台灣朋友真人真事

跟女友交往11年，她說她是基督徒，我也尊重她，最多只有抱她親她而已，包含在她家或去外面過夜都是沒怎樣只有一起洗澡，禮拜天問女友怎麼你mc最近沒有來，因為她mc來都會煮紅豆湯給她，她才驚覺到，並且驗孕也到婦產科檢查，檢查懷孕2個多月，問她是誰的，她才說是網友的，她說男的睡完她封鎖她了，我該怎麼辦?她寧願跟網友上床還懷孕，我也跟她爸媽講了，看她爸媽怎麼處理，我說我可以娶你女兒，但是不會養這孩子，趁肚子還小拿掉，我可以當你是在認識我前有的，如果要生看伯父伯母怎麼交代

我20 佢大我一年 我地交友app識 大家唔同u 會間唔中吹下水 傾下傾下發覺自己對佢好似有d好感 大家message間都feel到雙方都有feel 就好自然咁一齊左 嗰陣識左一個月都冇。

開頭當然冇問題 大家都係有feel先係埋一齊 但係拍左半個月左右問題就開始出現 首先我地都a0 都係對方第一次 可以話兩個都唔識拍拖 但係拍一陣就發覺我地其實好似唔多夾 我係一個好鐘意同人message 同人傾計嘅人 所以我理所當然會覺得 拍拖就應該日日wts或者傾電話 身邊嘅朋友都係咁 而佢就調翻轉 平時都唔wts 可能一日都唔會開5次 所以每次我想搵佢嘅時候可能都會隔好耐先覆我 加上我地作息時間唔同（嗰陣係暑假 我有暑期工 夜晚8 9點先放工）咁我夜晚放工之後翻到屋企 想搵佢嘅時候 佢多數已經訓左 或者差唔多訓 佢都有接過我放工 但係佢平時好早訓 從來唔過12點 所以我都叫佢早d翻屋企 唔好咁夜

可能你會話 咁嗰陣暑期工姐 開學之後就唔同 但係除左呢d 我地性格都唔夾 有陣時鬧交 真係會一日都唔搵對方 我藉口一定係翻工 可能會話男仔應該開口氹女朋友 我都有氹過 但係有時真係唔覺得自己錯 就唔想再氹啦 或者可能嗰陣我已經覺得自己唔係咁鐘意佢...所以先至唔會有衝動氹佢 但係係各方面 都令到我諗係咪應該分手......

拍左一個月左右 我地都有搞過啦 之後都有搞過幾次 但係有次condom用曬 佢又話無所謂 咁就照去（嗰陣雖然有鬧交 但係冇分手念頭 唔係想中出即飛）到過左一排 問題都仲係解決唔到 一樣鬧交 一樣覺得大家夾唔到 就開始諗係咪應該分手 其實當初係咪太衝動 諗左幾日 覺得自己係唔夠鐘意佢 所以就同佢講分手 傾左一陣 佢都覺得大家唔夾 就分左手。

點知過左大半個月 佢打電話比我講話佢有左....我聽到個下已經嚇親 大家都學生 邊有諗過生仔 結婚 佢問我諗住點 大家講完一輪之後決定落左佢 我地兩個根本負擔唔到 而且我地都分左手 咁我就負責比錢 落完之後 我就係到諗 出於責任 我點都唔應該係呢d時候當冇野發生過 係咪應該同翻佢一齊 佢比左第一次我 有左都係因為我 我都有同佢講呢樣野 但係佢就話 如果我仲鐘意佢 咁咪一齊翻 佢唔想我係為責任同佢一齊 結果 我地都係冇一齊。

但係我宜家諗起 我就覺得自己好似渣男咁 好似人地中出即飛 好似好對唔住佢.......

