الى ان ....

تريد تكون ملك وتتقدم للأمام وتحقق كل اهدافك ؟
الكل تريد هيج بس متعرف شلون ..
بمجرد تعلم فن السيطرة سوف تحقق ما تنوي فعله..
يقيناً اي شي تريد تسوي او توصل اله اذا متسيطر مرح تحقق شي تريد تنجح بالدراسة لازم تسيطر على مادة تريد تكون ماهر بالسياقة لازم تسيطر على حواسك تريد متكون صاحب مشاعر هشه لازم تسيطر على مشاعرك ..الخ

تكمن السيطرة على نفس بعد عملية الثقة بالنفس انو انت واثق من نفسك زين اليوم خل نسولف جزء من سيطرة وهو السيطرة على الغضب التحكم بالغضب ( لازم نثبت دمار كل شيء الغضب)
تره غضب نوع من انواع مشاعر مثل حب والفرح ..الخ

اكو هواي امور تخليك تسيطر على غضب :
١-اذا شفت موضوع بده يضوجك ويخليك عصبي حاول تأجل الموضوع الى وقت ثاني .
٢-اذا انت صار موقف وصرت غاضب حاول تسترخي تمشه تنفس زين سوي شغلات تخليك تنسه.
٣-حاول تعلم نفسك مبدأ تقبل آراء الاخرين.
٤-ابتسم من اهم الامور تمتص الغضب هي الابتسامة.
٥-من يصير موقف وضايج وتعبان وغاضب حاول تتصل بالاصدقاء الحقيقين وشرح موقف واكيد رح يغيرون من وضعك .
٦-حاول بدل متغضب من مشاكل دور على حل للمشكلة.
٧-اكتب نتائج غضبك وره يوم اقره وهنا رح تبدي تشوف نفسك شلون نموذج سيء ورح تقرر متغضب بساع .
٨-شوي تجاهل الامور.
وهواي بعد امور بس هاي الاسهل
الغضب اساس الفشل والفراق والندم والاكتئاب وكل شيء حاول تغير من طبعك تغير حلو وهذا تغير ايجابي ..
ابتسم ♥️
اخوكم محمد الخزرجي ♥️

تريد تفتح مشروع ؟!
خل نثبت فد نقطة كلش مهمة انو العراق ارض خصبة خصوصاً بالقطاع الخاص من مشاريع كبيرة الى مشاريع صغيرة عكس دول الغرب ..

خل نشرح مراحل بناء مشروع ربحي:
🛑المرحلة الاولى: هاي المرحلة تدور على فكرة مناسبة اي مشروع مناسب وهل فكرة تعتمد على ثلاث عوامل:
١-امكانية المادية لصاحب المشروع(فكرتك لازم على كد فلوسك اذا فلوسك ١٠٠ الف لازم فكرتك على كد ٥٠ مو تصرف كل فلوس 😃)
٢-القدرة الشرائية للزبون (يعني منتجك او خدمة تقدمه اسعاره تناسب الفئة المستهدفة)
٣-الرغبة (يعني حتى لو زبون عنده فلوس بس اذا رغبة ماكو مرح يشتري لازم تراعي هل نقطة مهمة)
🛑المرحلة الثاني: كلنه نتفق اذا نحب شي رح نبدع بي حاول تتعمق بفكرتك وتحبه وحاول تكون فكرتك بيه فايدة للناس مو فقط مصلحة ربحية.
🛑المرحلة الثالثة: اذا جان مشروعك يحتاج الى كادر إضافي حاول تفاتح اشخاص نشطين ويرغبون بتطوير نفسهم من الناحية مادية وعدهم شغف بهل جانب.
🛑المرحلة الرابعة: بعد ما تلم الكادر او وحدك قسم ادوار العمل باجتماع اولي.
🛑المرحلة الخامسة: ابدي مشروعك بعد تخطيط مع الفريق.
🛑المرحلة السادسة: هنا اهم مرحلة وهي الاستمرارية والمتابعة ومعالجة اي مشكلة تصير وتطور الامور الإيجابية باستمرار.

