✨خدمة محبي باسم الكربلائي تقدم:
📌قصائد مكتوبة بمناسبة عيد الغدير

📝حبك ثبت بينه
https://hottg.com/bassempoems/2454
📝اصرخ ياضمير
https://hottg.com/bassempoems/2456
📝بوجهك نور
https://hottg.com/bassempoems/2452
📝علي يا أغلى كل غالي
https://hottg.com/bassempoems/2450
📝مفروض عالناس
https://hottg.com/bassempoems/1140
📝اسمك عسل بلساني
https://hottg.com/bassempoems/1086
📝علي عالي على كل عالي
https://hottg.com/bassempoems/2280
📝نادي عليا مظهر العجائب
https://hottg.com/bassempoems/2282
📝علي علي مولا
https://hottg.com/bassempoems/1252
📝رب العلى اختاره
https://hottg.com/bassempoems/1179
📝يا أمير الأرض
https://hottg.com/bassempoems/1196
📝ياعلي مدد مجلس
https://hottg.com/bassempoems/1198
📝شوقي وحنين أيامي
https://hottg.com/bassempoems/1161
📝مشوار الحب
https://hottg.com/bassempoems/1166
📝ياعلي مدد استوديو عربي
https://hottg.com/bassempoems/1092
📝نعلن البيعة
https://hottg.com/bassempoems/1144
__
*ــــــــــــــــــــــــــــــــــــــــــــــــــ*
#اللهم_عجل_لوليك_الفرج
◇◈◇⇩..تابعونا..⇩◇◈◇
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

👆 قصائد مكتوبه في ذكرى عيد الغدير الاغر ونبارك لكم هذا اليوم الميمون

(﷽)
✨خدمة محبي باسم الكربلائي تقدم:
📜قصيدة: خجل
✒️للشاعر: ميرزا عادل اشكناني
📀اصدار : محرم 1447
https://hottg.com/m7bebasim/58079

خجل يرشح جبيني .. ضعِت ما أدري ويني
أنا اللي باعته النّاس .. و أريدك تشتريني
▪︎▪︎▪︎▪︎▪︎
طبْع الدّنيا غابه .. ما بيها محنَّه
مُهينه او مُهانه
و الكل بيها طامع .. ايفكّر باليفيده
يگول آنه و آنه
منكسر مركبي او مِن يلِم شَتاتي ؟
او ضيَّعِت مشْيتي او تيَّهِت جهاتي
إي حَدْ ما لگیتك .. من دون البريَّه
الغمرني ابحنانه
او گلبي ابهذا خوفه .. يا بو اسكينه يمّك
يحس ابأمانه

أنا المذنب الجاني .. و اجيت أطلب أماني
أمدلك إيد غرگان .. أعِنِّي يا مُعيني
▪︎▪︎▪︎▪︎▪︎
دين الله اعْله بابك .. يسترزق عطاءك
او نِطيته وريدك
او خيل الأعوجيَّه .. المگصدها ترضَّك
ترشِّفْها بيدك
او چم شخص بالحرب معتنی لقتالك
او رحْمِتك شمْلِته او معتذر إجالك
يالقابلها كلها .. اقْبلني او خلني يمَّك
عبِد من عبيدك
مثل الحُرْ إجيتك .. كلشي ابظهري عفته
او فقط إنته أريدك

مثْل جنْح الرِّياحي .. انكسر يمَّك جناحي
او جبر هذا الكسر بيك .. نعم هذا يقيني
▪︎▪︎▪︎▪︎▪︎
گال الله ابکتابه .. و الآيه اعله جدّك
او خِطابه خِطابك
لو ظِلْمَوْا نفِسَهم .. او رادوْا نغفر إلهم
إجوك اعْله بابَك
سيّدي أوْعدك ذنبي ما أعيده
و ابتدي ابخدمتك صفحتي الجديده
وإنته [ بَابُ حِطَّة ] .. ساجد كون أطبلك
او سجودي ابترابك
استغفاري ابدموعي .. من أبچي اعله زينب
و ارتَّل مُصابك

اِمْن اشگ اعْليك ثوبي .. أشِگ صفحة اذنوبي
لسواك الجزع مكروه .. او عليك ايريده دِيني
▪︎▪︎▪︎▪︎▪︎
عفت الماضي الاسود .. من گالولي جسمك
تگطعه المواضي
و ابديت امْن الأول .. او صرْت إنته البدايه
او صفه الماضي ماضي
استغفرت كل ذنِب چي يصدني عنَّك
او حارَبِت غفْلتي حتى أدنو منَّك
ما دام إنته گُربي .. ما دام إنته حسبي
مدام إنته راضي
خل الدنيا كلها .. تتكالَب عليَّه
على دربي ماضي