你以為動畫角色伊藤誠已經是人渣中既代表？錯喇。現實中仲有個比他更渣。分享自己既渣男朋友故事。她表示，佢地係朋友，他朋友有一個拍拖七年的女友，但他仍然係出面拈花惹草，默默忍受多時既女友終於頂唔順，決定分手。諗唔到既係，他竟然請女友一定要等他返黎，原因是「他只係未玩夠，比佢一d時間，等他玩夠了，他一定會成為優秀的男朋友。」而女友不置可否，只回應她會考慮復合既事。

男生結果盡情地放縱自己，每日花天酒地，女朋友換了一個又一個，一玩就玩左兩年。到他終於覺得玩夠了，就回去找原來的女友，結果發現前女友已經同第二個訂了婚。男生得知消息之後非常錯愕，心情崩潰。反而怪女友背叛

她又透露，自己已經勸過朋友，一但分手，女朋友就一定會被其他人搶走，誰知道朋友竟然不屑一笑，認為只要自己一開口，女朋友就會回到他身邊。更嬲既係，朋友竟然視前女友的離開係背叛，更懷疑前女友是不是一跟他分手，就認識依家既未婚夫，更指對方有女友的情況下，依然出外拈花惹草，唔係更自私咩？現在女生找到了自己的幸福，是她的自由啊！講述呢件事，唔係要為朋友抱不平，而是他發現身邊有不少朋友都有類似思想，以為自己才是世界中心，其他人都要圍著你來轉

我同男朋友系年半前交友app度識嘅，佢對我好好，好錫我，但同時佢對我有好多限制，令我覺得好辛苦。

佢成日都管住曬我，例如吾準着短褲短裙，吾可以着露膊同嗰領口低少少嘅衫，又吾比我同朋友落bar去飲酒（淨系女仔ok，但一有男仔就算系得一個都吾比我去）成日都要我比曬啲時間佢，佢有約我先有時間約其他朋友，我算系好嚮往自由嘅人，所以我真系吾想成日痴住，想有返啲私人空間大家同朋友相處，但我都系忍，因為佢好識用說話包裝，會話:「你黎m，吾準着短褲!會傷身體。」好似好關心我咁，所以我都聽佢話。

但我越來越覺得佢好恐怖，雖然佢成日接我放工好似好sweet咁，但佢有幾次都系我約左朋友放工食飯我已經同佢講左，佢話ok，點知突然黎接我放工，但我朋友都已經到左等我，佢死都要拉我走，搞我我勁吾開心。有時我問佢：「你中意我啲乜？」佢淨系答：「你靚女咯。」從來都無講其實優點，雖然真系好多人話我靚女，但呢個世界上靚女咁多，少我一個真系吾少，佢真系好膚淺，讚我我都開心吾起......

上個月我同佢嗌左場大交，我已經決定左要分手，點知佢吾肯，系我屋企樓下企左成晚等我
，逼住我要同佢一齊返，我真系覺得好恐怖好想離開佢。

同男朋友一齊兩年，佢係我既第一任，但我唔係佢第一任，佢性慾好強最近先發現佢同我一齊之後一直都有叫雞，知道左之後真係好唔開心，同埋自己都有上網睇啲教學片，因為覺得依啲都係要大家開心先有意思，次次都有同佢傾過同賽後檢討但得黎既結果都只係ok呀幾好呀個啲說話

最唔開心一次係我同佢約左夜晚出街，結果佢晏就去叫雞，之後就扮咩事都無重影左幾幅相同我講同朋友行緊街，我都係事後先知道有時諗番起件事都係覺得好嘔心，真係同一日內就用掂同其他女既臭手掂我

本身以為比我知道左之後亦都溝通完就唔會再發生，佢就唔會再繼續，但前排偷睇左佢部電話之後發現佢只係del左之前個啲/將啲問價既app同對話收到好埋以為我見唔到，雖然只係問價無約但都係有條刺係到，問佢點解佢又答唔到，有時諗諗下會唔想掂佢覺得好似好污糟咁，同都驚會有病，重要依家武肺時期，同就算佢話只係問價錢無約但都唔知佢講真定假

