قصيده//لأستشهاد الامام الحسن العسكري عليه السلام//
................................................

والينه.والينه .مسموم والينه
مهدينه .مهدينه.. وانعازي مهدينه
..............
سموه وايلوج الحسن من السم
والگلب مملي من القهر وامن الهم
والچبد منه منفطر واصبح دم
وين العشيره خل تجي وتتوزم
ابدفنته اوتچفينه دحضروا الوالينه*
والينه ..والينه مسموم والينه
.............

يتگلب ابسمه بقه ا وفاجعنه
جتّه المنيه الوالي ماودعنه
وامگابله اوليده ويجر الونه
وياك بويه للمقابر خذنه

ونينه ونينه للحسن ونينه
والينه والينه....مسموم والينه
........

شيعتك حزنانه وتصب دمع العين
مولانه تبچيلك اوتبدي الونين
يلشفت غربه مثل جدك لحسين
والمهدي يبچي صَبّح اليوم إحزين

حزنینه حزنینه...مولانه حزنینه
والینه والینه ‌مسموم والینه
..............
حزنت الشيعه ونشرت اعلام السود
والعسكري هليوم اصبح مفقود
عايف اوليده او ساكن ابوسّط الحود
الراح منه مااضّن بعد ايعود
حامينه حامينه ...مايرد لينه
والينه.والينه...مسموم والينه
.........................................

سامرّه ظلمّه والحزن عاليهه
شال اللي للمظلوم وايحاميهه
منهو العگب عیناه یسکن بیهه
ریت ابنك المهدي يجي يصفيهه
ثارالك مهدينه...دنهض يوالينه*
والينه .والينه...مسموم والينه
مهدينه.مهدينه.. وانعازي مهدينه
.............................................
تمت بعون الله//✍الشاعره صديقة الهلالي//غيرمبرئ الذمة من يحذف اسم الشاعره//
..............................................

قصيده// لأستشهاد الامام الحسن العسكري عليه السلام//
تنقري بعدة اطوار فزاعيه وغير......
...........................................
گومواشیلوا اعلام لبن المصطفی
نور سامراء هليوم انطفى
..............
گومو شیلوا اعلام حزنوا دورکم
العسکري شايل وطافي نوركم
خلاف عينه مضيعين ادروبكم
الدين محزن من بعد عينه صفى
................
خلاف ابو المهدي محزنه شيعته
مات مسموم العده وابحسرته
عمت عيني اعليه يجرابونته
علتّه مسموم مأيوس الشفى
................
شال راعي الدين مایرجع بعد
عن هله اوديرانه هليوم ابتعد
مسمّم المظلوم الله او لحّد
مات من السم وین اهل الوفی

.................

الشیعه یم داره تبچي وتنتحب
امغرّب المظلوم لوداعه نحب
عاش بلغربه مايمه محب
عاش بين العسكرامن اهل الجفى
.....................
شيعتك تبجي اوتنادي يلحسن
تروح من بعدك نعيش احنه ابشجن
اشلون نتحمل يمولانه المحن
انشوف شخصك بارض سامراء غفى*
گوموا شیلوا اعلام لبن المصطفی
نورسامراء هليوم انطفى
...........................................
تمت بعون الله//✍الشاعره صديقة الهلالي//
غير مبرئ الذمة من يحذف اسم الشاعره//
............................................

نعي نعي لاستشهاد الامام الحسن العسكري عليه السلام//
...............................................
مسموم الحسن وادواه ضيعوه
يعالج وصوب الجبله داروه
واهله ابواچي اليله ودعوه
انه بلعسکري صوبوا گلبي
.......................
اليله المنتظريبچي ابحسره
وامكسرّه ابصدره العبره
وامجابل الوالي او ينظره
لفرگاك بويه ذاب چبدي
.....................
اعرگ جبینه واسبل ایدیه
ومن الاهل محّد حواليه
ومددلعند الموت رجليه
المهدي هوه اعليه ويناديه
.............................
بعدني زغير اويتمتني
مالحگت بویه او شفتني
وهسه على بختك عفتني
بحرگة گلب یبچي او ينادي
..............

بغربه عشت واغريب ونيّت
واشكثرمن الكفر عانيت
بعدك يبويه موحش البيت
گلبي عليك اليّوم صادي
..................

غسّل والده ابهیده اویحن لیه
وبهمس بأذنه ضل يحاچيه
ودموع عينه تنزل اعليه
حن الولد وايبوس بيديه
.............................................
✍الشاعره صديقة الهلالي//
............................................

ابوذيه(عند دفن الأب)
.............................
یشایل نعش ابوي ادخيل ونه
سريتوا بلنعش واسمعت ونه
بهيده صحت يلماشين ونه
(تحله دفنتي وياه سويّه)
١بمعنى توانه (انتظر)
٢بمعنى (انين)
٣بمعنى(آنه)
............................................
✍الشاعره صديقة الهلالي//
.......................................

