موال :

الليله وحشة وحزن والسجاد كال

استعدن والضعن شد الرحال

زينب وحيده تنادي بلا اخو

واكفه عله التل تصد عله العدو

تذكر العباس وتكله تعال

ذكرت اسمك والشمر خاف وشرد

بلايه كافل بت علي وبلا ولد

زينب اليله تجمع بالعيال

استعدن والضعن شد الرحال

🍁ضرغام الجابري

يوليدي السهم صابك مردنه

مثلك يا بعد بيتي مردنه
ردنه بماي تتهنه مردنه
نشوفك فايض ابدم المنيه

🍁ضرغام الجابري

شسولف علييي صار وحدث وجره
بالطف طفل دمه سال وجره
احسّن نار بين ضلوعي وجره
عله مصابك يبن حامي الحميهه

🍁ضرغام الجابري

اسهر ناطره حلمك وطيفك
مهدك كعبه سويته وطيفك
الحرب والخيل والحومه وطيفك
وسهم الصاب نحرك عم عليه

🍁ضرغام الجابري