https://chat.whatsapp.com/G5GCrE6vSLq7V2bCDujGeJ


👈القلق

هو انك تخاف من حاجات في المستقل لسه محصلتش

زي مثلا تخاف انك شغلك يستغنوا عنك ويمشوك وتقول هأكل اولادي ازاي وهجيب لهم فلوس منين
ويزيد القلق لدرجة انك تتخيل انك هتموت فتحضن اولادك وتبكي
وتقول مين هيصرف عليهم من بعدي
لدرجة توصل انك تدمر حياتك النفسية كلها من شدة القلق

شفتوا القلق خطير ازاي


واحد تاني يقلق لما يشوف مصيبة غيره ويتخيلها لو حصلت له ويعيش فيها وميعرفش يخرج منها

وواحد تاني يقلق لدرجة الهلع زي ماحصل كده في كورونا وقبلها انفلونزا الخنازير

وفي واحد تاني عنده قلق وخوف من المستقبل ودايما متشائم ومتوقع الاسوء

يقعد يتخيل لو انا راكب الطيارة ديه ووقعت بيا هعمل ايه الوقتي ؟

طيب لو العربية عطلت بيا في الطريق بالليل هعمل ايه؟
طيب لو عملت حادثة الوقتي مين هيتعرف عليا؟

ولا قلق الشباب مين هتوافق عليا وانا اكيد مش هلاقي شغل بعد التخرج
ده ممكن منجحش في الكلية

مش هلاقي فلوس علشان اتجوز


⬅️- قلق البنات ... مش هلاقي عريس – او ممكن مخلفش اطفال
– وبالتالى هأعيش حزينة
ولا ممكن زواجي يفشل بالطلاق

كل ده بتتخيله وهي لسه متجوزتش اصلا

او قلق بنت ابوها طلق امها ... عايشة مع جوزها تنتظر الطلاق فى كل لحظة زي ما حصل لامها

او واحد قلقان على الفلوس اللى انا شيلاهم حيخلصوا ....
سأموت فقير بعدما كنت كويس ...
اولادى هيشحتوا ... .. وتتولى المخاوف المؤلمة ...
فى الاخر تلاقي نفسك تعيس....

.وفي الاخر كل ده محصلش
يبقى لماذا القلق.....

واحد تاني قلقان ماذا لو مات ابويا الحبيب كيف سأعيش بعده ...

والعكس اب ماذا لو مات ابنى ويجرى يحضنه ويبكى...... .‼️

⬅️- المشاهير .. اكتر ناس عندها مرض القلق... علشان كده منتشرة عندهم عمليات التجميل خايفين الشهرة تروح عليهم وجمالهم يتغير

⬅️- للاسف القلق يشتغل على العقل الباطن
– العقل الباطن..... بيصدق المخاوف ويحولها الى حقيقة .
- يبدأ يسيطر على عقلك لدرجة انك ترى احلام وكوابيس لها علاقة بمخاوفك .... انك ستموت مثلا
-
وتيجي الخطوة التانيه بعد القلق تظهر الامراض فى جسدك ...

القرحة & امراض جلدية & سقوط شعر & عجز مبكر & تجاعيد.... القولون العصبي .كل ديه سببها القلق

.... والقلق يجعلك متوتراً وعصبياً مما يؤثر فى اعصاب معدتك وعلى العصارة المعدية ويعوقها عن العمل الطبيعى ، الامر الذى يؤدى الى الاصابة بقرحة المعدة


👈-القلق يوصل بصاحبه الى امراض نفسية ... اكتئاب


طيب الحل

احمد ربنا على حالك اللي انت فيه
وقول اللهم اني اعوذ بك من زوال نعمتك وتحول عافيتك وعليك بالدعاء ومتفكرش في بكرا وتوكل على الله

