يابويه /// من فاركَـت داري
يابويه /// ما مرني خطاري
1
//////////////////////////

بويه عافيتي خذتهه أوياك كبل اسنيني
وكلشي ما خليت آلية بس دمع البعيني
وحشه داري يالعفتهه بنارهه اتجويني
لو تجي وتشوف حالي بس حزن تلكيني

يابويه /// هاك اسمع اخباري
يابويه /// ما مرني خطاري




.2.....
الجيَّتك صرت انه احسب بالدمع ليليه
وروحي اشعلهه اعله بابك وانتظرلك جيه
كلي صرت أخلاف عينك انقري لطميه
مستهلهه ارجعلي بويه أعليك امشي ارقيه

يا بويه /// ليك افشي بسراري
يابويه /// ما مرني خطاري
.3......
بويه من يوم العفتني وأنه ما مرتاحه
كلشي بيه أعليك صاير مبتلي بنياحه
روحي ملت من صبرهه وكلبي مل اجراحه
وانه عمري اضلم اخلافك ما طلع مصباحه

يابويه /// عمري نهر جاري
يابويه /// ما مرني خطاري
//////4
اليا وكت أبقه انه اتاني رجعتك يا روحي
علتي زادت عليه يا طبيب اجروحي
عل الأقل مرسال ودي خل يهيَّد نوحي
حيلي هديته بغيابك مثل هد اصروحي

يابويه /// خيمه الأبو ثاري
يابويه /// ما مرني خطاري
....5....
وكفتي اعله الباب طالت يا ربيع أيامي
أربعة وعشرين ساعه امورمات اجدامي
صارت امنيتي الوحيده شوفتك يا ضامي
كلشي ما ريدن بعدهه وكفتك كدامي

يابويه /// رد واجمع افكاري
يابويه /// ما مرني خطاري

//////
✍🏻 كلمات موسى الخادم ٢٠٢٥

كل يوم الك طيفي ابدمع ياخذني
عذبني بعدك والدي عذبني
العليله انه الحبيبه
صرت بعدك غريبه
....1..
كلما اغمض عيوني الك . ياخذيني طيفي
غصبن علية هالامر .. موش اعله كيفي
من بعد حضنك والدي .. بردانه صيفي
واعليك بجفوف الهجر .. ذابحني سيفي

كلما اغمض هل العين
ياخذني الك طيفي حسين
والكاك بين العدوان
وبصدرك اسهام البين

من نومي افزن ياعزيز الزهره
مكسورت الخاطر عليك امكدره
عظيمه هالمصيبه ... صرت بعدك غريبه
2
......
يوميه طيفي الكربله .. ياخذني الهه
ايوصلني يم باب الخيم .. والدمعه اهلهه
ياهو اسأل اعليكم انه .. والناس كلهه
غركانه بجثثكم الما .. واحد غسلهه

جم غالي فوك التربان
صار اله الاتراب اجفان
بس انت غايب ما شوف
مذبوح احسك عطشان

بالطيف ادور اعليك انه وما شوفك
يابوية واصرخ ارد احب اجفوفك
يبو الجثه السليبه
صرت بعدك غريبه

3
......

من خوفي كمت الليل الك .. بدموعي اساهر
خاف اغمض اعيوني ويرد .. كَطع المناحر
وفوكك تدوس ابلا رحم .. بويه الحوافر
هاي الصور ما تحتمل .. روحي تناظر

سهرانه صرت اكضي الليل
خاف انظر اتسحكك خيل
ما احتمل هذا الحال
يالعطرك احله امن الهيل

ما بية اشوفن طولك مكصرينه
وبالاعوجيه صدرك امهشمينه
واوداج تريبه
صرت بعدك غريبه
4
........
كلما يطر خيط الفجر .. محرابك اركض
ومن اوصل وخالي انظره .. بيد اعضعض
مكسورة الخاطر ارد .. بترابي انفض
من كثر ما أعثر بقت .. هالكاع ترفض

صارت اجروحي تنباع
من كثر طيحات الكاع
ابثوبي التراب اشكد صار
ارجع الي بوية بساع

ابنيتك آنه الما بقالي كلشي
وين امشي اذا متردلي وين انه امشي
وسط دنية كئيبه
صرت بعدك غريبه

5
.....
كل يوم اليمرني بسنه .. بويه بغيابك
افراكك اخذ مني العمر .. يشهد شبابك
اتعبت من كد ما نمت .. انه اعله بابك
انتظر جيتك ما ردت.. انطر مصابك

ابكثر المرض ما هميت
ترجعلي بوية اتمنيت
اشكيلك الحال الحال
اخلافك صفه وحشه البيت

داري ابغيابك صارت ابلا ضحكه
من عدهه راح الاغله شي املكه
الصبر من وين اجيبه
صرت بعدك غريبه

6
حزني عليك امفصله .. افصال الشريعه
يمتى ترد ليه يبو .. الضحكه الوسيعه
طبعك اتواصل موش ابد .. طبعك كطيعه
بفراكَك انه اكضي العمر .. بويه ابفجيعه