عشِت كل عمري عاصي .. او شفت يمّك خلاصي
يميني لازمه بيك .. لا تترك يميني
▪︎▪︎▪︎▪︎▪︎
ابهاي العِيشه شفنه .. كلمن عنده ونسه
و أنا أنسي دمعي
او كلمن عنده رَبعه .. اوياهم ينسه همَّه
و أنا ادموعي ربعي
هالحزن صار إلي صاحبي او جليسي
و امن أمل عِيشتي مأتمـك أنيسي
سدّيت إذني عنهم .. او بس صوت النواعي
يلوگ اعْله سمعي
و امن اسمع ضلوعك .. انهشمت مو بديَّه
امن ادگ اعله ضلعي

من الدنيا اشصفا لي ؟ .. بكائي رَأْسُ مالي
سروري ابحزني اعليك .. او أنُس روحي ابونيني
▪︎▪︎▪︎▪︎▪︎
شفْت العِشره چذبه .. اشما طالت گصیره
فلا توفي ويَّاي
او غيرك يا بو سكنه .. ابهالدنيا الدِنيِّه
فلا شِفته وفّاي
عايش ابدنيِتي عِيشة التِغَرَّبْ
أبتعد و أبتعد و إنته ليَّه تِگرَبْ
او من يثگل بلائي .. و استحضر بلاءَك
بعد أنسه بلواي
أتذكّر رضيعك .. ظامي او شاله ظامي
انحرم گطرة الماي

چنت مشغول عنّك .. إلى أن شفِت حِسْنَك
جمالَك عنَّه للموت .. بعد ما شيل عيني
▪︎▪︎▪︎▪︎▪︎
ميرزا عادل أشكناني
الكويت
ذو القعدة 1446 هـ
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة خجل 📝👆

(﷽)
✨خدمة محبي باسم الكربلائي تقدم:
📜قصيدة: شكرا بناتي
✒️للشاعر: ناظم الحاشي
📀اصدار : محرم 1447
https://hottg.com/m7bebasim/58055

شُكراً بَناتي .. هذا الوِقار
هذا التَعَبُّد .. هذا الخِمار
شُكراً حِمَلتَن .. دون إنكِسار
بَردْ الليالي .. وحَر النهار
كِل خطوه تمشن عالأرُض
وَي دَمّي تِمشي إويه النَبُض
يازائرات إبني الشهيد
إنْتَن مَدَدْ لاء الرَفُض

عَهداً عَلَيْ يوم الحشُر
مَتضَل مَشَقّه إبلا أجُر
للقَدِّمن هذا الوَلاء
إمْقَدمه كِل هذا الشِكُر
شُكراً ألچَن شُكراً الهذا الوَفاء
إشْما شِفِت دربْ المسير وبي نِساء
لَمحه أشوفَن من سَبايه كربلاء
وَأشعُر إنقامت مَراسيم العزاء
عِشتن ألم درب السبي
وسِر العذاب الزينَبي
وآل النبي
دَرب الزيارات .. يعرف لوعَة العبره
بأقسى العذابات .. شاركتن عَزا الزهره
▪︎▪︎▪︎▪︎▪︎
آني الكفيله .. وإخت الكفيل
زينب وراقب .. وأهدي السبيل
يامَن مِشيتَن .. لأعظَم قَتيل
إلچَن عليه .. رَد الجميل
كِل مَرأه ماطُبگَت جِفِن
لحسيني من كِثر الحِزِن
أحظرهه كِل ما تندعي
وأحظرها لَمّن تِندِفن

والشاركتني بالدَمِع
والمِشَت بسنين المَنِع
هم مثلي قَد هانت يزيد
وأتباعه والبي مِقتِنِع
وِلّي تِمشي وگاصده لَرضْ الطفوف
چَنها مِثلي أمحجِّبه وبين السيوف
بيها بالمحشر وجه مسبيه أشوف
عندي مَلگاهه مِثِل مَلگه الضيوف
والمثلي حِرگتها الشمس
والعاشَت إبعِزّة نَفِس
توفي الوَلي
إنتَن حبيبات .. گلبي وحُب علي العندي
وإنتن شَريكات .. ثاري إبطلعة المهدي
▪︎▪︎▪︎▪︎▪︎
كِل أم صَبوره .. إبدمعي الحزين
شِكراً أگِلها .. إمن أم البنين
قدمتي ولدِچ .. وإبكِل يقين
من شفتي طايح .. سبط الأمين
شكراً لِكِل مَن قَدِّمَت
أغلى الضَنه اومه إتندّمت
بدرب الشهاده للحسين
مِثلي إبوِلِدها ساهِمَت