已經唔知可以點做好，我自問做唔到咁大方，雖然平時都唔係好管住佢個啲都係大家有自己既生活圈子，只要向對方報備下就ok，唔係要求佢個世界淨得我一個，但希望佢同我一齊既時候身心都淨屬於我一個

係咪其實性同愛真係分得開？同埋除左依一點之外佢真係好愛我，咩都做足其實連主動報備用情侶icon個啲都係佢開始先，如果佢對我衰啲我應該會好快就放手唔會好似依家咁猶豫不決 希望唔好答我佢叫雞咁你叫鴨米得🌝我做唔到因為除左生理上覺得好污糟之外，心理都接受唔到要同個三唔識七既男做多謝睇到依到🙇🏻‍♀️

成長的歲月(上)
小弟今年26歲，剛剛大學畢業
本來我只係一個無學歷，中六畢業的打工仔，係我21歲果年我玩交友軟件識左個細我2歲嘅女仔。一開始我好合拍，咩都傾一好耐，之後唔夠兩個月就一齊左。
呢段期間，我地都改變左好多，我睇住佢大學畢業，而我由一個地盆佬，廚房佬，保安佬重新為左佢讀書。（因為佢屋企係唯一獨女，加上佢屋企學識高）我唔想我地之間差佢好大，所以我揀左全識讀書。本來由一個見到英文都怕嘅人，一步步重新學好英文，最後我自己可以寫到畢業論文，順利畢業。
係我讀書其間（大約23-24歲）都一直維持好好，佢果時係個可愛肥妹仔，佢都一步步努力減肥，仲一齊整減肥餐，開ig shop ,果時大家都好開心，簡簡單單幸福感相處。
問題到左我25歲果時慢慢發生，佢入左中環做秘書，慢慢開始接觸上流社會嘅人，而我仲有一年先畢業，我自己本身間中part time 搵得唔多，有時一邊讀書一邊應付拍拖洗費都吃力。而我她都係做秘書，都搵得唔多，加上佢屋企要求要比她人工30%左右家用，基本上我地拍拖都十分平淡，慢慢我地變左她似屋企人感，有時旅行aa制或者佢有時比錢我讀書，果時我真係好愛佢，佢搵得唔多都願意負出金錢時間，我自己都知畢業我會彌補佢多年付出。
係我仲有半年畢業嘅時候，問題終於發生左，佢已經由一個肥妹仔慢慢變成身材唔錯嘅女仔，慢慢佢公司開始有人追求，佢同我講過公司同時有幾個男仔追佢。果時我表面鎮定，內心都希望自己快d畢業可以成為一個可以倚靠嘅男人。可惜最終係我寫畢業論文時，佢主動同我講分手，佢講等待唔係必然，佢等左我4年生活都比唔到佢想要，原來佢半年前已經講自己單身，我公司留下等佢時都唔可拖手，如果同同事一齊要扮唔識。我果時真係好愛佢就算點我都忍，到最後我都忍唔住發脾氣，都講左好多傷害說話。之後我地就真係分開。
分開期間我知我仲好愛佢，試過通宵樓下等佢，送佢番工，係一個佢睇到嘅位置睇住佢放工，到最後我試過用花追佢，佢都講左好多中傷我嘅話。再過左一排我問佢你係唔係已經拍拖，佢答係。果時我好記得我一邊做畢業論文一邊喊，第一次係我媽面前喊，果日我崩潰左

成長的歲月(下)


果次之後我發現我痛到跟本就死，我揀左一條錯嘅路行，我決定重新搵一個女仔，轉移我感情，投放落佢身上，好快呢個女仔出現，大約我分手後一個月左右（正正我正式大學畢業）就追到佢。呢個時候ex 搵番我，佢想番我身邊但呢個時候我出於憤怒，嬲，講左一d好傷嘅話。呢次後佢已經block 左所有聯絡方法，包括我屋企人，同刪左努力一齊經營的ig shop