ابنيتك تراهه ابلا روح
خليتهه اتون وتنوح
بعدك يسباح الكلب
أشبه الطير المذبوح

انه العليله وسولفتلك حالي
وياك راحت ضحكتي ودلالي
اموتن مو عجيبه
صرت بعدك غريبه
.......
كلمات: ✍️ موسى الخادم

يا طير الصاف ... وصل سلامي الوالدي
يا طير الصاف ... كله بقيت الوحدًّي
جني خطار
موحش الدار

....1....
يا طير مرسالي بدمع ... خطيته جاي اذكرك
لحسين ابوي انقل صور ... يا حاله اشد تقهرك
كـَله العليله الشوفتك ... محتامه حيل اتخبرك
طال السفر كله اشعجب ... ماجيت ليهه اتنطرك

كله افراكاك ... زادت عليلتكم علل
كله افراكاك ... يابوهه صاباهه الشلل
بعدك الصار
موحش الدار



...2...
من توصل الطف كربله ... عبدالله شوفه اشلونه
شو كلبي لاجمني بخبر ... بيد الابو ايذبحونه
عطشان مو ماي العذب ... سهم الغدر يرمونه
من ركبته ايسيل الدمه ... ومفتوحه تبقى اعيونه

جذبلي اخبار ... موت الرضيع وذبحته
جذبلي اخبار ... سهم اليصيبه بركبته
كلبي محتار
...3...
حط رحلك اكبال الخيم ... واشبعلي شوف امن اهلي
عده الشهر وانه انتظر ... لا والدي ولا خلي
مشتاكه حيل اسمع خبر ... منهم الي يوصلي
ما واحده العني سأل ... وكلمة اشلونج كلي

راحو الاعزاز ... اهل المراحب والهله
راحو الاعزاز ... اليمهم جنت مدلله
احله تذكار
...4...
يم عمي عباس الكمر ... سولف قصص عذابي
من اول اليوم المشو ... حد ما خلص شبابي
ما كبرتني علتي ... كبرتني عتبت بابي
من الصبح حد المسه ... اتنطر انه احبابي

اغفه اعله ادموع ... واصحه اعله وني ونوحي
اغفه اعله ادموع ... وتلجمني حيل اجروحي
شابحه أنظار
...5...
والصاحبة اعظم خدر ... وصل سلام اليه
كلهه العليله بروحتج ... كل يوم ميته اشوية
ولو صادفت طفله بعمر .... اربعه هاي ارقيه
جانت الي مثل الهوه ... ذاك اليطب بالرية

كعدتهه اوياي .... جانت فلا اتفاركني ابد
كعدتهه اوياي .... اتوكلني بيديهه الشهد
حلوة اصغار
...6...

واختملي مرسال الدمع ... ويه اخوي الاكبر
شملي قميصه البي عطر ... جنة عدن والكوثر
واشبرلي طوله امن الجدم ... حد ما تصل للمنحر
امفاركته فترة امن الزمن ... متأمله اشوفنه اكبر

مشتاقه العين .... شوفة علي ابن الطالبي
مشتاقه العين .... تنظر وجه الجنه النبي
بذاك الانهار
موحشه الدار
......

تمت


كلمات
موسى الخادم

يا بويه زاد المرض بيه
طول غيابك رد اليه
..1..
ما عندي ظل بوية صبر . ملاني صبري مني مل
يومية الك دمعي يصب . ما يوم الك دمعي وصل
شنهو الجره منك خبر . ماجاني حاجيني اشحصل
كل يوم اليمرني ابشهر . كل لحضه بفراكك اجل

اصغيرت عمر عشت الآذية
طول غيابك رد الية
...2...
ما نحَّل اعظامي المرض . نحلت اعظامي فركتك
لو تدري مشتاكه اشكثر . اسمع بذاني ضحكتك
ذبلت اعيوني امن البجي . كد ما بجيت الشوفتك
ليلية افتش بالغرف . هلبت الاكي صورتك

وي روحي اسولف هاي هيه
طول غيابك رد الية
..3..
الماعدهه ابو تعيش الهضم . واللوعه والهم واليتم
خيمه الابو ميَّعوضه . وياخذ مجانه كل شهم
ارجعلي لو نسمة هوه . خليني اشم عطرك اشم
وانجان الي صعبه ترد . وياك اخذني لو حلم

اشمحلاهه وياك المنية
طول غيابك رد اليه
...4...
يابوية من يوم الرحت. حد يومي هذا ما نمت
كل ليله عيني للصبح . يا بويه لفراككَ بجت
شمعت اسنيني ابغيبتك . يابوية ذبلت وانطفت
لو تسأل اجروحي اشحصل . منهه اكلك ما شفت

جرحك اشد اجروح بية
طول غيابك رد الية

...5...
يومية اذكرك من جنت . يمي تجي اتسير نهر
اشلونج يبوية مسمعت . هالكلمه اكثر من شهر
اوساده الرمل صاير الي . يالمارجع منك خبر
بابي انتظر واحد يدك . ويكلي رد امن السفر

