YOʻLGA CHIQDIK🔥

Hammasi futbol haqida — @markaziysektor

Eldor Italiyani tark etayotni “Roma” muxlislarini ham xafa qildi

Bahorda Rimga boʻlgan safarimiz davomida “Roma”–“Milan” oʻyinini tomosha qilish bilan bir qatorda italiyalik, xususan “Roma” muxlislari bilan kontakt almashgandik. Men oʻzbekistonlik boʻlganim uchun suhbatimiz asosan Shomurodov haqida boʻladi.

Bugun ham italiyalik muxlislardan biri menga quyidagicha xabar yubordi;

“Eldor Istanbulga ketmoqda, bu meni yigʻlatdi… U har doim mening eng sevimli futbolchim bo‘lib qoladi. Forza Roma”

Men esa Shoma A Seriyani tark etayotgani nafaqat uni, bizni ham qaygʻuga solishi, biroq keyingi yil Jahon chempionatida qatnashishimiz, unda esa terma jamoamiz sardori yuqori sport formasida, toʻliq mavsum oʻyin amaliyotiga ega boʻlgan holda yetib borishi muhimligini aytdim. U ham buni tushundi hamda mundialda Eldor va Oʻzbekiston uchun ham muxlislik qilishini aytib oʻtdi.

Italiyalik muxlislardan Eldor haqida bunaqa fikrlar eshitish juda yoqimli. Shomani Rimda qanaqa yaxshi koʻrishlarini aeroportga kirishimiz bilan his qilgandik (ijaraga mashina olganimizda yaxshigana chegirma qilib bergandi😅). Shu avtomobilni qayta topshiraytoganimizda “Latsio” muxlisi boʻlgan xodim qabul qilib olgan edi. U ham zoʻr gap aytgandi; “Romada birgina futbolchini hurmat qilaman — Eldor! U provokatsiyadan yiroq, raqib jamoani va muxlislarini ham bir xil hurmat qiladi.”

Hammasi futbol haqida — @markaziysektor