اللهم صل على محمد وال محمد

هل اهلال الميادين *وتوكلنه اعله لحسين
ثار وفزعة ورد * اندور الگاطع زند
هل اهلال الميادين
:::::::::::::::::::
يوم الاول من محرم من يمر
حسره صارت بيهه احر من الجمر
نلطم اعلل الراس وي ام الخدر
لان فوك العين عباس انطبر
طبره وماخلته يشوف :فوگاها وگعن جفوف
ماي الجربه الوگع : تبده اعليه اونگع
ونشوف شضمت اسنين
هل اهلال الميادين
::::;;;;;;;;:::::::
هوه الحسين نعرف من النحر
گبل يوم ودم قميصك انتشر
بالبصيره نشوفك ولا بالبصر
الصادق وكال الكلام وبي صٍدر
دمك من نازل هواي : اكثر اكثر من الماي
بكاع الطف نرسم : دم وصار بقلم
اسهام اولاحن العين
هل اهلال الميادين
::::::::::::::::::::
الوادم الفرحت يبين اهلالها
حيره حارت زينب ويعيالها
والله مانعرف شصار بحالها
لان ماسمعت اخوهه شگالها
راد يوصي بالعيال: باجر وراهم احبال
نمشي وهيمه الدرب : رحله وصارت غصب
اسلام وفارگ الدين
هل اهلال الميادين
:::::::::::::::::::
ارد اسولف من ليفه علينه الهلال
خله مضموم الحچي يهد الجبال
يهمس اب اذني حچي الوادم يقال
استعدو للحرب واعلل القتال
ياخويه اترجى رجواك : بالكت تاخذني وياك
طفله وصاحت جرح : باجر وكت الذبح
حرگو بينه الصواوين
هل اهلال الميادين
:::::::::::::::::::
اخر ايام انسمع صوت الونين
بيها ويسحگون صدرك يالحنين
طلعت وصاحت عليه ام البنين
يمه راح الچان بي من تنتخين
باجر ياخويه باجر : تغرز حيل الحوافر
خنصر فوگه الشذر : لله اوليك العذر
شويه وجيشه سبعين
هل اهلال الميادين
خادم زينب ع
عمر العارضي

كلي شيحمله .. فراگ الاخو كلي شيحمله
سوالي عله .. من وگع راس حسين سوالي عله
وبروحي خله .. چومة اعيال وراح وبروحي خله

وبگطع الانفاس .. جايب الجربه وياه وبگطع الانفاس
معقوله ياناس .. طاح الكمر معقوله يا ناس
ياخويه عباس .. اختك وتتلكاك ياخويه عباس

عالتل شفتهه .. وگفت تدگ عالراس عالتل شفتهه
زايد حملهه .. هيه واطفال حسين زايد حملهه
شامت يكلهه .. ماوصل حدج ماي شامت يكلهه

جدامي اشوفه .. انترس جسمه اسهام جدامي اشوفه
وگعن جفوفه .. اكبالي ويصيحون وگعن جفوفه
لا ما اعوفه .. وصتني امي اعليه لا ما اعوفه

كون اليسافر يرجع ابساع
مايترك ابدلالك اوجاع
ضلت صورهم تارسه العين
عني ابعدو حلوين الاطباع
يوم الجزتني اضعون الاحباب
گعدت يتيمه اگعد ورا الباب
والشوف رايح من العيون
والحيل صاير حيل شياب
حزني بجفاهم حزن يعگوب
اترجه من احبابي مكتوب
انطر ضعنهم مثل الهلال
كل يوم اعاين وكت الغروب
باليل افز باليل ياناس
ضيم العليله اشيب الراس
وكلبي انفطر من كثر الفراگ
اتمنه اشوفن عمي عباس
ماترحم المظلوم دنياي
محد بقى امن الاهل وياي
گلبي يگلي الطفل مذبوح
باچر يشح بكربله الماي