رد والدج كَايد رقية
طول غيابك رد الية
......
كلمات : ✍️ موسى الخادم

(( ما خذوني اوياهم…صحت الله اوياهم ))
فاركوني احباب كلبي قصتي مطلعها
*************
كاعدة وعيني عليهم لملمو حاجاتهم
ايدي خليت اعلى خدي وانتظر صيحاتهم
ما شفت واحد فكدني وانه مو بيناتهم
اعرفت راح ابقى وحدي من شفت دمعاتهم

حضريت اهدومي … ابلاية جلمة كومي
من ابوي حسين ردت الجلمة اسمعها
… ..
صحت يابوية اعله بختك عدمن امخليني
ياهو وصيته عليه بعدك ايباريني
بدمعت اعيونه نظرلي وصاح لتعذبيني
البية كافيني يبوية وحالج ايبجيني

شفته دنك راسه… وعاين العباسه
حسرة جر و عينه اشاهد يجري مدمعها
… ..

سارو ولنهه رقية لية رجعت حافية
اجر بدية ادكلي امشي وخلي علتج خافيه
ابلهفه شبكتني بديها تكلي كلج عافيه
بس اشوفج وي ضعنه عندي كلش كافيه

مختنك بالعبرة… شفته روح الزهرة
من رجع ياخذ رقية روحه ودعها
.…
عشت وحدي ابدار غربة بعد ابوي الغالي
رافكتني ادموع عيني والسهر شل حالي
فرحة ما ظلت الية الفرح فارك بالي
والمصايب فوك راسي اتجمعت بالتالي

حزني ما عافاني … كل وكت يرعاني
صار الي تؤام يسامع شكوتي ارفعها
… ..

صرت اشوف اكبال عيني صور ذبح احبابي
علي الاكبر والرضيع الزيدالي امصابي
اهنانه ابوي حسين دامي وعينه تربي البابي
اهناك عمي الجان بيدة ايعدل اليه احجابي

وجني اشوف ارقية… امكيدة ومسبية
وعمتي زينب بالاسياط الشمر لوعها
… ..
وحشت الليل وظلامة والسهر اذاني
والمرض نحل اعظامي والالم بجاني
دهري من زغري ظلمني مني اخذ خواني
ومني اخذ سباح كلبي والدي الرباني

دهري ما انصفني… من زغر يتمني
اخذ مني اعزاز كلبي اسنيني ضيعها
… ..

الحمدالله رب العالمين
اللهم صل على محمد وال محمد
موسى الخادم…

لا تنساني … لا تنساني
خلني أبالك ..... لا تنساني
… ..
يابوية احسين انه ابخـتك
لا تنساني أمحلّف بخــتك
ليل انــهار اتنطّـــر جيتك
لا تكسر كـلبي انه ابنيتك

ابنيتك اني … ابنيتك اني
خلني ابالك ..… لا تنساني
… ..
غيرك مالي ابهاي الدنية
ارحـــم حالي وارجع لية
افـراك يصعب حيل اعلية
مــا سولفلك حزن البية

غيمة احزاني … غيمة احزاني
خلني ابالك ..... لا تنساني
…..

مشـــتاقتلك كـــد اســنيني
يالماخذ شوفـك من عيني
طــــال اغيابك يمــــبجيني
ترجـــع يمتى وتـــواسيني

عل بجاني … عل بجاني
خلني أبالك ….. لا تنساني
… ..
كل يوم ايــمر ياخــذ روحي
يالعايفــني ابهمي ونـــوحي
غيرك ياهو اضمد اجروحي
هجرك هدني وهد اصروحي

حيل اذاني … حيل اذاني
خلني ابالك ..… لا تنساني
… .

صوتي انجانك بوية اتسمعة
محتاجــتلك ردلي بســرعة
ما بطلّت اعـــليك الـــدمعة
لـــيل انهار الفــكدك انـــعة

اول ثاني… اول ثاني
خلني أبالك ..… لا تنساني
……
يابوية حسين ادري بحالك
تبجي اعليه وشاغل بالك
فكـــرك يمي ويــم أعيالك
كل ساعة اتمر أتراوالك

طيفك جاني … طيفك جاني
خلني أبالك ..... لا تنساني
… ..

