#እመቤቴ_ሆይ፤ ባትወለጂ እግዚአብሔርን በሥጋ ተገልጦ እናየው ነበርን? በፍጹም። አንቺ ባትወለጂ ፍቅር፣ ምሕረት እና ፍጹም መልካምነት በእውነት ሥጋን ነሥተው በክርስቶስ እናይ ነበርን? በፍጹም። አንቺ ባትወለጂ የእግዚአብሔርን ጸጋ እና ንጽሕና በሰውነት ተገልጦ እናይ ነበርን? በፍጹም። ይኸውም ያንቺ የቅድስና ሕይወት ነው። ከሊቃውንት አንዱ የአንቺ አንዲቷ ትንፋሽ ከቅዱሳን ሁሉ ገድል፣ ምስጋና እና ምልጃ ሁሉ የከበረች እንደሆነች ተናገረ። ይህ ሁሉ ከሰው ኅሊና ስለሆነው ንጽሕናሽ ነው። በዘወትር ቋንቋችን አንቺን "ንጽሕት" ብቻ ማለት ንጽሕናን ማጉደፍ ይሆናል እኮን። ከእግዚአብሔር ቀጥሎ ያንቺ ንጽሕና እና ቅድስና በቃል ከመነገር ይልቅ፤ በዝምታ የልብ ለኆሳስ ቢመሰገን የተገባ ነው። አንቺ ባትወለጂ የእግዚአብሔር ትእዛዝ በምልዓት ሲፈጸም፤ ሕጉ ሲደረግ ምን እንደሚመስል በምን እናውቅ ነበር?

አንቺ ባትወለጂ የክህነት ንጽሕና በምን ይጠበቅ ነበር? አንቺ ባትወለጂ የንስሐ መንገዱን ማን ያመለክተን ነበር? አንቺ ባትወለጂ ያንቺ መታዘዝ፡ የእኛን ዐመጸኛነት እንዴት ይገስፀዋል? አንቺ ባትወለጂ ያንቺ ትሕትና፡ የኔን ትዕቢት ይሰብረው ዘንድ እንዴት ይቻለዋል? ስለ አምላካዊው ኀይሉ፤ ጠላት ሰይጣን ለልጅሽ ይገዛል። የልጅሽ የክርስቶስን ስም ሲሰማ ይንቀጠቀጣል። አንቺ ግን በትሕትናሽ ሰይጣንን አራድሽው። እርሱ መንፈስ ሲሆን "ሥጋ ለባሽ" ብሎ በሚንቃት "በአንዲት ሴት" መሸነፉ ሁልጊዜም ግራ ይገባዋል። ስምሽን የሚጠሩ ሰዎች ፊትም መቆም አይቻለውም። ስምሽን ሲጠሩ ኀይላቸውን ትተው ኀይልሽን ይይዛሉና። ይኸውም እግዚአብሔር ነው። ስምሽን ሲጠሩ ትዕቢታቸውን ጥለው በትሕትናሽ ይጋረዳሉና። ስምሽን ሲጠሩ ጥርጣሬያቸውን በሃይማኖትሽ ያሸንፋሉና። በንጽሕና ቀሚስሽ ስለ እድፈታቸው ከሚከሳቸው ይጋረዳሉና። ሰይጣን ከእነርሱ ዘንድ አይቀርብም። እመቤቴ ሆይ አንቺ ባትወለጂ ከመልካሙ ሁሉ በአፍአ በቀረን ነበር እኮን። አሁንም "መጥተን" ሳለን የቀረን አታድርጊን። እኛ ራሳችንን ብንተው፤ አንቺ አትተዪን። እኛ ብንርቅ፡ አንቺ አትራቂን። እኛ ብንዘነጋ፡ አንቺ አትዘንጊን። መሐርነ፡ ወተሣሃልነ!

#ድምፀ_ተዋህዶ
https://hottg.com/dmtse_tewaedo

(ምንጭ፦ Micky Asres)

❤️❤️እንኳን ለእናታችን ቅድስት ድንግል ማርያም የልደቷን በዓል በሰላም አደረሳችው❤️❤️

« ስለ ቅዱስ ዮሐንስ በመወለዱ ብዙዎች ደስ ይላቸዋል ››(ሉቃ 1፥ 14) ከተባለ እኔስ ጫማውን ልሸከም የማልችል ነኝ ብሎ የመሰከረለትን ጌታን የምታስገኝ የድንግል ማርያም ልደት ምንኛ የሚያስደስት ይሆን ? የነቢያቱ ትንቢት የተፈጸመበት ፣ በነቢያት የታየው ራእይ በገሀድ የተከናወነበት ፣ የብሉይ ኪዳን ማብቂያ የሐዲስ ኪዳን መጀመሪያ ናትና ልደቷ ለሰው ልጆች ሁሉ #ለሕያዋን_ሁሉ ታላቅ የደስታ ቀን ነው ፡፡ እናም እንዲህ እንላለን #ድንግል_ሆይ_የልደትሽ_ቀን_ልደታችን_ነው !!!