الوين ماشين .. يهل الوفه الوين ماشين
مو رفت العين ..كلبي انخمش مو رفت العين
جاوبني يحسين .. زينب انه جاوبني يحسين

من المدينه .. ليش اطلعت من المدينه
روحك حنينه .. وانه اعرفك روحك حنين
اختك حزينه .. ترضى تضل اختك حزينه

گلهه يخيتي .. الكربله گلهه يخيتي
يابعد بيتي .. امر انكتب يابعد بيتي
واعرف منيتي .. بطف كربله واعرف منيتي

زينب تون حيل .. ضلت صدك زينب تون حيل
بنهار وبليل .. ماسلهمت بنهار وباليل
واتهدم الحيل .. اتمرمرت واتهدم الحيل

نعي للسيده رقيه ع
چنت مرتاحه يم حسين*

اشو كامو يضربوني

من اندار وي..... زينب *

يلف السوط بمتوني

يعمه شلون ما شوفن*

ابوي ويمشي بعيوني

ماصارت كبل واليوم *

علويه وي...... سبوني

فوك ا حبالهم والخيل *

من الضهر.....دفعوني

كل همهم تراچي اعزاز

وعصب الراس خلوني





خاف النهر لشفافي وصل ماي
ويحاجي العلكمي بشر وصل ماي
عباتي عركت وصارت وصل ماي
جيب الجربه خل تشرب رقيه

عمر العارضي

تلم بجسمك وزينب تلم عن
نظره ومااريدنهه.... تلم عين
يشذره شمالج بهل هل الطف تلمعين
المكرم ركض بالغاضريه

ردت وياك اتصافح بلا دين
ادري الشوك يكتلني بلا دين
أمر ومكيده جفوفي بلادين
كلهه تصيح اضربو الهاشميه

حسره بكلب كل حرمه حسره الشام
اشم عطرك ضريحي حسره.. الشام
موت وشفته بيه....... حسره الشام
مثل صفين حرب العالميه

وجهك نور صافي بين الشام
رماد وحركو خيامي بين الشام
سبايه وكوه نمشي... بين الشام
قريب الكبر ويئشر عليه

وصلنه القصر مو رحمه يمركم
الضهر والنوب جملها.... يمركم
لا طارش يمر بينه........يمركم
رساله تكله من بتك رقيه

نعي للمسير حوار بين مولاتي العقيلة عليها السلام واخيها الحسين عليه السلام ....



تقول مولاتي زينب عليها السلام


يحسين خويه وين منواك

وماخذ عيالك ليش وياك

ارجع يوالي شعدك هناك

لايذبحونك بالمحل ذاك

.....
قال لها اخيها الحسين عليه السلام

سمعي يبت امي الزچيه

اوصيچ ياخويه وصيه

مكتوب يازينب عليه

يختي انذبح بالغاضريه

.....
قالت مولاتي


يبن امي ارجع للمدينة

وسدّر الليلة بالضعينه

فتيت گلبي يبو اسكينه

أنه خايفه.. ورحي حزينه

.....
قال لها اخيها الحسين عليه السلام

هيهات نرجع بعد يم عون

چتلي يخيتي الگوم يردون

ردتنه يابت حيدر شلون

واحنه طلعنه بهاي الضعون

.....
قالت مولاتي زينب عليها السلام

يابو علي حيلي هدمته

وجرح البگلبي لچمته

يحسين خويه كون ميته

او لاهالحچي منك سمعته

.....

