يابويه صعب فرگاك

ليش الاهل يعيوني

#برنامج1445
لسيدتي ومولاتي فاطمه العليله عليها السلام
1

ليش الاهل يعيوني
ويه المرض تركوني
بالدمعه ليلي يگضي
بعداني عنهم مرضي
انه العليله
★★★★★ 1 ★★★★★
بس لله اشكي من الحزن والصاير
لمن اجتني كربله والعاشر
ميته عساني اوالدي ميسافر
من الزغر يتركني اكسر خاطر
ماتنحمل احزاني
حيل المرض غثاني
حسبالي يگعد حضي
بعداني عنهم مرضي
انه العليله
★★★★★ 2 ★★★★★
بس لله اشكي من الحزن والغربه
ماتنحمل فرگه الاحبهم صعبه
وشلون ابوي يعوفني اطاه گلبه
وكت الصلاه سجاده جبت وتربه
فرشيها چنه يگلي
وانتظر جيته يصلي
بدمعة حزن متوضي
بعداني عنهم مرضي
انه العليله
★★★★★ 3 ★★★★★
بس لله اشكي من الحزن وهمومي
وتحول بلون الليالي يومي
تتركني روحي وعالضعون تحومي
اسهر بحزني وبيه اودع نومي
عالسفر مالي قدره
ادري طويله السفره
الحزنچ يروحي فضي
بعداني عنهم مرضي
انه العليله
★★★★★ 4 ★★★★★
بس لله اشكي من الحزن وجفاهم
راحو حسافه وماخذوني وياهم
انه العليله وأشفه بس بدواهم
ينساني عمري لحظه من انساهم
وبحسرتي وبالونه
يخلص عمر ماچنه
بصبرچ يروحي نهضي
بعداني عنهم مرضي
انه العليله
★★★★★ 5 ★★★★★
بس لله اشكي من الحزن عالراحو
وين العليله فاطمه ماصاحو
مو مثل نوحي من جفوني ناحو
تركوني والشمات هيچ ارتاحو
يتمني راح الوالد
مانمت الله الشاهد
بالحزن وكتي يمضي
بعداني عنهم مرضي
انه العليله


✍️ الشاعر الحسيني فرحان البزوني

استشهاد الامام محمد الجواد عليه السلام
لحن قصيدة اجه الليث للرادود باسم الكربلائي
1

الدموع واست الجده
والچفوف تنترس عده
✿✿✿✿✿《 1 》✿✿✿✿✿
للكاظميه الروح ودتني
الباب المراد ويمه جابتني
ريت الزچيه اليوم شافتني
تشفعلي باچر كون حضرتني
الذنوب دفتره تسده
والچفوف تنترس عده
✿✿✿✿✿《 2 》✿✿✿✿✿
بالكاظميه الدمعه اجريها
ام الحسن مولاتي اواسيها
هايه خدمتي لليوم سجليها
الخدمه تاج وافتخر بيها
عالمسموم دمعته بخده
والچفوف تنترس عده
✿✿✿✿✿《 3 》✿✿✿✿✿
نگصد حفيد الكاظم بغايه
ندري يتلگه الاجو شكايه
منه حوائج نطلب اهوايه
جينه بحزنه ونرفع الرايه
كلها تهون ماتظل شده
والچفوف تنترس عده
✿✿✿✿✿《 4 》✿✿✿✿✿
ماخسر كلمن يعتني الكاظم
ويعلي شان المعتني وخادم
والي يواسي والزهره والقائم
يرتفع شانه تجله الوادم
كلها تگول الباري ميرده
والچفوف تنترس عده
✿✿✿✿✿《 5 》✿✿✿✿✿
الخمسه والعشرين من عمره
هذا الجواد ودره ابن دره
ابن الرضا المتعذب بعصره
للحاجه باب ومرتفع قدره
واويلاه عالگرب وعده
والچفوف تنترس عده

