[[ محلاها الزياره ]]



لمولاي جعفر الصادق عليه السلام





ريت اشوفنها المناره
لصادق الآل الغـــياره

كون اشمه -- وابچي يمه

هاي محــلاها الزياره
◽◾◽◾◽◾◽◾◽◾

ليش گبرك لا مـــناره ولا ضــريح
وانته ابن حسين مـــولانه الذبيح
كون حيلي يطيح مو گبتك تطيح
غير مهـــــــدينه بعد المن نصيــح

يبن فاطمة الزچيه
يمن للخادم تچيــه

اترابه اضمه -- وابچي يمه

هاي محــلاها الزياره
◽◾◽◾◽◾◽◾◽◾

يمولاي شلـــــون ازورك واعتنيك
يالبعــيد ابّين غربه اعجـز اجيــك
ارد اگــــلك گبب عدهم كل بنيــك
شنــــهو ذنبك ماكو شباچ العليــك

الـــــعتره بتــرابه بعدهم
واحنه اهلنه اگبور عدهم

طولي اطمه -- وابچي يمه

هاي محــلاها الزياره
◽◾◽◾◽◾◽◾◽◾

هم يــمر بيك الحنين بكل غروب
وروحك لزينب يبو الكاظم تذوب
اتحن لعد عــباس وحسين وتلوب
اتطـشريتو ليش وبعيــده الدروب

شگد صلف دهر الاخذكم
عـــــن اليحــبكم بعــدكم

والله لچمة -- وابچي يمه

هاي محــلاها الزياره
◽◾◽◾◽◾◽◾◽◾

رايــــــد اعرف سيدي منك جــــواب
والله لو تحچيلي عن ذاك الخطــــاب
الگلت بيه لوما اعلــه شيعـــتنه نهاب
چا حچينه شباقي بالطف من مصاب

شصار اكثر من يسرهن
وع النهر طايح گمرهـن

وفاض دمه -- وابچي يمه

هاي محــلاها الزياره
◽◾◽◾◽◾◽◾◽◾

كون جوه گبـــتك انصــــب عزاء
ونذرف ادمـــوع لمصايب كربلاء
يا صدوق وصادق وكـــلك عطاء
يم ضـريحك سيدي يروح العناء

ان شاء الله المرقد يلالي
بيــــوم وانجـــيلك يغالي

انشوفه قمه -- وابچي يمه

هاي محــلاها الزياره
◽◾◽◾◽◾◽◾◽◾







عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

يادياراً زارَها ريبُ المنونْ
اصبحت والأهلُ عنها راحلونْ

كم لكِ يادارُ من بعدِ الرحيلْ
من أنينٍ له في قلبي شجونْ

ايها الباكي لآل المصطفى
ولهم دمعُكَ مدرارٌ هتونْ

فاسكب الدمعَ ولا تبخلْ بهِ
وعلى جعفرَ فلتبكِ العيونْ

قد قضى ظلماً ويُعفى قبرهُ
أيُّ جورٍ بعد هذا قد يكونْ

مارعَوا فيهِ لطه قُربةً
فسقوهُ السمَّ قومٌ ظالمونْ

وديارُ العلمِ حزناً قُوضَت
وله يثربُ تنعى والحجونْ

أيُّ دهرٍ فيه قد أفجعنا
وله في كلِّ حينٍ نادبونْ
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

الامام الصادق ع


جار الزمان ُ بفعلهِ وتجبَّرا
مامرّ حينٌ دونَ ان يتعثرا

في الِ احمدَ كم لهُ من غيلةٍ
والعينُ دامعةٌ لذكري جعفرا

يومٌ بهِ خيرُ الانامِ مُشيَّعٌ
ادمى القلوبَ وقد اسالَ المِحجرا

طالتْهُ من ريبِ المنونِ ضراوةٌ
غدراً قضى وهو الامامُ على الورى

امسى تُقلِّبهُ الاكفُّ بلوعةٍ
والسمُّ أُضرِمَ في الحشى فتسَعّرا

اضحتْ بيوتُ العلمِ تنعى فقدَهُ
ومصابُهُ أشجى البتولَ وحيدرا

وبهِ الكتابُ مُعزياً آياتِهِ
وسيُخبرُ المولى غداً عمّا جرى

ولأمِهِ الزهراءِ يومَ معادِها
صوتُ الظليمةِ اذ يصكُ المَحشرا
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

