#nozlik

O’limtik orzu bilan yashagandan ko’ra, baquvvat armon bilan o’lgan afzal)

@mehrnoz_abbos

#nozlik

Shoir – chin yetim mavjudot. U yozayotganda, ota-onasi, turmush o’rtog’i, farzandi, jigari-yu do’stlarini “o’ldirish”ga majbur.

@mehrnoz_abbos

18-iyun, soat 18:30 da, Yoshlar ishlari agentligida kattalar va bolalar she’riyatida “Duel” FINALI!!!

Eslatib o’tamiz, har ikki yo’nalishda 1-o’rin g’oliblariga 50 million, 2-o’rin egalariga
40 million so’mdan pul mukofotlari beriladi.

Pulni qo’ying, she’r bor, iste’dod bor bu duelda.

Yurak –to’pponcha, she’rlar esa – o’q. Qizig’i, bu duelda qurbon yo’q.

Qo’rqmang! Keling!

@mehrnoz_abbos

* * *

Taxayyul tunida seni esladim,
Kaftingda baxt qushi, yelkangda kaftar.
Poyingda tiz cho‘kib mo‘ltirar ma’yus
kiyiklar.

Boshingda gulbargak, qarog‘ingda oy,
Sevdim, dedim seni, manglayi yalpiz,
Qo‘y dedi, etaging tishlab yotgan toy —
Ona qiz bu,
Ona qiz.

Qaldiroq burgutday yerga tashlandi,
Oyog‘imdan tortdi, bog‘ladi yo‘lga.
Yo‘l chopdi,
Juda ko‘p chopdi,
Tashladi malaklar cho‘milgan ko‘lga.
Sev, sev, sevv!

Tepamdan baqirib o‘tdi qaldiroq,
Ustimdan qichqirib o‘tdi shamollar.
Yonimga keldilar
Go‘zal, yalang‘och —
Sev meni, degancha
sohibjamollar.

Ko‘zimga mil tortdim, seni esladim,
Kaftingda baxt qushi, yelkangda kaftar.
Osmon markaziga botayotirsan,
Osmon markaziga botar
kiyiklar.

✍🏻Abduvali Qutbiddin
🎤MehrNoz

@mehrnoz_abbos

Ay-ri-liq

Ayricha berding mehr,
Ayricha qildim isyon.
Tug’ildim – qoldim sag’ir,
Boshimga tushdi hijron.

Ortib borar ehtiros,
Ay, manim ayrilganim,
Zug’umlari beqiyos,
muhabbati ulkanim.

Sevgi berding – sindirdi,
Do’st berding kechirmagich.
Qo’shiq berding – tindirding,
Ko’zimga taqding bog’ich.

Ko’rganlarim sarobdir,
ko’rmaganim bor chiqdi.
Vujudim titrayotir,
qo’llaringga ichikdim.

Kel, tut meni, Mehribon,
Unutma bir zarrangni.
Hislarim bo’ldi to’zon,
Ko’p izg’idim garangib.

Qovushsin oy va quyosh,
Birlashsin zamin-u ko’k.
Kavsarga do’nsin ko’z yosh,
Bas, iblis, sen ham tiz cho’k.

Holimdan yo’q xabarim,
Yo’l yurdim vasling istab.
Quruqshaydi lablarim,
Ajal o’par ohista…

✍🏻MehrNoz

@mehrnoz_abbos

Paradoks

“Ko’p”lar o’zin tutar yolg’izday,
Yolg’izlar istashar hamrozni.
Qushlarning xayoli dengizda,
Baliqlar tush ko’rar parvozni.

✍🏻MehrNoz

@mehrnoz_abbos

#nozlik

Axloqimiz bizni yo bor qiladi, yo yo’q qiladi. Nimaiki topsak, xulqimizdan topdik.

@mehrnoz_abbos

#nozlik

Da’vosi xulqidan kattalarning oldida kichik tutma o’zingni, lutfan.

@mehrnoz_abbos

#nozlik

Arzon odamlarga qalbingizdagi xazinani ochib tarqatmang. Bu ehson emas, o’zingizga qashshoqlik xo’rligini tilash – bu.

@mehrnoz_abbos

#nozlik

Xudo har birimizning ichimizga sir joyladi va bu sirni go’zal fosh qilish shaklini berdi. Shoir she’r, olim ilm, rassom suvrat, tikuvchi libos bilan ifoda qildi.

Ammo biling, sirni san’at bilan aytishga ruxsat berildi, g’iybat bilan emas.

@mehrnoz_abbos

#nozlik

Yutuqlaringiz uchun aza ochadiganlar, kulfatingizni nishonlaydiganlar bor va siz ularni do’st deb atab yurgan bo’lishingiz mumkin.

@mehrnoz_abbos

#nozlik

Ha, mening bir g’irromligim bor: yog’izligimni o’zimdan ham yolg’iz odamlarning yelkasiga yuklamoqchi bo’laman. Ular qalbimning bir qismini o’pirib, battar huvvillatib ketganlarida esa hayotning menga naqadar adolat qilganini tushunaman.

@mehrnoz_abbos

#nozlik

Tugatish imkoni berilganda, ketgan nuqtamizga yana qaytishimiz o’zimizning oldimizdagi hurmatimizni tushiradi.

O’ziga hurmati yo’q inson tanlagan yo’liga oson xiyonat qiladi.

@mehrnoz_abbos

#nozlik

Shoirning ishi tun-u kun Xudo haqida o’ylashdan iborat.

@mehrnoz_abbos