شكراً لِمَن والت علي
وخلّاهه تعرف مَنزلي
وصارت مَثَل للتضحيه
يكفيها بعيون الوَلي
يَلّي قَدّمتن وِلِد يكفي الوَلاء
مِثلي عِشتن كِل حقيقة كربلاء
صَرخه تِصدح من جميع الانبياء
شكراً إلچن أُمّهات الشُهداء
للطف صور بالمفخره
أعظم مِثال الكِل مَره
هذا الفَخَر
لو زرتن حسين .. تِلگن منحره إينادي
وَفّيتَن الدين .. يَم مَذبَح إستشهادي
▪︎▪︎▪︎▪︎▪︎
وآني سُكينه .. بِنْت الأُباة
أشكُر مواقف .. كِل البنات
ذِكرن عطشنه .. وإمكَدّرات
كِل مايشوفن .. ماي الفُرات

افتخر بيهن لومشن
إولُطمَن على حسين وبچَن
وإتعلّمن مِنّي الحِجاب
وإمن الطفوله إتحجِّبَن

أشكُرهن إبگَد ماشِكَر
إحسيني مِن عَمّي الگُمَر
من ماشرب ماي الفرات
وچفوفه ضَلّت عالنَهَر
مِنّي عُرفن كِل تَعاليم الإله
لا وَلا عافَن وَلا تِركن صَلاه
أحسيني علّمهِن رِضا الباري إبرِضاه
اومثلي عاشن حزنه وإشتَمَّن هَواه
وَيّايه بالجنّه سِوه
يتنَفِّسن نَفس الهوه
يامُنيَتي
مازّلّن إبيوم .. عن درب ْالنبي ودربي
مامرهن النوم .. وآني محتِرِگ گلبي
▪︎▪︎▪︎▪︎▪︎
أشكرها واجِب .. يوم الوَعيد
من تبچي طِفله .. إبدرب الشهيد
الذِكْرَت دَمِعتي .. فوگ الوريد
أشعُرها مِثلي .. تُرفُض يزيد
كِل طِفله وآسَتني إبْأبي
أشعُر مِشَت درب السبي
لَمّن تِجي بيوم الحساب
تِنعَد على أطفال النَبي

كل طفله عاشت حالِتي
ونازل دمعها الدَمعِتي
والعاشرت مِثلي الحزن
حرگتها جَمرَة خيمِتي
خَلّي كِل طِفله إبجِموع المؤمنين
مِثلي أبوهه أتشوفه مَذبوح الوَتين
من بَعَدهه إتشوفني بعين اليَقين
حَتّه تعرف شنهو ظلم الظالمين
لو عاشت وياي الألم
وإحترگت بنار الخيم
وإبحَسرِتي
ماتت تره وياي .. بس تعرف سبب دمعي
وانحرمت الماي .. ماضن تحتمِل وَضعي
▪︎▪︎▪︎▪︎▪︎
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة شكرا بناتي 📝👆

(﷽)
✨خدمة محبي باسم الكربلائي تقدم:
📜قصيدة: قصة حزن
✒️للشاعر: ناظم الحاشي
📀اصدار : محرم 1447 هـ
https://hottg.com/m7bebasim/58089