再過多一個月，我知我同時傷左兩個女仔，一個係我深愛左4年嘅她，一個係佢愛我但比我利用左。我再冇資格講愛，我自己都知行錯左呢步，本身想用激將法等佢番黎身邊，等佢著緊我。點知我失去最愛，同時傷害左一個女仔。現在我日日都諗住ex ,呢幾日更加諗番以前好多深刻回憶，但今日有個同事同我講人生中每個階段都有一個陪伴你嘅人。可能緣份真係盡了，等待都唔會有結果。希望ex 同比我傷害左嘅女仔都會搵到自己嘅另一半，幸福快樂。

我會用呢一生努力去忘記佢

​​第一次投稿，希望可以中啦🙇🏻 交代返少少背景先，我今年30幾歲，大概4個月前就係朋友既生日派對上認識左同我一齊左2個月既24歲既前女友，下稱為C。佢好特別，同我識既其他女仔唔同，雖然我地年齡有幾大既差距，但係我地都好多野傾，令我對佢好快就產生左興趣，認識左佢1個月後我地就一齊左。

啱啱一齊時係好開心既，但係C都係一D比較痴身既女朋友，但係我自己比較無咁甜，成日都會同我表達愛意，又話掛住我，但係唔知係咪因為我自己太耐無拍拖，唔太習慣聽呢D說話，結果有次忍唔住同佢講「唔需要成日講，I can feel it」，講完之後佢開始對我冷淡，我sense到佢好似有D唔對路，所以問佢發生咩事，佢就咁話冇嘢，咁我咪當冇嘢，繼續同佢whatsapp傾其他野。後來我地都試過因為其他野而嘈過黎，例如：

1. 事關我地兩個都係上班族，每次我同C出街我都係放工後，而我大概會10-11點就搭巴士返屋企（我住新界，佢住港島），有時候同佢一齊出黎住我都慣左11就訓覺。但係因為本人好鍾意飲酒既關係，我每次同朋友出去飲酒都可以玩到3-4am先返屋企，而C就好唔鍾意我成日同佢一齊就咁早走，同朋友一齊就玩到咁夜，有次佢喊住問我佢係咪悶親我，我覺得好麻煩，所以又意氣用事話佢同我D朋友冇得比較，因為我同佢地認識左20幾年，我同C認識左一年都冇，加上我平時返工已經好攰，唔想再浪費任何心機去安慰佢，如果佢覺得唔滿意就分手，但係好好彩最後個次都冇分手，但之後都因為呢件事嘈過幾次。

2. 佢都幾遷就我，成日話想同我單獨見面見多D （通常一個星期見兩次，一次就係我同佢食晚餐，另一次就係佢同我加我D朋友一齊飲酒），但係我想去學識獨立，所以就say左no，話佢應該融入多D我既生活，咁先可以長久，而我就從來冇見過佢D其他朋友，因為佢地唔飲酒，唔係好想同佢地玩（我份人係飲酒後先會健談D）。

3. 我份人就係比較大食，都同佢發生過關係，所以有時候見面個陣我suggest去開房，本身佢都話ok，但過左幾次後，佢唔肯我會有D唔開心，後來我開始同佢講D關於性既野，佢都好抗拒，叫我唔好成日諗呢D野… 佢又唔滿足我我講呢D野又唔得，佢到底想點?

4. 我同佢都係黃，但係佢有個壞習慣就係唔知點解好鍾意聽d藍絲歌手既歌，咁我咪叫佢唔好成日聽，係時候要戒，點知佢又話點解佢聽咩歌都要我控制，好多歌佢都係又細聽到大咁wor。咁大佬呀你明明係都係手足，點解仲要去聽藍絲歌手D歌，聽D黃絲歌唔好咩?