✍️ الشاعر الحسيني فرحان البزوني

استشهاد الامام محمد الباقر عليه السلام


واويلاه يالباقر
طفل وبالطف حاضر
طفل وبالطف حاضر
🕊🕊🕊🕊《 1 》🕊🕊🕊🕊
ما شاف راحه بزغره
شاف المأسي بعمره
عالحزن الله يصبره
عالشافه يوم العاشر
طفل وبالطف حاضر
🕊🕊🕊🕊《 2 》🕊🕊🕊🕊
من والده يبعدونه
شافوه تغير لونه
عن اسمه يسألونه
الصاراله ماظن صاير
طفل وبالطف حاضر
🕊🕊🕊🕊《 3 》🕊🕊🕊🕊
گال الهم ابن السجاد
من زغري عالهم معناد
الله شاء شما راد
احمد الباري وشاكر
طفل وبالطف حاضر
🕊🕊🕊🕊《 4 》🕊🕊🕊🕊
شاف العليل الوالد
ابن الصميده الزاهد
من اهله ماظل واحد
مابقه عون ناصر
طفل وبالطف حاضر
🕊🕊🕊🕊《 5 》🕊🕊🕊🕊
كل امنياته ودع
عاش بحياته امروع
حاله يبچي ويفجع
الماحزن لجله خاسر
طفل وبالطف حاضر



✏ الشاعر الحسيني فرحان البزوني

.
#برنامج1445
قصيده للامام العباس عليه السلام
2

نادينه ياعباس
بو الغيره والنوماس
★★★★★ 1 ★★★★★
هذا عباس ابو الغيره هذا ابن ام البنين
هذا حماي الشريعه الفادي روحه للحسين
مثله مايجي اثنين
جفوف رخص والعين
بالحرب ماينقاس
بو الغيره والنوماس
★★★★★ 2 ★★★★★
من نسولف عالشجاعه والله جزاها الحدود
من نسولف عن وفائه تضحياته تظل شهود
چف حمزه يوصفوه
هذا حيدر سموه
ضحه الاخر الأنفاس
بو الغيره والنوماس
★★★★★ 3 ★★★★★
جندل صفوف العساكر من نزلها بيمنته
تراجعو من صال بيهم والله ترهب هجمته
كافل ونعم الاخو
اخذ زوده من الابو
لخته عيونه حراس
بو الغيره والنوماس
★★★★★ 4 ★★★★★
ابو فاضل حار راسه يدخن بوكت الزعل
گال فدوه انه واخوتي مانبالي بالأجل
فدوه لجله الاربعه
بيه جزاء ومنفعه
فضله يبقه عالراس
بو الغيره والنوماس
★★★★★ 5 ★★★★★
دارس فنون الشجاعه بمدرسة حامي الحمه
ولذلك بالمعارك سيفه ظل يمطر دمه
محد يلاگيه ابد
يهجم بهجمة اسد
ماعرف للوهواس
بو الغيره والنوماس



✍️ الشاعر الحسيني فرحان البزوني

#برنامج1445
قصيده للامام العباس عليه السلام
3
يعباس جودك عله الراس
يعباس سيفك مينقاس
★★★★★ 1 ★★★★★
يابو فاضل مانجامل من لزمت اعنانها
علي هذا حمزه هذا چن قلع بيبانها
الجيش مهتم غرگ بالدم صوفرت الوانها
حشود يمك ماتهمك تحصد بشجعانها
انته اخو زينب سندها الحبيبه
ماطفه ويلهب جمر الغريبه السليبه
جمر السليبه
رفعت راسي زينب بالطف
★★★★★ 2 ★★★★★
كفو منك گلت دمك رخص لجل حسينك
ماتعوفه بكل ضروفه يالفديته بعينك
عهد عندك توفي وعدك اله تنصر دينك
گمر هاشم والهواشم ترجع متانينك
ياگمر هاشم نتاني رجعتك
عالحرب عازم تزلزل هجمتك يمنتك
تزلزل يمنتك
كلمن يگرب يخسر راسه
★★★★★ 3 ★★★★★
من نوصفك ماننصفك لو حچينه بشانك
الغيره طبعك واليدفعك من فضل عنوانك
بسيف يرعد كلها تشرد مو سهل ميدانك
حاله صعبه من تركبه غرگ بيك حصانك
انگلبت الحومه رعيد وزلازل
حيدر ويومه تظن المنازل يقاتل
تظن اليقاتل
عباس مبچيهم سيفه
★★★★★ 4 ★★★★★
رعب طبهم حزن والهم جيتك اتبچيهم
يابو فاضل والجحافل سيفك يحش بيهم
عالشريعه للوديعه الجثث تهديهم
يااملها والكفلها من العطش ترويهم
تعزب بعينك يغالي والچفوف
ندري بيمينك يحصدها الألوف معروف
يحصدها معروف
زلزال الحد لا تدنوله