ابوذيه للامام العسكري ع
............................................
گِضه مَسموم مّن إلسّم وبيداي
غَسّلتّه عفّه گلبي وبيداي
يحگلي إعله الابوأهيمن و بيداي
(لئن من حشمت مارد عليه)

............................................
✍الشاعره صديقة الهلالي//

(فزاعية) لمولاتي فاطمة الزهراء عليها السلام//
.......................................
وين رحتي يلزچيه
نمتي والونه خفيه
..................
مختفي صوت الحنينه
والضلعها كاسرينه
يلمشيتي اشلون بينه
مالنه غيرج تچیه
نمتي والونه خفيه
............
مالنه غيرج يازهره
مآلمه من اضلع کسره
والگلب منهو الیجبره
يلرحلتي اشلون بيه
نمتي والونه خفيه
................
بتج انه تضيعيني
اشلون يمه تيتميني
عليج مابطل ونيني
يلمشيتي ماكو جيه
نمتي والونه خفيه
................
والولد مهدوم حیله
حسین متآلم دلیله
ردي لينه يالجليله
حال والدنه شجيه
نمتي والونه خفيه
..............
حيدر اينادي ابحسره
اشلون عفتيني يزهره
عليج محني اليوم ضهره
والحسن راد المنیه
نمتي والونه خفيه
..........................................
(يلشايل نعشهه خل نودعها)
................
✍️الشاعره صديقة الهلالي//
........................................

(نعي نعي) لمولاتي (فاطمة الزهراء) عليها) السلام عن حال زينب عليها السلام/
.............................................
ادور علی امي ومالگیهه
البيت خالي اشصار بيهه
اشتم عطرها بنواحيهه
............
بس العطر ذكره بگالي
عنيتي علي يمه تعالي
ابچي عليج الدمع هالي
..............
تعالي ييمه اليوم اريدچ
يبچي بگه یمي اوليدچ
تمسحين دمعاته ابأيدج

...............
حزينه ويبات الحزن وياي
بعدج يزهره تهل عيناي
تراهي اليتيمه اتضيع الراي
...............
فراگچ ییمه شده بالي
وطولج ييمه يتراوالي
لحگي يزهره الظيم حالي
..............
تانيت يم بابج تطلعين
وكت الصلا يمه توضين
واشوفج ابمحرابج تصلين
......
ابنيتّچ انه حِنّي عليه
.............................................
نعي لفاطمة الزهراء عليها السلام/
✍الشاعره صديقة الهلالي//
الشفاعة يامولاتي يازهراء ع
.........................................

قصيده لسيدتي ومولاتي فاطمة الزهراء عليها السلام//فزاعيه مع هوسات
..............................................
يشايل نعشهه.. خل نودعها
لو ترجع اویانه ادخیل رجعها
....................
هاي امنه العزيزه ابراضه وياها
ضلعها المنكسر خافنه اذاها
لوراحت بعيد اشلون نلگاها
واحبیبه النه وضیعناها
........................
احبیبه امنه وحنینه لا تبعدوها
بتراب اللحد خافن تلچموها
موجوعه مشت والعین ضربوها
(تلسع یانار الحبابه)
........................
اتذکرتچ يیمه وعینی اعله الباب
غیر انتي ييمه مابگتلي احباب
گلبي اعليج يحبيبه بگه عطاب
(نیرانچ تلهب بضلوعي)
.................
ماصحلچ ییمه ادواچ ضیعته
والضربه مچیده الضلع کاسرته
والصدر الزچیه حیل هاشمته
( ياحيف امضيعين ادواها
....................

ترا افراگ الحبایب بلگلب ليهوب
یالعفتي البنيه من حزنهه اتذوب
عگب الوالده گلب الولد مصیوب
(وديرانج ظلمه وحزنانه)
........................................
تمت بعون الله //✍الشاعره صديقه الهلالي( كربلائيه وافتخر )
..........................................

مولوديه لمولانه الامام المهدي (المنتظر عجل الله فرجه)
................................🌷🌷❤
المهدي اجه مولوده هله هله
يارب علينه عوده هله هله
هل الفرح وياه...
بصياره واهويناه
يارب علينه عوده.
المهدي اجه مولوده..
......................
يانور ضوه اسمانه...هله هله
والفرح عاش اويانه...هله هله
كل الهله ابمولانه...هله هله
نَوّرابجيته الكون...
خل شيعته يفرحون...
جانه الوفي بوعوده*
يارب علينه عوده...
المهدي اجه مولوده...
......................
نهني النبي ابميلاده....هله هله
ابوه الحسن والساده...هله هله
يموتون خل حساده...هله هله

..والزينه علگوها ...
الهلوله علّوها....
يوم اليهل موعوده
یارب علینه عوده..
المهدي اجه مولوده
....................
كل شيعته فرحانه ..هله هله
المنتظرمن جانه...هله هله
ابنوره تشع دنيانه....هله هله
هُوّ الينجينه....
الشيعي تغرعينه....
واموردّات اخدوده*
يارب علينه عوده
المهدي اجه مولوده
...................

