Senga boshqaning aybini aytyapmanmi, boshqalarga sening ham aybingni aytaman.
Sening foydang uchun boshqaga adolatsizlik qilyapmanmi, qachondir boshqani foydasiga senga ham adolatsizlik qilaman.
Sening guvohligingda boshqani uzrsiz aldayapmanmi, senga ham qachondir yolg’onlar gapiraman.
Menga ishonilgan sirlarni “yaqinimsanku” deb senga aytyapmanmi. Sirlaringni menga ishonma. Senikini ham saqlay olmayman.
Shaxsiy muammolarim haqida ko’p gapiryapmanmi? Insonlarning achinishidan rohatlanadigan kuchsiz odamman.
Mening asl xulqimni jahlim chiqqanida ko’rasan. O’sha haqiqiy men. Boshqa paytdagisi emas. Qiyin paytda asl yuzlar ochiladi.
Hech kimni eshitmasdan ko’p biladigandek gapiryapmanmi, o’sha mavzudagi bilimimga shubhalan. Ko’p bilganimda ko’p gapdan tiyilar edim.
So’ramasang ham yutuqlarim haqida gapiryapmanmi, demak yutuqlarim juda kam.
Har xil turdagi insonlarga qilayotgan muomilamga qara. Kuchliga, kuchsizga, kattaga va kichikka. Mansabdorga va mansabsizga.
Darajaga qarab muomila qilayotgan bo’lsam munosabatlarda samimiyligim yo’q. Maqsad faqat shaxsiy manfaatlarim bo’lishi mumkin.
Xatolarimni ko’rsang o’zimga ayt. Qabul qilsam yaxshilanish niyatidaman. Eshitishni xohlamasam atrofimdan uzoqroq yur.
Sababi hali o’zgarish niyyati yo’q bo’lgan johil odamman. Senga ham zararim tegib qolishi mumkin.
@javokhir_toshpulatov
>>Click here to continue<<