قصة حزن مؤلمه
عن كل سهم .. عاش الندم
اشلون ابتده وانرمه
والدم ختم .. فصل الألم
واسهام اِلِثلاثه .. مِن حرمله
كل واحد اَحداثه .. اِتهِز كربله
▪️▪️▪️▪️▪️
الندم بالطف عُگب ما هِدأت الأنفاس
كِسَر صمت الحديد اْو أيقظ الإحساس
نِطَق أول سهم بس ما تِسِمعه الناس
أنا نابت بعدني ابمحجر العباس
أَسأل إنتو وين يسهمين
هل صوب الرضيع والحسين
مِن جانب المشرعه
اِبعين الگمَر .. أصرخ قهَر
الكل يحچي عن موقعه
ابرمية خطَر .. وين استقَر
سامِع حچي عنكم .. ابعيد البله
اجروح البدت منكم .. اِتهِز كربله
▪️▪️▪️▪️▪️
أنا السهم اللي ريت اَخطأ نياشينه
وَلا أجرح كفيل اِمگطّعه اِيدينه
شفِت نهر الوفه يجري وسط عينه
اْو شفِت داخلها راسِم صورة اسكينه
بِرموشه الأمان وطن چان
مِن صِبته اِنعميت بالاحزان
مو عينه متمزّگه
چنها السمه .. تمطر دمه
نور البصيره بُگه
اِتحَدّىٰ العمه .. ما أعظمه
اِمنازَف دمه اْو غيره .. عالعايله
اْو جرحه ترك حيره .. اِتهِز كربله
▪️▪️▪️▪️▪️
سهم ثاني اِنتفض واستيقَظ الليله
كِشَف عن موقعه يم خيمة العيله
على گبر الرضيع المدمع ايسيله
اْو مِن كثر الندم أمسه يلوليله
يبچي اويه الرباب بالِمصاب
يحچي اويه السهام خَجل ذاب
يَسهام اَنا اللي اِقترَف
الذنب الأشد .. شحچي بعد
دم البراءه نِزَف
راح الوَلَد .. خالي المهد
أتحسّر اْو دمّه .. فوگي اعتله
اْو حسرة گلب أمّه .. اِتهِز كربله
▪️▪️▪️▪️▪️
أنا السهم اللي مامِن عاقل ايعذره
اِتجَهت اعله الرضيع اْو ما إلي قُدره
إذا ريح اليهب مَيغيّر المسره
أغيّر نيّتي گلت اْو أحِب نحره
بچّيته اْو بچيت تأذّيت
أقصر منّي چان شنو اِجنيت
ماصَدِّگ اَذبح طفِل
هذا الجره .. من يغفره
اِبشرع الحرُب مو عدِل
العالم دره .. عن منحره
شرع الحرُب خنته .. ابهالمسأله
اِزغيّر لچن ونته .. اِتهِز كربله
▪️▪️▪️▪️▪️
انتفض ثالث سهم بين الترُب والدّم
صدِگ أكثر سهم مِن حگه يتندّم
مثل جُرمه حديد الدنيا ما أجرَم
سِوىٰ السيف اللي چان ابإيد اِبن مُلجَم
السهْم الليله گال بالاهوال
حالي يا سِهام أشد حال
احسين ابصحُف مَقتله
إسمي انكتب .. وَاصبَح سبب
راميني چف حرمله
گلبه انشعب .. شيبه انخضب
عن جُرمي أتحدّث .. وابچي إله
احروف اسم الِمثلّث .. اِتهِز كربله
▪️▪️▪️▪️▪️
أنا السهم اللي مَس امچان ما ينمَس
شِعاب اِثلاثه گلب احسين بيهن حَس
چنت كلما أمزْگ النابض الأقدس
الملايك بس يالِمثلّث تگلّي بس
أزعجت السكون أنا اشلون
گبل الرميَه ريت فِنه الكون
حين اخترَقت الگلُب
شفت السِّوَر .. كلها ابكِدَر
ابصدره اْو فِتَحت الدرُب
عُودي عُبَر .. حتّى الظهَر
اْو چم آيه تتوسّل .. بالزّلزله
ابموعدها تتعجّل .. اِتهِز كربله
▪️▪️▪️▪️▪️
تمت
علي السقاي
٢٦-٥-٢٠٢٥
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة قصة حزن 📝👆

✅ الزيارة بالإنابة في ليلة استبدال الراية

ضع اسمك هنا ..ونحن
نزور الامام الحسين(ع)نيابةً عنكم ليلة الاول من محرم
اضغط هنا 👇
https://hottg.com/imamhussainor_bot

شارك المنشور جزاكم الله

(﷽)
✨خدمة محبي باسم الكربلائي تقدم:
📜قصيدة: اوتار التكبير كطعوها
✒️للشاعر: السيد عبدالخالق المحنه
📀اصدار : محرم 1447 هـ
https://hottg.com/m7bebasim/58103

