معلومات حاتفيدك 😍

_ تبلي دقيق السمك بملح وفلفل وكمون وشطة ونشا وبيكنج بودر وقبل القلي غطسيه في ميه بسرعه

_ العيش الفينو قبل ماتعمليه سندوتشات شيلي القلب واقطعي الحروف وحمصيهم واطحنيهم ضيفي عليهم توم بودر وبصل بودر وبابريكا وملح وفلفل ونشا وبيكنج بودر
للبانيه والفراخ المقرمشة

_ الباذنجان المخلل ضيفي نعناع ناشف مع التوم

_ البشاميل ضيفي جبنه مثلثات او كريمي وقشطة وجبن رومي مبشورة و٣ ملاعق مايونيز
وعلي الوش موتزريلا

_ الملوخيه ملعقة سكر وشوية كاتشب او ملعقة صلصة

_ ملعقة سكر في صلصة المكرونة

_ قشر الليمون في زيت قلي السمك

_ نقع البانيه في لبن

_ الشاورما اللحمة ضيفي لها قطعة ليه

_ البطاطس قبل ماتحمريها اسلقيها عشر دقائق في ميه وملح بتقرمش ومش بتشرب زيت

_ قشر الليمون مش ترميه خليه عالحوض بعد ماتغسلي المواعين ادعكي بيه ايديك بيشيل السمار من صابون المواعين وبينعم الايد

_ رشة لبن بودرة علي وش البشاميل

_ محشي الكرنب سخني حته زبدة وقشطة وحطيه عليه قبل ما يستوي

_ ملعقة خل في الكيك

_ عسل في تتبيلة الفراخ المشوية

_ زبادي في تتبيلة البانيه

_ البتنجان المحمر خلليله وهو سخن واقفلي عليه العلبه

_ ملعقة بيكنج بودر في شوربة اللي هتسقي بيها الرقاق باللحمه هيبقي مقرمش ومورق

_ البطاطا المشوية واعمليها في الكيس الحراري رشي عليها سكر وتدخليها الفرن

_ ادعكي الفراخ ببصلة وملح وفلفل قبل السلق

_ لما تشربي القهوة مترميش التفل ده سكرب هائل لبشرتك

_ اكياس الشاي مترميهاش سقعيها وحطيها علي عينك للاجهاد

_ الرز باللبن ضيفي كيس كريم شانتيه

_ والبسبوسة لازم عسل ابيض او عسل تقيل في العجن

_ رشي دقيق علي بصل الكشري قبل التحمير

_ سفن اب او ميرندا الكيك

_ رشة زعتر علي صلصة المكرونة
_ بيكنج بودر علي عجينة الكفته المشوية
_لفي الليمون في ورق جرائد
_ ملعقة بن وملعقة سكر لخلطة المحشي وابشري الطماطم متعصريهاش في الخلاط

_ تشوح اللحم في الزبد وحبهان وورق لورا قبل السلق

_ الرز الابيض شوحي مستكة وحبهان في السمن قبل الرز

_لاحلي صلصة مكرونة اضربي مع الطماطم توم وفلفل رومي وفلفل حامي

_ إدهني الفراخ والبط بكاتشب وملح وفلفل وقرفة قبل الفرن

_الحمام المحشي ٤٥ دقيقة بعد غلي الميه
الممبار ٣٠ دقيقة
الفراخ المحشية ساعة وربع

_ الكيس الحراري لتسوية الفراخ والبط

_ حشو الجلاش موتزريلا مع العصاج

_ الرز البسمتي اكشفي الغطا بعد ما يستوي

_ للحفاظ علي لون الليمون مع السلق حطي ملعقة بيكنج بودر

_ منديل بطن من عند الجزار تحت المحشي

_ وانتي بتقلي البانيه حطي ملعقة زبدة مع الزيت هيبقي زي المطاعم ......

@mamlaka