الاهتمام مش بس بيخلق فوق العشق عشقين، الاهتمام بيخللى الرّوح فرحانة انها عرفت تختار صح، بيحللّي الملامح وينورها..... الاهتمام أهم ألف مرة من الحُب...لأن كتير بيعرفوا يحبوا.... لكن نادرين اللى بيقدروا يهتموا ، نادرين اللى بيقدروا ينشغلوا بيك بجد لما تختار. اختار اللى يهتم بيك مش اللى بيحبك. موضوع خد اللى يحبك ما تاخدش اللى تحبه ده انتهى من زمان.اختار اللى يقدر يحتويك بقلبه وعقله وأفعاله و تصرفاته ووعوده الصادقة وبقاءه ع العهد.اختار شبيه لروحك يهمه تفاصيل ألمك قبل فرحك.اختار اللى يعرف في عز الزحمة يخطف بصيرتك و يكون مرايتك وسندك ونجاتك.اختار "َسَـندك وعكازك بدقة وإتقان. قبل فوات الأوان.

‏العتاب له حدود ينفع تتكلم مرة واتنين بصبر وهدوء ووضوح بس بعد كده الموضوع بيفقد قيمته وبيبقى ماسخ العتاب اتخلق للي بيقصّر في حقك غصب عنه إنما اللي عارف وواعي بيعمل إيه بيتحول العتاب معاه لقلة قيمةووجع قلب ع الفاضي عتابك غالي عوّد نفسك واللي حواليك على كده إحنا بشر بردو ولينا طاقة

لا يُعرض عنك صَادقٌ في ودِّهِ، إنَّما يهجُرُك من كانَ وده مكذُوباً🖤

لو في حاجة واحدة بس الأيام علمتهالي، هتبقى أن مهما يحصل في حياة الإنسان لازم يكمل في طريقه غير مكترث على الإطلاق باللي بيحصل حواليه -مهما كان إيه هو-.

الطريق طويل، ومليان مفاجأت وصدمات وصراعات.
الحياة هتبسطنا شويه، وتلاعبنا شويتين، وتعاندنا كتير .
في ناس هيحبونا، وناس هنتمنالهم الرضا يرضو ميرضوش، وناس كده كده ولا هيحبولنا الخير، ولا هيحبونا.

في مواقف صعبة كتير أوي هتمر علينا، هنحلم بحاجات يمكن عمرنا ما نحققها، هنتعب أوي وجايز جدًا منوصلش، هنتصدم، ونتوجع، ونتخذل بدل المرة عشرين

بس لو مع كل موقف من دول هنقف ونسأل ازاي وليه وإمتى وفين، يبقى عمرنا ماهنكمل الطريق.

الطريق بيكمل بس لما بنقرر أن مهما يحصل هنبص لقدام!
عادي نزعل ونتأثر ونتلخبط ونحتار، بس المهم أن المشاعر دي متنسيناش أن ورانا طريق طويل بدأناه ولازم نكمله.