آه ياضميرى يارزيل
طول عمرى وانت بلوتى
فى ساعة الصفو الجميل
تقطع عليا نشوتى
وتهفنى توشيح
كأنه شربة شيح
أصرخ بعزم قوتى
يادهوتى
فيه ناس كتير من غير ضمير
مش زعلانين من قلته
واشمعنى انا فى عكننه
من الضمير ومعاملته
على أى غلطه يشكنى
وف أوضه ضلمه يسكنى
يربطنى فى عمود السرير
ومستحيل يفكنى
ويدقنى بمسامير
ويدور المزامير
أصرخ بعزم قوتى
يادهوتى
#صلاح_جاهين
>>Click here to continue<<