من اجه ضوه داره....هله هله
یلمهدي يابو الشاره...هله هله
وانصیرمن انصاره ....هله هله
والكون غَنّاله...
اعليه الملك لاله..
اجعلنایربي اجنوده*
يارب علينه عوده
المهدي اجه مولوده

هوسه
(بالحق ياشيعه مهنايه)
.........................................
تمت بعون الله/
✍️الشاعره صدیقه الهلالي//
........................................

https://hottg.com/mmarryamiiiii

قصيده لمولاي امير المؤمنين علیه السلام ليلة 19التاسعه عشر
رمضان //
.........................................
وین رایح یاعلي والینه
خاف تمشي وماترداعلينه
...........
العين رَّفّت والگلب من إطلّعِت
گلبي حس بفراگ یوم الودّعت
ماغفت عیني يبويه اولانمت
ابطلعتّك گلبي انشلّع بونينّه
..................
أذّنت واسمعت صوتك من بعيد
لاجن اگلیبي يبويه ولايهيد
خوفي بويه اتروح والملگه بعید
اسهام هجرك يالولي ترمينه
.................

ساعة وانگلّبَّت سمانه ومظلمه
واسمع اصيّاح الملائك بالسمه
انصاب حيدرلِحيته نگعّت دِمه
اوتصرخ الایتام یاوالینه
....................
احتارت الایتام تِرکّض يا کِتر
واسمعتهم والگلب شَبّ ابجّمُر
عگب حیدر بعد شلنه بلعمر
لومشه الكوفه تضل ايتيمه
.........

من بعید انظر ودمعي ابوجنتي
شفته لن محمول جابوه اخوتي
اصواب راسه ريت صار ابهامتي
اولا ابراس الحيدراعي الشيمه
.....................
تمت بعون الله ياعلي مدد/
✍الشاعره صديقة الهلالي//
......................................

نعي لمولاي امير المؤمنين علیه السلام ليلة التاسعه عشر//
..............
من طلعتك گلبي لچمني
وحس الگلب لنك تهدني
خايف اگلیبي اعله جد ابني
..............
شفتك تلوج او لجت وياك
من طلعتك
والگلب ینعاك
خافن ابن ملجم تولاك
ماردو عليه احباب گلبي
...............
ويه الفجر والدمع يجري
.....................
بسج يعيني لاترفين
توهم اعزاز الگلب ماشین
ضیجتي خلگي ماتهودين
خافن وليي بعد ميعود
..........
شوضاج خلگي وتهل عيناي
اشعندج يدنيا بعد وياي
ابطلعت وليي ذايب احشاي
واسمع هضل من السمه جاي
...............

صوت السمعته ماهو عادي
جبريل لن يبجي اوينادي
فززني من نومي ورغادي
ماهودت بلنوم عيني
..................
صوت الاجاني اتهدم الدين
وبمسجده طاح ابو الحسنين
وراسه غده منشطر نصين
والكوفه ضجت كلها بونين
.....................................✍️
الشاعره صديقه الهلالي//
خادمة امير المؤمنين ع ياعلي مدد
..................................

قصيد لامير المؤمنين عليه السلام
ليلة عشرين رمضان//لسان حال زينب ع
............................................
عگبك اضل ابنوح.....بويه
چنك نويت اتروح....بويه
بويه علي بطل السفر...
زينب تموت من القهر..بويه

...............
ريتك يبويه اتگوم لیه سالم
لا تبقه بفراشك يوالي نايم
احو يبن ملجم او سيفه اظالم
وسفه لعد راسك طبر.....
زينب تموت امن القهر....بويه

..............
حيدر يبويه گوم شوف الکوفه
مرجونه بويه الشوفتک ملهوفه
لاطفال كلها بلحزن مچتوفه
والظیم عالیهه اوکدر...
زينب تموت امن القهر...بويه
.................
تبجي اليتامه والارامل ناحت
تصرخ يتيمه اباب دارك طاحت
من لليتامه والارامل صاحت
شيفيدلوراح النظر.....
زينب تموت من القهر ...بويه
................

مأيس يدكتور الاماجدجنك
من اطلعت حسيت حسره ابونك
لتروح واتعوف الولي اترجنك
لوراح يكسرلي الظهر....
زينب تموت من القهر ....بويه

......................................
تمت بعون الله //✍️الشاعره صديقة الهلالي //
خادمة امير المؤمنين عليه السلام //
......................................

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://hottg.com/+PZwpTt2HLXcvUQZh

------------------------------------------------------