عـــاذرتك ياضي اعيــوني
ما رحـت اوياكـــم عفتوني
كل خوفك جان ايهضموني
غصـــبأ عـــنكم ودعتوني

يا عنواني … ياعنواني
خلني ابالك .. .. لا تنساني



الحمد الله رب العالمين
اللهم صل على محمد وال محمد
موسى الخادم

شو حملت . ناوي السفر . ياوالدي
تارك جرح . بية أشكبر. يا والدي
مأخذ خواتي ومبتعد ... وتاركني بهمومي أعد
يا والدي .... يا والدي
..................................................................
بعيونك انظر ما ترد ... أي والخلق أرض وسمة
مرمي أعلى رمضت كربلة ... سابح اشوفك بدمة .
وياك أخذني أبهل السفر ... اقسم علـــيك ابفاطمة
ارحمني وارحم حالتي ... اني عـــليــك امعــــلمة

وياك أخذ . روحي وأخذ .دمعي إليهل
ذكرة وصل . بيدك يضل . دمعي اليهل
روحي أعلى جفك بوية شد ... تاركني بهمومي أعد
...............................................
اشلون أسكن ابدار الخلت... مـــــنك يسباح الكلب
تخنكني وحشتهة المسة ... ظلمته ما احمل صعب
خليني امشي اويللضعن ... ما تعبك ابذاك الدرب
لا اشتيكيلك من مرض ... لا دمعتي اكبالك أصب

بنتك انه . وبحاجة الك . يا سلوتي
لا تبتعد . بعدك صعب . يأسلوتي
تأنيني مرّدت الجبد ... تاركني بهمومي أعد
…… ..
يا بـــوية يانهر الوفة ... تسمع أريدك طـــلبتي
لو عازم تريد السفر ... اترك رقيــة ابصحبتي
وياهة آكظي انه الوكت ... وتسد علية وحشتي
وتمسح بديها دمعتي ... وتفرش ألي امصلايتي

ليل الحزن . ما ينكظي. إلا بونس
ما تنخمد. نار الكلب .إلا بونس
وحشة غيابك من يسد ... تاركني بهمومي اعد
..........................................................
بعدك يمالك دنيتي ... راح أنصب أخــيام الحزن
وابجيلك آدموع اشكثر ... حد ما يجف دمع الجفن
مو هين إفراك الابو ... يترك جرح نازف يــــون
يعشك يظل صوت البجي ... وبحضن أبو يغفى يحن

خيمة الابو . موطن ستر . شيعوضة.
منبع وفة . بيدة الشفة . . شيعوضة
الفاكد أبوه يهوى اللحد ... تاركني بهمومي اعد
...........................................................


سهر الليالي ابغيبتك ... ما ينتهي الآخر عمر
يا نومة تلفيني بعد ... يا لماخذ أحلام اشكثر
يا راحة للبال التجي ... يالتارك الهم والعسر
مجبور اعرفك والدي .. تتركني لالا تعتــــذر

ليك العتب ... ما وجهة. .. يالمنذبح
اعتب على ... هذا الزمن ... يالمنذبح
يلشمت اجفوفك ورد ... تاركني بهمومي اعد


...........
الحمدلله رب العالمين
اللهم صل على محمد وال محمد
موسى الخادم.

يالعفتني… بين دمعي وعبرتي
يالعفتني… غاركة بهم وحشتي
يالعتنني… بعـــازتك يا هيبتي
… ..
يالعفتني وبية. عبرة … تخنك الدنية خنك
ما اسولفلك عليه … خاف كلبك يتحـــرك
من كلتلي اوياج الله… ابنيتي لازم نفترك
الهوه ما كام يوصل… . رئيتي وما ينشهك

ضاك نفسي ... وصرت ادور عالهوه
ضاك نفسي … انه والمـــيت ســوه
ضاك نفسي … حرجه صارت حالتي
……
ان جان تسمعني يبوية… عيني تربي عل الدرب
يمتى ترجعلي واشوفك… يا نبض هــــذا الگــلب
بويه من يوم العفتني… . صرت انامن عل الترب
اتعلمت مــثل اليتامة … اشلون اون وانتـــحب

دمعي جاري … ما بقى ابعيني دمع
دمعي جاري … اعليك ياحلو الطبع
دمعي جاري… . يروي الكم قصتي
… ..

ما اوجهلك عتابي … چي عــفتني الوحــــدي
ادي من خوفك عليه… مــا خـــذتني والــدي
اه يا قـــصة غيابك … بيهة مـن وين ابـــتدي
راح ابدي امن النهاية… . اعليك حزني سرمدي

حالي بعدك… شبه حال المنّحر
حالي بعدك… ما يسر حتى الشمر
حالي بعدك… عيشاني بحيرتي
……
هم ترد ذيج الليالي … وهم نـــرد نكعـــد سوه
وبيدك الترفة يغالي … تجي اتشــربني الـــدوه
يالجنت كلشي بحياتي… اغلى حــتى امن الهوه
ظلمة بيتي اخلاف عينك… ظلمة مابي كل ضوه

هم تعاود … أســألك ياوالــــدي
هم تعاود … لو اعيش الوحدي
هم تعاود … يا ملاذي وسلوتي
.…




بوية من كثر البواجي… عيني صاباهة العمة
صرت ما ميز نهاري … . وليلي يابن فاطمة
دنيتي بعــدك تراهه… . حــيل صارت مظلمة
لا اشوفن شمس بيه… لا كمـــر ليل السمة