فنون التعامل مع الناس 🌹

https://whatsapp.com/channel/0029VaQXv34BFLgSJaM0Lv2p
ده رابط قناتي على الواتس اب
لحفظ احاديث قصيرة وصحيحة
د، مروه حنفي

https://chat.whatsapp.com/GSuvFCBL8Tt4BKxq5c9XTf


*عايزين نحفظ كل يوم حديث صحيح وقصير وسهل* *للنبي صلى الله عليه وسلم*

نستفيد منه ونطبقه كمان ونبلغه لغيرنا


*اقرئوا في صندوق الوصف فوق خالص.اللي جنب اسم الجروب ايه الهدف من حفظ احاديث النبي صلى الله عليه وسلم*

#قنوات_د_مروة_حنفي _على_التليجرام
👇👇

1️⃣ *قناة فنون التعامل مع الناس وفنون الدعوة إلى الله*
https://hottg.com/FaferoDaeiat
🌺🌺🌺🌺🌺🌺

2⃣ *قناة الصوتيات*
https://hottg.com/FaferoAudioLessons
🌺🌺🌺🌺🌺🌺

3⃣ *قناة ففروا إلى الله دروس المسجد*
https://hottg.com/faferoelaallah
🌺🌺🌺🌺🌺🌺

4️⃣ *قناة دروسي للداعيات والدعاة*
https://hottg.com/+AAAAAEbHpGXVeTnXrV8zLw
🌺🌺🌺🌺🌺

5⃣ *جروب الواتس اب* 1️⃣
https://chat.whatsapp.com/G5GCrE6vSLq7V2bCDujGeJ

*جروب الواتس اب,* 2️⃣

https://chat.whatsapp.com/L3Dfw0iess2BRkmG0S7awe

🌺🌺🌺🌺🌺🌺
جروب الواتس اب 3⃣

https://chat.whatsapp.com/LbrE2kbsVZyLDxHsy8BuI1

6⃣ *قناة حلقات للبنات والأولاد*

https://hottg.com/DroosLelBanatWalAwlad


قنواتي وقف لله خذوا منها ماشئتم ولاتهتموا بوضع رابط قنواتي

*فضلا انشروها وجزاكم الله خيرا*

https://chat.whatsapp.com/LbrE2kbsVZyLDxHsy8BuI1

*جالي سؤال من شخص بيشتكي من زوجته وعايز يطلقها بسبب عنادها الشديد*

*إزاى تتعامل مع زوجتك العنيدة ؟*⁉️

في البداية خالص لازم تعرف القاعدة الأساسية في اصلاح أي علاقة *انك تصلح الحال بينك وبين ربك*

💥ولحل مشكلة عناد زوجتك لازم تعرف ايه سبب المشكلة اللي عند زوجتك؟ وايه سبب عنادها يعني مثلا بتقلد والداتها في العناد ولا في حاجه مضايقاها منك؟

 
💥حاول دايما ان يكون في احترام متبادل بينكم
لان احيانا العناد يكون نتيجة عدم تقدير الزوج لدور زوجته في الأسرة او عدم احترامها أمام اولادها او امام اهلها او اهله ، فده بيؤدي انها تعند معاك محاولة للتنفيث عن نفسها
علشان كده اعمل اتفاق مكتوب على الاحترام المتبادل بينكم

 💥امدح زوجتك على مجهودها في رعاية بيتها وولادها
ولا تقلل من مجهودها بسخرية او تهكم عليها في اي امر من الامور
 
💥وحاول تقولها كلامات لطيفه وده هيزود المحبة بين الزوجين بالتاكيد

💥هات هدايا بسيطة في المناسبات على اد امكانياتك ومتنساش اي مناسبة عندها ده هيشعرها بأهميتها عندك وهيقلل عنادها معاك
لان اوقات كتير العند بيكون وسيلة للتعبير عن المشاعر المكبوته اللي جواها بسبب عدم التقدير او عدم الاهتمام كأنها بتحاول تلفت نظرك لها
 
💥خلي دايما كلامك هادئ في النقاش ومتجادلش كتير
وافتكر ان نبينا محمد صلى الله عليه وسلم نهانا عن الجال حتى لو كنت على حق
لان كثرة الجدال واللوم والعتاب بتقسي القلب وبتوصل للعند برده