قالت مولاتي زينب عليها السلام


يم حسن يمه كون تدرين

بعزاز گلبچ حملو وين

بنتچ المهظومة والحسين

لطف ييمه اليوم ماشين

.....
اضعونّه گطعت براري

دمعي على الوليان جاري

ويلاه ياضيمي ومراري

انا شجابني لهاي الصحاري

.....
تمشي الضعينة واهلي وياي

باچر يروحي وين منواي

تنذبح يم النهر ولياي

وامحيره ابگه بيتاماي

@نعي @لليوم @التاسع@للاكبر ع


•••••••••••••☆••••••••••••••

علي امك منك خاب ضنها
تون عليك مايبطل ونها
شلون تهيد. التفكد ابنها
وياه تتمنه يحمل ضعنها

•••••••••••••☆••••••••••••••

يبني ماانام الليل وانساك
حنه ضهري يوليدي فركاك
شلي بحياتي خلاف عيناك
ريت العمر ياعلي. يفداك

•••••••••••••☆••••••••••••••
ربيت اوسهرت اشكد ليالي
ذخر لشيب رأيتك. يغالي
عني تروح. ماجانت ابالي
عفتني اوخيبت يبني امالي

•••••••••••••☆••••••••••••••

ماريد العمر بعدك يرجواي
يبني ياعلي اسودت دنياي
ياهوه الهاب. اونور عيناي
يبني المصيبه شلت. عضاي

•••••••••••••☆••••••••••••••

أوليدي راح مني. ماحويته
من دنياي شنهو. الحصليته
تعب سنين عمري ضيعيته
قبله الأجل. وافاني ريته

•••••••••••••☆••••••••••••••

نعي خطاب بين الامام الحسين ع والسيده زينب ع عند سقوط الامام العباس ع .....كاني بالحسين يخاطب العقيله.......




يزينب يخويه بهيده وني
الكافل رحل منج ومني
منه انكطع ياخويه ضني


خلينه نتشارك بالونين
نشوفه بعد ذاك البخت وين
عباس يا زينب حنين


اكعدي وخل نشبع بواجي
لحلو الطبع حلو المحاجي
حنين اخونه ارباه زاجي


نبجي على الكله محنه
ترى عباس يستاهل الونه
يا عشرت الخوان جنه


ابجي يزينب عاونيني
عباس اخوج ونورعيني
مارد بعد لاضن يجيني



وكأني بمولاتنا زينب ع تجاوب الحسين ع




مال الحمل راح اليشيله
واليفكدعضيده يروح حيله
ميغمض بساعات ليله


مكسور ظهرك خويه انه ادريك
يحسين دكعد خلني احاجيك
عباس شال ومايرد ليك


الشايل عضيده الله ايعينه
يصبره على المطفيه عينه
هيهات كافلنه يجينه

متت والوجع  بيهه.. من حملها
لا غيري اليصبر .... من حملها
المصايب غير فاطم من حملها

الضلع والمتن طگ عالغاظريه
..............
الباب احترگت اعليهه... طفلها
وگع والدمه ..البالحايط طفلها
نمرد كلبي بأسم محسن طفلها

الرسول يكول ما مرتاحه هيه
،،،،،،،،،،،،،،



ردت يكبر ولوليله... يم حسين
جيبه بروحي اضمنه يم حسين
حيلي وراح بكماطك يمحسن
الطلكه وچويت البسمار بيه



ابوذيات نعي للزهراء


عمر العارضي

ابو ذيه مشطر للسيدة زينب ع السلام
تشرح بي درب السبي وتسولف معاناتهه وي اخوانهه
،،،،،،،،،،،،،،،
حده الحداي بضعوني وحده بي
لشام وحبل واحد وحدي بي