💍ከጋብቻ በፊት ሩካቤ (sex)መፈጸም ምን ችግር አለው❓
      
          (ክፍል ሁለት)


🔸የተከበርክ ወንድማችን ፍቅራችሁን በመሳሳም ልትገልጹ ትችላላችሁ፡፡ ነገር ግን #መሳሳምእሳትላይጋዝእንደማርከፍከፍ ነውና “ እውነት ይሄ መሳሳም ፍቅራችሁን ብቻ ገልጻችሁበት ታቆማላችሁ?” የሚለው ይታሰብበት፡፡ ዕለቱኑ ወደ sex ባያመራም መሳሳምን ከለመዳችሁ በኋላ ደግሞ ሰው ለውጥን ይፈልጋልና " የተሻለ የፍቅር መግለጫ" በማለት ወደሩካቤ ( sex ) ታመራላችሁ፡፡ መሳሳምን መቋቋም አቅቷችሁ እንደፈጸማችሁት ሁሉ sexንም የማትፈጽሙበት ምንም ዋስትና የላችሁም፡፡

🔸መዘንጋት የሌለብህ ግን የፍቅር መግለጫም ይሁን የአክብሮት መግለጫ #ሰላምታችንክብርያለው እንዲሆን #ቅዱስጳውሎስ በመልእክቱ ይመክረናል:- “ ክብር ባላት ሰላምታ እርስ በርሳችሁ ሰላም ተባባሉ፡፡” 2ኛ ቆሮ 13 ፤ 12፡፡ መሳሳም ዓለም ነገሩን አስረስቶ እጅግ ወደሚያስጠላ ፣ #ክብርምወደጎደለውድርጊት ያመራልና ይህ ይታሰብበት፡፡

🔸ለፍቅረኛ ፍቅርን ወይም ስሜትን ለመግለጽ ያለው #የተሻለአማራጭስ መሳሳም ወይም መተሻሸት ነው እንዴ? ፍቅረኛህን ስታገኛት #ሥጦታ ይዘህላት መሄድ ፣ ሁሌም #እንደምትወዳት መንገር ፣ በጨነቃት ወይም ባዘነች ግዜ #ከአጠገቧመሆን… እና የመሳሰሉት የፍቅር መግለጫዎች አሉ፡፡

#ታድያ በሰላም አገር ይሄን ሁሉ ፈተና በፈቃዳችሁ ከምትስቡ መሳሳሙ ቢቀርባችሁ አይሻልም! ደግሞስ የምትተማመኑ ከሆነ መሳሳሙ የት ይሄድባችኋል!

ከዚህ በመቀጠል ደግሞ ከትዳር በፊት “ሩካቤ መፈፀም በቤተ-ክርስቲያን አስተምህሮ እንዴት ይታያል?” የሚለውን እንመልከት፡፡ ለድንግልናችን ክብር የማንሰጠውና ድንግልናችንንም የማንጠብቅበት አንደኛው ምክንያት #የድንግልናንጥቅምበአግባቡአለመረዳት ነውና የድንግልናን የነፍስና የሥጋ ጠቀሜታዎቹን በአጭሩ እንመልከታቸው፡፡

🔸ከእግዚአብሔር ዘንድ #የድንግላችንንዋጋ እናገኛለን፡፡

🔸በአግባብለመኖር - በድንግልና መኖር ሕግና ሥርዓት እየፈፀሙ በአግባቡ ለመኖር ይጠቅማል፤ ድንግልናን ጠብቆ መኖር #ሕጋዊሰው ሆኖ  መኖርን ያለማምዳል፤

🔸ሳይባክኑ መኖር - በድንግልና የሚኖር ሰው አይባክንም፡፡ ወዲህና ወዲያ አይልም፤ ወንዱ የሴት ገላ ፍለጋ ጊዜውን አያባክንም፡፡ ሴቷም ያማረ ቁመና ያለው ወንድ ፍለጋ ጊዜዋን አታባክንም፡፡ #ሁሉምበጊዜው እንደሚሆን አምነው መደረግ ያለበትን በትክክለኛው ጊዜ እየሰሩ ይኖራሉ እንጂ፡፡

🔸ድንግልናን መጠበቅ #በሃይማኖትያጸናል -  ድንግልናን ለመጠበቅ የቆረጠ ሰው #ሃይማኖቱንበመጠበቅና #ለፈጣሪውባለውፍቅር ፀንቶ ይኖራል፡፡ ድንግልናን  መጠበቅ በራሱ ፅናትንና ትዕግስትን ይጠይቃል፡፡