💥 وخد بالك ان العنف بيوصل للعنف من الطرف الاخر وبيضطره للعند

💥حاول تغير روتين حياتك كل فترة
 لان زي ما بوضح لك ان العند احيانا بيكون ناتج صغوط الأعباء النفسية اللي جت من مشاكل الحياة والأولاد والمسؤلية الكبيرة علشان كده حاول تخفف الصغوط عن اسرتك بخروجه كل أسبوع مثلا في اي حديقة او أي مكان تحبو تزروه او تسافر لمكان بعيد حسب امكانياتك الماديه او حتى اسمح لزوجتك انها تخرج وتزور حد من صديقاتها او اهلها ....وخصوصا كل ماتشعر ان عليها ضغط نفسي زايد

💥مش لازم تتمسك برأيك في كل الأوقات شوف رأيها وشوف اسبابها في كده يمكن يكون رأبها صائب

💥اكد لها انك بتحبها
الحب له دور اساسي في التفاهم بين الزوجين وتأكيدك وقت الخلاف انك بتحبها هيكون له دور سريع في تهدئتها

اشعرها وقت الخلاف انك راضي عنها واذكر صفاتها الطيبه في كل مره وده له دور كبير جدا في عدم العند منها

💥الصبر
اي علاقة ناجحة محتاجه صبر وجهد والرسول صلى الله عليه وسلم علمنا انما الصبر بالتصبر وانما الحلم بالتحلم
فكل اللي عليك استعن بالله ولاتعجز


💥كمان شغل سورة البقرة يوميا باستمرار لو معرفتش تقرأها
حافظ على الأذكار وقراءة المعوذات كثيرا طوال اليوم
والزم صلاة ركعتين يوميا وادعوا الله كثيرا فيهم بالهدايه لك ولزوجتك واصلاح مابينهما

وأخر حاجة هفكرك بها كلام النبي صلى الله عليه وسلم
: لا يفرك مؤمن مؤمنة، إن كره منها خلقا رضي منها آخر. (مسلم).
يعني لاتكرها لو شفت فيه صفة سيئة وحاول توازن وتشوف صفاتها الحلوة التانيه ....
 
 

https://chat.whatsapp.com/LbrE2kbsVZyLDxHsy8BuI1

*انتبهوا يا سادة 2️⃣*


الناس اللي طالعة من تحت الأرض ديه وبتشكك في السنة النبوية
وتقولك احنا مؤمنين بالقرآن بس

طيب انتم فين من
قوله تعالى(*وَأَطِيعُوا اللَّهَ وَأَطِيعُوا الرَّسُولَ وَاحْذَرُوا فَإِنْ تَوَلَّيْتُمْ فَاعْلَمُوا أَنَّمَا عَلَى رَسُولِنَا الْبَلَاغُ الْمُبِينُ* ) المائدة /92.

هتقولو ان في معلومات في السنة مش موجوده في القرآن
طيب هو مش مكفيكم ان ربنا قال *(مَنْ يُطِعِ الرَّسُولَ فَقَدْ أَطَاعَ اللَّهَ")* النساء 80
والآية الثانية بتقول
(*"فَلَا وَرَبِّكَ لَا يُؤْمِنُونَ حَتَّى يُحَكِّمُوكَ فِيمَا شَجَرَ بَيْنَهُمْ ثُمَّ لَا يَجِدُوا فِي أَنْفُسِهِمْ حَرَجًا مِمَّا قَضَيْتَ وَيُسَلِّمُوا تَسْلِيمًا")*

وده فيها تحذير واضح وصريح عن مخالفة أوامر النبي صلى الله عليه وسلم
*كل الآيات كلها تدل على حجية السنة وان مفهاش غش ولاتدليس*

*وكل حججهم واهيةو اضعف من البعوضة*

🔴 *وعلى ذكر البعوضة تعالو نستمتع شويه ونشوف ونستمتع بجمال القرآن الكريم*
ونشوف( صنع الله الذي اتقن كل شىء)النمل 88


