نعي للولد 
////////////✍✍✍////////
شمحلات الولد لوكال يمة
يطيب جرح كلبي يزيل همة
انه شتاكيتله بس ارد اشمة
////////////✍✍✍////////
فتحولي الكبر خل احجي وياه
انة اشتاكيت صدكوني لحجاياه
شلون اكظي العمر صعبه بلياه
/////////////✍✍✍//////
افتح باب كبرك يالولد لمك
وخليها بكلبها الواسع تضمك
وين تروح خليها تضل يمك
///////////✍✍✍////////
وي وجه الصبح تمرلي تمنيت
وابجيتك ييمه يصير زاهي البيت
بس حقق امنيتي بحزن ضليت
//////////✍✍✍//////////
اذا شفت الشباب يهلن عيوني
واصيحن حيل ببني لاتذكروني
يوليدي الخسرته وخابت ضنوني
///////////✍✍✍//////////
اشم ريحت هدومك والك حنيت
بقت بس ذكريات الحلوة خليت
انه أتذكر مكانك يبني وبجيت
///////////✍✍✍//////////
ارحمني يالولد مابيه انوح اكعد
انة ناديت بسمك بس عليه رد
اريدن ناركلبي تهود  وتبرد
////////////✍✍✍/////////
يالنمت وسط اللحد حاجيني
ليش يايمة غبت عن عيني
وليش رايح عدمن مخليني
////////////✍✍✍/////////
              تمت بعون الله
بقلم الشاعرة زينب المحمداوية ✍
لااجيز حذف الاسم وغير مبري الذمة

‏مقطع صوتي من ........

شنو ذنبي وحرمني المرض يهلاي
وبـقـيت بدار وحشة وجـفوا يهلاي
جـفـوني ومـن امـوتـن بعـد يهـلاي
ومـنـو يـشـيل الـنعش واشلون بية


اگضي الوكت اصفگ هاي ويهاي
وعـلى ساعة ويجن العگل ويهاي
الـمرض بـدل ياأهلي رسوم ويهي
بـملامـح حـرمة بـالسـبعـين هية


اناشد عـالضـعن ياهلي ون حـيـل
واحـس الجـسم اذبـل حـيل ونحـل
ارتـخـى حسيت حبل الظهر ونحل
على ساعة ويلفي ملك الموت ليه

لـ خادم ال محمد
علي أحمد

نعی  حق  الفاگد ( محب  )





یامگبره  خلیني   انشدچ

عزیر  الگلب  دافنته عندچ

غیرتي  لونه الحلو بعدچ


♡♡♡♡♡♡♡

غیرتي لونه  الحلو  ملگاه

یلگعده ماتحله   بلیاه


المدفون  عندچ  وین نلگاه

♡♡♡♡♡♡
یألمگبره  یلما ترحمین

بل حلو والطیب  تنگین

یل  منی خذتي وین مازین


♡♡♡♡♡♡♡
کل زین من عندي اخذتي

وضلمت منه لیش بیتي

مو وکت  موته  وغیبتي




♡♡♡♡♡♡
ضلمتي  منه البیت  کله

افراگه گولي شلون  احمله


مابیها  روحی اتشوف  حله


♡♡♡♡♡♡
كلمات / أنتظار ألرياحي

لطميه مربوعه لم البنين ع

وكت الموت زينب رتج وياي
وماعندي ابنيه التعدل غطاي
.......
هذا الموت خل زينب تجيني
تعدل ركبتي وتمد  يميني
تدير الراس وتغمضلي عيني
تون وياي وتنكطلي الماي
...........
وكت الموت رتج  يالحنينه
كلبي عليج ماهود  ونينه
ردت صوتي ييمه تسمعينه
عله بلواج زينب ذابت جلاي
...........
اعالج وحدي وكت المنيه
لاعندي ولد ولاكو  البنيه
اجر حسرات والونه خفيه
واذكرج من مشيتي بغير حماي
..........
عزيزه وصورتج دوم عالبالي
عذاب البيج مرسوم بخيالي
تيهنه الوكت ماعدنه  والي
اهلنه اتعذرونه وضيمنه هواي
.... ......
يم عباس ضيعنه  وكتنه
انه وياج ماواحد  حضرنه
مهضومين ونهل  بدمعنه
وبينه مادره نايم  الرواي
.........
ام زينب كربلاءفزاعيه ل ام البنين
===========
بقلم الشاعره

البصراوية