مو بس الشمر كافر بگطع الماي
حته الي يرسمك منذبح كافر


حسين علي الدليمي

اليل لو ما بيه اخوي يرد ظلام
الگمر هذه ويعني سبع الگنطره


حسين علي الدليمي

الميت اعلل دنيه ما يصلح شهييد
اولا يصير نحسب حسابه بدفن

العينه ظيگه يا بشر يترسها عود
وياهو الي يحسب يباوعله بحسن

الدنيه هيمه اولا اطرها بلايه ماي
تالي ما ترجع يصاحب والحسن

الموت حق وبيه كلنه مهددين
وين ما نلبد يباقتنه الزمن

كون من الاگي ربنه بمحسنات
ربنه عل وادم شرط هوه الاحن

الغيم لو مو خير ما يطلع اكيد
صير مثل الغيم وطباع السفن

انطي من روحك وابد لا تطي بيه
وخلي بطنك توسع احجاية مزن

كلنه ذكره نصير والوادم تموت
ولله بس اعمالنه ويانه البقن

لا تباوع للخلگ بزغيره عين
الناس هم عيون عدها وبيها ظن

ولا تسولف چلمة الما وبيها راي
الكتب لو ما بيه اسم ما ينقرن

حَسن اخلاقك گبل حِسن الثياب
الذگه لذگت روح مو لذگت بدن

حسين علي الدليمي

قصيدة جديدة: الامام علي عليه السلام : حسين علي الدليمي

ياهو،،،،،، ياهو بيكم عل جرح يصبر ليالي
يا هو،،،،،،ياهو متئكد يظل كل عمره غالي
بس ابو الحسنين،،،،،بس ابو الحسنين
ياهو،،،،،ياهو


انته بس انته تضل غالي وغلاتك
ياهو من هاي الخلگ يحمل صفاتك
الله بس يعرف انته شگد علاتك
تذكر الوادم لمن تدعي بصلاتك


ياهو،،،،،، ياهو كل عام النذكره بحرگ دمنه
ياهو ،،،،، ياهو بس عليه تنزل كل دمعنه
بس ابو الحسنين،،،،،بس ابو الحسنين


خيبر اختل من سمع جته القياده
جته أفواج وسرايا بلا عباده
من جهب حيدر علينه بلا اراده
انفتحت ابواب السمه بيد السياده

ياهو،،،،،،،ياهو بيده انتفح خيبر بدايه
ياهو ،،،،،،ياهو أحفاده مشن بل طف سبايه
بس ابو الحسنين،،،،،،بس ابو الحسنين


انته اول شخص يفدي النبي بروحه
من نمت بفراشه حته اتخف جروحه
اسمك اشعلوه يحيدر من يلوحه
منذكر اسمك جن عطر منه يفوحه

ياهو،،،،،،،،،،ياهو خله الناس تتحير ابئمره
ياهو،،،،،،،،،،ياهو اسمه من تذكره شعلوه قدره
بس ابو الحسنين،،،،،،بس ابو الحسنين


واحد وعشرين رمضان امنجانه
بيه نتفقد علي ونفگد حنانه
من سمعنه انطبر رأسه وبمچانه
بل مكان البيه يتقبل دعانه


ياهو،،،،،،،،ياهو بل مسجد يصلي برأسه طبره
ياهو،،،،،،،،ياهو خله الناس تأخذ منه عبره
بس ابو الحسنين ،،،،،،بس ابو الحسنين


خادمكم:حسين علي الدليمي

طبرة الراس چبيره،،،،،،،،، وتهضم الفاگد علي
والسمه بعيوني ماتت،،،،،، من مشه عنها الولي
يحيدر،،،، يحيدر

حيدر ابمصباح فجره،،،،،،،،، انطبر راسه بحقد
وسفه راح ايودع اهله،،،،، واهله ما تحمل بُعد
ظلمه صارت بل مدينه،،،،،،،راح المبطل الحسد
راح ابو الايتام كلها،،،،،،،،،،،، وما اضن يرجع بعد


شلون اوصف هل مشاعر،،،، حيره ولله شلون هاي
راح ولله الجان يروي،،،،،،،،،،،،، كل فقير ابئيده ماي
يحيدر يحيدر