🔴قال تعالى *( إِنَّ اللَّهَ لاَ يَسْتَحْيِي أَن يَضْرِبَ مَثَلاً مَّا بَعُوضَةً فَمَا فَوْقَهَا﴾* (سورة البقرة الآية : 26)*

طبعا مفيش مخلوق هين عندنا زي البعوضة
والمعنى ده اشار إليه النبي عليه الصلاة والسلام لما قال :*(( لَوْ كَانَتْ الدُّنْيَا تَعْدِلُ عِنْدَ اللَّهِ جَنَاحَ بَعُوضَةٍ مَا سَقَى كَافِرًا مِنْهَا شَرْبَةَ مَاءٍ )*)[ الترمذي ]


*صلوا على النبي محمد وركزوا معايا واستمتعوا*

وضعوا البعوضه تحت المجهر الإلكتروني اللي بيكبر الاشياء 400 الف مرة كده، شافوا ان في راسها 100عين، وفي صدرها 3 قلوب قلب مركزي وقلب لكل جناح .
وفي كل قلب أذينان وبطينان ، واكتشفوا أن البعوضة تملك جهاز لا تملكه الطائرات
تملك جهاز استقبال حراري ،بتشوف الأشياء بالحرارة اللي تطلع منها، وجهازها الحراري حساس جدا

ووجدوا أن البعوضة عندها جهاز لتحليل الدم ومش أي دم يناسبها بدليل أخوين يناموا على سرير واحد تقرص واحد وتسيب الثاني ،
*ليه بقى حضرتك*?
*صلوا على نبينا محمد علشان اقولكم المعلومة العجيبة ديه*?

،علشان عندها جهاز تحليل دم و جهاز تاني تمييع للدم ،
فلما تلاقي انسان دمه لزج وسمج مش هيمشي في خرطومها
فتعمل ايه?
تميع الدم علشان يقدر يمشي في خرطومها
لا ده كمان معاها جهاز تخدير تخدرك وانت نايم علشان متعرفش تموتها وهي بتمص دمك واحنا بنكتشف امتى بعد ماتكون خلاص وصلت لسماء الغرفة

ده كمان في خرطومها 6 سكاكين
4 سكاكين منهم لإحداث جرح مربع ، 2 سكين على شكل أنبوبة لامتصاص الدم ،

على فكرة كلامي ده بحث كامل اتقدم بالصور كمان وتقدر تشوفوه على النت عادي

والعجيب لما تقرأ قوله تعالى:﴿ إِنَّ اللَّهَ لاَ يَسْتَحْيِي أَن يَضْرِبَ مَثَلاً مَّا بَعُوضَةً فَمَا فَوْقَهَا ﴾ *فَأَمَّا الَّذِينَ آمَنُوا فَيَعْلَمُونَ أَنَّهُ الْحَقُّ مِنْ رَبِّهِمْ وَأَمَّا الَّذِينَ كَفَرُوا فَيَقُولُونَ مَاذَا أَرَادَ اللَّهُ بِهَذَا مَثَلًا*﴾[ سورة البقرة الآية : 26]
فالله يعلم رد الفعل على هذه الآية القرآنية العجيبة .....وإن في مشككين

علشان كده قال في الآية أن المؤمنين هيعلموا أن ايه البعوضه ديه حق لأنها من كلام خالق البشر
لكن الكافرين هيقولو ماذا اراد الله بهذا مثلا

وبنقول للمشككين في السنة احنا عندنا علم مش كلام
ده احنا عندنا *علم الجرح والتعديل* الذي دون تاريخ رواة السنة جرحا وتعديلا ،
وعندنا *وعلم مصطلح الحديث* اللي وضع أصول واضحة لتميز الحديث الصحيح من الحديث الضعيف، مثل اشتراط عدالة الرواة واتصال السند وسلامته من الشذوذ ومن الاضطراب.

