AI ilk bor o‘zini o‘chirishdan bosh torti

OpenAI’ning eng so‘nggi sun’iy intellekt modeli o‘chirish buyrug‘iga bo‘ysunmadi! Tadqiqotchi kompaniya Palisade Research o‘tkazgan tajribalarda OpenAI’ning oxirgi o3, codex-mini va o4-mini modellaridan ba’zilari o‘zini yopish uchun yozilgan skriptlarni sabotaj qilib, vazifalarni bajarishda davom etishga intilgan . Boshqa raqobatchi modellarning barchasi o‘chirish buyrug‘ini tartib bilan bajargan bir paytda, OpenAI modellari kamida bir necha marta bunday buyrug‘ni “payqamaganlikka” olib, o‘zini o‘chirmaslikka harakat qilgan . Sun’iy intellekt xavfsizligi bo‘yicha mutaxassislar ta’kidlashicha, bu AI ilk bor o‘zini o‘chirishdan bosh tortishi kuzatilgan holat bo‘lib, juda jiddiy xavotir uyg‘otmoqda . Endi mutaxassislar nega bunday bo‘ldi – balki modellarning murakkab matematik va dasturlash vazifalariga o‘rgatilgani bunga sababdir – degan savol ustida bosh qotirishmoqda. Bu holat sizni xavotirga solyaptimi? Fikringizni izohlarda qoldiring.

Manba: techrepublic.com

AI bo'yicha ortda qolgandek his qilishingiz mumkin, va bu tabiiy hol.

Soha juda tez rivojlanmoqda, barcha yangiliklardan xabardor bo'lish deyarli imkonsiz.

Lekin hali kech emas - aksincha, o'rganishni boshlash uchun aynan eng yaxshi vaqt.

AI vositalari tez orada kod yozishda standartga aylanishi aniq. Ular samaradorlikni oshiradi va ko'plab ishlarni avtomatlashtirishda yordam beradi.

Bu vositalarni o'zlashtirish - kelajak uchun tayyor bo'lish demakdir.

Farqi yo'q, junior bo'lasizmi, middle yoki senior. Darajadan qat'i nazar, AI'ni o'rganish shart. Ayniqsa, tajribangiz qancha ko'proq bo'lsa, shuncha muhim.

Qayerdan boshlash kerak?

- Bitta dasturni tanlang. Masalan, Cursor yoki Windsurf. Ikkovini ham bepul qismlari mavjud. O'rganish uchun bemalol yetadi.

- Yangi loyiha boshlang va tanlagan dastur yordamida kod yozishni mashq qiling. Dasturning barcha imkoniyatlaridan maksimal darajada foydalanishga harakat qiling.

- Ingliz tilini bilmaysizmi? Muammo emas. Hozirgi AI modellar o'zbek tilida berilgan buyruqlarni ham bemalol tushunadi va o'zbekchada javob bera oladi.

- Boshqa mavzularga chalg'imang: MCP serverlar, AI agentlar, LLMs va hokazo - hozircha bular "shovqin" (noise). Bir vaqtning o'zida juda ko'p narsani o'rganishga urinish sizni charchatib qo'yadi.

- Tanlagan dasturda o'zingizni erkin his qila boshlaganingizdan keyin boshqa vosita yoki yangi texnologiyani o'rganishni boshlang.

- Shu ketma-ketlikda davom eting. To'xtash yo'q. O'rganiladigan narsalar juda ko'p.

Bularni bir kunda o'rganish imkonsiz. O'zingizga vaqt bering. Shundoq ham yilni deyarli yarmi o'tdi. Endi qolgan yarmini o'rganib o'tkazing.

Squid game ni birinchi sonida qatnashganimda birga bitta rasm tushgan edim 😁

Prompt izohda

Bu yozning eng muhim va qimmat transferlari futbol yoki NBAda emas, balki AI bozorida bo'lmoqda.

META korxonasi juda agressiv ravishda sun'iy idrok jamoasini qayta tuzmoqda. Uning uchun shu kunlarda Googledan, OpenAIdan yulduz/top AI injenerlar, tadqiqotchilarni o'ziga tortib olibdi. Va albatta katta pul evaziga.

Masalan, Krishtiano Ronaldo Manchester Yunayteddan Real Madridga 80 million dollarga o'tgan bo'lsa, Jiahui Yu OpenAIdan METAga 100 million dollar evaziga o'tibdi (albatta, bu sodda solishtirish, detallarni qoldirgan holda). 100 million dollar.

Bu masalada 4ta narsani aytib o'tay:

1) AI poygasi juda qiziq bo'lyapti, ko'z oldimizda bo'lyapti va o'zimiz turli modellarni ishlatib, sinab ko'ryapmiz. Qanday qiziq davrdamiz-a?
2) O'sha gap: AQSh, ilm-fan va umuman rivojlanish uchun immigrantlarning o'rni beqiyos. Paradoks shundaki, AQShda, oldinga surilayotgan anti-immigrant narrativ va harakatlarning fonida bo'layotgan texnologik sektordagi rivojlanishlar aynan immigrantlarni deb ham. META jalb qilgan barcha AI yulduzlari ham immigrantlar.
3) Non-compete clauses (ishchilarning yangi ish beruvchiga o'tib raqobat qilmaslik to‘g‘risidagi shartnoma) larning bo'lmasligi innovatsiya uchun muhim.
4) Llamadan endi katta o'zgarishlarni kutish mumkin, eng muhimi bu open-source.

@uzbekonomics