ابن ملجم صار قاتل،،،،،،،،،،،،، وجان يعرف حيدره
كله موتي عليك يصبح،،،،،،، ودمعه من عينه جره
كله بله شلون گلي،،،،،،،،،،،،،،،،،،،، كله اسمع بل سره
انه باب الجنه بيدي،،،،،،،،،،،،،،،،،،،اله اوگفك مسطره


مات حيدر وبن ملجم،،،،،،،، بعد فتره ولله مات
يم علي صاير طريقه،،،،، وكله اسف علي فات
يحيدر يحيدر


ما يفيد الاسف اصلاً،،،،،،،،،،، بعد ما فات الاوان
وقت ربك الك انطه،،،،،،،، والوقت جان امتحان
ضلمت بيدك حياتك،،،،،،،،والمحاسب هسه حان
هاي اخرته الي يعصي،،،،،،،،،،، امر ربي المستعان


افتح ابواب جهنم،،،،،،،،،،،،،،،، ونته اول من دخل
انه اعيش ابموتي ونته،،،،،، كل وقت بس تنعل
يحيدر يحيدر


اليله وحشه وضلمه صارت،،،،،،،،،، من متت يابو الحسن
انته خيرك عل يتامه،،،،،،،،،،،،،،،،،،،،،،، فايض وجنك وطن
يمك انته الشده تنحل،،،،،،،،،،،،،،،،،ماكو شي اسمه المحن
تايه ومن شاف نورك،،،،،،،،،،،،،،،،،،،فرحه صارت بل غصن

انته خيرك ولله فايض،،،،،،،، عل يتامه بلا قصد
الله خلاك عليهم،،،،،،،،،،،،، فارس ابسيفك مجد
يحيدر يحيدر




خادمكم :حسين علي الدليمي

بشهر موتك نزل،،،،،،،،،،، وفضل شي حصل
عله صدر لنبي،،،،،،،،،،،،،،،،،،،،،،،لقرآن اكتمل
عليآ واه عليا عليآ واه عليا

بعد ما ظل صبر گرب خبر موتك
بطبرت هامتك راحت صدك قوتك؟
علي ريض رحيلك يكسر امروتك
روحت روحي أهون من جفي صوتك

بعد مامش صبر،،،،،،،،،، صدك راح انهجر
انه اعيش ابئمل،،،،،،،،،،، ،،،،،، لقرآن اكتمل
عليآ واه عليا عليآ واه عليا



عگب عينك منو يفتح ذاك خيبر
ابن عمي وعزوتي اگرابي والخنجر
فگدك يا علي بين عله المظهر
تگوم ويايه حته بروحك انه انضر

انهض يا علي،،،،،،،،،،، جا غير انته الولي
دخل نلغي لزعل،،،،،،،،،،،،،،،،، لقرآن اكتمل
عليآ واه عليا عليآ واه عليا


يبو تراب الأيتام المن بعد تبقه
يجنك ورقه بس انشگت الورقه
يل يم ليتيم آمنل ورد ارقه
منو غيرك يوزع كلمن اوحقه

ليتيم انته إله،،،،،،،،،،،،،، بعد رب العله
برمضان الأصل،،،،،،،،،،،، ، لقرآن اكتمل
عليآ واه عليا عليآ واه عليا


ابن عمك محمد جايك انهض گوم
فشله تردني خالي يا علي هل يوم
منو بعدي يصلي بهل خلگ ويصوم
ولي الله اَليي اوالي هاي الگوم


بعد كل الجره،،،،،،،،،،،،،،، نايم عل ثره
بجهودك يل بطل،،،،،،،،،،، لقرآن اكتمل
عليآ واه عليا عليآ واه عليا


تمت كتابتها في /21/4/2021


قلم:حسين علي الدليمي

حسين علي الدليمي✍

طبرة الراس چبيره،،،،،،،،، وتهضم الفاگد علي
والسمه بعيوني ماتت،،،،،، من مشه عنها الولي
                    يحيدر،،،، يحيدر

من قصائد محرم الحرام

ج (1)