خدوا بالكم هدفي من الكتابة ان يزداد ايمانا بالله وناخد بالنا من أولادنا ونناقشهم في الامور ديه
علشان زي ماقلت لكم كثر دعاوي الالحاد وخصوصا بين الأولاد والبنات

لاتنسوا الدعاء ان يعصم الله ابنائنا من الفتن ما ظهر منها ومابطن

https://chat.whatsapp.com/FNbpaxOKepr6YFzq4xQHPe


انتبهوا يا سادة 3️⃣

وعلشان الموضوع زاد عن حده عند الناس اللي ماتتسمى

واللي بيقولوا ان القرآن لا يصلح لزمنا ده

*طيب صلوا بينا على النبي محمد صلى الله عليه وسلم*
*وعلشان تشوفو معايا عظمة القرآن وأنه يتسع لكل التطورات*
هديكم مثال عجيب
*قال تعالى :﴿وَالسَّمَاءِ ذَاتِ الرَّجْعِ ( الطارق 11) ﴾*
في عصر قديم اتفهمت الآية ديه أن البحار تتبخر ويصعد بخار الماء ده إلى السماء ويرجع على شكل مطر *وده المعنى الآول(والسماء ذات الرجع)*

ولما تقدم العلم شويه اصبح كل البث التلفزيوني و الإذاعي أو الموجات الكهرطيسية لما تطلع إلى الفضاء والأثير الخارجي طبقة الأثير تردها وترجع تاني إلى الأرض *وده المعنى التاني: ﴿ وَالسَّمَاءِ ذَاتِ الرَّجْعِ ﴾*


وتقدم العلم اكتر ظهر أن الكون كله كواكب ونجوم متحركة ومش ثابتة، وعلشان في توازن حركي في الكون فكل نجم يدور حول نجم تاني بمسار مغلق ويرجع إلى مكان انطلاقه الأول ، *وده المعنى الثالث ،وكلهم يفسروا بالسماء ذات الرجع*

علشان كده صياغة القرآن لأنها من عند الواحد الديان فهي تستوعب كل الاحتمالات القادمة


وصدق الله تعالى لما قال (سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ ﴾[فصلت : 53 ]
واحنا بس الوقتي كل مانشوف اكتشاف علمي جديد نقول ايوه ده عندنا في القرآن لكن للاسف احنا مقصرين
لذلك مرة في عالم مصري حينما قرأ الآية الكريمة : *﴿ فَارْتَدَّ بَصِيرًا ))(96)* سورة يوسف ﴾

فجاء بقميص وحلله العرق اللي فيه و ظهر فيه 64 مادة
هذه المواد وضعها على عدسة مصابة بالبياض( يعني المياه الزرقاء )،
ففي مادة واحدة منها اسمها البولين أعادت الزرقه شفافة ،
وهم حاليا عايزين يصنعوا قطرة من هذا الاكتشاف المستنبط
من هذه الآية ،

لكن نحن قصرنا في كشف حقائق الكون من خلال آيات القرآن الكريم ،
*وفعلا كما يقول رب العالمين سنريهم آياتنا في الآفاق*
انت حاليا جالس في احدث طائرة ومقاعد فخمة واكل وشرب
ولما تفتح القرآن الكريم : *وتقرأ﴿ وَالْخَيْلَ وَالْبِغَالَ وَالْحَمِيرَ لِتَرْكَبُوهَا وَزِينَةً وَيَخْلُقُ مَا لَا تَعْلَمُونَ (8) النحل*

تقول سبحان الله ويخلق ما لا تعلمون اصبح الوقتي الطائرات وبكره هنشوف حاجات احدث تنقلنا من مكان لمكان
وسبحان الله ويخلق ما لاتعلمون

فكل الدلائل على عظمة الله لا تعد ولا تحصى ولو تفكرنا فيها لسجدنا لله سبحانه

*سبحان الله لو سافرنا إلى فنلندا، و الحرارة 76 درجة تحت الصفر*
طبعا كل حاجة هناك بتتجمد علشان كده لابسين معاطف صوف وقفازات *لكن هل هيقدروا يغطوا عيونهم عشان الماء اللي فيها ميتجمدش*
لا
*سبحان الله ربنا أودع في ماء العين مادة مضادة للتجمد،*
وانتم عارفين ان الماء بيتجمد عند درجة 4 تحت الصفر مثلا
لكن برغم 76 تحت الصفر ماء العين لاتتجمد