اذكر موقف ايأذي

باگو راس من عندي

شفتك بس نحر يحسين

ورقيه اعله الهزل تحدي

من تحدي اسمعتها تكول بويه حسين

ليش ابهل الدرب خليتني بوحدي

ماعافج رقيه ويانه يمشي 🚶 الراس

ما اگدر اصدله ينمرد چبدي

لتصيحين ابچي ابهيده يم النوگ

ماعنده رحم لو يسمع الجندي

كام اكبالنه يحرچه

شفت الراس يترچه

الرمح مو بيده من دچه

طگ العضم من فچه

خولي الشارك بذبحه وحد بي

لحد ما شمر سنونه عليه



عمر العارضي
1/8/2023

قصيدة الوداع ابوذيات ومقاصير (نوع مختلف)
،،،،،،،،،،،،،،،
الوداع ياجثث خواني
خدري ضاع وامشي ويعدواني
لليسر حضرو حبل سوط وناگه
انتضر بالدرب بروسكم اتلاگه
الوداع ، الوداع
،،،،،،،،،،،،،،،
عكبكم طاحت اخيامي يخوتي
انه بهل الساعه ريت يصير موتي
مشيت وبيه لسه حركت الطف
اشوف النهر صاصن حركت الطاف
موش النار هيه حركت الطف
باوعلي الشمر غصبن عليه
والسياط تكطعت بمتوني ، والسياط اجت فوك عيوني
تشمتو الزلم حرمه حرت ابحالي
لو اروح اعله الجمر انه الم اطفالي
الوداع ، الوداع
،،،،،،،،،،،،،،،
اخوي حسين اسولف عن اصبعك
اودعنه حرت لو اني اودعك
تلم بجسمك وزينب تلم عن
نضره وما اريدنهه تلم عين
يشذره شمالج بهل الطف تلمعين
المكرم ركض بالغاضريه
وشفته كام وكص اصبعك بيده
عالزلام وصاح ياهو يريده
تساومو حرمله وخولي صاحو جيبه
والذنب بالكصص اصعب من الغيبه
الوداع ، الوداع
،،،،،،،،،،،،،،،
خيامي تشابگن دخان بالغيم
واحنه مراگض وحفاي بالهيم
ركضت اعليكم ودربي علي طال
راح الجان كل غبشه علي طال
السوط الماشفت طوله علي طال
عكب الخدر هيج يصير بيه
والجتاف شيبن وي راسي ،
والجتاف تهون ياعباسي
ياحسين يالگمر صحت محد جاني
والغريب هيج كال هاي حرمه تعاني
الوداع ، الوداع
،،،،،،،،،،،،،،،
بعد گدامي ظيم امشي صحاري
الشمس تحرگني يحسين الضهاري
ردت وياك اتصافح بلا دين
ادري الشوك يكتلني بلا دين
أمر ومكيده جفوفي بلادين
كلهه تصيح اضربو الهاشميه
زحمه حيل المانشاف خيالي
يا حسين الناس تنظر حالي
عالرمح والشمس هم تدگ براسك
بس حسين فدوه عاد خل يرد عباسك
الوداع ، الوداع
،،،،،،،،،،،،،،،
اخر كلمه اوجهه الكفيلي
سوالف شام گدامي اويلي
ردت وياك اتشاوف من الشام
ريئه وحيل مختنگه من الشام
ظيم وكلش اتحمل من الشام
راسك كربله وعباس بيه
الحجار والشتم وحجايه
يأشرون هذا راعي الرايه
منذبح والنسه مچتفه كدامه
والنظر جاي احس حجر فوك الهامه
الوداع ، الوداع