.

✍️ الشاعر الحسيني فرحان البزوني

#برنامج1445
قصيده هلاليه
4
عاشور هلالك فجعاني
ذكرني بفرگة خواني
ذكرني بكربله
وبسبي العايله
ذكرني بفرگة خواني
★★★★★ 1 ★★★★★
من اشوف اهلال حزني الماضي ينعاد
من المدينه چن اجينه وعفنه البلاد
الكربله تمشي الضعينه ويبو السجاد
چن اشوف اويه السبايه زين العباد
وذكر چنت المهيوبه
صرت المسبيه المسلوبه
الچنت مدلله
وبسبي العايله
ذكرني بفرگة خواني
★★★★★ 2 ★★★★★
من يهل شهر المصيبه وعفنه الاوطان
من الزمن شفت المأسي وشفت الاحزان
العاشت ويخوان صعبه تعوف الاخوان
اخواني يالكلهم مهابه اخواني شجعان
عافوني بحزن ولوعه
بجفن العاشر لدموعه
تبدي المعضله
وبسبي العايله
ذكرني بفرگة خواني
★★★★★ 3 ★★★★★
ياشهر ذو الحجه طول بيك الأيام
مانريد يهل محرم شهر الآلام
چم طفل بالغاضريه ظلو ايتام
الهسه مشتعله بعبينه نار الخيام
من يهل تبدي الحسره
كل غالي بيه نخسره
حزني بأوله
وبسبي العايله
ذكرني بفرگة خواني
★★★★★ 4 ★★★★★
خذت ياشهر المصايب راحت البال
ليش كل واحد نحبه حمل وشال
الكربله لمن وصلنه خابت امال
زينب وصرت الكفيله النسوه وطفال
والكافل من فارگته
مو هين من عاف اخته
طحت بمشكله
وبسبي العايله
ذكرني بفرگة خواني
★★★★★ 5 ★★★★★
بيك ياشهر النوايب شفت الهموم
فاجعه تتبع فجيعه مثل الغيوم
حاربت بعد الاحبهم لذة النوم
ليش يهلال افجعتني بجيتك اليوم
اليوم اتزايد همي
كل اخواني مو يمي
الحزن استقبله
وبسبي العايله
ذكرني بفرگة خواني


✍️ الشاعر الحسيني فرحان البزوني

ابوذيات حسينيه

علي سيف الذبحني يره دوني
اعوفن دين جدي يرادوني
حته من ثيابي يردوني
التراب ويالدمه سترن عليه

يذوب الحجر زينب شفته همها
بعد شفت النوايح شفته همها
الفهم صيحت الحره شفتهمها
الفهمها مابقه حي عالوطيه

وحگ الداخت الوادم عسرها
معسره الدنيه مافرج عسرها
يبدل القائم بجيته عسرها
اذا ياخذ بثار ابن الزچيه

