Channel: 💔فانی دونیا💔
Forwarded from 💔فانی دونیا💔
" ساخلاییرام "
زهله م گئدیر تئز آلیشیب-سونندن
قلبیم ده یوز ایل لیک کوز ساخلاییرام
بلکه بوندان آغیر گونلره دوشدوم
سینه مده احتیاط سوز ساخلاییرام
اوزاق دان تتیگی سیخماغا نه وار
آرخادان جومولوب ییخماغا نه وار
کیچیک دویوش لردن چیخماغا نه وار
چتین سیناق لارا دیز ساخلاییرام
"شجاعت"اوره ییم اسیم -اسیم دی
حقیقتین سسی -منیم سسیم دی
اعتبار بسیم دی،ایلقار بسیم دی
من واری -دولتی آز ساخلاییرام
شجاعت
زهله م گئدیر تئز آلیشیب-سونندن
قلبیم ده یوز ایل لیک کوز ساخلاییرام
بلکه بوندان آغیر گونلره دوشدوم
سینه مده احتیاط سوز ساخلاییرام
اوزاق دان تتیگی سیخماغا نه وار
آرخادان جومولوب ییخماغا نه وار
کیچیک دویوش لردن چیخماغا نه وار
چتین سیناق لارا دیز ساخلاییرام
"شجاعت"اوره ییم اسیم -اسیم دی
حقیقتین سسی -منیم سسیم دی
اعتبار بسیم دی،ایلقار بسیم دی
من واری -دولتی آز ساخلاییرام
شجاعت
وفالی چیرکینه جان قوربان ائیله
وفاسیز گوزلین دوشمه دالینجا
قوی سنی ئولدورسون غیرتلی دوشمن
تعصب سیز قؤهوما دالدالانینجا
عبس یره چالما میخ گئتمز داشا
چتیندی دوز گئدن یؤلوندان چاشا
سوبای قال دونیادا آروادسیز یاشا
غیرت سیز کیشینین قیزین آلینجا
زیارت ائتماقا کعبه گوزلدیر
انسان چاتسا بو مطلبه گوزلدیر
سونسوز لوغون مین مرتبه گوزلدیر
بئــــیار قیزون بئ فر اوغلون اولونجا
عومور امانت دیر مناف بیل گیلن
چالیش یاخشی لارینان الفت قیل گیلن
اوزات قؤل قیچیوی ییخیل ئول گیلن
مـیــنت آلتدا دانلاق آلتدا قالینجا
مناف
وفاسیز گوزلین دوشمه دالینجا
قوی سنی ئولدورسون غیرتلی دوشمن
تعصب سیز قؤهوما دالدالانینجا
عبس یره چالما میخ گئتمز داشا
چتیندی دوز گئدن یؤلوندان چاشا
سوبای قال دونیادا آروادسیز یاشا
غیرت سیز کیشینین قیزین آلینجا
زیارت ائتماقا کعبه گوزلدیر
انسان چاتسا بو مطلبه گوزلدیر
سونسوز لوغون مین مرتبه گوزلدیر
بئــــیار قیزون بئ فر اوغلون اولونجا
عومور امانت دیر مناف بیل گیلن
چالیش یاخشی لارینان الفت قیل گیلن
اوزات قؤل قیچیوی ییخیل ئول گیلن
مـیــنت آلتدا دانلاق آلتدا قالینجا
مناف
Forwarded from 💔فانی دونیا💔
سلاملار سایقلار
الهی بوگوزل سحرده
بیزه شادلیق ،شنلیک باغیشلا
تانریم حلال روزو یئتیر
خوش گونلر ،خوش چاغلار آرزوسیلا
سحریز خئیر🙏🙏❤️🌹
الهی بوگوزل سحرده
بیزه شادلیق ،شنلیک باغیشلا
تانریم حلال روزو یئتیر
خوش گونلر ،خوش چاغلار آرزوسیلا
سحریز خئیر🙏🙏❤️🌹
Forwarded from 💔فانی دونیا💔
This media is not supported in your browser
VIEW IN TELEGRAM
آهنگ : سماور آلمیشام سیلنیم یوخدی👌
دئدیلر: روحون هاردادیر؟
دئدیم : اونون جانیندا
دئدیلر: او جان کیم‌دیر؟
دئدیم : آزربایجان !