عمر العارضي + كرار الخفاجي


4/7/2018

قصيدة اساسية مجرشة / دخلو السبايا الى الشام
،،،،،،،،،
من كربله الحد القصر ، حداي لناگه الشمر
ويالدرب ضيم اليسر ، تغير شكلهه ام الخدر
،،،،،،،،،،،،،،،
كبالي الشمر كام وكعد خله الحوافر شيريد
ماتنحمل مثل الصخر ثگيلة وزن مال احديد
نايم بس صدر عالكاع ياهو اليحمل اسهامه
بچت عين السمه اعله حسين من الجدم للهامه
هيه البنات محزمه ، وياي صاحن فاطمه
واعله الوجه خنلطمه ، بثوابه ونوزع دمه
،،،،،،،،،،،،،،
تعبن بناتك بالدرب يحسين كوم الحگهن
شدو اديهن بالحبل والحبل خلص دمهن
صليل الوجع بالچفين ماينحمل ياهل الناس
واني ادري الجرح كبران چيفن مسبي وياه راس
عالرمح نزلت دمعتك ، ارقيه بتك شافتك
اجناب هيه الداستك ، تمشي وابد ماعافتك
،،،،،،،،،،،،،،،
مبينين بس احنه غرب گالو شعدكم بالسوك
من الصبح لزمو سره وعيونهم بينه تبوگ
عمت من النضر ياناس زغيره وماتت ارقيه
مثل العيد عدهم صار شافو عدهه ترچيه
مشونه گوه اعله الهزل ، ويدينه مربوطه بحبل
بالسوط يضرب مايمل ، يشتم ابوهه المنچتل
،،،،،،،،،،،،،،،
طبينه موه من التعب والشام طالع كله
گالولي شمات الغرب ماعدنه ذيج التله
سمعت احچايه من عدهم وين الامس هسا وين
فشله التفت بين الناس خافن يفز راس حسين
ضربونه ويصيح انسبو ، بالجيه كلهم كيفو
اطفال شبگوني وبچو ، واسمع اعيالي اشاهدو
،،،،،،،،،،،،،،،
گدامي خطوه اعله القصر بالقصر بس الشيطان
عيرني بالراس وطشت هذا اخوج العطشان
كل صفحة ضلت بمچان يهوه يسوي فاتحته
مانكدر نشيل حسين خافن تلچم بنته
كسرت عليلك بالضهر ، من شاف مرفوع النحر
ويكلي دمرنه الدهر ، من اذكر چفوف الكمر


عمر العارضي

قصيدة (موشح نجفي ) للسيدة رقيه
لسان حال مولاتي العقيلة (ع)
،،،،،،،،،،،،،،
الورده جانت طالعه بصف النهر
الورده ماتت من گطع منهه نحر
والخضار اصفر صبح بالحومه
،،،،،،،،،،،،،،
هيه هاي الورده ايه من الجمال
ارقيه مو مالت سبي مالت دلال
ازغيره وتودع ابوهه اعلل القتال
حسين راح وسلبوهه اهدومه
،،،،،،،،،،،،،،
يارقيه الصار بالطف وجرى
الشمر كدامج يحز ابمنحره
والله شيبتي الرمش بالطف ترى
والخيام تطيح كلهه بيومه
،،،،،،،،،،،،،،
احنه جي عرفونه من نسل النبي
يفتره اعلينه بسياط الاجنبي
الساتر الله وسترن اعلينه العبي
والسياط الما اعدهن كومه
،،،،،،،،،،،،،،
تكلي اشمن بيج دخان الخيم
ارماد والنار الصفت بيه الم
كلهه سهله شلون من طاح العالم
طاح لون اليل وي انجومه
،،،،،،،،،
راح الاكبر زغر من طب اوكع
كلهه راح ابد ماواحد رجع
الموت ماخذ اهلي كلهه ماشبع
يرسم اكبالي النحب ارسومه
،،،،،،،،،،،،،،
كلهه ماتت حته كلبي بكربله
خمسه وثمانين نبقه من هله
يسأل السجاد عنك حرمله
هوه عطشان ويگص بلعومه