✍️ الشاعر الحسيني فرحان البزوني

#برنامج1445
قصيده هلاليه
5
متت…يبو فاضل بعد عينك شلي بعمري
متت…وانه بحاجة اخو مثلك حمه الخدري
الدنيه ماتسوه خويه من بعدك
ياگمر هاشم
★★★★★ 1 ★★★★★
رضيت شلون يسبوني
وانته الضوه البعيوني
يخويه وشرد اجاَوبهم
لو عنك يسألوني
اگول چفوفه مگطوعه
ابو چلمة المسموعه
الچان بعينه شايلني
وهسه العين مشلوعه
يدرون من غيرك متت
وبعالم احلامي تهت
لشام مو سهله رحت
نوح…يرافگني يبو فاضل وانه بحزني
نوح…صحت ويلي يبو الغيره كثر وني
چان كل همي ماتفارگني
وترد سالم
★★★★★ 2 ★★★★★
متت ياخويه من بعدك
اظل متمسكه ابوعدك
عمري بساعه ضيعته
يوم الي انگطع زندك
وانته التگضي الحاجه
الك ياخويه محتاجه
راسك عالرمح ظليت
امشي وناري وهاجه
عباس ساكن بالنظر
والظهر بغيابه انكسر
عباس ياراعي الفخر
ريت…متت بعدك ولا شاهد تناظرني
ريت…افز ولگه ابو فاضل ترافگني
وسفه يسبوني خويه يالكافل
شمتت الوادم
★★★★★ 3 ★★★★★
يكافل ساعة الترحل
عله اخت مابعد تسأل
العمر وياك خلصته
تظن بغيابك اتحمل
افارگ عمري بالفرگه
احلم خويه بالملگه
واويلي الخيم وجت
مثلهن انه محترگه
كلما اصدن للحرم
بحر الشمس وبلا خيم
تراضاها ياراعي الشيم
وياك…يبو فاضل شما شوفك يرد حيلي
وياك…اظل انعه اظل ابچي واويلي
راحت احلامي خويه من شفتك
بالترب نايم
★★★★★ 4 ★★★★★
سبع الگنطره الترهب
اسد وبهجمتك مرعب
سيفك منجل وتحصد
تتعب البالجثث يحسب
ولا عجبه من اشوفنك
بحيدر انه اوصفنك
اعوف الدنيه والبيها
يكافل ما اعوفنك
الحيرني شفتك عالنهر
بعامود راسك انطبر
والخاطر اعليك انكسر
ماي…ولا ردته سبب موتك يعباسي
ماي…عوفه ماريده يبو فاضل ينوماسي
انه والحسره عايشه بدونك
وگلب هايم
★★★★★ 5 ★★★★★
عفت حسين بهمومه
وحده بساحة الحومه
محني ومنهدم حيله
والله الشافه ميلومه
يگول شموعي طفاها
راح البيه اتباها
السواها گمر هاشم
محد مثله سواها
مايتعوض الهيبه
رايح بعد شيجيبه
عشت من بعد بمصيبه
شام…شمتو بحالي والشمر يحدي وانه مسبيه
شام…خويه سبوني ردت تفزعلي تشوفني شبيه
يطالب بثاري يطالب بثارك
يظهر القائم



✍️ الشاعر الحسيني فرحان البزوني

#برنامج1445
شوط كربلائي للأمام مسلم بن عقيل عليه السلام

يمسلم لا تأمن ارجال الكوفه الغدرت بعمك
نبايع مانعوف حسين وگلبهم هذا مو يمك
★★★★★ 1 ★★★★★
يمسلم غايتك توصيل رساله تبلغ اليفهم
اليتبع للحبيب حسين َمن نار الحشر يسلم
واليمشي وره اللذات خاسر باچر ويندم
انته الرايد تناصر * تفوز وغيرك الخاسر * تحضه بجائزه باچر
تدخل للجنان بزود مسجل بالسجل اسمك
★★★★★ 2 ★★★★★
يمسلم ياسفير حسين غريب بكربله الوحدك
حاذر من تشوف الناس ترحب قبلت بقصدك
الله ينصرك ويرعاك غيره كلشي ماعندك
الدنيه الوادم تحبها * فهمهم عواقبها * بناره الله يذبها
گلهم عالحبيب حسين اخوك ودمك ولحمك
★★★★★ 3 ★★★★★
الكوفه الغدرت الكرار بصلاته وينطبر ساجد
سهله تنغدر مولاي يحشم واحد الواحد
ولا چنك اخو لحسين حزين الوحدك گاعد
بأزقة كوفه تتأمل * حاير ماعرفت الحل * الوضع لتظنه يتبدل
طوعه من ترحب بيك زالت تعبك وهمك
★★★★★ 4 ★★★★★
للخوه تظل عنوان وفي وتضحي لحسينك
بوجهك فتحو الأبواب كل ظنك موالينك
نتبع ثورة الاصلاح مسلم ننصر الدينك
يمسلم هذا التشوفه * بيه الكوفه معروفه * صعبه اليطرد ضيوفه
طوعه وبألف رجال من عدها كثر عزمك
★★★★★ 5 ★★★★★
يمسلم ياسفير حسين حسينك شوفه ياحاله
من تهجم عليه الخيل يحير وباله بعياله
لمن تنكتل سبعين ولا واحد اليبقاله
يبقه الوحده بالعاشر * وسفه يدوسه چم حافر * ميظل يمه اليناصر
ماكو الي يلم جسمه وانته ماكو اليلمك