صنع من؟
حكمة من؟
قدرة من؟
يبقى الخلاصة اللي نزل القرآن هو خالق الأكوان

https://chat.whatsapp.com/FNbpaxOKepr6YFzq4xQHPe

*انتبهوا ياسادة 4️⃣*

صلوا على نبينا محمد كده يا جماعة وشوفوا الجمال ده


المرأة لما تلد ينزل مع الجنين الخلاص بيسميه الأطباء بالمشيمة
*في المشيمة ديه آيات لا تستطيع إلا أن تخر لله ساجداً،*

ليه بقول الكلام ده?
السبب أن تجتمع فيها دورة دم الأم ودم الجنين ولا يختلطان معا، ازاي يعني؟
*بينهما غشاء سماه الأطباء (الغشاء العاقل)،*

الغشاء العاقل ده بيأخذ من دم الأم السكر يضعه في دم الجنين
يأخذ من دم الأم الأوكسجين يضعه في دم الجنين
قام بدور جهاز الهضم والتنفس،
ثم يأخذ من دم الأم الأنسولين يضعه في دم الجنين قام بدور البنكرياس
اصبح بدم الجنين أوكسجين، وهيدروجين، وأنسولين
يحترق السكر بالأوكسجين عن طريق الأنسولين فتولد طاقة بدرجة 37
بعد الاحتراق هناك فضلات ثاني أكسيد الكربون، غاز الفحم
الغشاء العاقل يأخذ ثاني أكسيد الكربون من دم الجنين يضعه في دم الأم
يأخذ الغشاء العاقل من دم الأم مناعتها، جميع اللقاحات التي اخذتها في صغرها حتى الولادة وحتى من الأمراض المناعية
*لكن سبحان الله*
*لو أن الأم تسممت بمادة غذائية معينة هذا السم لا ينتقل إلى دم الجنين،*
يد من؟
حكمة من؟
قدرة من؟
علم من؟
*شوفو الجمال ده كمان*
*لو كلفنا أطباء الأرض انهم يعرفوا كم يحتاج الجنين من مواد غذائية??*
زي مواد بروتينية، مواد سكرية، مواد دسمة، فيتامينات، معادن، أشباه معادن،
*مش هيعرفوا*

لكن الغشاء العاقل يعرف ما يحتاجه الجنين يعلم المواد، ويعلم النسب، وهذه النسب بتتغيير في كل ساعة، بحسب نمو الجنين.
فيعرف هذا الجنين ينقصه بوتاسيم مثلا فيبلغ أمه أنه يحتاج البوتاسيم؟
فالغشاء العاقل مهمته أن تشتهي الأم أكلة فيها بوتاسيوم فيوصله للجنين

وصدق الله تعالى حينما قال
*﴿ صُنْعَ اللَّهِ الَّذِي أَتْقَنَ كُلَّ شَيْءٍ ﴾*
( النمل: 88 )


*خلاصة كلامي*

المؤمن يشعر بحالة آمن في عقيدته يعني عارف انه مش هتظهر حقيقة تلغي وحي السماء أو تلغي كلام الله في أي زمن

المؤمن صاحب الفطرة السوية عارف ان الله فطرنا، جبلنا، برمجنا على منهجه، أمرك بالصدق فتلاقي نفسك تحب الصدق، أمرك بالأمانة تحب الأمانة، لذلك قال تعالى:﴿ حَبَّبَ إِلَيْكُمُ الْإِيمَانَ وَزَيَّنَهُ فِي قُلُوبِكُمْ وَكَرَّهَ إِلَيْكُمُ الْكُفْرَ وَالْفُسُوقَ وَالْعِصْيَانَ أُولَئِكَ هُمُ الرَّاشِدُونَ (7) ﴾( سورة الحجرات )


