كيف تقدري تعرفي صحبتك الحقيقية من المزيفة ؟🧡
"صحبتك لو ما كانت ليك سند ودعم أبعدي عنها طوالي"🧡.
"صحبتك لو ما كانت بتقدر تملأك إيجابية أبعدي عنها طوالي"🧡.
"صحبتك لو دائماً قاعدة تكسر مجاديفك وكل ما تقولي ليها حاجة عايزة تعمليها وتقلل منك ومن شأنك وتحطمك نفسياً ومعنوياً حاولي أبعدي عنها طوالي"🧡.
لأنو الصحبات الصح :
هم اللي بسندوك لمن تقعي ، وبطبطبوا عليك ، وبتلقيهم في أعز اللحظات الصعبة اللي بتمري بيها ، في لحظات الحزن قبل الفرح ، بشدو من إيدك وبحاولوا يودوك للطريق الصح اللي هو طريق ربنا !.🧡
الصحبات الصح بتقدري تعرفيهم في أوقات الشدة ، ومهما حصل حتلقيهم دائماً واقفين جنبك وبساندوك وبقيفوا معاك وبحبوا ليك الخير حتى أكثر من نفسك🧡.
والحاجة دي تلقائياً بتلقيها ظاهرة عليك في ملامح وشك ، ويمكن وجود الصحبة الصالحة يكون هو الطريق إلى الجنة ..《لأنو الصاحب يعتبر ساحب》🧡.
فـ نصيحتي ليك :
- حاولي إنك تختاري صح ، علشان لما تنطفي تكون صحبتك هي نورك في وقت عتمتك ، ولمن تنكسري تكون هي يلي بتقويك ، ولمن تنجرحي وتنخذلي بتحاول تخفف وتطبطب عليك وترجع تخليك تبقي قوية ، وتكون ليك أخت قبل ما تكون ليك صديقة ..🧡
#Raghad_Elamin
>>Click here to continue<<
![](https://photo.hottg.com/u/cdn4.cdn-telegram.org/file/YG0gf_Y8DxblaZV2rNkhvCgcsXPIVJ7ba2PUsedORaxu9TndYOXppiCKBe7ZdcdK4Y2FenECgyqm2njwe1cEI7Qd6Q8eUWHzWmS10vJnXmqRk1XFr7jUn6BfeTF4tE-auEE1OE6lYM7vUuyejFda-4-QvQfOsJTnUubFQ3-Hjm1pKLskNenl8Ir6wI-6Etekf4yWKTP-fgAVO6SIowCHreUsuuNlNEMnmDVwQag8JUsGKFkih1-qch7xbSnZyJxRCIM4313jxyQwnufucGoZesugOj6fEpzF33cl8nIQKHF1nQRuM6KgDilsdjcrRqneLmi7A2J5yCGcNDQVlFTu7Q.jpg)