✍️ الشاعر الحسيني فرحان البزوني

#برنامج1445
قصيده للسيده رقيه عليها السلام
7


طفله وتراجي منها سلبوها
وبموت ابوها والله فجعوها
★★★★★ 1 ★★★★★
شافت ابوها بحلم ملهوفه
صعبه يعمه والدي نعوفه
مرعوبه گعدت تبجي مخطوفه
عرفت ابوها راح متشوفه
انه رقيه ليش عافاني
اصبح يتيمه وزادت احزاني
وبموت ابوها والله فجعوها
★★★★★ 2 ★★★★★
بليل تبـﭽـي والبــﭽــه نسمعه
قصة رقيه تبقه بالدمعه
يم راس ابوها تبقه منفجعه
هاذي رقيه تذوب جن شمعه
مكطوع راسه حسين تبجيله
مرعوبه فزت همها تشكيله
وبموت ابوها والله فجعوها
★★★★★ 3 ★★★★★
شوصف رقيه ويصب مدمعها
لوعات من الدنيه تجمعها
تبـﭽــي وبـﭽــاها ايزيد يسمعها
عالراس طاحت حان مصرعها
موت رقيه افراك والدها
بالسبي ماتت هذا موعدها
وبموت ابوها والله فجعوها
★★★★★ 4 ★★★★★
والعجبه شافو من يغسلوها
ازرﮒ جسمها والله شافوها
گالوا مريضه الغسل عافوها
السجاد گلهم طفله رحموها
ازرك جسمها من الضرب صارت
زينب حزينه والله وحتارت
وبموت ابوها والله فجعوها
★★★★★ 5 ★★★★★
من زغر سنها امرمره ابهمها
عمتها تبقه حايره ويمها
تبجي وحزينه وفاكده امها
عطشانه صاحت تنتظر عمها
عباس عمي تنتظر مايه
كالت اريدك صاحب الرايه
وبموت ابوها والله فجعوها


✍️ الشاعر الحسيني فرحان البزوني

#برنامج1445
نعم نعم القرأن

يمهل الله مايهمل ولامره
شلون الي تماده اعليه وينكره
القرآن انوجد نور وهدى واصلاح
لليقراه يصبح نور في گبره
حرگت كتاب الله شوف وسمع زين
نطفتك مو سليمه والاصح قذره
سويدك خل تنفعك والدفع دولار
عله الساده اتعده ولك هالمره
عهد لازم نجيبك حته بسرائيل
وشرط برض السويد وظهرك نكسره
خسريت الشرف مو سهل التسويه
ماظل بحياتك شي التخسره
عليك استحوذ الشيطان من كل صوب
عبد للي اطاك وتابع الامره
علمنه تاج راسك ياعديم اخلاق
الحليم الي غضب مايمتلك صبره
فتوه من المراجع للسويد نروح
نوصله ونجيبه نطلعه من وكره
ميهمنه الحماه وكامرة تصوير
الحرگ قرأنه يحسب خلص عمره


✍️ الشاعر الحسيني فرحان البزوني