365 يوم مرت بلطف الله وستره وعطفه علينا ونحن المقصرين المذنبين الغافلين،أيام بلغ فيها الخوف ذروتو وأنيننا أكمل طاقتو،أيام بكيناها وصبرناها واحتسبناها في ميزان حسناتنا ومكفرات لذنوبنا،أيام قاسينا فيها مر النزوح والفقد والآلام لكن رحمة ربنا ما وقفت ولا انقطعت عننا يوم،بطريقة ما نلقى الامور اتدبرت واتيسرت،بسط لينا الخير في كل الاقات،واسانا في اصعب اللحظات،واسانا بسماع اصوات الاذان الكنا بنسمعها من اسبوع لاسبوع بسبب قطوعات الكهرباء،واسانا بالقرآن وطمأنينة أياتو،واسانا بسماع اصوات الناس البنحبهم والبنتصل عليهم مرة اول اتنين في شهور كتيرة بسبب قطوعات الشبكة،واسانا بشوفة اهلنا البجونا زيارة بعد شهور بسبب الشوارع المقفلة والخطيرة،واسانا برمضان الجانا ونحن بعيدين عن بيوتنا بس فرحانين انو بلغنا صيامو وقيامو،واسانا بالعيد السعيد رغم الحرب والبعد،ما خلانا يوم نحس اننا برانا،حاوطنا بأمنو،منع مننا حاجات كتيرة بس عوضنا بالاكتر منها،ثبت قلوبنا في لحظات يجن جنون الواحد فيها،ستر عيوبنا وهدانا لحاجات كتيرة كنا غافلين عنها، ما صرف عننا رحمتو رغم تقصيرنا وسرافنا في امرنا،نحمده في السراء والضراء حمدًا يبلغنا به منازل الحامدين🤍.