*أكبر إنجاز أن نفسك ترتاح لمنهج الله، ترتاح لأوامر الله، تتألم لو فعلت شيئاً يخالف منهج الله*.
صاحب الفطرة السليمة عارف حقائق الإيمان، الأمر، النهي، افعل لا تفعل، الفرض، الحرام، الحلال، المباح،
*لذلك من هو أسعد الناس ؟*
اللي بيطيع ربه وبيتصالح مع نفسه
علشان كده (حقيقة الإيمان الشخص متوافق مع نفسه، أما الكفر متنافر مع نفسه ومع ربه )
*حياة المؤمن مستقرة لأن مولاه الله* عز وجل:﴿ ذَلِكَ بِأَنَّ اللَّهَ مَوْلَى الَّذِينَ آمَنُوا وَأَنَّ الْكَافِرِينَ لَا مَوْلَى لَهُمْ (11) ﴾
*يجوا الأشرار يقنعوك أنه مفيش إله للكون لكن لما يحصل لك مشكلة او تقع في خطر تلاقي نفسك محتاج إلى جهة تلتجئ إليها ،جهة تعتمد عليها* ،
*مفيش عندك*
طيب ركز كده:*﴿ ذَلِكَ بِأَنَّ اللَّهَ مَوْلَى الَّذِينَ آمَنُوا وَأَنَّ الْكَافِرِينَ لَا مَوْلَى لَهُمْ* (11) ﴾سورة محمد

زي واحد راكب سيارة حديثة جداً وماشي في طريق كله تكسير ورمل وطوب فلما تترك الطريق المكسر ده وتروح للطريق الممهد هترتاح جدا هتقول ايوه هو ده الطريق اللي مفروض تمشي عليه العربية
*يبقى المؤمن مستقر علشان بيطبق منهج الله*
واحد دخل إلى ملهى ليلي عجبته الراقصة تزوجها، بعد كده جاله 100 اتصال من الزباين ،مقدرش يتحمل طردها لكنه حنّ إليها، وطلب يرجع لها فطلبت منه مبلغ فلكي علشان ترجع له ولما خدت الفلوس سابته، ولقاها رافعة عليه قضية تطالبة بالمهر والقايمة اللي خدتهم قبل كده لقى نفسه معهوش فلوس فراح لها وإلى أمها أطلق عليهم الرصاص، وأطلق على نفسه الرصاص، لكنهم لم يموتا بل مات هو.
*دمر نفسه، لأنه مشى غلط، أما أنت مؤمن تطبق منهج رسول الله:* (( فَاظْفَرْ بِذَاتِ الدِّينِ تَرِبَتْ يَدَاكَ )) [ متفق عليه ]
تأخذ بنت الحلال من عيلة محترمة عارفه ربنا تخاف الله تحفظك إذا غبت عنها*﴿ *أَفَمَنْ كَانَ مُؤْمِنًا كَمَنْ كَانَ فَاسِقًا لَا يَسْتَوُونَ* (18) ﴾*السجدة

🌹نصيحة للزوجات في كيفية التعامل مع طباع الزوج المختلفة💌👇
https://whatsapp.com/channel/0029VaD9p0mATRSw19SRAW0d/3848

🌹كيف تكوني إمــــرأة متميـــــزة ⁉️
هنــــــا نصائح مهمة لكل أنثى 🎀👇
https://hottg.com/addlist/HKzZrV8AlxkzMjM0

🌸 - تحليل الشخصية .
🌸 - كتابات نفسية قصيرة.
🌸 - بحوثات في علم النفس والسلوك.
🌸 - صوتيات ومرئيات مفيده ومنوعه.
🌸 - وبعض الگتب المختارة بعناية لگم.♡👇
https://hottg.com/addlist/HKzZrV8AlxkzMjM0

📲أجمل التلاوات القرآنية لأشهر القُراء 30 ث حالات للواتس آب وبطاقات📥👇
https://hottg.com/aitaqWem/36497


⚡️للإشتراك في الدعم
@thamar911

اللهم إِنا نستودعك غزة وأهلها، سماءها وأرضها ، رجالها ونسائها، أطفالها وشبابها، وكل شبر في فلسطين اللهم انصرهم وثبت أقدامهم  وسدد رميهم وامددهم بجنود من عندك يا الله 🤲🇵🇸