عمر العارضي

يبويه الحك عليه شلون ماتحضر
تعال وشوف حالي وشاهد المنضر
،،،،،،،،،
إنرسم بيه الحزن والدمع صار اسود
وره الباب انعصر والرفس ماين
سطرني اعله الوجه ونطبع بيده الخد
عليه الباب هدها واني ما اگدر
،،،،،،،،،،،،
انتضرتك من تجي وعيوني عالباب
احترگ بيه الخشب ومچلبه بالچِلاّب
بس السعف يمي وماكو صم تراب
مايطفى اللهيب ونارهم تفتر
،،،،،،،،،،،،
راح اشتاگلك من بعد هذا الصار
مو تبعد عليه وتگطع الاخبار
يوجعني الظلع من چويه البسمار
يلچمني الجرح والمحسن تعور
،،،،،،،،،،،
العمره اثمنطعش ماشاف من عمره
اجاني انطيني ايدچ يله يالزهره
ملچ الموت ينصب مأتم ويقره
مو ذاك الوجه ذبلان ياحيدر
،،،،،،،،،،
وي إمصابي انوح وخلص كل دمعي
مصيبه عليه دارت دوهنت وضعي
من سياطهم چم كسره بي ضلعي
يضرب عالمتن والجرح بعده اخظر
،،،،،،،،،،
خلص عمري يهل البيت شيعوني
واريد بصف ابوي هناك إدفنوني
بس كلمة إموادع بيها حاچوني
حته بالگبر اذكرها وتصور
……
اتصور حجيكم واترك الصاير
وادري بي علي من الحرك فاير
التزم بيها الوصيه ومايضل حاير
كلامك يامحمد والجلد كزبز
……
نزال تجليبه للزهراء ع