يا حبيبي… دنيتي بعدك عدم
يا حبيبي… على افراكك ابجي دم
يا حبيبي… تستمعهة صيحتي

… ..
لحضة اوداعك حبيبي … . بية خلت جم جرح
لو اريد اكعد واعدهن… . يطلع اعليه الصبح
بوية اشد اجروح كلبي… العلك احلامي برمح
من سمعتك وية زينب… تحجي عن امر الذبح

خبرّتهه… تنذبح مــن الكــفه
خبرّتهة… وانه خلفك واكــفه
خبرّتهه… الخيل تسحك جثتي
....
الحمدلله رب العالمين
اللهم صل على محمد وال محمد
موسى الخادم

يمهدي … ثالث ليلة هــــــاية
يمهدي… عــليلة ابلا رعاية
يمهدي ... مشة الغالي ودلالة
… .
ليلة الثالث بسم طفــــلة عــــليلة
ودعاهة حسين بالــدمعة الثجيلة
ليلهة امساهر كظة بس تشتكيلة
بوية وينك سفرتك صارت طويلة

يمهدي … العيلة اتنوح سكته
يمهدي … يمهدي الثار يمتى
يمهدي … جــم يــــوم البقالة
*****************
نحل اعضاهة المرض وافراك ابوهة
وعلي الاكــبر والرضيع الضيعوهة
ابعاد صارو حيل عنه ما أجـــوهة
كـــل اهلهة ابليلة وـــحدة ودعوهة

يمهدي … مشو خلوهة اهلهه
يمهدي … فـلا واحد بقى الهه
يمهدي … غــير الحزن عـــالة
………… .
بنت بيت احـــزام لـــفراك الحبايب
ابكل وكت كل حـــين جيتهم تراقب
ياهـــو التسالة عــليهم ما يجاوب
تغفة جانت من بجيهة عل الترايب

يمهدي … طفلة ابـــدار وحشــة
يمهدي … الترب صارلهة فرشة
يمهدي … متـــسرك الـــــحالــة
……
يابو صالح جم سهم صوب دليلك
نسألك بدمـوعنهة جـــاوب دخيلك
سولفنه اشلون وحدك كاظي ليلك
فــدوه دلــينه ابمكانك خــل نجيلك

يمهدي … خدم كلنه ورعيتك
يمهدي … تدلينه اعلى بيــتك
يمهدي … بعـــثنالك رســـالة
***************************
الحمدالله رب العالمين
اللهم صل على محمد وال محمد
موسى الخادم
……

لا لا تخلوني بدمعتي وترحون
اقرو اعله روحي الفاتحه من تمشون

....1....
يحبابي انه احاجيكم ... لو سار الضعن بيكم
اتذكروني بالدمعه
وي طلعتكم انه ابدي ... احفر يالاهل لحدي
واعلك عالكبر شمعه

شلي بحياتي ودنيتي ... من غــير اهل بيتي
بالدمعة اقرو الفاتحه ... راح اكتب اوصيتي
ذكروني بديار الغرب ... مسلـــوبة حــنيتي

هاي الوصيه اوصيكم و لا تنسون
اقرو اعله روحي الفاتحه من تمشون

....2....
ابنيتكم لتنسوني ... كل مغرب اذكروني
وحدي بحجرتي الظلمه
لا واحد يمر بيه .... يخلص ليلي لطميه
اه يا هضمت الهضمة

المن اوجه شكوتي ... والحـــال اشـــكيله
دلوني وين الكه الصبر ... اتعنى وأمشيله
حملي ثكيل ابلا ابو ... حملي منو ايشيله

نار ابدليلي تستعر ما تدرون
اقرو اعله روحي الفاتحه من تمشون

...3...

ما همني المرض همني ... حسين المبتعد عني
صاحب ضحكت الحلوه
اه يا ساعت الفركة ... اشتترك بالكلب حركة
بعده الدنيا ما تسوه

مو حلو دنياتي بعد ... هالجلمة اسمعوهه
البنية من غير الابو ... بالموت واسوهه
يكبر عمرها من وكت ... ومشيبه تلكوهه

وانه بعمر تسعه وكبرت اتشوفون
اقرو اعله روحي الفاتحه من تمشون

....4....

احجي بحركة وي روحي.. ياهو ايضمد اجروحي
لو رحتو وتركتوني
نار ابداخلي اموجرة .... لفركت ضنوة الزهرة
حسين الساكن اعيوني

متعودة كل ليلة التمر ... اغفة اعله جفينه
ولمن افز وكت الفجر ... عيني تطر عينه
وين انطي وجهي بروحته ... حاجيني يسكينه

ما ظلي راي ولا فكر بله اشلون
اقرو اعله روحي الفاتحه من تمشون

....5....