سالام یولداشلارا
سالام آزربایجانا
سالام اؤز کیملیین تانییب اؤز اصلینه دیر وئرنلره😍🫶
دئدیم : اونون جانیندا
دئدیلر: او جان کیم‌دیر؟
دئدیم : آزربایجان !
سالام یولداشلارا
سالام آزربایجانا
سالام اؤز کیملیین تانییب اؤز اصلینه دیر وئرنلره😍🫶
باشینا من دؤنوم آ مهربانیم
قوللارینی بوینوما سال وعده سینده
سن اولارسان قاری من اوللام قوجا
قوی امیم لبلرین بال وعده سینده
دونیانین لذتی کئفدی داماقدی
کیم گؤره گؤرمه یه او باخدا باخدی
سورگونن کئفینی جاوانلیق واخدی
آغلاما قددینین دال وعده سینده
بیر جانیم وار فلک بیر گون آلاجاق
اوستوندن کروان لار یوللار سالاجاق
بیر یئمک بیر گئیمک گزمک قالاجاق
دولان گز جانینین حال وعده سینده
دونیادا شیریندی دؤولتنن آخچا
عدالت یولونو دوز بیلین حاقجا
باغبانسیز اولماسین بیر باغ بیر باغچا
دره لر تؤکرلر کال وعده سینده
آزافلی میکاییل یارانان کؤچور
انسان بیر زمی دیر عزرائیل بیچیر
تاریخلر دولانیر عؤمور گون کئچیر
دونیادان پایینی آل وعده سینده
آزافلی👏
قوللارینی بوینوما سال وعده سینده
سن اولارسان قاری من اوللام قوجا
قوی امیم لبلرین بال وعده سینده
دونیانین لذتی کئفدی داماقدی
کیم گؤره گؤرمه یه او باخدا باخدی
سورگونن کئفینی جاوانلیق واخدی
آغلاما قددینین دال وعده سینده
بیر جانیم وار فلک بیر گون آلاجاق
اوستوندن کروان لار یوللار سالاجاق
بیر یئمک بیر گئیمک گزمک قالاجاق
دولان گز جانینین حال وعده سینده
دونیادا شیریندی دؤولتنن آخچا
عدالت یولونو دوز بیلین حاقجا
باغبانسیز اولماسین بیر باغ بیر باغچا
دره لر تؤکرلر کال وعده سینده
آزافلی میکاییل یارانان کؤچور
انسان بیر زمی دیر عزرائیل بیچیر
تاریخلر دولانیر عؤمور گون کئچیر
دونیادان پایینی آل وعده سینده
آزافلی👏
Forwarded from 💔فانی دونیا💔
گون آیدین دوسلار 😍
انشالله بو گون سیزه خاطره‌لی و برکت‌لی بیر گون اولسون
چوخ غملی اولمایاق، دونیانین أن بویوک ثروتی بیزیمدیر، سلامتلیق ....
بیر بیریمیزه ایستی باخیشلار هدیه وئراق
سلام ؛ سحریز خیر 🌹
انشالله بو گون سیزه خاطره‌لی و برکت‌لی بیر گون اولسون
چوخ غملی اولمایاق، دونیانین أن بویوک ثروتی بیزیمدیر، سلامتلیق ....
بیر بیریمیزه ایستی باخیشلار هدیه وئراق
سلام ؛ سحریز خیر 🌹
یاری اغیار آپاریب، بختی قومار،
نه قالیب یار، نه دینار منه.
اکدیگیم یئرده محبّت توخومون،
آرتیریب غم نئچه خروار منه.
خوش گونومده باشیما آند ایچن،
پیس گونومده وئریر آزار منه.
منی اوز جمعینه سردار بیلن،
آرزیلیر ایندی سرِ دار منه...
#عاصم_اردبیلی
گون آیدین
❤️ ❤️
❤️
نه قالیب یار، نه دینار منه.
