💡Qanday qilib farzandingizga uy vazifalarini mustaqil bajarishni oʻrgatasiz?

Farzandlarning darslarini qildirish ota-onalarning eng katta muammolaridan biridir. Bolalar ham, ota-onalarning oʻzlari ham “Darsingni qil” degan gap­dan charchashgan. Bu gapni aytish ota-onalarni qanchalik jonlariga tekkan boʻlsa, farzandlar ham bu buyruqdan shunchalik bezib ketishgan. Bu vaziyatni qanday hal qilish mumkin? Quyida bunga bir necha misollar keltirib oʻtamiz.

Dadam menga biror marta ham qattiq gapirib “Darsingni tayyorla” demaganlar. Lekin harakatlarimni kuzatib: “Sendan yaxshi shifokor chiqishi mumkin”, der edilar. Chunki men bolalik chogʻlarimdanoq qoʻgʻirchoqlarimga oʻzimcha dorilar berar, ukol qilar, dugonalarim bilan ham doim “doktor-doktor” oʻynar edim.

Hozir ham uyda kimning boshi ogʻrisa, koʻngli behuzur boʻlsa dori qutidan darrov dori olib tutqazaman. Ukalarimning isitmasi chiqsa termometr qoʻyib isitmasini oʻlchayman. “Tez yordam” chaqiraqolaylik, deya hammani shoshirib yuboraman. Oyim gohida “Oʻzimning doktor qizimdan aylanay”, deya erkalab qoʻyadilar. Dadam esa doktor boʻlish uchun, albatta, yaxshilab oʻqish kerakligini, ayniqsa, biologiya, ximiya fanlarini puxta oʻzlashtirishimni taʼkidlaydilar. Shu sababdan boʻlsa kerak, hech kim aytmasa-da, darslarimni vaqtida tayyorlayman.

Yuqori sinfga oʻtganimiz sayin fanlar murakkab­lashib borayotgani sabab qoʻshimcha darslarga qatnashni dadamdan iltimos qildim. Ular rozi boʻldilar. Kelasi haftadan qoʻshimcha darslarga boraman. Dadam va oyim mendan juda xursandlar.

📚 Doktor Abdulloh Muhammad Abdulmuʼtining
"Farzand tarbiyasida 700 saboq" kitobidan

@kutubxonachi_uzb

Menimcha, barcha eski kitoblarni o'qib tugatmagan insonning, yangi kitoblarni ulardan afzal deyishlikka hech qanday haqqi yo'q.

©️ Sharl Lui Monteske
📚 (Fors nomalari)

Oʻz vaqtida oʻqilgan kitob — tengsiz yutuq. Hayotingda eng yaqin doʻsting va ustozingdan ham koʻrmagan yaxshilikni undan koʻrishing mumkin.

©️Pavlenko

@kutubxonachi_uzb

Ey Shayxim!

Kambag'al oilada tug'ildingiz. Otangiz olim bo'lishingiz uchun qattiq harakat qildi. Oldin o'zi olim bo'ldi. Olimlar duosini oldi.

Onangiz tahoratsiz emizmadi. Siz uchun juda katta tayyorgarliklar ko'rildi.

Moddiy jihatdan ancha qiynaldingiz. Ammo to'xtamadingiz. Maktabda eng oliy baholarda o'qidingiz. Ustozlaringiz va sinfdoshlaringiz doim maqtadi.

7 yillik madrasa ta'limini 3 yilda tugatdingiz. Vaqtingizni bir oninida bekor sarflamasdingiz. Islomning tirik namunasi bo'ldingiz.

Sizni qadringizga yetishmadi. Yillar davomida yurtdan olisda bo'ldingiz. Biror marotaba Vatan haqida yomon so'z gapirmadingiz. Aksincha, maqolalaringizda maqtadingiz

Qaytdingiz, Katta Musxafni keltirdingiz. Haj nimaligini bilmaydigan xalqqa bu buyuk amalni ado etish imkonini ochib berdingiz.

Qanchalik qarshiliklarga qaramay hikmat hassasiga suyanib, xalqni ilmli qilishga oshiqdingiz...

Mansab sizga ta'sir qilmadi. Boyu-kambag'alni birdek ko'rdingiz

Ta'lif qilgan kitoblaringizni biz o'qib tugatolmayapmiz. Allohning bizga yuborgan haqiqiy do'sti edingiz

Sportni kanda qilmadingiz, hatto vafot etgan kuningiz ham sport bilan shug'ullangan edingiz

Doim ummatni g'amida bo'ldingiz. Islomni xizmatida bo'ldingiz. Bu yo'lda qop-qora sochlaringiz oppoq bo'ldi...

Texnologiyadan ortda qolmadingiz, eng zamonaviylarini foydali maqsadlarda ishlatar edingiz

Kitoblaringizni bosishga ruxsat berishmaganida o'zingiz "Hilol-nashr"ni ochdingiz.

2015-yil 10-mart kechqurun sport bilan shug'ullandingiz va shu tun....

Janozangizga "Tafsiri Hilol"laringizni,"Hadis va Hayot" laringizni ko'tarib muxlislaringiz ko'zda yosh ila keldi...

Bu umr Islomga bag'ishlandi. Ha Islomga bag'ishlangan umr!

Siz haqingizda yozishga loyiq emasman. Qalbimga kelganini yozdim. Zero, mening ojiz qalamim, sizdek insonni ta'riflashga juda zaiflik qiladi...

Tirikligingizda ko'ra olmadik. Firdavslarda ko'rishish nasib qilsin!

Xotirangiz abadiydir. Ey Shayxim Muhammad Sodiq Muhammad Yusuf...

©️ Sarvar Nazarboyev