TG Telegram Group Link
Channel: الشاعر محمد العقابي
Back to Bottom
وصار الليل ولتمن بواچي و أوف
مابين السهر والخيل والگاع اشترها الخوف
اوكلشي امكشف أمن حسين
لحد أخر وجع فوگ الرمح مكشوف
اومابين الچثث والروس هلبت خلص دور الدم
ويهلبت واحد يشيل العطش والهم
ويهلبت سالفه اتبرد اجروح احسين
وتخلي الضعن يلتم
خلص دور الهوه وتكاثر الدخان
بس ضلت اهدوم حسين زينب لازمتهن بيدها وتشتم

#محمد_العقابي
رِدْتَك تــشرَب مــاي إو تِرجَع
ماردتـك تِرجَـــع مَنحُور
ماچنت ادري الطَفْ بي واحد
يِذبَح واحد سِت إشهور
-------
وديتك إمن المَـهَـد للماي مو للسهم
حسبالي تِشرَب عَذِب ماي إو ترِد للخِيَمْ
تالي إبسَهَم حرملَه ابنَحرَك شِرَبت الأَلَمْ
و أزغَر شَهِيد أصبَحِت و أُمك گَلُبها إنثِلَمْ

وَدِيتَك تشرب مو تِذبَل
والدم بگماطك منثور
ماچنت ادري الطف بي واحد
يذبح واحد ست اشهور
-------
عبدالله چنت أنتظر ترجعلي متأمِلَه
ماكو اعله نحرك جرح وإشفافك امبلِلَه
امنين إجاك السَهَمْ و إمنين إجَتْ كربله
كُون الله يالمِنذِبِح ياخِـذ عُـمُـر حَرمَلَه

ياريت الحط سهمه ابنحرك
چف أيده الصابك مبتور
ماچنت ادري الطف بي واحد
يذبح واحد ست اشهور
-------
لو ادري هِيچ العذب يحرمني من شوفتك
ما شِلتَك إمن المهد خليتك إبنُومِتَك
إشمدريني يُمه السهم يِستَطمِع ابرگبتك
حسبالي ماي النهر يِتحَصَل إِلشِفِـتَـك

إشفافك ماضاگت كل گطره
والماي اصبح مامعذور
ماچنت ادري الطف بي واحد
يذبح واحد ست اشهور
-------
عبدالله عمرك خلص يُمه إو مكانك بُرَد
وانه ابمكانك بعد يُمه شَـحِـط بالمَهَــد
شِيعَوِضْ اليِنوِخِذْ من عدها ابنها بعد
إو كل أم يـ يُمَـه تره عدها عزيز الوَلَد

ضلمه الدنيا ابعيني اخلافك
وخلافك ماشفت النور
ماچنت ادري الطف بي واحد
يذبح واحد ست اشهور
-------
يمه الدللو إلك صعبه عليك الجرح
وانته ازغر إمن السهم ماكو اعله گدك رُمِح
معقوله واحد عُمُر سِتْ اشهر إو ينذِبِح
ما أدري هِيچ الوَكِـت بالطف أبد مو سَمِح

أول مره يضل كاروكَّك
يِشبَه گلب امك مكسور
ماچنت ادري الطف بي واحد
يذبح واحد ست اشهور
-------
عمرك اقل من سنه إو مُوتَك ولاينعقِل
مِتمَنِيَه مُوتَك الي وأنته ابمكاني عدل
يُمَه الجَرِح والعطش صعبه اعله گلب الطفل
واني ادري حر السهم يايمه ماينحمل

شمسوي وهيچ ايذبحونك
يوم العاشر من عاشور
ماچنت ادري الطف بي واحد
يذبح واحد ست اشهور
-------
يافرحة امك چنت واصبح غيابك حِزِن
من مهدك البي دِفُو خَلفْ الخِيَمْ تندفِن
إو مِنْ بين إدَيْ للگبر والگبر مابي حِضِن
و إخلافَك آنه أصبَحِتْ يايمه دمعه ابچفن