صعبة اعليه هل ساعه ... ياهو الابدي بوداعه
جم غالي مشه غالي
اعزاز وكلهم اهواهم ... متعودة اعله ملكاهم
يا ربي ارحم ابحالي

ابدي برقيه لو علي ... لو زينب الحره
لو عمي عباس الكمر ... لو قاسم الدره
لو ابدي بحسين الابو .. وعبدالله الينظره

ميته عساني وانتم الي تشيعون
اقرو اعلة روحي الفاتحة من تمشون
......
تمت
......
موسى الخادم
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

وفايه الك وفايه الخدام الك وفايه


ومصيبتك يالمظلوم خدامك وتدرينه
اليخدمك يامولاي عمره نذر وسنينه
نفقديغالي الاحساس لو يمر عاشر بينه
مو عالارض وسط الروح مأتم الك نصبينه

وفايه الك وفايه الخدام الك وفايه
➖➖➖➖➖➖➖➖➖

بالدم عهدنه    مولاي.   من الزغر وقعنه
وعاشور لو مر كل عام بمصيبتك يجمعنه
وكل مايمر شهر النوح ذاك الحزن يفجعنه
ومو ماي لا دم مولاي  يهمل  الك مدمعنه

وفايه الك وفايه الخدام الك وفايه
➖➖➖➖➖➖➖➖➖

اشما تضحي الارواح ماتوفي الك خدامك
نخلص عمرنه بحسرات تصعب علينه ايامك
يمرنه الحزن يامولالي من نذكر احنه اسهامك
ظحيت كلشي للدين يل عيشيت اسلامك

وفايه الك وفايه الخدام الك وفايه
➖➖➖➖➖➖➖
مولاي عندك خدام تنطي المناحر دونك
بعيالها ومو بلمال صدك عهد يفدونك
انته عزيز الگلوب صدگ تره يسمونك
ويفدون كلشي يملكون مولاي لجل عيونك

وفايه الك وفايه الخدام الك وفايه
➖➖➖➖➖➖➖➖➖
اشما تقدم الخدام  ماتوفي. قطرة بدمك
يالضامي انت ومذبوح جسمك وذر من لمك
للدين ضحيت أرواح وبالگلب ثابت سهمك
طلعيت لجل الإصلاح وكل شي ابد ميهمك


وفايه الك وفايه الخدام الك وفايه
➖➖➖➖➖➖➖➖
كالو عهد عدنه وياه وحسين اهو الينجينه
وبوم الحشر يوم الدين يحضر صدك يحمينه
بعاشور ابد ماننساه ومايوم اهو الناسينه
خدمتك ياماي العين هذا الشرف يكفينه

وفايه الك وفايه الخدام الك وفايه

ابو سلام الجابري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

من هذا السفر بس الله اليعلم
بس انه اعرفت من هسه اتيتم
يا بويه يا بويه
؛؛؛؛؛؛؛
من هذا السفر گلبي انه يوجعني
  يا بويه يا بويه
ما مذبوحه بس هجرك اليذبحني
يا بويه يا بويه
مــــا احمل وداع المن تودعني
يا بويه يا بويه
سعفه انه صرت حتى الهوه يهزني
يا بويه يا بويه
يقضه السفر لو هسه انه اتحلم
؛؛؛؛؛؛
اباوع متني وانظر انه لرقيه
يا بويه يا بويه
باچر منها هم تنباگ ترچيه
يا بويه يا بويه
كون البيها صار يصير هم بيه
يا بويه يا بويه
ما تحمل سبي وشلون مسبيه
يا بويه يا بويه
رقيه ترفه باچر حيل تتألم
؛؛؛؛؛؛؛
المن ماشي وادم ما يحبونك
يا بويه يا بويه
باچر بالحجر گلهم یضربونك
يا بويه يا بويه
هسه شلونك وبس باچر شلونك
يا بويه يا بويه
باچر بالرمح اعرف يرفعونك
يا بويه يا بويه
من هل روحه باچر اتندم
؛؛؛؛؛؛
ما املك الهدهد توصل اخباري
يا بويه يا بويه
بعدك وحشه صاير اعترف داري
يا بويه يا بويه
لمن انه اشوفك تنخمد ناري
يا بويه يا بويه
يا خطاري ارجع انت خطاري
يا بويه يا بويه
انطيت الصبر من عندي يتعلم
؛؛؛؛؛؛
باچر عمتي تركب عله الهزل
يا بويه  يا  بويه
باچر بس حچي الشمات تتحمل
يا بويه يا بويه
اخذني وياك بويه حسين اتوسل
يا بويه يا بويه
خليني امشي ما اركب اعله المحمل
يا بويه يا بويه
يضرب عمتي والشمر يتبسم
؛؛؛؛؛؛
علي جبار الكعبي
الفاتحه لوالدي
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

#زينب_ع_والعليله

.
.