5. 佢有時候想放我地D想上IG，我就叫佢唔好，因為我覺得呢D野係我地兩個既事，唔需要俾其他人知道。

Anyways到上個月，C開始對我冷淡啦，跟住好似成日都悶悶不樂。佢話係工作上唔開心，但係我feel到佢對我先係咁，因為我見佢見我地D common friend時都有講有笑，但係佢對住我就好似成日都唔耐煩咁，所以我決定同佢分手，佢一口就OK左我，仲即刻係IG remove+unfollow左我。

後來，聽我地D common friend講雖然佢分手後無耐仲係關係我既，但係佢當時其實同我一齊時佢一直唔開心，佢之所以對我態度咁係想我講分手，佢唔需要左衰人，唔想我因為俾佢飛所以唔開心，不過我同左佢講如果有咩事佢都可以whatsapp搵我，我會覆佢。我都suggest過可以做返朋友，但係C話佢唔會同任何前度做朋友。後來佢1/7都有搵過我，問我shopping是否安全，我就咁答左佢安全，之後佢講其他野我就冇再覆過。

直到最近我又text我地D common friend最近有無見過佢，佢地話見過一次，咁我就問佢地C最近點，佢地同我講有咩問題我應該自己whatsapp C，唔係through佢地問C既近況，但係C過得好好。咁我諗住whatsapp佢個時發覺自己已經睇唔到佢whatsapp icon，last seen同status（記得佢之前講過話佢set左contacts先睇到），個一刻我知道我已經唔屬於佢電話簿既一部份… 依家得返Facebook可以搵到佢，雖然我仲係好關心佢，但係我又唔想拖拖拉拉，到底點先可以同佢做返朋友，以朋友既角度關心佢呢？

同男朋友一齊咗3年多啲，一直都冇乜嘢，都係偶爾嗌下交咁，同其他情侶差唔多。平平淡淡咁就三年，一直都冇啲咩大事發生，連嗌交嗌到分手都冇試過。
.
去到近排，佢有一晚同我講去咗個friend到飲酒，我好信佢所以比佢去。咁佢就飲到醉晒咁返嚟啦，佢未完全暈晒嘅但係咁講啲九唔搭八嘅嘢。我一邊照顧佢仲一邊講「係係係」，原本對佢啲九唔搭八冇點上心，但我越聽越唔對路。
.
佢話「喂呀軒(同佢飲酒嗰個friend)！記唔記得中學條女呀，好撚正呀喂，（下省廢話）喂我第一次輪姦人就比咗你啊屌，好撚正呀」我嗰下聽到呆咗，佢冇同我提過佢輪姦人嘅事，去到瞓教嗰陣個腦都好空白。嗰晚我自己瞓床抌低咗佢喺梳化，我嗰下覺得佢好可怕，但我唔知佢係咪亂噏定係講真就留到第二日佢醒咗先問佢。
.
咁就第二日佢醒咗啦，我就問佢佢中學嗰陣過咪輪姦過人，我問得好直接佢聽到佢個樣係嚇咗嚇，佢問我點知，我就話係佢琴晚自己醉酒講出嚟。佢同我講話係有呢件事，嗰個女仔係同佢同呀軒同班嘅同學，詳細唔講，但個女仔唔情願仲造成咗好大創傷，佢地仲要恐嚇咗個女仔。雖然話我琴晚已經做咗成晚心理建設但聽到清醒嘅佢講出嚟第一下都係有啲接受唔到。
.
佢有同我解釋話嗰陣同呀軒都係傻咗諗唔開先咁做，佢有好後悔。但我而家已經覺得佢好核突好嘔心，好想遠離佢好驚佢，話就話個個都有過去應該接受，但我真係接受唔到佢呢個過去。佢對我好好，係個好合格嘅男朋友。想問下大家有冇方法可以舒緩下個心結，真係唔想分手🙏🏻

我同佢拍左2年拖，曖昧既時候其實佢已經同我提過佢有一個冇真正名義上拍過拖既ex，由中學開始斷斷續續左7年咁耐。我果陣純粹當聽佢既故事，因為係佢之前我都拍過兩年拖。好快我地就一齊左，我地性格好唔同，一開始果一年有好多衝突，但係慢慢我地都一一克服左。