اکدیگیم یئرده محبّت توخومون،
آرتیریب غم نئچه خروار منه.
خوش گونومده باشیما آند ایچن،
پیس گونومده وئریر آزار منه.
منی اوز جمعینه سردار بیلن،
آرزیلیر ایندی سرِ دار منه...
#عاصم_اردبیلی
گون آیدین
❤️ ❤️
❤️
گؤزل باخير
🔝 📌
بئله باخيش اولماز بئله گؤز اولماز
آللاه گؤزلره باخ نه گؤزل باخير
بئله آتش اولماز بئله کؤز اولماز
آللاه گؤزلره باخ نه گؤزل باخير
گؤیلر اولدوز وئريب آی وئريب اونا
یئرلر چشمه وئريب چای وئريب اونا
پیغمبر نورونان پای وئريب اونا
آللاه گوزلره باخ نه گؤزل باخير
حاقين درگاهندان ائنن ایشقدی
عمره ناخيش ووران بیر یاراشقدی
من گول آغاجیام او سارماشيخدی
آللاه گوزلره باخ نه گؤزل باخير
سارایام داشلاريم توکولوب گئدير
جییریم جانيمدان سوکولوب گئدير
من آغلار قالميشام او گولوب گئدير
آللاه گؤزلره باخ نه گؤزل باخير
باخيشلار نه قده ر حلیم اولارميش
گؤزون زارافاتی ظولوم اولارميش
ظلومون ده آخيري اؤلوم اولارميش
آللاه گؤزلره باخ نه گؤزل باخير
اوره ك یوز پارچادي كؤنول مین پارا
بیر گؤزل گؤزونده چكیلدیم دارا
زليمخان اؤلمه دي جاني قورتارا
آللاه گوزلره باخ نه گؤزل باخير.
زليمخان يعقوب
🆔 🔝 📌
🔝 📌
بئله باخيش اولماز بئله گؤز اولماز
آللاه گؤزلره باخ نه گؤزل باخير
بئله آتش اولماز بئله کؤز اولماز
آللاه گؤزلره باخ نه گؤزل باخير
گؤیلر اولدوز وئريب آی وئريب اونا
یئرلر چشمه وئريب چای وئريب اونا
پیغمبر نورونان پای وئريب اونا
آللاه گوزلره باخ نه گؤزل باخير
حاقين درگاهندان ائنن ایشقدی
عمره ناخيش ووران بیر یاراشقدی
من گول آغاجیام او سارماشيخدی
آللاه گوزلره باخ نه گؤزل باخير
سارایام داشلاريم توکولوب گئدير
جییریم جانيمدان سوکولوب گئدير
من آغلار قالميشام او گولوب گئدير
آللاه گؤزلره باخ نه گؤزل باخير
باخيشلار نه قده ر حلیم اولارميش
گؤزون زارافاتی ظولوم اولارميش
ظلومون ده آخيري اؤلوم اولارميش
آللاه گؤزلره باخ نه گؤزل باخير
اوره ك یوز پارچادي كؤنول مین پارا
بیر گؤزل گؤزونده چكیلدیم دارا
زليمخان اؤلمه دي جاني قورتارا
آللاه گوزلره باخ نه گؤزل باخير.
زليمخان يعقوب
🆔 🔝 📌
دوشدوم چؤله، جان قورتارا بیر دم غم الیندن،
گؤردوم یاپیشیبدیر اوره‌ییم ماتم الیندن
هجران داغینین نقشی اورکدن گئده بیلمز،
دلدارین اگر گؤرمه‌سه دل مرهم الیندن
بیگانه ووران یاره‌یه درمان یولو چوخدور،
مشکل ساغالا، دیل یاراسی همدم الیندن
گلدی قاپیدان، پنجره‌دن قاچدی جاوانلیق،
تاب اولمادی آنجاق یاپیشام محکم الیندن
آشفته‌دی فکریم فلکین فتنه‌لریندن،
نالاندیر اورک هم کلکیندن، هم الیندن
نامحرم اولانمازدی بو جور سرّیمه واقف،
«عاصم!» بو عنایت سو ایچیر محرم الیندن...
