"የጉባኤቤትቆይታችሁስኬት የሚለካውባገኛችሁት ዕውቀት ብቻ ሳይሆን በምትሰማሩበት መንፈሳዊ አገልግሎት የድካምና የመሰልቸት መንፈስ ሳይሰማችሁ ቃለ እግዚአብሔር ለተጠማውና በጠረፍ ላለው ሕዝባችሁ በመድረስ ወደ ቅድስና ሕይወት ስትመሩ ነው" ያሉት ደግሞ በማኅበረ ቅዱሳን የቤ/ን ሁለንተናዊ እድገትና መንፈሳዊ ት/ቤቶች አገልግሎት ዳይሬክተር የሆኑት ዲ/ን ደረጀ ጋረደው እንደሆኑ ተመላክቷል።

ዳይሬክተሩ ጨምረው እንደተናገሩት በዚህ ዓመት ከተለያዩ አህጉረ ስብከት ለተመረጡ 169 የአብነት ት/ቤቶች፣ ለ229 መምህራንና 2000 የአብነት ደቀ መዛሙርት  ከ16 ሚሊዮን ብር በላይ ዕቅድ ይዞ ድጋፍ  እያደረገ የሚገኝ ሲሆን ለዛሬዎቹ ተመራቂዎች ለሕክምና ፣ለትምህርት፣ ለቀለብና ለመሳሰሉት ድጋፍ አድራጊዎችን በማስተባበር 842,650.00 ብር ወጪ በማድረግ እንዲማሩ ማድረግ ተችሏል ሲሉ ተናግረዋል።

የሚዛን ተፈሪ ማእከል ሰብሳቢ የሆኑት መ/ር ጥላሁን ታደሰ በበኩላቸው የአገልጋይ ካህናት እጥረትን ለመቅረፍ በሚደረገው ጥረት ብዙ ፈተናዎች ቢኖሩም ዛሬ ለአራት ወራት ያስተማርናቸው አገልጋይ ካህናትን በማስመረቃችን ደስ ብሎናል ብለዋል።

በሸካ ፣ ቤንቺ ሸኮ እና ምዕ/ ኦሞ ሀገረ ስብከት 197 አብያተ ክርስቲያናት መካከል 5ቱ ገዳማት ሲሆኑ በአገልጋይ እጥረት ምክንያት አንድ ቤተ ክርስቲያን ሙሉ በሙሉ የተዘጋ፣ 25ቱ አብያተ ክርስቲያናት በአመት የሚቀደስባቸው፣ 5ቱ ወርሐዊ በዓላትን በመጠበቅ የሚቀደስባቸው፣ ከ100 በላይ የሚሆኑት ደግሞ ሰንበት ት/ቤት የሌላቸውና ሰርክ ጉባኤ የማይሰጥባቸው እንደሆኑ መረጃዎች ይጠቁማሉ።

መሠረታዊ የክህነት ት/ት የትምህርተ ሃይማኖት ኮርሶች የተማሩትና ለምርቃት የበቁት ደቀ መዛሙርቱ በአካባቢያቸው ቋንቋ በማስተማር እና የክህነት አገልግሎቱን በመስጠት የተዘጉ አብያተ ክርስቲያናትን ይከፍታሉ ተብሎ ይጠበቃል።

የማኅበረ ቅዱሳን ሙያ፣ ማኅበራዊና ኢኮኖሚያዊ አገልግሎት ባለፉት 7 ወራት ብቻ በመጠለያዎች ጣቢያዎች ለሚገኙ ተፈናቃዮች፣ በድርቅና መሰል ማኅበራዊ ቀውስ ለተጎዱ ወገኖች፣ ለገዳማትና አብነት ት/ቤቶች ከ10 በላይ የሚሆኑ ተመሳሳይ ማኅበራዊ ድጋፎችን አድርጓል። በቀጣይ ጊዜም መሰል የነፍስ አድን ድጋፎችን ለማድረስ በሚደረገው የሰብአዊነት ሥራ ምእመናን የተለመደ ድጋፍ እንድታደርጉልን ማኅበሩ ጥሪውን ያቀርባል።
ድጋፍ ለማድረግ፡-
#በማኅበረ ቅዱሳን የማኅበራዊ ድጋፍና መልሶ ማቋቋም ሒሳብ ቁጥሮች፡-
1. በአሐዱ ባንክ - 0025393810901
2. በአቢሲንያ ባንክ - 37235458
3. በኢትዮጵያ ንግድ ባንክ - 1000309803648
4. በወጋገን ባንክ - 0837331610101
5. በአዋሽ ባንክ 01329817420400
6. በጎ ፈንድ ሚ፡- https://gofund.me/f4c1b82e
6. በወገን ፈንድ፡- https://Www.wegenfund.com/mknu መጠቀም የምትችሉ መሆኑን እንገልጻለን።

ለሕክምናው የወጣው ወጭ በገንዘብ ሲተመን 51,050.90 ብር እንደሚሆንና የላስታ ወረዳ  ጤና ጽ/ቤትና ሌሎች በጎ አድራጊዎች ባደረጉት ድጋፍ የተሸፈነ መሆኑ ተገልጿል።

በሕክምና አገልግሎቱ 3 ሐኪሞች፣  3 ነርሶች፣  2 የላብራቶሪ  ባለሙያዎች  እንዲሁም 1 ፋርማሲ በአጠቃላይ 9 የጤና ባለሙያዎች ተሳታፊ መሆናቸውን የተገኘው መረጃ ያመልክታል።