[[ مشتاگ لضريحة ]]



شوقاً لمولاي الحسين ع




امحضر دمعه وونـين
من اگصد للحســــين

            مشتاگ لضريحه

◾◽◾◽◾◽◾◽◾◽◾◽

لهفان اعلـــه شباچــه
واگعد بالصحن ساعه

لو بيدي اضــل يمــه
ما اتحمل اوداعــــــه


وافتر ع المخيم وامشي گوه
اذكر زينب التركض وتهـــــوه
بس الها الدمع لو طاح يـسوه


ومن اطلب قضيه
ما تبطي علــــــيه

          واشفافه الجريحه

◾◽◾◽◾◽◾◽◾◽◾◽

چذب ما ارهم بلياه
يا نسمة هوه اشتمه

متعـود عليه حسين
وداعة فاطمــة امـه


اذا طــال الوكت ما زرتــــــه مولاي
احـس امقصر وملتــــهـي بدنـــياي
حسين اهواي عندي وخدمته هواي


حبيته وهويته
ويحبني لگيته

           واگليبي يريحه

◽◾◽◾◽◾◽◾◽◾◽

الماكو بگلبـه حب حسين
شلون يعيش كل عــــمره

ضايـــع ما لگــه دربـــــــه
الما باچــــي مع الزهــــره


عشگنه بكل عشگ ابدا مينـقاس
احنه حسين عدنه وعدنه عباس
ومرات انتعافه والله يا نــــــاس


شعنده يجر بالانفاس
اليزعل منـــــه عباس

         ويجفي وما يصيحه

◾◽◾◽◾◽◾◽◾◽◾◽

شگد اذنب وارد ندمان
وابچي ودمعي متبدي

والگه حسين عــاذرني
الفشله تصيرلي بگـدي


اصيبنه بسهم يوميه ويـــــلاه
انه اول عبد يرمي اعله مولاه
مذنب بس احب حسين والله


يگلي وانه نادم
لا تهتم يخــادم

          ذنبك راح ازيحه

◾◽◾◽◾◽◾◽◾◽◾








          عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

طلعت عجوز ببرنامج إنساني
تگول إبني ربيته وكبرته
وعافني وبعد ما سأل عليه
والناس كلها تحجي عله ابنها :

(شنو من بشر .. شيسوي بيك الله .. حرامات بيك التعب) .. الخ

كتلها بگلبي يمه ابنج احسن من عدنا بهواي

احنه عدنا #إمام وامه الزهره وجده علي والكون كله بيده ومشروع الأنبياء والمعصومين يتممه هوه

ومع هذا كله ما #نسأل عليه 😞💔
احنه تعبانين اكثر من ابنج يمه

اللهم لاتجعل الدنيا تشغلنا
عن انين قلب صاحب الزمان

#اللهم_عجل_لوليك_الفرج

لسان حال الامام الصادق ع عندما احرق المنصور داره .

……………………………………………………………

من شبوا النار 
بعيوني عرضت عمتي  .. من شبوا النار
  بالعايله شـلون
واحتارت ام عون   ..   من شبوا النار

……………………………………………………………


ينار الظلمه بله شعندج ويانه
تحزمتي الحركنه بشغف ولهانه
شبع هالموت منّه وانت جوعانه
لحگتي اطفالنه البالعطش ذبلانه

ما عندج احساس
اعليهم تمطرين بجمر .. ماعندج احساس
بالبر يتيهون
واحتارت ام عون   .. من شبوا النار

……………………………………………………………


بدت وي الزجيه النار قصتها
ذكرت شلون خلف الباب لهبتها
وادين الماله ابو اعالباب عصرتها
ينار الردت اردود اتحرگ بتها