أوتار التكبير گطعوها
وعيون التوحيد صابوها
آه محتار والوادم غريبه
آه عطشان والماي إشيجيبه
▪️▪️▪️▪️▪️
يا صبح قبل الصبح
تنظر اِلأطول رمح
بإبتسامه
وجهك أو وجه الشمس
يا ضوه الما ينحبس
للقيامه
ماكو داعي تلتفت
واِنت من ظهرك شفت
كل علامه
منحني قرب الجُرف
شجره ضاربها العصف
ياما ياما
مو كل دمعه إتطيح محسوبه
بس الدمعه إعليك مهيوبه
آه شنگول للذبحوا حبيبه
أه عطشان والماي إشيجيبه
▪️▪️▪️▪️▪️
وكر إعليك العطش
وانت جفنك ما رمش
ظل يألمك
والتجئ ليك الضوه
والهوه إيريدك هوه
خل يشمك
إشفافك إيريدن برد
والنده عاف الورد
ماكو يمك
مبتسم بس إبزعل
مغضب وتنضح خجل
من يلمك
ليش إجفوف الخير مبتوره
ليش الگمره إتغيب منحوره
آه سلطان وخدودك تريبه
آه عطشان والماي إشيجيبه
▪️▪️▪️▪️▪️
طولك اِو طول الدهر
بنحنائك عالنهر
انحنالك
صدرك إيريده العدو
ظهرك إيدور أخو
مابگالك
سولف أوياك السهم
قصة الجف والعلم
من إجالك
طيحتك فزعة شهم
نومتك وگفة زلم
من مثالك
مو خلوك أوصال يَموافي
حتى الحافر صاح مو كافي
آه مسلوب وتحشمك سليبه
آه عطشان والماي إشيجيبه
▪️▪️▪️▪️▪️
واضح إبگلبك حچي
تارس إخيامك بچي
ما تبدت
شفتك إبآخر نبض
تضرب إيدك عالأرض
وستقرت
انت صليت الظهر
والعصر صلى العصر
دنيا سجدت
خيمة إختك أذنت
والطفوف إتيممت
ماتوضت
أدري إضلوعك ليش كسروها
بس إخيامك ليش حرگوها
آه حنيت واختك مو قريبه
آه عطشان والماي إشيجيبه
▪️▪️▪️▪️▪️
مطرت إسهام الحرب
وانت عينك عالدرب
عالشريعه
يابو فاضل مدلي چف
مدها لكن للأسف
چف گطيعه
أيست محد يرد
تهجم أوعينك تصد
عالوديعه
والسؤال الينسئل
يعني زينب تحتمل
هالفجيعه
يدري الناس تصيح طلعوها
هاي اخت العباس شوفوها
آه شمات وهوايه المصيبه
آه عطشان والماي إشيجيبه
▪️▪️▪️▪️▪️
أقسى أنواع القتل
قتلوا إبحضنك طفل
مارويته
دمك أو دمه إنمزج
للسمه السابع عرج
من رميته
إبيا لغه إدموعك حچت
من لوه الرگبه أوسكت
ودعيته
كتله ياماي إشبعد
حتى هذا بالمهد
ما حميته
حرگت وجه الماي حسراتك
خسفت صدر الگاع دمعاتك
آه رديت ماتسمع نحيبه
آه عطشان والماي إشيجيبه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة اوتار التكبير 📝👆

(﷽)
✨خدمة محبي باسم الكربلائي تقدم:
📜قصيدة: هل هلال حزنك
📌 : ليالي محرم الحرام
📅: ليلة 1 محرم 1447 هـ
🕌: حسينية عقيلة الطالبيين - الاهواز ايران
🎵 طور : #موال
https://hottg.com/m7bebasim/58126
هل هلال حزنك عالموالين
وانترست قطع سودة الحياطين
▪️▪️▪️▪️▪️
مو بصدرونه آثار الچفوف
شگ گلوبنه وتلگه النياشين
رفت راية أحزانك على الروس
لبسنه أسود أيام وسنين
▪️▪️▪️▪️▪️
وإذا عابس بحبك مات مجنون
مثله انموت وبحبك مجانين
الله أختارنه خدام يحسين
إلك ولخدمتك عدلين ميتين
▪️▪️▪️▪️▪️
واجينه انقيم حزن أيام عاشور
هذا العام بالشيعة الموالين
بحسينية الظلوا ليك خدام
عقيلة آل بيت الطالبيين
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