係慶祝左一週年之後果個月，有一晚我地因為好小事唔開心，然後佢突然就同我講分手。我好愕然，因為果件小事小到我都唔記得咗，我當然崩潰問佢點解，最後佢話佢仲掛住佢個ex。果一晚之前其實我有見過佢ig stalk果個女仔，點知佢真係同我講佢放唔低。

其實佢地冇做過任何情侶會做既野，讀唔同u，甚至個女仔已經有男朋友。最後過左一個月我地一齊番，但係我知道心入面已經有條刺。之後我覺得我地都有為呢段關係去改變同付出。到過左兩年，我近排發現佢又開始係咁stalk佢個ex。事關有一次我用佢電話上ig禁左個搜尋紀錄。我有好崩潰咁同佢講過一次，佢話佢會注意。但係近幾日佢又開始stalk。我覺得好攰，就算佢冇真係做d咩我都覺得佢心入面有第二個人。

究竟係咪我太冇安全感係我問題，定係所有女朋友都會介意？係咪大部分男仔都會成日諗起前度？我今次真係覺得好唔開心，我以為我地一齊向住一個方向努力緊，但係我而家keep住會諗起佢係咪又stalk個女仔，甚至會下意識同個女仔比較，明明我地完全唔識。我同佢認真傾過，佢都誠實答我佢仲會諗起個女仔，但係佢話我唔係代替品。我唔知我地之後既路應該點行，我係咪應該唔介意佢成日咁做

我24歲，我唔知道自己幾時開始會變咗質，我一直以來認為第三者同出軌嘅人，都係不得好死要死清光，簡直要去浸豬籠！
我有幾次拍拖經驗，每個ex對我嚟講都係特別嘅人(我唔會隨便同人一齊)，但慢慢我個人變得連自己都覺得嘔心，撘上有婦之夫！

事源係上年跳槽轉工後，返新工乜都唔識，有個好上司帶住我去做，上司結咗婚有仔女正正常常，所以對佢無乜戒心，慢慢熟咗之後，一直都有講有笑，有時公司做嘢留夜左，我同上司會再留夜d傾下計，嗰陣我以為無咩問題，之後我哋越來越曖昧，我不斷說服自己唔可以咁墮落做小三，來後上司開始會同我講佢同老婆d野(都係呃我落撘嘅說話:我同佢一直無感情/好早已經想離婚/你好過我老婆好多好多)個陣都當佢係吐苦水嘅心態去聽，之後慢慢Lunch一齊食飯收工一齊食飯，我開始諗上司想點啊？三十幾四十歲人想食我𡃁妹，我開始少理咗佢，但始終工作方面，有好多接觸，然後又變返之前咁！佢更加主動進取(講d曖昧說話，收工重會message我)，個陣嘅我已經好似鬼遮眼咁，對上司有咗好感越傾越密，有種依賴心係佢到，嗰陣我已經忘記咗佢有家庭。

同上司開始發展，覺得有d刺激感玩地下情發生咗關係，覺得有一個人對我好錫我已經好足夠，同佢一齊係好開心，但事實慢慢開始浮出嚟，我內心不斷掙扎，點解自己會做咗呢啲決定，而家連我自己都接受唔到我自己，點解我曾經最憎嘅小三會自己做咗，我唔夠膽同身邊朋友講，我擔心身邊人點睇我，開始覺得自己好墮落，好似俾人用完即棄，喺段關係入面唔知就係為咗d咩。男人出軌有一次，就唔會停，我唔想交個心比呢d人。

佢講好多甜言蜜語 漂亮謊言，然而我繼續中個頭埋去，我好想有人屌醒我，點解我會變到咁不道德 咁反社會人格。我好想忘記呢一個時間，係我人生污點！我背上左情婦 第三者呢嗰罪名！
我對唔住佢老婆同佢d仔女，希望佢個仔大個唔好好似佢老豆咁，希望佢個女大個唔好遇到啲好似佢老豆嘅人！