شبه من النبي شايل **** علي الاكبر يمي عيني
ابوك حسين ظل وحده * اگعد يمه حاجيني

اكعد خل اشوفنك
يماي عيوني بس لحضه
يا اول شهيد انته
البل طف ما گعد حضه
ذبل وجهي بوگعتك هاي
جسمي گام يترضه
وعيوني جفاها الشوف
مثل خشبه وكلتها ارضه

اگعد فدوه يوليدي
بعد ما بيه أشيل ايدي
موتك نار بوريدي
بعد ياهو النشد ويني * اكعد يمه حاجيني

من قصائد محرم الحرام

ج:(2)

لحن اهوازي

زينب ودعت عباس،،،،،، باسته فقط بل راس
گلتله يبعد اختك،،،،،،،،،، سوي بل زلم وهواس

جهب عباس والريشات تجدح من يشوفونه
خلاها الزلم طشار بس بخزرت اعيونه
دخل چن نار نص الزور ما لحگو يطفونه
غير الكافل منيفوت حَيدر بس يسمونه

خلاها الزلم تنحب،،،،،، حاصرهم مثل مرحب
لمن هوستله اخته،،،،،،،، ،، كال لخاطرج زينب
.
.
.
.
.

من قصائد محرم الحرام

ج(3)

ثگيل ليلة القاسم

الحزن بيه يبن رمله الحزن بيه
نكسر ظهري وبعد گلبي. الحزن بيه
اه اه يمه الولد اه
اه اه يمه الولد اه

اباوعلك وشوفك مبتسم گاعد
وحس گلبك يگلك باجر مواعد
يقاسم رايح ومحد الي يساعد
نكسر گلبي برحيلك والحزن حاقد

الرمل يچويي بعد امك رمل يچوي
وضل ابچي على فراگك اضل ابجي
.
.
.
.
.
.

من قصائد محرم الحرام

ج(4)

وزن الميمر

برض الطفوف انه وياك،،،،، خل نبجي عل مسبيه

زينب مشت لحسين تاخذ رايه
بولايه جانت هسه غير اولايه
راحت تگل لحسين بس حجايه
دونك اطفالي تهيم بل صبخايه

راحت وشافت عباس،،،،،،،،،، نايم علله الوطيه

.
.
.
.
.

من قصائد محرم الحرام

ج (5)

رساله ذبح مسلم بن عقيل عليه السلام

حسين يقره بل رساله،،،،،،،،،، وضل دمع عينه يتلاله
من سمع مسلم قُوتل،،،،،،،،،،،،،،،،،،،،، ضلت عيونه تهل
وضل دمع عينه يتلاله

زينب اتباوعله ضلت،،،،،،،،،،،،،،،من قره ذاك الخبر
تگول اشوفنه ايتحسر،،،،،، عينه صارت جن مجر
تگله شنهي الصار گلي،،،،،،،،،،،،وگلها هوه بمختصر
مات مسلم يختي زينب،،،،،،،،،،،،،، لابد انشد للسفر

لابد انروح اعله مسلم،،،،،،،،،،، للسفر خلينه نحزيم
والكتل مسلم نذل،،،،،،،،،،،،،،،،،،،،،ضلت ادموعه تهل
وضل دمع عينه يتلاله

.
.
.
.
.

من قصائد محرم الحرام

ج (6)

حركو عليج الخيمه ،،،،،،،،،، يم الخدر
وسفه اومشيتي بهيمه ،،،،،ويه الشمر
معقوله انتي بت علي الفحل
تمشين وي واحد صدگ نذل

احجيلي شنهي الصار من،،،،،،،رحتي سبيه
من مشيتي ويل شمر،،،،،،،،،،،،،،،يل هاشميه
وشنهي صار اوياج من،،،،،،،،،،،،،،تنشد رقيه
ياهو ذاك ألعل رمح ،،،،،،،،،،،،،،،،،،،راسه ثريه

رايده أنه استوعب ،،،،،،،،،،،كل الجره
معقوله من اليندب ،،،،،،،،،،تنطك مره
گليلي ياهو عل ارض يظل
تمشين وي واحد صدگ نذل

.
.
.
.
.
.