مو بالگاع اتمنيت أني
ابگلب امك گبرك محفور
ماچنت ادري الطف بي واحد
يذبح واحد ست اشهور

-------
#الحاج_باســم_الكربلائي
#الشاعر_محمد_العقابي
مات حسين
بس بالله حباً مو أبغير اوجوه
بس ضل العطش مكروه

#محمد_العقابي
مر بيه طيفك ليله

*أداء الرادود : #مدين_العياشي
*كلمات الشاعر : #محمد_العقابي

https://youtu.be/gdhNXdzcg9c
عزاء قضاء الشنافيه المركزي
ليلة 5 محرم الحرم 1444
كضينه اسنينه امراكض تعب وذنوب

عفيه اگلوب ولا مره اشتهينه انتوب

ولامره حسبنه احساب باچر تخلص الدنيا

ويصبح موتنه اعله البوب

كلمن ملتهي ابروحه

ولا ندري النفس محسوب

هلبت بيه واحد لـ لله مامطلوب

#محمد_العقابي
معَ الزّهْرا مِنَ الذَّرِّ
وَأرْجُوها إلى الحَشْرِ
-
الحاج ‎#باسم_الكربلائي
للشاعر #محمد_العقابي

هذا اليله | ليلة ٧ جمادى الآخرة ١٤٤٤ هـ

حسينية ديوان الكفيل (عليه السلام) #لندن
#الليالي_الفاطمية | #الفاطمية_الثالثة
كلما رادو ايضموك ماترهم
اشوفك بالعكس تكثر اشما تنضم
يالمبين ابگد الشوف واذا چان السجن اضلم
چنت أنته الوطن والدنيا طاموره
وهذاك أنته عزيز الله وصعوبه اتعيشلك ويه السجن صوره
يبو گلب الحنين ومنشلع گلبه
چذب مثلك شفت بالناس واحد ملتهي بربه
عمر خلصته بين الماي والتربه

عظم الله اجورنا واجوركم بستشهاد باب الحوائج موسى ابن جعفر ع
باچر ماكو أنه ابخير ..كلمن يوگع يگلوله راسك وين
اوباجر ماكو واحد ينذبح بعدين
اوباجر موسهل وابكل شبر بالگاع تلگه اشويه من احسين
اوباجر ماكو حل للماي والعباس واحد مايصير اثنين
اوباچر واضحه الموزين يتشمت ابجرح الزين
اوباجر كل سهم زينب اطلبه ابثار تتحسب السهم العين
اوباجر كلها تصرخ أخ والدم يركض بهمه
وباجر كلشي ويه حسين يبقه محزم ابلچمه
اوباچر عالرمل موسهل شي ينشال .تبقه مطشره النعمه
اوباچر گوه زينب تشتري النسمه
اوباجر يعرگ التاريخ بس يبقه العطش مكروه
مادام الفرات انباگ يبقه الماي محد يگدر ايلزمه
واحلف لو اشوفك جاي
امد شوفي اعلطولك ماي
اباوعلك لحد ماكون
كلك تنگلب شفاف
من ابعيد المسك شوف
واخلي ابداخلك احساس
اول مره جن تنشاف .
كلما رادو ايضموك ماترهم
اشوفك بالعكس تكثر اشما تنضم
يالمبين ابگد الشوف واذا چان السجن اضلم
چنت أنته الوطن والدنيا طاموره
وهذاك أنته عزيز الله وصعوبه اتعيشلك ويه السجن صوره
يبو گلب الحنين ومنشلع گلبه
چذب مثلك شفت بالناس واحد ملتهي بربه
عمر خلصته بين الماي والتربه
يا أول صدگ بالناس مايخرب
ضموك وعرفنه المو أبلونك ينحسب لچمه
يالمزغر السجن ومكبر النسمه

عظم الله اجورنا واجوركم بستشهاد باب الحوائج
HTML Embed Code:
2024/03/28 00:45:36
Back to Top