عمر العارضي

الى رقيه الحسين عليه السلام


يكولون التراچي مالهن صحه

والناس الحجوهه عيونهم وكحه

بنت حسين راحت جم سبي وشام

ياهو اليحمل امصيبه او يجرحه

واذا عالذهب تحچي وطبت السوك

باعوهن وشترت نسوان طرشه

طاح الحيل من طاحت عمامه

اهو المكسور بي صار علامه

العليله تگول روحو بالسلامه

بس هوه الفراگ يصير چتال

اهو المكسور يمشي ويه مكسور

حركوهه وغدت ارمادهه ادور

ماتو اهلنه ومامش اكبور

كل سا برمح والراس ينشال

من باب الشرف راحن سبي وعفه

اخيال ويالعبي اتعصبه واتلفه

صار العيد بينه ومن وصلنه ازحوف

علي السجاد بين امتوني يترچه

ماتسمع رقيه بيوم جرو لون

كام يصيح بيهه ويدگ بي دفه

مامش عرس عدهم شافو الروس

ومنا وسمعت صوت الطبل زفه

عمتي والهواشم مني لا ذن

جدي وشالو اسمه من الاذان

جرهن روحي شاطت من الإذن

طفله ولوقست شبرين بيه



عمر العارضي

سلسلة ابوذيات من الطف الى الشام
،1
الكلام الدار بالطف دار بيهم
يگله احرك اعياله دار ابوهم
حليبي اوموش كلبي دار بي هم
لحد ما حركت النيران بيه
،2
تلم بجسمك وزينب تلم عن
نضره وما اريدنهه تلم عين
يشذره شمالج بهل الطف تلمعين
المكرم ركض بالغاضريه
،3
عگب عباس گمت ادعلي وصلي
الشمر من شفته يتمشه وصل الي
خيام وكلهه محترگه وصل الي
بس ستر العبايه التف عليه
،4
سورة وقلهو لحد بسمله لحسين
حسين ومن نوصفه بسمه الحسين
دخلنه الشام صاحو بأسم الحسين
الحبل مضبوب ماكل نص اديه
،5
كصد صوب الشريعه حارمينه
اخوي وراسه دخن حار مينه
حرمه ابسدها حرمه حرمه ايينه
مامش گطره من الماي جيه
،6
جان النهر لشفافي وصل ماي
ويحاجي العلكمي بشر وصل ماي
عباتي عرگت وصارت وصل ماي
جيب الجربه خل تشرب رقيه
،7
هواي اطفال تمشي منسب حسين
اضربو ولامن اسمع من سب حسين
نسيتو اوحيده بتكم من سبي حسين
عليله وغدت بس عظام هيه
،8
العليله ومنها راسه شيب الحسين
گبل لضيع بته شاب الحسين
الحوافر كلي خلت شي بالحسين
ولحد ماشمرت ضلوعه عليه
،9
اشگف هاي تنطگ ذيج يابت
حترگ ياهو اليلمنه بعد يابيت
داست والحوافر وذر يبت
فز عباس من سحكات اخيه
،10
ردت وياك تصافح بلادين
ادري الشوك يكتلني بلا دين
امر ومگيده جفوفي بلادين
كله تصيح اضربو الهاشميه
،11
حسره بكلب كل حرمه حسره الشام
عطرك اشم بي دنيا حسره الشام
موت وشفته بيه حسره الشام
مثل صفين حرب العلميه
،12
وجهك نور صافي بين الشام
رماد وحركو خيامي بين الشم
سبايا وكوه نمشي بين الشام
قريب الكبر ويئشر عليه
،13
وصلنه القصر مو رحمه يمركم
الظهر والنوب جملهه يمركم
لا طارش يمر بينه يمركم
رسالة تكله من بنتك رقيه
،14
عمتي والهواشم مني لاذن
جدي وشالو اسمك من الاذان
جرهن روحي شاطت من الاذن
زغيره ولوقست شبرين بيه
،15
منضر شافته عيني ويربك
الخيم محتركه لو انت ويربيك
عله صدر شمر صاعد وير بيك
يذبحك وانت بالك يم رقيه
،16
طحت كدامي ياخوه وناراك
الخيل ادوس في صدرك واني ارك
كلبي ونار بي تسعر ونارك
ما تطفي تضل عامين بيه
،17
الدرب اظلم يتيه بيج درباچ
الوكت وي العده مشاج درباچ
لو يدري ويصح عباس داري بيچ
يذبح الف من جيش ال اميه
،18
بخشب صدنوك ضموهن منتشاف
الروس وعين وشفافه متنشاف
اذاني من الضرب تجري متنشف
جرهن حيل كدام ال اميه
،19
الحوافر فوگ صدره فرت الساگ
صحره وماي شحه فرت السگه
سبع مرات زينب فرت السوگ
الحجر والشام كله اندار بيه
،20
ابوج الكاتل من اهلي شبر بيج
ابد ما راح ارحمك شبر بيج
زغيره ولو قست طولج شبر بيج
كخنصر والبقه من الغاضريه
،21
النهر مو مكلي هوه مايه لحسين
ولمن كاصد اخيه مايه لحسين
رجع من شاف زينب مايل حسين
متگطع وصل بالغاضريه
،22
الله يعين قلب امك يبوهه
اليبو الصايح التمن يبوهه
مشت لشام بالگوه يابوهه
خطيه من الضرب ماتت رقيه
،23
وحك من نزل الرايه ولفها
بروحي حيل اطبگهه ولفها
اجت سبعين قادتهم ولفها
المعسكر ينحني اكبالج رقيه
،24
ياساقي العطا عشي عطاشا
سوط اورم امتوني عطه شا
وحلي من صارت الحومه عطاشا
بجيت وخضر السباح بيه
،25
امانه ارقيه عندي منسه اباهه
عله الترچهيه سبهه من سباهه
الحادي بدرب وداهه من سباهه
الحبل والسوط چتفهن اديه
،26
عين حسين تباوع وراچن
شوچ وماكل اجدامي ورچن
احط ايدي عله الناگه ورچن
وشوف حسين من باوع عليه
،27
حده الحداي بضعوني وحد بي
لشام وحبل واحد وحدي بي
خولي الشارك بذبحه وحدبي
لحد ما شمر سنونه عليه
،28
الضرب عبدلله وبنوره طفلهه
طاف وترس كاع الطف طافلهه
بعده زغير وذبحه طفلهه
النحر حزيته والكاروك بيه
،29
سب وشتم فوگه يصير ينضاف
حقتهم ابد ما فد يوم ينضاف
هوه الطب مدينة غير ينضاف
وانه حجار البلد شمرو عليه

،30


عمر العارضي