🔸ድንግልናን ጠብቆ መኖር #ታማኝነትንያረጋግጣል - ምክንያቱም ድንግልና በሥርዓት ጠብቀን እንድንይዘው #በአደራእንደተሰጠንየከበረንብረት ነው፡፤ ባለአደራው ፈጣሪያችን በሚያስፈልግ ግዜና ሰዓት ለትዳር አጋራችን እንድንሰጠው ይጠበቅብናል፡፡

🔸ድንግልናን መጠበቅ #መጠንቀቅ ነው - በድንግልና የኖረ ከበሽታ ፣ ካልተፈለገ እርግዝና፣ ከፀፀት እና በአጠቃላይ ለወደፊት መንፈሳዊ ሆነ ስጋዊ ችግር ከሚፈጥሩ የኑሮ ጠንቆች ይጠበቃል፡፡

🔸ባል የሚስቱን ማኅተመ ድንግልና ሲያገኝ ደስ ይለዋል፤ ሚስትም ባሏ እሷ የመጀመርያው እንደሆነች ስታውቅ ትደሰታለች፡፡
-  ድንግልናን ካጠፉ በኋላ የሚደረግ ጋብቻ አግብቶ የፈታ ሰው እንደሚፈፅመው እንደ ሁለተኛ ጋብቻ ይቆጠራል፡፡ ምክንያቱም የተጋቡ ሰዎች ብቻ ሊፈፅሙት የሚገባውን ሩካቤ-ሥጋ ከጋብቻ በፊት ፈፅሞ በመገኘቱ ነው፡፡

🔸ድንግልናን ጠብቆ መኖር #ጋብቻሳይዘገይ በጊዜው እንዲፈፀም ይገፋፋል፡፡
-  ማንኛውም ጤናማ ሰው የተቃራኒ ፆታ አቻውን የመሻት ዝንባሌ አለው፡፡ በመሆኑም ይህን ዝንባሌውን እና ድንግልናውን ጠብቆ መኖር የሚታረቅለት ሲያገባ ነው፡፡ እናም ድንግልናውን ጠብቆ እስከጋብቻ ለመቆየት ዓላማ ያለው ሰው በውስጡ ያለውን የፍትወት ግፊት ለማብረድ ሲል ሊያገባ ይችላል፡፡ ከጋብቻ በፊት የሚደረግ ሩካቤ የጋብቻን ቀነ ቀጠሮ እንዲራዘም ከማድረጉም በላይ ለመለያየትም በር ከፋች ነው፡፡

       ••• #ይቀጥላል •••

👇🏽🔻 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘 🔻👇🏽
         የይቱብ ቻናላችን
         👇👇👇
             🔔
  🔺 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘🔺‌‌
❤️በናታኒም ቲዩብ❤️
         👇🏽👇🏽
https://youtu.be/PYhgHxupzLI?si=pQaqogjyjDUcNXW
https://youtu.be/PYhgHxupzLI?si=pQaqogjyj_DUcNXW

ስለብፁዕነታቸው የሚሰራጨው መረጃ ፍጹም ሐሰተኛ መሆኑን የኢትዮጵያ ኦርቶዶክስ ተዋሕዶ ቤተክርስቲያን አሳወቀች።

ብፁዕ አቡነ አብርሃም ወደ #ደቡብ_አፍሪካ ሊያደርጉ የነበረውን ጉዞ መሰረዛቸውን ተከትሎ #የሐሰት_ዜና በመሰራጨት ላይ እንደሚገኝ ቤተክርስቲያኗ አሳውቃለች።

ብፁዕ አቡነ አብርሃም የጠቅላይ ቤተ ክህነት ዋና ሥራ አስኪያጅ፣ የባሕር ዳርና የሰሜን ጎጃም አህጉረ ስብከት ሊቀ ጳጳስ ፦
- በደቡብና ምዕራብ አፍሪካ ሀገረ ስብከት ጆሐንስበርግ መንበረ ጵጵስና ጽርሐ ጽዮን መድኃኔዓለም ቤተ ክርስቲያን የተመሠረተበት ፳፭ኛ ዓመት በዓል ላይ ለመገኘት፣
- ቅዳሴ ቤቱን ለማክበር
- በደቡብ አፍሪካ የሚገኙ አብያተ ክርስቲያናትን ለመባረክ
-  ምዕመናንን ለማስተማር ዛሬ ከቅዱስነታቸው ጋር ወደ ደቡብ አፍሪካ ለመጓዝ መርሐ ግብር ይዘው ነበር።