#
گؤردوم یاپیشیبدیر اوره‌ییم ماتم الیندن
هجران داغینین نقشی اورکدن گئده بیلمز،
دلدارین اگر گؤرمه‌سه دل مرهم الیندن
بیگانه ووران یاره‌یه درمان یولو چوخدور،
مشکل ساغالا، دیل یاراسی همدم الیندن
گلدی قاپیدان، پنجره‌دن قاچدی جاوانلیق،
تاب اولمادی آنجاق یاپیشام محکم الیندن
آشفته‌دی فکریم فلکین فتنه‌لریندن،
نالاندیر اورک هم کلکیندن، هم الیندن
نامحرم اولانمازدی بو جور سرّیمه واقف،
«عاصم!» بو عنایت سو ایچیر محرم الیندن...
#
This media is not supported in your browser
VIEW IN TELEGRAM
گون آیدین ❄💛🌼
﷽
سلاملار🌺
بیر خیرلے و شاد گون💃
تانرینین رحمتے و برڪتیله🙏
سعادت و موتلولوق سیزینله🌹
گون آیدین یاشام❤️
گون آیدین سئوینج 🌸🍃
☀️گون آیدین سئوگیلے دوسلار🌹🌹🌹
﷽
سلاملار🌺
بیر خیرلے و شاد گون💃
تانرینین رحمتے و برڪتیله🙏
سعادت و موتلولوق سیزینله🌹
گون آیدین یاشام❤️
گون آیدین سئوینج 🌸🍃
☀️گون آیدین سئوگیلے دوسلار🌹🌹🌹
ایشیقلانیر گئجه ائویم
آدین دوشنده یادیما
قوربان اولوم آنام سنه
داد وئریبسن هرزادیما
یاپیشمیسان الیمدن سن
اورگدمیسن آتدیم آتیم
یوخوم گلنده دئمیسن
اللاهی سسله ییم یاتیم
دیل اورگددین اوشاقلیقدا
کاریخماییم دانیشاندا
بیرازدا حوصله ائدیم
اعصابلاریم قاریشاندا
اورگدمیسن دانیشاندا
آغزیمدا چینییم سوزو
سوزومده اولسا آجیلیق
من دئمه ییم اییم سوزو
معریفتی هم ادبی
سنه باخیب گوتورموشم
دنیادا پیسلیقلاری من
تمام چوله اوتورموشم
اوتورماقی دورماقی دا
اورگدمیسن اوزون منه
بالداندا چوخ شیرین گلیر
دانیشدیقین سوزون منه
اهبرقره بو آنادور
یئر اوزونون اللاهیدور
حتما کی واردور خبرین
آنا جنتین شاهیدور
ا‌کبربرادری اسفنجانی (اهبرقره)۱۴۰۳/۳/۱۲
آدین دوشنده یادیما
قوربان اولوم آنام سنه
داد وئریبسن هرزادیما
یاپیشمیسان الیمدن سن
اورگدمیسن آتدیم آتیم
یوخوم گلنده دئمیسن
اللاهی سسله ییم یاتیم
دیل اورگددین اوشاقلیقدا
کاریخماییم دانیشاندا
بیرازدا حوصله ائدیم
اعصابلاریم قاریشاندا
اورگدمیسن دانیشاندا
آغزیمدا چینییم سوزو
سوزومده اولسا آجیلیق
من دئمه ییم اییم سوزو
معریفتی هم ادبی
سنه باخیب گوتورموشم
دنیادا پیسلیقلاری من
تمام چوله اوتورموشم
اوتورماقی دورماقی دا
اورگدمیسن اوزون منه
بالداندا چوخ شیرین گلیر
دانیشدیقین سوزون منه
اهبرقره بو آنادور
یئر اوزونون اللاهیدور
حتما کی واردور خبرین
آنا جنتین شاهیدور
ا‌کبربرادری اسفنجانی (اهبرقره)۱۴۰۳/۳/۱۲
Forwarded from کانال رسمی تبادلات آذربایجان via @vyubbot
This media is not supported in your browser
VIEW IN TELEGRAM
HTML Embed Code: