Қамаши тумани ҳокими хориждаги ёшлар билан онлайн мулоқот ўтказди

Қамаши тумани ҳокими Хуршид Усмонов туман ташкилот раҳбарлари иштирокида хорижда таҳсил олаётган ва меҳнат фаолиятини олиб бораётган фуқаролар билан онлайн мулоқот ўтказди.

Мулоқотда айни пайтда Россия ва Туркия каби мамлакатларда бўлиб турган ҳамда ўқиш ва иш фаолияти билан шуғулланаётган юртдошлар иштирок этди. Суҳбат давомида уларнинг таклиф ва мурожаатлари тингланди, мавжуд муаммоларни ҳал этиш бўйича тегишли вазифалар белгиланиб, ижроси назоратга олинди.

Мулоқот чоғида Қамаши туманида амалга оширилаётган ислоҳотлар, соҳалардаги янгиланишлар, янги лойиҳалар ва режалаштирилаётган ишлар ҳақида ҳам иштирокчиларга маълумот берилди.

Шу билан бирга, хорижда етарли даромад топа олмаётган юртдошлар туманга қайтиб, ўз юртида иш бошлашлари мумкинлиги, улар учун муносиб иш ўринлари яратилишини таъминлаш бўйича чоралар кўрилаётгани таъкидланди.

Gov.uz |Facebook | Telegram |Instagram| Linkedin