ይሁን እንጂ ብፁዕ ጠቅላይ ሥራ አስኪያጁ ካለባቸው ተደራራቢና አስቸኳይ ሥራዎች አንጻር ለ10 ቀናት ሙሉ ፦
° ከጽ/ቤታቸው ርቀው መቆየት በጠቅላይ ጽ/ቤቱ የዕለት ተዕለት ሥራዎች ላይ ክፍተት እንዳይፈጠር በመስጋታቸው
° ቅዱስ ፓትርያርኩ፣ የቅዱስ ሲኖዶስ ጸሐፊውና ምክትል ሥራ አስኪያጁ በሌሉበት ሁኔታ ለበርካታ ቀናት ከጠ/ጽሕፈቱ ርቀው ከተጓዙ ሥራዎች ስለሚበደሉ ቀደም ሲል ወደ ደቡብ አፍሪካ ሊያደርጉት የነበረውን ሐዋርያዊ ጉዞ ከቅዱስነታቸው ጋር በጥሞና በመወያየት #ለመሰረዝ መገደዳቸው ተነግሯል።

እውነታው ይህ ሆኖ ሳለ በአንዳንድ ማኅበራዊ ገጾች ፈጽሞ እውነትነት በሌለው መንገድ " ብፁዕነታቸው ወደ ኤርፖርት እንዳይሔዱ እንደተከለከሉ እንዲሁም ፓስፖርታቸው እንደተያዘ " በማስመሰል የሚሰራጨው ዜና ፍፁም መሰረተ ቢስና የሐሰት ዜና መሆኑን ቤተክርስቲያን አሳውቃለች።

ብፁዕ ጠቅላይ ሥራ አስኪያጁ ከታቀደው ሐዋርያዊ ጉዞ ለመቅረት የተገደዱት በተደራራቢ ሥራ ምክንያት  መሆኑን እና የብፁዕነታቸው ፓስፖርትም ለጉዞ ሲባል ቀደም ብሎ ከሚመለከተው አካል መጥቶ በልዩ ጽሕፈት ቤቱ ጉዳይ አስፈጻሚ እጅ የሚገኝ መሆኑን ገልጻለች።

ቅዱስ ፓትርያርኩ ከብፁዓን አባቶች ጋር ሆነው በዛሬው ዕለት ደቡብ አፍሪካ ፤ ጁሐንስበርግ ከተማ በሰላም የገቡ ሲሆን ምዕመናንም አቀባበል አድርገውላቸዋል።

ደቡብ አፍሪካ ፦ https://telegra.ph/EOTC-05-10

#ድምፀ_ተዋህዶ

ዲያቆን ዘማርያም ዘለቀ እንኳን ለዚህ ክብር አበቃህ መምህር 🙏


#ድምፀ_ተዋህዶ

✅ድንግልናን ማጣት የሚያስከትለው ችግር

       (ክፍል ሦስት)

🔸በመጽሐፍ ቅዱስ ውስጥ እንደተገለጸው #ከጋብቻ_ውጪ የሚደረግ የግብረ ሥጋ ግንኙነት #ዝሙት ነውና በነፍሱ ይቀጣበታል፡፡

🔸በባልና ሚስት በኩል ደስታን ፣ #መተማመንን ፣ ፍቅርን ይቀንሳል፡፡

🔸#አለመታመን ፣ #አለመታገስ እና #አለመፅናትን ያስከትላል ፤ መንፈሳዊ ፀጋዎችን ያሳጣል፡፡

🔸#የጋብቻ_መዘግየትን ያመጣል፡፡ ጓጉታችሁ ወደጋብቻ የምትገቡበት ምክንያት አይኖራችሁም፡፡ ከጋብቻ በፊት ስሜቱን መቆጣጠር ያልቻለ ፣ መታቀብም ያልቻለ ከጋብቻም በኋላ አይታቀብም፡፡

🔸ከጋብቻ በፊት ግንኙት መፈፀም እንደአምኖንና ትዕማር ታሪክም ሊፈጠር ይችላል፡፡ አምኖን በትዕማር የዓይን ፍቅር ተማረከ፡፡ ከዛ ክፉ መንገድ ተጠቅሞ አስነወራት፡፡ ልክ ሩካቤ (sex ) ከፈፀሙ በኋላ ግን #ያቺ_በፍቅር_የታመመላት_ትዕማር #ለዓይኑ_አስጠላችው፡፡ “ ይህችን ሴት ዓይኗን ማየት አልፈልግም : አስወጡልኝ::“ አለ፡፡ ተመለከትክ ወንድሜ ከሩካቤ በኋላ እንዲህ መጠላላትም አለ፡፡ #ኃጢአት_የምታስጎመጀው እስክንፈጽማት ነው፣ ከፈጸምናት በኋላ ግን #እንደሬት_ትመረናለች፡፡
🔸ያጡትን ሲያስቡ መፀፀትንና #ሰላም_ማጣትን ይፈጥራል፡፡

🔸ለተለያዩ በሽታዎች ፣ ላልታሰበ እርግዝና እና ውርጃ ያጋልጣል፡፡

🔸ለከፋ #የዝሙት_ተግባር ይገፋፋል፡፡

✅በአጠቃላይ #ስሜታችንን_ለመግለጽ ፣ #ስለምንተማመን_ብናደርግ_ችግር_የለውም ፣ #ፍቅራችን_እንዲፀና ፣ #ለመጠናናት… ወዘተ በሚሉ ምክንያቶች ድንግልናችንን ከትዳር በፊት ማጣት የለብንም፡፡ ስሜት_መግለጫ ሌሎች ብዙ መልካም መንገዶች አሉ፤ ከተማመንንም እሰየው ፣ ከትዳር በኋላ እንደርስበታለን፡፡ ሩካቤ የፍቅር ስሜታችንን ቢቀንስ እንጂ አይጨምርም፡፡ ለመጠናናትም የሚያስፈልገው ሩካቤ ሳይሆን የእጮኝነት ግዜ ማሳለፍ ነው፡፡

✅ወንድሞቼና እኅቶቼ #ፍቅራችሁ_እንዲበረታ ፣ #ትዳራችሁ_እንዲሰምር ፣ በዘመናችን እንደምናየው 80ቸውን በወሩ እንደሚቀዱት እንዳትሆኑ ፣ ከትዳር አጋራችሁም #እምነትና #እርካታ እንድታገኙ በድንግልና ኑሩ፡፡ ከእጮኛችሁም ጋር ከትዳራችሁ በፊት ሩካቤ ከማድረግ ተከልከሉ፡፡ “ መልካሙን የድንግልና ሥጦታዬን በጋብቻ ግዜ እሰጥሀለሁ/ሻለሁ/” ተባባሉ፡፡ ስለዚህ ድንግልናችንን እስከጋብቻ መጠበቅ የማንችልበት ምንም ምክንያት የለምና እንጠብቅ ፤ እንታገስ፡፡ በተለያዩ አጋጣሚዎች #ድንግልናችንን_ያጣን ደግሞ ያለፈው አልፏል ፤ መመለስ አንችልም፡፡ ከአሁን በኋላ ላለው ግን #ታቅቦ መኖር ይገባል፡፡ “አንዴ አጥቼዋለሁና…” ብለን ካሰብን ግን ከማጣት የከፉ ዓዘቅቶች ውስጥ ያስገባናል፡፡ ድንግል ለሆናችሁ #ለተክሊል_ጋብቻ ፣ ድንግል ላልሆናችሁ #ለቁርባን_ጋብቻ ያብቃችሁ ፤ አሜን፡፡

🌾✞ #ወስብሐት_ለእግዚአብሔር ✞🌾

👇🏽🔻 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘 🔻👇🏽
         የይቱብ ቻናላችን
         👇👇👇
             🔔
  🔺 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘🔺‌‌
❤️በናታኒም ቲዩብ❤️
         👇🏽👇🏽
https://youtu.be/PYhgHxupzLI?si=pQaqogjyj_DUcNXW
https://youtu.be/PYhgHxupzLI?si=pQaqogjyj_DUcNXW

