حتى
‏وأنت تقف حزين متفرج  قد تكون مشهداً جميل في عين أحدهم

اشحلاتك يانده النعناع يالرزق الفلح ميتك
يالمشيك نگل غزلان ماتتكلف بجيتك

تجي وتروح بالصدفه
مثل احجاية السعفه

تملك ريحك وسابگ الشوف بعين
يالطرتك صبح يومين

وين الگه اليشبهونك
اريد ارتاح بعيونك
شمسك بارده بس لليحبونك
عينك حاره ضد اليكرهونك
ياوجه الخير
بيك امباهل اشچم طير

نبي روحي وقداسة حبك اتشدني
احرگني خشب يم نارك اصلبني
كلشي اتريدني هدهد اصيرن بير
عصا حي انگلب بس كونك اتحبني
ذنب تفاحتك رايدني اصيرن حوت
صنم وانت التفلشني

غار وعش حمامه وعنكبوت وياي
بس كونك تحبني اهواي

الك بيه رسايل خالده اقراني
الك بيه صحف ونجيل
الك بيه حچي وتورات
تلگاني حزن
قرأن متى ماتقره تهواني



علي نغيمش