و اتكمل الدور
من فاطمه لأم الخدر .. وتكمل الدور
   گامو يزيدون
واحتارت ام عون  .. من شبوا النار

……………………………………………………………

انه الصادق يشيعه وسبب دمعاتي
مو بيتي و لا لمراكـض ابناتي
شفت بالنار سوده اجدام عماتي
ولذيال العبي المحتركه اهاتي

لو جمره لو شوچ
تسحكهن ارقيه بجدم .. لو جمره لو شوج
و تهل العيون
واحتارت ام عون   .. من شبوا النار

……………………………………………………………


هلي وخافن صدك بس انا وياهن
ولا ميمون خالي ويصهل احذاهن
و لا سوط الشمر بالمتن اذّاهن
ولا وحده اعله وحده بحبل شداهن

لا صعدن النوگ
لا شبعن احجار وشتم .. لا صعدن النوگ
بيهن يفرّون
واحتارت ام عون   .. من شبوا النار

……………………………………………………………


احترك بيتي لچن الغرف موجوده
موش تراب بيها البسط ممدوده
مو ليل اهدعش والخيم مفكوده
هيمه وليله من غير الكمر سوده

والحامي سلّاب
ناهب قميصه و خنصره .. والحامي سلّاب
ما ظن يرحمون
واحتارت ام عون ..   من شبوا النار

……………………………………………………………


يشيعه الگال منكم اتبع الصادق
لازم للمجالس من صدك عاشق
يدافع عالشعائر كل وكت ناطق
وي الفعل حچي الخادم ايطابق

هالعالم يگول
ادّبت جعفر شيعتك .. هالعالم يكول
للطف تحزنون
واحتارت ام عون .. من شبوا النار

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

قال الامام الصادق ع ( كونوا زينا لنا و لا تكونوا شينا علينا )

……………………………………………………………


صادق الدين ينادي ••• صادق الدين
زين مو شين علينه ••• زين مو شين
أدب وبحسن الصفات
صيروا للـمذهب دُعـاة
صادق الدين ••• صادق الدين

……………………………………………………………


يامن تحملون اسمي شيعه واصفى من الذهب
الـلـه خـالقـكـم لـجلـنه  وقـف للـصادق كـتب
مـا اريـد حـجـايه عـنكم  لا شـكايه و لا عـتب
كـون تتـرحّـملي كـلهـا  مـربّي اشـياعه بـأدب

ارفـع الـراس بادبكم  •••  ارفـع الـراس
صيرو نوماس يشيعه ••• صيرو نوماس
شـيعـة الصـادق أُباة
صيروا للمذهب دُعاة
صادق الدين ••• صادق الدين

……………………………………………………………


صـير نافذ بالبصيره  مـثل عـباس الگمر
لا تفـرط بالعـقيـده لا يـخوفـك كـل شـمر
ابد مو شيعي احسبه للضلع كلمن نكر
والترضه عليه احسبه مشارك بدفع و كسر

الينكر الباب يـشيعه  •••  الينكر الـباب
وي الاصحاب مصيره ••• وي الاصحاب
و ينحشر وي الجُناة
صيروا للمذهب دُعاة
صادق الدين ••• صادق الدين

……………………………………………………………


من نفس طينته صرتوا روح حره وطاهره
بالـحزن تحـزن مـثلنه و بالفـرح مـستبشره
موش منه الماله دمعه عل حُسين ومنحره
المـاطـبع بالـصدر چـفه  ما اجـيه بالآخـره

الماله عاشور اتركه  ••• الماله عاشور
يظل بلا نور طريقه  ••• يظل بلا نور
حـسينكم هـو النجاة
صيروا للمذهب دُعاة
صادق الدين ••• صادق الدين

…………………………………………………………..