男人天性就係咁，要新鮮感，我就係佢嘅一個中途站
而家我重係個到返工 同上司關係未斷，佢好識捉我心理，然後我又聽佢講，一直不斷咁樣循環！我好希望有日可以正正常常咁拍拖，唔係再撘上人夫 做人情婦遍體鱗傷一定係自己！如果一個男人真係愛你佢點會要你背住情婦呢嗰名，如果一個男人係好男人佢點會出軌
所以...
女仔真係要好好愛自己 錫自己

我今年24 男朋友今年28，一齊左一年3個月。我係獅子座，佢係金牛座。因為我一直讀緊書，返下pt，而佢就有穩定收入。所以一直出街嘅洗費9成都係佢比。佢都送過好多禮物比我。不過我有時都會請下佢，買禮物比佢。但如果我第時返full-time我都覺得大家一人請一次。佢會同我講好多未來，將來生幾多個小朋友，將來買樓住邊到好，第時擺酒各樣。

同埋我地幾乎同居，佢同爸爸媽咪一齊住，我地都相處得唔錯。我唔洗返工返學都會幫手做家務。如果係佢屋企食飯都會幫手洗碗，又會切下生果比佢地食。平時大家夜晚返到屋企都會傾下今日發生啲咩事，佢都會同我好多互動。唔會話對我滿不耐煩。一開始同居可能會有一個禮拜3-4次，但依家一個月可能得3次，仲要次次佢都用同一個姿勢，好似真係完成任務咁。佢可能希望我可以主導，但自己技術未係好好，所以整到佢唔係幾舒服。不過最近我都有自己鍛鍊下，努力嘗試下。希望大家互動可以多啲。5月尾嘅時候發現原來佢係tg問ptgf價，仲好專業咁直接報年齡身高，問roomplan幾錢。我忍住無問佢，點知6月頭再睇佢電話，發現佢前一晚又問第二個女仔價錢，仲問佢有無紋身。

我忍唔到，當面叫佢拎部電話比我睇。佢又直接比我睇，仲話：我就唔信你穩到啲咩！之後我語氣好平靜咁問佢：點解你問個女仔幾錢嘅？仲問人地有無紋身。佢搶返部電話之後返左入房，過左一陣佢出返黎，之後搭著住我博頭講：啊b，不如我地分手啦。我答佢：好啊！佢再講：偷睇我電話係我底線。我答：但我當住你面話要睇，你都比，仲話唔信我會穩到啲咩。佢靜左一陣。佢講：又要睇又要唔信。我答：我無話唔信你，所以我依家都好平靜，其實想聽下你點講。佢：同事無聊一齊問下，玩下姐。我：下，咁多p咪好貴？佢：唔係啊，大家分開問。同埋我同你一齊呢年幾真係無掂過其他女仔！我無追問落去。大家都當無事發生，繼續生活落去。
但最近我搬返自己屋企住，所以每次佢話ot或者話返到屋企，我個心又好不安。佢遲左起身，我又會覺得佢琴晚係咪出左去約ptgf，所以先訓到咁晏。我好難重新相信返佢。我覺得一段關係出現問題，大家都一定有責任，所以我有檢討自己，係咪性方面大家唔協調先搞到咁。所以我都有作出改變。近排都覺得佢對我上心左，以前放假佢鍾意留係屋企打機，但依家都會陪我出去行下
但我依家真係好糾結好痛苦。究竟我應唔應該重新相信佢？佢問左兩次價，仲要個藉口咁牽強。佢究竟係知錯，懸崖勒馬？定男人出軌只有0次同100次？

免費互動推廣 查詢 @showAds
=========================
|
|.HKers 食好西🍝🍣🍱🥘🍘🍤🍚
| @hkerseatgoodwest

贊助商: (你的廣告位置)
推廣你的產品和服務, 建立知名度,接觸大量用家眼球, 每次只需 HKD15
廣告位查詢 @showAds_pinBot