حب العيلة وحبي لمستقبلي معبي حياتي، أما الكره ما خديتاش الا من اللي يشوفوا فيا خير منهم.

إن لله وإن إليه لراجعون
حناي "أم بوي" في ذمة الله.

”ليست أجمل أيامي ولا أسوأها، صحيح، أصحو من النوم أريد أن أبكي، لكني، على الأقل أنام. أتوتر كلما غادرت غرفتي، لكني، على الأقل أغادرها. ليس لديَّ الثبات النفسي الذي يجعلني في أحسن نُسَخي، لكن لديَّ ما يمنعني من أن أكون في أسوأها. أحلامي معظمها كابوسية، لكني على الأقل، أنساها بسرعة. أشعر كأن العالم كله يسقط على كتفيَّ، لكنه، على الأقل، لا يحطمني تماما. آخذ نفسًا عميقا وأحاول القيام به وبي، من دون أن ينهار كل منا، فلا ينهار شيء، ولا يقوم شيء. كأن هذا، بالضبط، ما يمكنني مجاراته

هكذا أنا  ببساطتي وبلمعاني في آن واحد.“

في حاجات فقدان الشغف فيها نعمة، في حاجات فقدانها نفسه نعمة، فا اعطوا لنفسكم فرصة تخسروا، المكسب مش ديما احسن حاجة.

حتكبر وتبدأ تقول الحمد لله هلبا، في كل مرة تتفكر فيها حاجات معينة عارضوك امك وبوك عليها.

ما تصلحش حاجات ما تعنيلكش باش تبان كويس ومتاع مواقف.

„نور ولا نار، في الحالتين نضوّي“

لما تتعب تفكر إن كثرة الراحة في فترة معينة تعطيك معنى لفترة الراحة هاذي بس، أما كثرة المعاناة في فترة معينة تعطيك معنى لحياة كاملة.

ديما كنت مش راضي على معاملتي لهلبا ناس، فا تلقاني نشوف في اي حد طلع من حياتي كسب فرصة إن يقابل شخص احسن يعرف قيمته، لاني مش ديما نعرف قيمة الناس و إن يكون في حياتك علاقات بصفة عامة، فا حتى وانا مقدّرهم ومحترمهم، تلقاني مش خايف تنتهي العلاقة بسبب ومن غير سبب.

ديما نبو الافضل من كل شي بلا ما نفكروا احني نستاهلوه ولا لا، بعيد على وهم حب الذات وانا نستاهل الافضل ديما ودوة التحفيز، لكن في الواقع انت ما تستاهلش الا الشي حتثبت إنك تستاهله.

يبو يشوفوك قريب، باش يرضو غرورهم بس، وإنك قاعد تشوفلهم وقاعدين مأثرين فيك
ولهلبا اسباب نفسية مافيهمش سبب يقول إنهم يبوك قريب زي ما تبيهم قراب.

ما نتأثرش هلبا لما حد يمدح شخصيتي لان الشخصية اللي مدحها مش هي الشخصية الوحيدة اللي عندي، عندي عكسها وعندي هلبا بعاد عليها.

"‏اللهم ارحم والدي وأذقه من النعيم ماوعدت المؤمنين، اللهم اجعله في نعيم دائم غير منقطع، ربي عطر قبر ابي برائحة الجنة، اللهم اجعل الجنة داره، اللهم رحمة واسعة لأبي ولجميع موتى المسلمين يارب العالمين."

الألم توزع بدون استثناء، استثني روحك بالصبر.

„الرحلة فردية زيادة عن اللزوم.“

can we PLEASE normalize being quiet in the morning.

”الدنيا صغيرة وعمرنا فيها قصير

الهى في نفسك وحياتك وخلي الناس في حالها

أفعالك المُضرة اليوم حتندم عليها غدوة

لما تكرّس حياتك لكره وضرر شخص معين فأنت ماعاش عندك حياة راه

مش حتحس بيها هادي لين يختفي ذلك الشخص

وقتها حتلقى نفسك فارغ ومكسد وحتعرف مدى تفاهتك وقداش ما الشخصنة متاعك معبية رخص

اللهم اشغلنا بأنفسنا وربي يهدينا جميعاً“

في هلبا اشخاص حتشوفهم يفتحولك في الطريق معاهم مرة تانية، لكن مش معناه إن المرة هاذي مرحب بيك زي ما انت، ومش معناه إن هما تغيروا للافضل.

في حاجات تجي متأخرة باش تخليك تعرف قيمة الصبر.