نصائح:
١-استشير اصحاب الخبرة.
٢-استثمر اصدقاء الحقيقين.
٣-استثمر النت بشكل صحيح.
٤-وجدد افكارك بين فترة وأخرى.

متكلي شمنتظر يله ابدي واي شي تحتاج فكرة شي اي مرحلة توكف بيه رح اساعدك بس بلش تره مساحة فارغة استثمروا هل شي ..
احبكم
اخوكم: محمد الخزرجي ♥️

مشتاقين

نرجع للفقرات مثل قبل ؟

الحب
الحب ببساطة عطاء متبادل
واقصد بالحب حب( الاهل،الزوجة،الصديق،الحبيبة،...الخ)
يعني اذا ماكو عطاء وقناعة متبادلة من الطرفين مو حب هذا هذا حب من طرف واحد ...
هواي مفتهمين مصطلح الحب هو واحد يصادق بنت هههه لا الحب اسمى وأعمق من هذا المفهوم..
والحب يزداد بزيادة المواقف والصبر والعطاء والمعالجة..
جزء من مقومات الحب هو الاهتمام الجيد.
اكو امور تعزز الحب بشكل جيد :
١-الصدق
٢-التسامح
٣-العطاء
٤-المساعدة
٥-الاهتمام
٦-الثقة
٧-الاعتزاز
واكو امور كون تبتعدون عنه من تحبون شي:
١-التذمر
٢-الاستخفاف
٣-النكران
واكو انواع من الحب:
١-الحب الصامت ٢-الحب المتبادل ٣-الحب من دون مقابل ٤-الحب من طرف واحد ٥-حب الانانية
٦-حب في الله ٧-حب العفوي ٨-حب الشهوة

نصيحة: من تحب شي حاول تحافظ عليه حتى لتخسره واذا تشوف هل شي ياذيك حاول من البداية تدوس على روحك وتبتعد ..
واجمل حب هو حب المخلص واصدق حب هو حب ألأم لأبنه..
شتعرفون عن الحب ؟ #الحب ♥️♥️اخوكم محمد الخزرجي♥️

اذا عندك فكرة

‏لقد جربت اللذائذ كلها، فما وجدتُ أمتع من الخلوة بكتاب، وإذا كان للناس ميول، وكانت لهم رغبات، فإن الميل إلى المطالعة والرغبة فيها، هي أفضلها.
- علي الطنطاوي

اجعل الشخص الاخر يشعر باهميته لكن كن صادقا في ذلك.. ولاتكثر من المجاملات فتقع في النفاق..

الحياة
قبل كلشي اذا انت من نوع تحب تسقط يومك فقط وتعيش بس يومك ولا ابالي ماكو داعي تكمل المنشور..

تدرون الراحة مو بالطلعة والهوسة واكل وشرب ونوم ومسلسلات وحب وغرام …لا صحيح هذا كله مطلوب بس الاساس هو تعيش يومك وتعيش مستقبل نفس وقت هسه تكلي منو ضامن روحة لباجر احنه في بلد كل يوم انفجار خل اكلك شي انت عليك تسوي المطلوب المهم حاول تقسم حياتك
وتفكر للمستقبل هم كلش طبيعي اطلع وتونس بس لا ياخذك الوقت حاول ومتاكد رح تنجح لازم تطور من وضعك لان مستقبل معتمد على مقدار الجهد التبذلة بهل وقت والوقت موجود ..
حاول تطور قدراتك الذهنية وتتقدم بالدراسة الأكاديمية وتشتغل وتكد وخليك صاحب الدخل المتعدد امن حياتك وحياة أهلك وأولادك بالمستقبل خليك من نوع اليعيش يومة ويشتغل على مستقبلة ..
تره وقت بعده اكعد خطط وقسم وتونس وشتغل وعيش وخليك إيجابي (كل شيء سيكون على مايرام) وبالختام اني متاكد بمجرد تتخذ قرار حقيقي وتصحح مسيرك رح تنجح
بعد متكمل المنشور أقره الفاتحة على ارواح شهداء انفجار مدينة الصدر ♥️
اخوكم محمد الخزرجي ♥️

مشتاقين

يمكن من اعظم صفات البشر المسامحة

المسامح دائماً كريم

شكراً لكل مسامح ♥️😍