‏غيّرني اسلوبك . . ماغيّرني الوقت
‏إن جيتني مسموح وإن رحت مسمُوح

‏عليك في صدق . . المشاعر تفوقت
‏ومعاك شفت الصمت يغنّي عن البوح

‏أشوفك اول راحتيّ لاتضايقت
‏أيام كنت النبض والقلب والرُوح

‏لاغبت عنك تقولي وينك أشتقت
‏واليوم مالي في معاتبك مصلوح

‏ماهمني من وفا وما همني من جحد
‏كلن على مايحب يسوي اللي يبيه

‏ياحلوها المرحله اللي ماتعاتب أحد
‏من طاب طيبه عليه ومن شان شينه عليه.

‏حنا اختلفنا فالمشاعر والكلام
‏الوضع باين والعقول تصوره

‏تجيني تسلم وارد لك السلام
‏مع كلمتين وضحكتين مزوره

‏ما فيه داعي للتشره والملام
‏كلً ضميره ف الحياة ينوره

‏ان جيت عينت الغلا والاحترام
‏وان رحت قلبي ماقدرت تعوره

‏مانيب من متسولين الاهتمام
‏ان ماحصل ماجيت منك ادوره .

‏تمضي الأيام .. وتبيّن خفاها
‏ومن كسب حب الأوادم فاز فيها

‏النفوس الصافيه كمّل معاها
‏والقلوب الطاهرة حافظ عليها .

‏ماكل خاطر نبي نتبع .. مراعاته
‏بعض الخواطر حرام انك تراعيها

‏اللي يقدّمك عن كل .. اهتماماته
‏حاول تقدّم له ،،، الدنيا بما فيها...