موال هل اهلال حزنك 📝👆

(﷽)
✨خدمة محبي باسم الكربلائي تقدم:
📜قصيدة: هم راح
✒️للشاعر: السيد رفعت الصافي
📌 : ليالي محرم الحرام
📅: ليلة 1 محرم 1447 هـ
🕌: حسينية عقيلة الطالبيين - الاهواز ايران
🎵 طور المستهل : #ارجع_وكتك_تأخر
https://hottg.com/m7bebasim/58127
هم راح يوصل ضعنهم
والناس تتبره منهم
هم راح توگع حرمهم
والنار تحرگ خيمهم
خيمهم .. خيمهم
▪️▪️▪️▪️▪️
محرم هم اجه وزينب شريط الهم تعيده
نفس كل مرة متعودة تظل بالطف وحيدة
زمان اغبر يخليها على الكافل بعيدة
عجب ما يمشي وياها الگبل تمشي بوريده
زينب تنعى بمغيبه
زينب جرح المصيبة
زينب صبرچ عجيبة
زينب تمشي غريبة
بعدهم .. بعدهم
▪️▪️▪️▪️▪️
على شاطي النهر باچر اخو ينادي على أخيه
يگله أدركني محتاجك بقيت ابلا اديه
ويرد وزينب اتگله گضت يابو رقية
عگب عباس ابو فاضل منو العينه عليه
باچر يفگد خليله
باچر تبچي العقيلة
باچر صدمة ثگيلة
باچر رحلة طويلة
حزنهم .. حزنهم
▪️▪️▪️▪️▪️
قريباً جداً نشاهد أبو يودع بناته
يحط إيده على ظهره ويسندنه خواته
أبو مبين عليه فاگد ولد ماكو ابحلاته
يحاول يكتم العبرة ويذكرونه الشماتة
وحده وما عنده ناصر
وحده ابين العساكر
وحده تسحگه الحوافر
وحده من الخيمة الـ آخر
طعنهم .. طعنهم
▪️▪️▪️▪️▪️
مثل كل عام أبو اليمه يشيلونه بحصيرة
ويصيح الجاني للحادي أخذ زينب أسيرة
وتفر والحادي يلحگها غريبة ابلا عشيرة
تره مو سهلة من تركض المرية الجبيرة
ساعة ينطگ متنها
وساعة اتدوس اعله ابنها
وساعة تموت ابحزنها
وساعة تخلي ابحظنها
جثثهم .. جثثهم
▪️▪️▪️▪️▪️
مثل ليل اهدعش ماكو ألم بالدنيه كلها
تخيل تنضرب طفلة لأن تبچي على أهلها
تخيل حرمة مجتوفة وجمر يحرگ رجلها
تخيل أم يگابلها شخص ذابج طفلها
واحد يأمر عليهم
واحد يتشفه بيهم
واحد يچتف إديهم
واحد يشتم نبيهم
وأهلهم .. وأهلهم
▪️▪️▪️▪️▪️
إذا واحد يگوللكم شنو معنى الخسارة
أرسموله مرة امشيبه تطب قصر الإمارة
وكت خله الـ بلا غيرة يسولف بإنتصاره
طلع صوته الگبل يركع إذا شاف الغيارى
دنيا الشارد يهاجم
دنيا اتغيب الهواشم
دنيا اتبچي الفواطم
دنيا ما يبقى سالم
شملهم .. شملهم
▪️▪️▪️▪️▪️
اليعذبني ويموتني ويخلي المشهد أقسى
غريب ويلطم الوحده الإمام المهدي هسه
خطيه الما يواسونه يظل يواسي نفسه
حزن مزمن حزن گلبه وعذابه ابلايه مرسى
عايش بالغربة وحده
عايش ويبچي على جده
عايش ومتاني وعده
عايش بچفوفه بعده
علمهم .. علمهم
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة هم راح 📝👆