آنه ويّه الخيام .. عشرتي مو طويله
روحي بدار الحسين .. ظلّت يالعليله

يصير السفر ممات
للعمره ذكريات

يالعليله

*

بضعن الغريب لكربله  يا فاطمتنه الصغره
چانت طلعتي ويه السبط   تكليف شرعي السفره
شاء الله ينظرلي بسبي   وسمعاً وطاعه لأمره
واطلعت عالناگه جسد  ، روحي بديار الزهره

ظلت روحي يم دار  ..  عطر اهلي بعتبته
ومن يمسي المسه بيه  ..  الاخو ما يترك اخته

ولا تنسبي البنات
للعمره ذكريات

يالعليله

*

كل ذكرياتي البلخيم  بيهن ألم يبنيتي
الذكره الجميله بمنزلي و الهه اكثَرت حنيتي
هنا تعثر النسمه عشگ  ،  عطر الزچيه ابيتي
هناكه الدُخان اتنفّسه  ومثلچ طفت عافيتي

ما بيّن إلي اخيال  ..  تشهدلي المدينه
و عگب العِز على النوگ  ..  يبنيتي انسبينه

واشمصعب الحياة
للعمره ذكريات

يالعليله

*

لو شفتي البگلبي شنو  يا فاطمه چا متّي
عن كُبُر لو دار الصبه  لدرب السبي هاجرتي
من عفت محراب السبط  مستاحشه نافلتي
و ابلا صوت عباس الوفي تشبع حزن سالفتي

چن جنة علي الدار  بوجود الغوالي
وابلايه اخوتي احتار  والموت البقالي

مسبيه عالفرات
للعمره ذكريات

يالعليله

*

ريشة وحي ابيتي غفت وارويحتي لهاي اتحن
وبالخيم فرگة چم شهم حگه الگلب الهه ايون
هناك الدقيقة اتمر عُمر والسوط غاراته ايشن
من لمعة السف لسبي  ما ظل وقت بي ندفن

فوگ الرمله الاجساد  والروس برمحهه
واحنه ايساره عالنوگ  كل وحده وجرحهه

ننحب على الأُبات
للعمره ذكريات

يالعليله

*

داري گبل چان النبي يستأذن ويدخلهه
وبالطف خيمنه اعله النسه جيش الشمر يشعلهه
وبداري قرآن الفجر نبراته ما اجملهه
ولو عينچ اتشوف الخيم فجر اهدعش حاصلهه

ما مرفوع الاذان  رفعوا راس اخونه
وصلاة ما قاموا،  بسوط   عمه گومومنه

فوگ الجمر نبات
للعمره ذكريات

يالعليله

*

اي يالعليله والحزن زاد اعله علتچ عله
واشحال لو شفتي الطفل مذبوح نحره بنبله
ولو من اجه اليسلب ركض  خافت شلون الطفله
كلهه بكتر عمه  وكتر  السجاد لمن صلّه

وجّه وجهه لله  ولن عالرمح الاكبر
دمعة غرّگ العين  وصاح  "اللهُ أكبر"

تكبيرة الصلاة
للعمره ذكريات

يالعليله

*

الشاعر سعد هادي الشمري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

منهـاج محـرم الحـرام ١٤٤٧هــ
اليله الثالثه

(للعـــليـــه .ع.)

يشيعه اهل الوفه ادريكم
اذكروني بلياليكم
عليــــله عليــــله
---------------@@@--------------
انه العيني عليكم دوم تبراكم
ابرفع اچفوفكم چفي اعتله وياكم
يشيعتنه الهي حاشه ينساكم
مريضه اوربي خصني شفه لمرضاكم
اطلبو مني انطيكم
اذكروني بلياليكم
عليــــله عليــــله
----------------@@@----------------
انتو اهلي يشيعه واندعي الأهلي
شملكم دوم ملتم كون مو مثلي
وحيده ابلا اهل لاطارش الصحلي
اذكروني بمجالسكم يحط رحلي
انه ويالزهره اتانيكم
اذكروني بلياليكم
عليــــله عليــــله
----------------@@@----------------
انه الأهلي مشو واتبدت احلامي
انه الگضيتهن بالحصره ايامي
وحگ حسين ابوي المنذبح ضامي
مجالسكم يشيعه اتخفف الامي
انه اليانسني طاريكم
اذكروني بلياليكم
عليــــله عليــــله
---------------@@@----------------
مقامي معتلي اورب العرش علاه
وابوي حسين وارث انبياء ألله
اليدگ بابي الهي بحيره ماخلاه
والمد چفه چفي اوچف ابوي انطاه
يشيعتنه الفخر بيكم
اذكروني بلياليكم
عليــــله عليــــله
-------------@@@----------------
نخوتي للندبني وچن الي زاير
مثل نخوة شريفه الماترد حاير
انه چفي كرامه لكل محبه صاير
اوعنكم نضر عيني يوم ماداير
توافوني ووافيكم
اذكروني بلياليكم
عليــــله عليــــله
---------------@@@---------------
احاچيكم ابهمي اولوعت البيه
لتكسرون خاطر يوم لبنيه
ياحال العليله بياوضع هيه
يبچيله الصخر لو جبت طاريه
الصخر يبچي وابچيكم
اذكروني بلياليكم
عليــــله عليــــله

