‏هواي وادم
‏راحت وردت اجت
‏وإنتَ عمداً ما اجيت إتزورنه

‏چن ولا هي عيونه لجلك عمت
‏من تخالط عيدنه وعاشورنه

‏
#صاحب الضويري

چانت تخبل سواديني وضحكتي
‏مدري ياهو القشمراني
‏وخضر براسي عقل

‏
#محمد الغريب ⁩

ماشفـنه النهار ، وبيتنه الليـل !!
وعلى الجيران ظل يطلع فجرنه
ولأن صدگنه كل هاي الخرافات
خسرنه وصحنه مبروك انتصرنه

#علاء الياسين

ها يگلبي شو نسينا
گبال المراية اشحچينا

مو گلنا راح انصارحه
ها شتفقنا البارحة

ضاع اللسان گبال عينه
ها يگلبي شو نسينا


#صباح الهلالي

هواي تنازلوا من مسهم الضيج
وانه اعله الماي ، اغمس خبزة اشعير

مامديت چفي بحجة العوز
ونمت جوعان يم اهل التنانير

#عماد المطاريحي

لو كلمن عشگ ناعم تهنه وياه
عفتك من زمان ورافگت حيه

جذع ميت وانطرك روح وين تروح
الشمس لازم تجيبك تگعد بفيه


#صباح الهلالي

مشبوحه بس ليفوگ يا عيني اشـبيچ ؟

گالت يطل اهواي من هلـ شبابيچ ..!

الملا فاضل السكراني

لـو ما ڪفر والناس ملحد تگلي
درته اعله بيت هواي وجهي من اصلي

فارس الجحيشي

انتي حقچ ناسيه يا ذكريات
‏لكن انه شلون شينسيني !!

‏ما تِذكرين الليالي الباردات
‏بحضني من تدفين وتدفيني !!

‏چذبيتي وهيه شنهيه الحياة
‏حتى تخلص بالچذب يا عيني !!

‏
#صاحب الضويري ⁩

بسم غيري صحتلي وما زعلت وياك

وتحاسبني اعله كلمه العام حاجيه.

#سيد راضي الموسوي

غيره وضمير الناس مرضه وبالفراش ؟
والعدل حي دفنوو والحگ بالنعاش!

المرحوم الشاعر سيد احمد البو غنيمه

تعال الحگ
المحطة المايمرها الريل
تهدم روحها وتزهگ
تعال الحگ

#محسن الخياط

اصبحن مرمودات غوش من الدموع
يتهاملن والشوف چن شمعه وتموع

قحطان آل هدهود الخزعلي

ااه يا هواهم ....

بأول أيامه شكثر دللنه

متبدل بطبعه الوكت
لو احنه لتبدلنه


#سيد~عريان

الوحشه موش وياك من امشي زاتوت

من ارد راح يصير هجمان البيوت

#حسين حليحل

چان عدهم شجرة بالحوش مال البيت وياخذ البطل مال الشرب مالته ويصعد ع الشجرة ويشرب وفد يوم داخ ووگع هو والبطل وانجرح خشمه بس ما خله البطل ينكسر
والدته گاعده وتشوف وهي ملاية وتشعر فصاحت :

( كون بطيلك سالم خشمك شلك بيه )



الشاعر الذي كتب..

يگولون غني بفرح وانا الهموم غناي

بهيمه زرعوني ومشو وعزو عليه الماي
نوبه انطفي نوبه اشب تايه بنص الدرب


#جبار الغزي

طير وشاف جنحانه
‏شال الناس كل الناس
‏وآنه وياچ خلانه

‏تعبان اشكثر تعبان وانتي وياي تعبانه
‏رجعنه امن المحطه بليل
‏چنه وجوه دفانه

#‏كاظم اسماعيل گاطع

انا ابن الخايبه وما قللت هاي
من عزمي وحميتي وصوتي من صوت

وطن تذبح بخوتي ومستعز بيك
اموت وخلفتلك واحد يموت

ماعندي شبر بترابك وشوف
گاعك شالت اسمي وفنه اليفوت

ومو من هسه ابشرك طاگنه الضيم
لعبنه ايجار حتى ابيت البيوت

المرحوم جبار رشيد ،

من بعت سيارتي بليه مقابل
رحت يم ظابط مرور هناك سويت التنازل

ومن بعت ذيج السنه بفلسين داري
رحت بعد اسبوع اقرر بالعقاري

وهسه أسأل وين اروح
بعت روحي..

هم أكو عدنه دوائر خاص بتسجيل روح

# الكاطع

من الباب اجاني وكلت
بابي انه ما ينسد

وعزبته كتله هلا
ما سدلي باب بوجه
وبيبان گلبي شگد

بس للاسف بالغت
حسبالي تعبي حلو

انطيت كل الكحل
والجفن چان ارمد

والله انقهر ع التعب

و للاسف گلبي نقي
المفروض گلبي اسود

# عقيل العرد