شوفِي الزَمن طلع نصَّاب ومبينصفش
ولا بيطبطب علىٰ قلوب ناس انجرحت!
شوفتِي الحياة طلعِت مش بتعلِّم
رغم كمّ الدروس اللي اتشرحت!

#عـمـرو_عـاطـف

أنا شوفت طير منغير جناح... بيواسي طير من الطير تِعب!

_عمرو حسن

القهوة كتر الكتابة عنها باخت
في حاجات زيادة مدحها لعنة!
يارب...
أدينا شخص أصم يسمعنا
وأدينا قلب نروحله ميخدناش
أدينا حضن نبوحله فيساعنا

صدرك شوارع ذكريات تايهين
والحزن شاعر لُه هدؤءه وحكمتُه

_يوسف محمد

الدنيا مؤذيّة مهيّاش بتحِنْ
لو شافتك مَرَّة حزين وبتأنْ
هتقسىٰ عليك أكتر دا لأنّ
حُزنك ملوش حقّ يتلاشىٰ

الدُّنيا تَملِّي فـ خناجرها بتسنْ
حتَّىٰ لو مظهرلكش دا فـ الشاشة
الدُّنيا صدقتي غشّاشة بطبعها
وفَرحك فيها بالوقت مسلوب
الدُّنيا لو حاولت تقتلها فـ مَرَّة
قتلها يمحيِلَك كتير من الذنوب

فـ كلمتين وأسمعنِي لو أمكن
أيَّاك تتعشم فـ الدُّنيا أحسن
وإيَّاك فَرحك فـ يوم يحزن
لو اتقفلت فـ وشَّك كُلّ البيبان

#عـمـرو_عـاطـف
#نهاية_مؤكدة

Listen to نهاية مؤكده by Amr Atef_عمرو عاطف on #SoundCloud
https://soundcloud.app.goo.gl/4xtmA

اسمعوه، سهرة لطيفة:"❤️

صدقي قُول الحكماء بإن الوقت بينسي
وبألف صورة مُزرية ف خيالك شبهيني
واترُكِيني أمشي دروب الضلمة وحدي
اتبع سير الفراق مكان ما يوديني

وفهميني إزاي يكون الوقت جميل
والحدودتة كانت كدبة من الأول!
وليه يا جميلة تجوّدي ف التمثيل؟
أديكي جعلتي القلب متسول

ماشي يشحت دفا من أحضان الناس
مداس والله والتشبيه يَجوز صحيح
شِبعت عيونك منّي نظرات فرح
شِبعت عيوني مِنّك نظرات تجريح!

#عـمـرو_عـاطـف

وفهميني إزاي يكون الوقت جميل
والحدودتة كانت كدبة من الأول!
وليه يا جميلة تجوّدي ف التمثيل؟
أديكي جعلتي القلب متسول
ماشي يشحت دفا من أحضان الناس
مداس والله والتشبيه يَجوز صحيح
شِبعت عيونك منّي نظرات فرح
شِبعت عيوني مِنّك نظرات تجريح!

#عـمـرو_عـاطـف

حِلمي قُصيّر يدوب كام ساعة
عُمري صُغيّر ضَايع فـ النوم
شايِل سجايري ويا قَلمي والولّاعة
كاتِب بِكُلّ آسىٰ رِواية عُمري المَذموم

أمّا عن نفسي وأخباري اليوم..
أنا مِش قَادِر أحدد إطار حالي
كويس يمكن أو حاسِس بالوحدة
حَزين جايز لمّا يدُقْ العَقرب علىٰ واحدة

فـ أبدأ أشوف كُلّ ذِكرىٰ بقيالي
رَحيل فِـ رَحيل ومُنتهىٰ السَبيل مَقفول!
أمشي مهما أمشي أرجع خايب!
أمسك فـ اللي مِنِّي ومهما أتبت!

يوم باقي معايا فجأة صَبح غايب
أحرق فـ أشياء قديمة ويا نفسي
أطلِق سراح بَشر جوايا مع دُخَّاني
أشكي مِن فَرط الوحدة حواليّا

وعقلي رافِض كوني غير وحداني!
فـ أبدأ ألمْلِم نفسي وأعيد هيأتِي
أكرر مَسكتي للقلم لِوصف الآلم!
لِعاشر مَرَّة أو مِش فاكِر دي الكام

أمسح فـ كلام وأرسم أحلام وهميّة!
بشوف الآسىٰ واقِع وبعيشُه
رغم إنّي راسمُه بأيدي حِنيّة!
راسِم ناسي واقفين أهُم فِـ صفوفي

بردو الواقِع يفوقني ويصحي خوفِي!
والاقيهم مِش باقين ليّا
فـ أصرُخ بِعلو الصوت
لي كُلّ شيء مُجبر يفوت؟

قبل ما عيني تاخُد بالها أو تستوعب
لي كُلّ الاشخاص ويايا
تاركة فـ آخر القِصّة معايا مَشهد مُرعِب؟
وأسأل روحي عن تضحيات فـ سبيل مين؟

أشخاص بالكوم عدّوا وهاجروا فـ مِش فاكر!
أفِرّ صفحات الدَفاتِر
ألاقي اللي هاجِر واللي سايب وداع فاتِر!
بدون دموع وإحساس إنّي أوحَشُه!

