- الحمد الله على نعمة ان مافيش حد حساس بينا كان هك را تما عزمنا بلهون ومن أبسط حاجة نشكوا.

- منقدرش ننكر أني محتاج نطمن ومحتاج انحس أن إللي جاي من عمري هيختلف عن إللي فات ما نبيش نقول أن اللي فات كان ‌ صعب⁩ ولا كان سهل ومش مضطر نقول أني تحملت واجد ولا عندي ذرة طاقة نحكي عن مُغامراتي ومراحل حياتي نا بس محتاج نطمن ولو لمرة أن نا هنعيش الحياه اللي كنت نحلم بيها ونبي نعيشها طول عمري .

- فطنلا بعد أتجي ع المخدة وعقلك يزرّك أوحدك ويقعد يحاسب فيك أو بمعنى أخر يذكر فيك بناس حرام فيهم كلمة ناس ويجبدلك شوية مواقف أنت ناسيّهن وينكد عليك لعند ترقد .

- الناس كلهم يعانو وحياتهم خاربه من جميع التراكين ، فَـ حاول قدر الإمكان إنك تقعد كويس وتسيب بصمة سمحة في حياتهم .

- الواحد يقعد طول اليوم يحاول يقنع روحه بإن غياب شخصه مش فارق معاه ويجي فـ نهاية اليوم يلقى روحه انطفى ويبي الشخص هذا توا ويعرف كيف كان اليوم كان ناقص من غيره وإن كل حاجه شينه وناقصه فـ غيابه .

- حاجه شينه انك ترقد وانت ماتبيش ترقد بس لازم ترقد عشان تنوض بدري وانت اصلا ماتبيش تنوض بدري بس لازم تنوض بدري لأن وراك حاجات لازم تديرهن وانت اصلا ما تبيش تديرهن.

- الإنسَان مرات تجيه فترات من كِثر الضغوطات اللي عليه ، الظروف لِيمر بيهن ، سوء نفسيته ، مرات يقعد يتصرف في تصرفات غير طبيعيه أو بالأحرى مش متعود يتصرفها معانا.

لازم نتعلموا نقدروه شوي ، نحترموا وضعه لطالما هاذي مش طبيعته ، منكونوش أنانين نبوا منه الباهية بس.

- شكلك شين حتى قدام نفسك لما اتغير على شخص عشان لقيت شخص اخر .

- الواحد يقعد قاعد لا بيه لا عليه وجوه سمح، لعند يجي يحط راسه ع المخدة ويقعد بيه وعليه في دقيقة ..

- الصراحة و الشفافيّة حاجة صعب ع البلعوط يديرها .

#تفكير_بصوت_عالي :

- تبقى كامت وساكت ع كل السوايا للي ايجنك و بالأخص من القريب لك ، تفكيرك كله إنك اتساير الوضع عشان خاطر اعيون يسون وانت مش عارف لعند امتى اتحمل ، طاقتك الذهنيه والنفسية اقريب تنتهي حرفياً و انت مش عارف بعد السكوت هذ شنو في ، ممكن إنفجار فالقريب والبعيد ؟ .

- اساع نرحلو وينما يحين سفرنا ،
موش كل مره حاضرين رحيل .

‏﴿إِنَّ اللَّهَ وَ مَلائِكَتَهُ يُصَلُونَ عَلَى النَّبيِّ يَا أَيُّها الَّذِينَ آمَنُوا صَلُّوا عَلَيْهِ وَسلِّمُوا تَسْلِيماً﴾

- المهم راكي فارق عن الغير وقاعده متربعه في تركينه ابروحك غادي ❤️.

- تخيل شخص يسمع في أغنيه ويفكر فيك ؟.

- السكتة الطويلة ، للي جاية من الزعل شينة بكل .. فِ درجه من زعل من شخص اقريب منك ما ينفعش امعاها عتاب ما ينفعش ، يعني فِ حاجات وفِ مواقف من ناس ما ينفعش امعاهن غير السكوت تقعد ساكت يعني من كثر الموقف مش راكب ومش خايل انه الشخص هذ ايديرلك هك ، ساكت من قهرتك ومن حسرتك غصباً عنك تلقى روحك ساكت حتى انت من جواه قاعد تغلي ، فِ دراجات من الوجع والكسرة تسكت صاحبها غصباً عنه فِ اوقات اي كلام ممكن ينقال يبقا ثقيل ومايعرفش يوصف للي صار وصعب بكل على صاحبة انه يحكي بيه ف يسكت .

- ياريت في mute للتفكير متاع الليل .

- يا دار غابو وغبنا ،
لنا زمان عليك ماجوبنا ،
وماعد مقابل فيك مايعجبنا ،
ماجابنا فيت السؤال عليهم ،
الي من نهار ارحلو غاب طربنا ،
وقول يا بعاد الدار ماتكفيهم ،
ان كان ماعليهم بدموع سكبنا ،
يبقي عزا بارد عزانا فيهم.

- ما نحبش نعيش نعيش دور الضحيه ولا نحب ندير الدراما ، خلوني في حالي بس.

- لا الجو و لا الناس تنطاق.