليهم السلام ملا زينب الطويرجاوي ١٠ ٤ ٢٥ ٠ ٢

السلام عليكم ورحمه الله
على بركة الله
سوف انشر لكم 1000 قصيدة لبرنامج محرم1447 على الرابط👇👇

https://hottg.com/aabas78

جهاز راقي وقوي جدا للملايات 🔥


@amallakpaer_bot

اكبر قناة على التلكرام لنشر القصائد الحسينيه
تم نشر 100 قصيدة لبرنامج محرم1447 على الرابط👇👇

https://hottg.com/aabas78