🌟🌟🌟🌟🌟🌟🌟🌟🌟🌟
        አንድ 60 ሰው የገደለ ወንበዴ👨‍🎤 ወደ አንድ አባት መጥቶ ንስሐ ስጡኝ 60 ሰው ገድያለሁ አላቸው እሳቸው አንተማ ሰይጣን 😈 ነህ ከኔ ራቅ ቢሉት እሳቸውንም ገደላቸውና ሄደ። ሌላ ቄስ አገኘ "አባቴ ንስሐ ይስጡኝ 60 ሰው ገድያለሁ ይህንንም ብዬ የጠየኳቸው ካህን ሰይጣን ብለውኝ እሳቸውንም ገድያለሁ " ካህኑም አንተ አረመኔ ? ?እኔንም ልትገለኝ ነውን? ቢሉት እሳቸውንም ገደላቸው በዚህ ሁኔታ ሌላ ሁለት ካህናትንም ገድሎ ወደ ለመደው ውንብዳናው እየሄደ ሳለ አንድ ሽማግሌ 👳‍♂ መነኩሴ ውኃ ሲቀዱ አገኘና አንቱ ሽማግሌ ይቁሙ አላቸው። "አቤት ልጄ" "60 ሰዎችን ገድዬ ንስሐ ልገባ ብጠይቅ አልፈቅድም ብለውኝ 4 ካህናት ገድያለው እርሶንም እርሶንም ንስሐ የማይሰጡኝ ከሆነ እገድሎታለሁ አላቸው። እሳቸውም ሥቅሰቅ ብለው አለቀሱለት " በእውነት #እግዚአብሔርን በድለሃል አስከፍተሃል ግን መሃሪ አምላክ ነው። "አሉት ከዛም ወደ ጉድጓድ ወሰዱትና " ላንተ እፀልይልህ ዘንድ የፀሎት መጽሐፌ 📖 እዚህ ወድቋልና አውጣልኝ " አሉት ከዛም ወደ ጥልቁ በገመድ አንጠልጥለው አስገቡት መግባቱን ሲያረጋግጡ ገመዱን ቆረጡ። "አንተ ሽማግሌ እገድልሀለሁ" እያለ መዛት ጀመረ ትተውት ሄዱ። ከዘጠኝ ሰዓት በኋላ ቂጣና ውኃ ይዘው መጥተው "ልጄ እንዴት ነህ አሉት" እገድልሀለው አለ"። ምግቡን ሰጥተውት ሄዱ።  ከ12ሰዓት በኋላ ተመለሱ" ልጄ እንደምን አለህ " ደከም ባለ ድምጽ "እገድልሃለሁ አለቅህም " ምግብ ሰጥተውት ሄዱ ።
1 ቀን ቆይተው መጡ " ልጄ እንደምን አለህ " ሲሉት "እ..ገ..ድል..ሀለው" አለ እጅግ በደከመ ድምጽ ምግቡን ሰጥተውት ሄዱ አንድ ቀን ቆይተው ተመለሱና " ልጄ እንደምን ዋልክ" ሲሉት "እግዚአብሔር ይመስገን " አለ ትዕቢቱ በጾም ተሸነፈ ነፍስ ስጋን አሸነፈች እሳቸውም በገመድ አውጥተው ንሰሃን ሰጡት የአምላክ ባሪያ ሆነ ኖረ።
ለሁላችንም ፈርሃ እግዚአብሔር ትዕግስትን ማስተዋልን ይስጠን አሜን።
ትልቁ ነገር ደግሞ ለንስሐ ሞት ያብቃን ማለት ነው አሜን ያብቃን!!
      🙏🙏መልካም አዳር 🙏🙏
          
#ድምፀ_ተዋህዶ

👇🏽🔻 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘 🔻👇🏽
         የይቱብ ቻናላችን
             🔔
  🔺 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘🔺‌‌
❤️በናታኒም ቲዩብ❤️
         👇🏽👇🏽
https://youtu.be/MsXeCVCPxX4
https://youtu.be/MsXeCVCPxX4
https://youtu.be/MsXeCVCPxX4

🐴የአህያዋ ፍትሀት☦
ለመንደሩ ሰው ውሃ እየቀዱ በሚያገኙት ገቢ የሚተዳደሩ አንድ አዛውንት👳 ነበሩ።ሥራቸው ባለቻቸው አንዲት አህያ ለአካባቢው ኅብረተሰብ ውሃ በመቅዳት የዕለት ጉርሳቸውንና የዓመት ልብሳቸውን ተጣጥሮ መሸፈን ነው። ጉልበቱ ከምላሱ ላይ የሆነ አንድ አለሌ መናፍቅ ውሃውን ሊቀዱ ሲወርዱና ሲወጡ ከመንገድ እየጠበቀ ማብቂያ በሌለው ንዝንዝ ሲያውካቸው ይኖራል።ከእለታት አንድ ቀን አህያቸው ትሞትባቸውና የውሃውን መቅጂያ እራሳቸው ተሸክመው ማመላለሱን ይቀጥላሉ። በሸክም ውሃ የሚቀዱትን ሽማግሌ የታዘበው መናፍቅ "አባቴ አህያዋ የት ገባች?" ይላቸዋል "አዬ! እሷማ ሞተች እኮ" ቢሉት "በጣም ያሳዝናል ለመሆኑ ፍትሐት ተፈጽሞላታል? የትስ ተቀበረች" አለ። ብልሁ ሽማግሌም "አዬ ልጄ!  አህያዋማ መናፍቅ ስለነበረች አልተፈታችም የጅብ ራት ሆና ቀረች" አሉትና እንደ እባብ በጥበብ አናቱን አሉት ይባላል"

#ድምፀ_ተዋህዶ

👇🏽🔻 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘 🔻👇🏽
         የይቱብ ቻናላችን
             🔔
  🔺 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘🔺‌‌
❤️በናታኒም ቲዩብ❤️
         👇🏽👇🏽
https://youtu.be/MsXeCVCPxX4
https://youtu.be/MsXeCVCPxX4
https://youtu.be/MsXeCVCPxX4

