شدت العبد الله عصابه الرباب
مثل جدك رايده تقلعلي باب
••••••••••••••••••••••••••••••••••••••
تهز بالكاروك كعت توصي بيه
تكله حيدر جدك وأثنت عليه
فتح كماطه ويلولح ضل بديه
وعينه نضرتها تدل اعلل عذاب
••••••••••••••••••••••••••••••••••••••
واهس مكاون أشوفآ يبني بيك
تلكَد الميمون سيفك بين أديك
هيج حلمك حاسه لاجن عليك
جبير يبني وحلمك بعز السراب
••••••••••••••••••••••••••••••••••••••
تكله أريدك مثل جدك مثل أبوك
وسمع الأكبر يصيحك بعد أخوك
تاخذ أطباع الهواشم لو نخوك
تغير علكوم وتحز بيها الركاب
••••••••••••••••••••••••••••••••••••••
صدفه مر حسين حسبيها وسمع
عبد يبني تبختر وخلك سبع
حسين دنك غركت عيونه بدمع
شافته بدمعاته حست بالمصاب
••••••••••••••••••••••••••••••••••••••
توجهت لحسين كالت لو كبر
أبني عبد الله يشيخ بكل فخر
مثل عمه بحومتك يثبت يكر
بعبد ماريد انفجع رايته شاب
••••••••••••••••••••••••••••••••••••••
تكله يحسين الضعن ما لاك أله
كون يكبر حتى نمشي الكربله
وانت رافع راسك بين المله
لون طب الحومه يكلبها كلاب
••••••••••••••••••••••••••••••••••••••
#محمد_هادي_المشرفاوي
>>Click here to continue<<