(﷽)
✨خدمة محبي باسم الكربلائي تقدم:
📜قصيدة: تصيح الدموع الهاملة
✒️للشاعر: حسين مردان البديري
📌 : ليالي محرم الحرام
📅: ليلة 1 محرم 1447 هـ
🕌: حسينية عقيلة الطالبيين - الاهواز ايران
https://hottg.com/m7bebasim/58128
اتصيح الدِمُوع الهامِلَه .. يا أبا عبدالله
هَبْ الحِزِن من كربلَه .. يا أبا عبدالله
▪️▪️▪️▪️▪️
موعِد الليله جِمَعنه اويه المَدامِع
شهَر زينَب والحزِن بهمومه راجِع
اتجَهَّزِت واتجَهِّزَت بيّه المواجِع
ودَمعه دَمعه رِجعت ابّالي المصارِع
وادمُوعي صاحَت يا هله .. يا أبا عبدالله
هَبْ الحِزِن من كربلَه .. يا أبا عبدالله
▪️▪️▪️▪️▪️
اطْلَعِت من بيتي وچنِت عالدَّمعه حاسِم
اتْوَجَّهِت بدمُوع عيني اعلَه المآتِم
واحمَدِت ربّي لأن سوّاني خادِم
شهَر مذبوحي وحبيبي الليلَه قادِم
بِدمُوعي أدرِي مَنزِلَه .. يا أبا عبدالله
هَبْ الحِزِن من كربلَه .. يا أبا عبدالله
▪️▪️▪️▪️▪️
وادخَلِت للمَجلِس وهمّي نِسيتَه
وبالي بس يم سَيِّدي وبس يم قضيته
گلبي هذا المجلِس ايحِسْ چنّه بيته
ذِكرو احسِين ودمِع عيني بچيته
فوگ التُراب اتخيَّله .. يا أبا عبدالله
هَبْ الحِزِن من كربلَه .. يا أبا عبدالله
▪️▪️▪️▪️▪️
( يا علي ) صِحْتِ اوْ رُفَعْت ايدِي ابعزائه
استَذكَرِت غَربَة إماميْ وكربلائه
هذا مولاي الترَس عُمري ابعطائه
ما أوفّي لو خلص عُمري ابرِثائه
وابحِزنه منهو ايماثِلَه .. يا أبا عبدالله
هَبْ الحِزِن من كربلَه .. يا أبا عبدالله
▪️▪️▪️▪️▪️
ألطُم ابْصدرِي واگول ( الحمدُ لله )
هَلْ مُحرَّم وآني دمعِيْ يِـهِلْ ويّاه
ألطُم وأحچي ابعِبارَه ابحِرگة الآه
( عهَد يلزَهره حُسَيْنِچ لا مَنِنساه )
كِل الحِزِن والوَن إلَه .. يا أبا عبدالله
هَبْ الحِزِن من كربلَه .. يا أبا عبدالله
▪️▪️▪️▪️▪️
عيني أجْرَت دمعَه حمرة مِن جِفِنها
گِلِت يلزَهره اوْ إجَه ابّالي حِزِنها
اشْلُون حال اُم الحَسَن بِمصاب اِبِنها
يا تُرىٰ ابْهاي الليالي اشلُونه وَنها
تِذكُر جِسُوم امْرمِّلَه .. يا أبا عبدالله
هَبْ الحِزِن من كربلَه .. يا أبا عبدالله
▪️▪️▪️▪️▪️
السَّلام اعله الّذِي اعله الغَبرَه جِسْمَه
وكحّل اعيُون السِّمَه من فِيَض دَمّه
والسَّلام اعله الّي بالدَّمعه تِكَلْمَه
امْترّب اعله الغبره نايم ليش ( يُمّه )
الزَّهره دَمِعها ايغسِّلَه .. يا أبا عبدالله
هَبْ الحِزِن من كربلَه .. يا أبا عبدالله
▪️▪️▪️▪️▪️
ابوذيات : بياداه ، مع الماي ، والمساني

حسين الوصه كل الناس بياداه
عليه گطعت اجيوش الشام بيداه
قميصه الليلة جبرائيل بيده
ينشره وتبتدي أحزان الزچية
▪️▪️▪️▪️▪️
يظل عاشور لأجزاني مع الماي
ولا ينعد ألم غيري مع ألمي
من اشرب ماي احس جمرة مع الماي
غصة وحاطها العباس بيه
▪️▪️▪️▪️▪️
يهب عاشر محرم والماسني
الحزن والدم والهم والمساني
الصبح يصبح عليه والمسه آني
أون وسهام صدر حسين بيه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*

قصيدة اتصيح الدموع الهامله 📝👆

🏴 مجلس الملا باسم الكربلائي
ليلة 2 محرم 1447 هـ
ليالي استشهاد الأمام الحسين (ع)
-حسينية عقيلة الطالبيين | إيران - الأهواز

لتحميل المجلس بصيغة mp3👇
https://hottg.com/m7bebasim/58147
https://hottg.com/m7bebasim/58147
نرجو المشاركة ولكم الأجر