🐁🐁የአይጦች ዕድሜ🐁🐁
          ------------------------
በአንደኛ ደረጃ ትምህርት ቤት የሚያስተምር አንድ መምህር ማስተማር ስልችት ብሎት ኖሮ አርባ አምስቷን ደቂቃ ቀልዶ ለመውጣት አሰበና ገና ወደ ክፍሉ እንደዘለቀ ጥቁሩን ሰሌዳ ጠርጎ ሲያበቃ በነጩ ጠመኔ በትልቁ "የአይጦች ዕድሜ" ስንት ነው ብሎ ጻፈና ተደላድሎ ተቀመጠ። ጉዳዩን ያልተረዱት ልጆች በልጅ አእምሯቸው እየተረባረቡ እኔ እኔ ይመልሱ ጀመር ......አንዱ 3 ሲል ሌላው 6 ይላል መምህሩ አይደለም እያለ ሌላኛውን ያስነሳል። እንዲህ እንዲህ እየተባለ ደቂቃዋ ስትጋልብ ብስጭት ያለው አንድ ተማሪ በመምህሩ ተናዶ በተማሪዋቹ አዝኖ ብድግ አለና "እኔ መምህር" ብሎ እጁን ያወጣል መምህሩም እንደለመዱት መስሏቸው በሹፈት እሺ አንተ ሲሉት "መምህር የአይጦች ዕድሜን በተመለከተ ይኽ የድመቶች ጉዳይ ነው እኛ ወደ ትምህርቱ ብንሄድ ይሻላል አለና ከሁሉም ተሽሎ ተገኘ።
💥💥💥💥💥💥💥💥💥
⭐️⭐️ዓላምህን ሊያደናቅፍብህ ከዓላማህ ሊያወጣህ የሚሞክር ዓላማ የለሹ ሥራ ፈት ሰው ሲያጋስጥምህ አብረህ መንገድ መሳት ሳይሆን ልትመስለው ይገባል።
........ውድ የድምፅ ተዋህዶ ተከታታዮች ከዚህ በታች ያለውን ለወዳጅዎ በመላክ እንዲቀላቀሉ ያድርጓቸው
 
#ድምፀ_ተዋህዶ

👇🏽🔻 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘 🔻👇🏽
         የይቱብ ቻናላችን
             🔔
  🔺 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘🔺‌‌
❤️በናታኒም ቲዩብ❤️
         👇🏽👇🏽
https://youtu.be/MsXeCVCPxX4
https://youtu.be/MsXeCVCPxX4
https://youtu.be/MsXeCVCPxX4

👳ይፍቱኝ👳
አንድ በእድሜ ጠና ያሉ ካህን የከተማ አውቶብስ ውስጥ ናቸው አውቶብሱ ሞልቷል እንኳንስ መቀመጫ የእግር መቆሚያ ቦታ የለውም መቼስ መሳፈሩ ግድ ነውና ሰው በሰው ላይ ተዛዝሎ በሩም በግድ ተዘግቶ ጉዞው ቀጥሏል ካህኑ መቀመጫ በማጣታቸው የአውቶብሱን ብረት ይዘው ከወዲያ ወዲህ እየተወዛወዙ ሳለ አንድ የኪስ ቀበኛ በኪሳቸው እጁን ጥልቅ ሲያረግ ካህኑም የሌባውን እጅ ከኪሳቸው ጋር ጨምድደው ይይዙታል ይሄኔ ሌባው ኮስተር ብሎ ከካህን መስቀል እንደሚሳለም ምእመን ራሱን ወደ ምድር ዝቅ አድርጎ "ይፍቱኝ" ይላል የሌባው ድፍረትና ዓይን አውጣነት የገረማቸው ካህንም "ወቸው ጉድ እንኳን ተፈተህ ታስረህስ መች ተቻልክ" አሉት ይባላል "
💢💢💢💢💢💢💢💢💢💢
የንስሐ መጀመርያው እየሠሩ ካሉውት ኃጥያት መለየት ነው #ማቴ ፳፮ ፣ ፸፭
ሰው ከእግዚአብሔር ምህረት መጠየቅ ያለበት የበደለውን ክሶ የቀማውን መልሶ ሊሆን ይገባል 👈
#ድምፀ_ተዋህዶ

👇🏽🔻 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘 🔻👇🏽
         የይቱብ ቻናላችን
             🔔
  🔺 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘🔺‌‌
❤️በናታኒም ቲዩብ❤️
         👇🏽👇🏽
https://youtu.be/MsXeCVCPxX4
https://youtu.be/MsXeCVCPxX4
https://youtu.be/MsXeCVCPxX4