أقسىٰ ما فـ البُعد تفكيري الدَايِم، وده أوحَشُه!
يسبب هزايم واستسلام للقتل بنفس راضية
والروح تِصبَح مَجبورة عـ السكوت التام
يصير القلب المَكسور ذو النبضات الهادية...

مَمنوع عَن الافصاح أو التعبير بأيِّ كلام
فـ ده أقسىٰ وصف ما يُمكن تَقديمُه...
عَن ما يُسمَّىٰ الشعور الحاد بالانهِزام.

#عـمـرو_عـاطـف

بِنت النَهار وابن الليل وطُرق اللُقا مَمنوعَة
والحدّوتة اللي نَصيِبها تبقىٰ مِش مَسموعَة!
وزيّ كتير ضحايا روحهم اِتنسّلِت فَدَاكِ
فـ اِشهدي اليوم أنين روحي المَيّتَة مَوجوعَة

#عـمـرو_عـاطـف

الرَسايل جوَّا العيون مِش عـ اللسان
ومِش كُلّ مَركِب هيوصلك لبرّ آمان
وكُلّ نسيان حصل ميتسمّاش نسيان
وكُلّ خوف هتداريه يَجوز هيبان

#عـمـرو_عـاطـف

أنا أحبّ أقول الشِعر في الحلوين
والحلو أقولُّه يا حلو في عيونُه:"

_صلاح چاهين

الدنيا مؤذيّة مهيّاش بتحِنْ
لو شافتك مَرَّة حزين وبتأنْ
هتقسىٰ عليك أكتر دا لأنّ
حُزنك ملوش حقّ يتلاشىٰ

الدُّنيا تَملِّي فـ خناجرها بتسنْ
حتَّىٰ لو مظهرلكش دا فـ الشاشة
الدُّنيا صدقني غشّاشة بطبعها
وفَرحك فيها بالوقت مسلوب
الدُّنيا لو حاولت تقتلها فـ مَرَّة
قتلها يمحيِلَك كتير من الذنوب

فـ كلمتين وأسمعنِي لو أمكن
أيَّاك تتعشم فـ الدُّنيا أحسن
وإيَّاك فَرحك فـ يوم يحزن
لو اتقفلت فـ وشَّك كُلّ البيبان

#عـمـرو_عـاطـف
#نهاية_مؤكدة

واِطمني لأقصىٰ دَرجة مُمْكِنة
ذاك الشخص القديم مِش هِنا!
ومِش مَسلوب مِنُّه إرادة فرض النسيان!
حبيبتي.. المَرة دي هِناك خطأ فِـ العِنوان!

أنا اللي زيِّ الفُل مِش بَشكي وبقول
ولا بَكسر وزن القصايد وأبيّن كَسري!
لا أنا مَهزوم أو بحتفل حتَّىٰ بِنَصري!
أنا عادي ما بين المِرتَاح والمَوجوع!
لا بَفرح دايمًا بالحُريّة أو بَزعل لِأسري

#عـمـرو_عـاطـف

اِنسحابي مِش مَعناه هَزيمة ليَّا!
وسكوتي أصلًا ده مُفتتح الكَلام
صَدمِة الواقِع مَحسوبة ديَّه
مَدفوعة لأجل شَرعيِّة الأحلام

عمرو عاطف

قلبي سِكن ناس جوَّاه
فـ سابوه مَليان خدوش
روحي مَلِّت مـ النسيان
خلايا مُخِّي مَبينسوش!

#عـمـرو_عـاطـف
#هـابـيـك

لي افترقنا ولي بقينا اتنين
أنا بس واقف أبكي فوق الدرب
الكُم كان يمسَح دموع العين
مين اللي راح يمسح دموع القلب؟

_فؤاد حداد".

هشام الجخ: أحلى ما فـ التوهان أوّل ما باجي أوصل، وأحلى ما فـ الأحزان أنّك تضُمّيني

أحمد الطحان: بكيت بحُرقة كأنّي مشيت كلّ الطريق ... وحد غيري وصل

عمرو عاطف: تعبت مـ المَشي أيّام وسنين تخلَص سكك وأقول هوصل أبُص ألاقي سكك تانيين

ميدو زهير: وبتسأليني مّت لي؟ كنت بجري عاوز أوصل وأنتِ كُنتِ بلاد بعيدة

أنا شوفت عيوبِك كأنَّها أصلًا مَفيش
لَمحت عيوني بتصحصح وتعيِش ..
أول ما أحسِّك فجأة بتوحشيني!

#عـمـرو_عـاطـف

هو أحنا مش قفلنا الملَف؟..
المفروض إن الحِمل يبقى خَف!
المفروض إنك أقوى من كدا!!
المفروض إنك أقوى من كدا .. ")

يومين وتِكسر قَلبُه وتصيبُه
واللي صَابك مِـ الوَجع هَيصيبُه!

_عمرو عاطف