لخادم العليله
الشاعر
ابو عبد الله الشمري

جواب للأبيات الخالده يجدي مات محد وكف دونه
يأتي الجواب على لسان رسول الله ص


يزينب لا تـخـبـريـنـي اعـلـه چـبـده
يزينب كل جرح ضاهدني المضهده
يزينب والـيـدوسـه ايـدوس جـده

ومـثـل صدر السبط صدري تجسم
                   *-----------------*--------------*

✍خادم الحسين ع
الشاعر رعد الجريخي

حسين لو تدري العليله شلونها
بيض گلبن مـــن وراك عيونها
،،،،،،،،،،،،،،،،،،،،،،،،،،،،،،،،،،،،،،،،،،،،،،
رحـت عنها ومن رحت اذيتها
بنار چنها تگـــول موش ابيتها
لـوشفت حالتها چــــــا تانيتها
شيل گامـــــــــو بتك يشيلونها
،،،،،،،،،،،،،،،،،،،،،،،،،،،،،،،،،،،،،،،،،،،،،،
چلمت الله وياچ هــدت حيلها
اطيب بلكت يالحسين ادعيلها
ترئ بتـــــــــــــك ماتهود ليلها
تلاگن من المرض ملگه متونها
،،،،،،،،،،،،،،،،،،،،،،،،،،،،،،،،،،،،،،،،،،،،،،،
كلشي گلها ولاتگلها اعله الذبح
ماطوول ترئ بتــــــــك للصبح
جرح هجرك مانشف دم الجرح
تموت كـــون بچتلك يخبرونها
،،،،،،،،،،،،،،،،،،،،،،،،،،،،،،،،،،،،،،،،،،،،،،،
غبشه تغبش بتك تكض الدرب
وعلي حالتها ترئ تفلش الگلب
عالعرف يحسين تركض والغرب
تريــد كـــــــون الكربله يودونها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي

زينب اجت بحماك واتكفلتهه
والناكه يا عباس بيدك گدتهه


گالتلك امشي وياك، گلتلهه كافل
و درب السفر متگول بس يابو فاضل
ما چنهه يا عباس فوگ المحامل
زينب ابنص عيناك چن گعدتهه


للضعن من شديت يابو الحميه
بيدك اخذت النوك للغاضريه
عباس اجت بحماك بنت الزجيه
عالمحمل بجفيك يالركبتهه


تمشي الفرس والنوگ خطوه اعله خطوه
يل خوّتك ما غير تتسمه خوّه
بت فاطمه الزهراء صرتلهه فدوه
وغير آنه عد عيناچ ما سمّعتهه


هالحره بت اخدور تربات ابوهه
ما رضت تمشي بليل من خيّروهه
بس رضت من دكيت صدرك يخوهه
طلعت تره بحماك يلي جبتهه


زينب يبو الكلفات من طبت الطف
بيك انتخت والروح ليك اتّلهّف
ترعاهه والصيوان فوگه العلم رف
ما لحظه يا عباس رحت وعفتهه


لو مرّه رادت ماي واتندبك اختك
ترويهه يا عباس من جف يمنتك
بخيمتهه زينب حين تسمع كلمتك
تغفه وتنام الليل يالدللتهه


هاي البوادي وهاي كل العساكر
وهاي اختك بأحزان بالهم تناظر
انته بحماهه اليوم والصعبه باچر
باچر خيمهه النار لو هدِمتهه


لو سهم وسط العين باچر تنظره
يصير الدرب عباس عثره اعله عثره
و لو شافت اعله الماي مگطوعه يسره
ياخوهه گول الگوم زينب سبتهه


مسبيه وارض الشام طبتهه تصعب
عجفه النياگ اشلون لو بيهه تركب
السوط بمتنهه يطيح ها ياخو زينب
عالفرگه يا عباس ما عوّدتهه


الشاعر سعد هادي الشمري
#جديد_محرم_الحرام_
@HxzEU1
#قناه_نشر_القصائد_المنبريه
#الناشر_مصطفى_المياحي

هوسات العباس ع
...................


اليشكل علكمر ويطالب شهود
فوك النخل لسه بكربله جنود
حتى يكابلونه ذب الزنود
ذب جفه وهم ماكربوله


ذمه على الركب بتاره ينحط
والسبعين الف كدامه تفحط
شلال وخياله مرخص الشط
علروس يهوس بحصانه


طب عباس رايه وبيده رايه
شاهين وكصد وكر الحيايه
خل الزلم تشرد كلنثايه
واليشرد يلكاه كدامه


يطحن بلجماجم صار سيفه
مثل دك اكهوه و الموت ضيفه
يسحك علرگب صار علكيفه
يانهر الدم اصيار ايده


موعباس جنه الموت اجاهم
وريشاته الخظر ذبحت هواهم
عالي ومانزل يم مستواهم
وده الهم عباس خياله


يسمن سيفه بس الجيش يضعف
حظر تجول من عباس بلطف
لف الجفن علخياله يلتف
دفان الحومه يسمونه


...........
بشار السامي