دين جاهز جبنه الكم بدمنه مدفوع الثمن
باب و البسمار أُمنه و الي عل هـزّل مشن
ليش متفرقين صـرتو گـاع مـزروعه بفتن
كلمن يحرّف حقيقه بصدر ابو اليمه طعن

اليبقه وفاي احسبه ••• اليبقه وفاي
جايب الماي لرقيه  ••• جايب الماي
يـطفي نار الثاكـلات
صيروا للمذهب دُعاة
صادق الدين ••• صادق الدين

……………………………………………………………


و الله احـن مـن امكـم احـنه الكم أنريد الفرح
چن جرح عبدالله نشعر لو طفل شيعي انجرح
نـفتخـر بالـطايـع اهـلـه  و بـشـهاده الهـم نجح
كـل عمرنه بليل عشنه و انتو يا شـيعه الصبح

ذبـح و سـموم لجلكم ••• ذبح و سموم
يمحي الهموم وجهكم ••• يمحي الهموم
بيكم انعـيش الحياة
صيروا للمذهب دُعاة
صادق الدين ••• صادق الدين

……………………………………………………………


المهدي مو( مُنتَظر) اسمه (مُنتظِر)إلكم عمل
مـن يشـوف الديـن بيـكم للـفرج يـصبح امل
لا خـروح بهـل تـفرق  وراح اجـيبـلكم مـثل
يستحيل بخرم ابره يفوت من عدها الجمل

يوم الاثنين عملكم ••• يوم الاثنين
قائم الدين يشوفه ••• قائم الدين
تچوي گلبه المنكرات
صيروا للمذهب دُعاة
صادق الدين ••• صادق الدين

……………………………………………………………
✍️ ( سيد خضر الزاملي )
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

[[ اه جداه ]]






شوور


لاستشهاد مولاي جعفر الصادق ع




اه   يا ابا عبدالله     اه   يا ابا عبدالله

◾◽◾◽◾◽◾◽◾◽◾

اه يا دمعتي الما ترضه تنشف ع الحبايب
اه امــــــن العمر خلص الم نوح ومصايب
اه امــــــن الوكــت خلــه علاوينه غرايب


بســـــك يا زمن
اهــــــات وحزن
تخلي اهل الفتن -- تسفك دمه بهل الحمه

من جــدنه النبي
لاخــــــر طــالبي
نبچي اعله العبي -- وحر وضــمه وميتّمه

◽◾◽◾◽◾◽◾◽◾

اه يا علگمي الشح عالخدر واحرم عـلاوي
وطاح بجرفه ابو فاضل واخوه بصفه خاوي
راح الچـــــان اليخيّط جرح اخته ويداوي


فوگك يا نــهر
طاحلهــا الگمر
وحسين الضهر -- منه انكسر ويلي انكسر

منك ماســـــلم
والساس انهدم
وحسين انحرم -- من الگــــــمر راح الگمر

◽◾◽◾◽◾◽◾◽◾◽◾

اه يا محنة ام عون الوحيده بلايه والي
بيـــوم وليلة زينب غربّت منها الغــوالي
ويلي وكل هواشمنه على ارماح العوالي


بسياط وزجـــر
نيران وجـــمــر
تالـــيها الخــدر -- ماضل شــهم من الزلم

وابّيــن العـــده
الحـــره مگيده
بس الهم ســده -- طاح العلم شبت خيم

◽◾◽◾◽◾◽◾◽◾

لچمـــــات الـطفوف ولا يجي يوم اتّشافه
وشوغات المشن فوگ الهزل ذيج المسافه
وحســـين العطش تالي يسامر ضل بشافه


ياجدي الاسى
لذوليچ النسـه
والبيهن قســه -- طف القهر نوح وسهر

مــن اب ولأبـن
نبچي الكم نون
ومخــيّم حــزن -- هــم الدهر بينه كثر

◽◾◽◾◽◾◽◾◽◾

عشت اني العمر خنگه بأثر خنگه لاهلنه
وكـل ما مر زمن وسفه ولا ملتم شملنــه
ليـــش الــــوادم احقاد اولا عدهم محنه


كل مغـــرب يمر
گلـــبي ينعصــر
وعـيوني حمـــر -- تهمل دمــع ما تنگطع

يا ضيمي الحده
ودلالــــي امرده
والمدمع بــــــده -- من الضلع باب ودفع

◽◾◽◾◽◾◽◾◽◾◽






         عبد العليلـه
✍حيدر ابو كيان الفاطمي
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4