🔘እናንተን ባላውቃችሁ ...🔘
🔘🔘🔘🔘🔘🔘🔘🔘🔘

አንድ የቆሎ ተማሪ ወደ አንድ ትልቅ ከተማ ሄደና የድቁና መዕረግ ተቀብሎ በእግሩ ወደ ሀገሩ ሲሄድ ርሀብ ልቡን ያጠፋዋል።

እንደ አጋጣሚ ግን ሰዎች በደቦ ውለው በግምት ፰ሰዓት ሲሆን ሽውታ እንዳይመታቸው ነጠላ ተሸፋፍነው ምግብ ሲመገቡ ይደርሳል።

ተማሪውም "እንዴት ዋላችሁ ወገኖቼ" ሳይል ሰዎቹ የተሸፋፈኑትን ነጠላ ገለጥ አድርጎ አብሯቸው መብላት ይጀምራል።
ገበሬዎቹም ተገርመው "ተሜ አብረህ ማዕድ የምትቀርበው የት ታውቀናለህ?" ብለው ይጠይቁታል።

ተማሪውም ደበሎውን እያንጓፈፈ "እናንተን ባላውቃችሁ እህሉን አውቀዋለሁ" ብሎ እየቆረሰ ሲጎርስ ሰዎቹ "እውነቱን እኮ ነው ብለው ተገረሙበት"

(ቅኔና ቅኔያዊ ጨዋታ ለትዝታ)
🔺🔻🔺🔻🔺🔻🔺🔻🔺🔻

በፊት እንዲህ ነበር አሉ አሁን ላይስ?

#ድምፀ_ተዋህዶ

ትምህርቱን YouTube ላይ
👇🏽🔻 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘 🔻👇🏽
         የይቱብ ቻናላችን
             🔔
  🔺 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘🔺‌‌

❤️በናታኒም ቲዩብ❤️
         👇🏽👇🏽

https://youtu.be/rkeWwC9MjMY
https://youtu.be/rkeWwC9MjMY
https://youtu.be/rkeWwC9MjMY

🕺  #እብዶቹ🕺
በአንድ ሀገር ሁለት እብዶች በጠራራ ፀሐይ ይከራከራሉ ሁለቱም እህል ውሃ የሚያሰኝ ዱላ ይዘዋል። የክርክራቸው ርእሰ ጉዳይ ፀሐይዋ ናት። አንደኛው እብድ "አሁን ከሌሊቱ ፮(6) ሰዓት ነው ካላመንክ ይኧው ጨረቃዋ ይለዋል" ሌላኛው እብድ " አይደለም ከቀኑ ፮(6) ነው!ይህች ጨረቃ ሳትሆን ፀሐይ ናት" ይላል በዚህ ሁኔታ ሲሟገቱ አንድ መንገደኛ አጠገባቸው ይደርስና እንዲያውም እሱ ይጠየቅ ብለው ሁለቱም እብዶች እየሮጡ ወደ መንገደኛው ተጠጉ "ይህች ፀሐይ አይደለችም?" አለ አንዱ እብድ ....ሁለተኛውም ቀጠለና "ይህቺ ጨረቃ አይደለች?" አለ .....አይደለችም አሁን ከቀኑ 6 ሰዓት ነው አለ የመጀመርያው እብድ "ኧረ አይደለም ከለሊቱ 6 ሰዓት ነው"አለ እሽ እሱ ይመስክር ተባባሉና ዝም አሉ። መንገደኛው ጨረቃ ናት ቢል ፀሐይ ነች ያለው በያዘው ዱላ አይለቀውም። ፀሐይ ነች ቢል ደግሞ ጨረቃ ናት ባዩ ማይለቀው ሆነ። ስለዚህ አውጥቶ አውርዶ "ወዳጆቼ እኔ እዚህ ሰፈር አይደለሁም ሌላ ሰው ጠይቁ" ብሎ ተገላገለ ይባላል
💢💢💢💢💢💢💢💢💢💢
የተጠየቅነውን ጥያቄ ሁሉ እንደመጣልን ከመመለስ የጥሞና ጊዜ ወስደን ልንመረምር ይገባናል። ክርስቶስ አይሁድ የሚጠይቁትን የተንኮል ጥያቄ ሁሉ እንዴት ይመልስ እንደነበር መዘንጋት የለብንም።🙏🙏

#ድምፀ_ተዋህዶ

ትምህርቱን YouTube ላይ
👇🏽🔻 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘 🔻👇🏽
         የይቱብ ቻናላችን
             🔔
  🔺 𝒔𝒖𝒃𝒔𝒄𝒓𝒊𝒃𝒆 𝒏𝒐𝒘🔺‌‌

❤️በናታኒም ቲዩብ❤️
         👇🏽👇🏽
https://youtu.be/MsXeCVCPxX4
https://youtu.be/MsXeCVCPxX4
https://youtu.be/MsXeCVCPxX4