من قصائد محرم الحرام

ج (7)

فحل نزل طر الحومه
ابن علي حلوه ارسومه
أخذ عهد تبقه علومه

سمعت الكافل امن بعيد
يصرخ عل زلم قادم
زلمه اليبقه حي اليوم
اخلي الخيل تترادم
اخلي الفكر يشب نار
عقله اولا يرد سالم
مثل حال الطفل يا ناس
ابجيهم بجي الفاطم

محد گدر يلوي ذراعه
هذه الگمر هاي الطباعه
عل حومه يفتر جن ساعه
شاف الزلم خرده وچومه ***أخذ عهد تبقه علومه

.
.
.
.
.
.

من قصائد محرم الحرام

ج (8)

صدك اخر وداع اليوم * صدك ماشوفن ارسومك
صدك يحسين راح تروح ****بعد ما باوع عيونك

بعد كل التعب يحسين
هاي اخر مسيه النه
واخر ليله بس وياك
واخر گعده لتلمنه
بعدك وين احنه اروح
ياهو الي يجي يسبنه
نتغرب بعد عيناك
تتيه بصحره وادمنه

غربه وخوف مالي العين
بعدك نِنسبي يحسين
زحمه اويل غرب ماشين
ياهو يشوفك اشلونك* بعد ما باوع عيونك

.
.
.
.
.
.

سيتم نشر جميع قصائد محرم الحرام
كامله عن قريب إن شاءالله

انشروها ولكم الاجر والثواب

قصائد خادمكم : حسين علي الدليمي

اول ايوم محرم

عاشور هل بهل مسه * والديره صارت ضلمه
وسود صبح لبس لخدم**والوان نلبس زحمه
يحسين يحسين

جرحك جرح ما ينجمع **** يهلال المحرم دمع
من أولك لآخر فجع **** مكسور مكسور
بيك انته اشوفن جم نحر***نجمه وعلى رمح استقر
أمر الله بيامك صدر**** عل فور عل فور
بل بر اشوف ميتمه * ارقيه بت حامي الحمه
بشهرك تموت منل ضمه ***ونحور ونحور

لو بيدي احذفك يا شهر *** وحسين اعوفه مهنه
بس هذه أمر الله وصدر**** بسم اله بيته الجنه
يحسين يحسين

بعمري ما كاره شهر**** لا عايش ايام القهر
بس محرم هل نظر **** لحسين لحسين
كل الشُهر حزن وألم**** بس هل شهر حيل انهظم
شايل گلب حنيت ام**** بل علين بل عين
كل ما گرب شهر الحزن* كل ليله ارجعلي قرن
منذكر مصابك بس اون* يا زين يا زين

اغسل ذنوبي بهل شهر **بل مجلس أنه اتحفه
احضر عزائك سيدي**والروح تبچي بلهفه
يحسين يحسين

اشبع بچي بهاذا الشهر****بيه نفتقد خير البشر
بين الخيم بين النهر*لحظات لحظات
بيه خنصر منيد نفقد* بيه ينذبح ازغر ولد
بيه كافل العيله بتعد**** واهات واهات
بيه جم رمح شايل شمس*بيه ينذكر كل عام امس
بيه شامت بلمنه يخنس *حسرات حسرات

شكد نفتخر بسمك نظل **بمحرمك نتباها
نكسر خشم بعض البشر ****چي شيعت اله وطاها
يحسين يحسين

شيعه احنه بيامك نظل* شيعت علي ذاك الفحل
اسود لبسنه بكل فصل * عنوان عنوان
نحسبلك حساب العرب *** يل من جدم شخصك ترب
ما عدهم وعدنه احنه رب**** رحمٰن رحمٰن
ما يبقه واحد مفتقر* خير بشهر شخصك يمر
حته العساكر تنتضر ** عنوان عنوان

كل الخلگ هم تتحد *بيامك و تتعله
يوم اليمر يوم اهدعش****نصعد عليها التله
يحسين يحسين

تمت كتابتها في (٨/٦/٢٠٢٤م)

خادمكم حسين علي الدليمي