(﷽)
✨خدمة محبي باسم الكربلائي تقدم:
📜قصيدة: يصعب علينا غيابه
✒️للشاعر : السيد سعد الذبحاوي
📌 : استشهاد الامام الصادق (ع)
🕌: حسينية الرسول الاعظم الكربلائية الكويت
📅: ليلة 25 شوال 1420 هـ
يصعب علينه اغيابه
نجري الدمع لمصابه
▪️▪️▪️▪️▪️
جن وإنس بمصيبتك مفجوعه
چفن العقيدة الدم تسيل ادموعه
اعله الصادق الدين انرجن وافروعه
وبفگده ظلينه نعيش بلوعة
بجمرة حزن لهابه
نجري الدمع لمصابه
▪️▪️▪️▪️▪️
الليلة الامام الصادق بيا حالة
خلي لمصابه دمعتك هماله
هالليلة بالسم انمرد دلاله
وملتمة الليلة كل عياله
دموع الحزن سچابه
نجري الدمع لمصابه
▪️▪️▪️▪️▪️
صادق العترة يلوج من اسمومه
وبعيون اشباح الأجل مرسومة
صابر على حكم القدر واهمومه
يوم وعلى الإسلام يصعب يومه
ضيعوا كل أتعابه
نجري الدمع لمصابه
▪️▪️▪️▪️▪️
سفك الدمه أصبح شعار ابكل دور
زمرة بني العباس حكمت بالجور
لا دين عدها ولا قيم لا دستور
سمت الصادق تالي بإيد المنصور
والعلم غرگت بابه
نجري الدمع لمصابه
▪️▪️▪️▪️▪️
ووليده حاضر بالمصيبة يمه
من بعدي گله تقود هاي الأمة
والكاظم ابدمعاته غسل جسمه
وشيعه ابصبره وگام يشرح همه
وابگلبه ظل اصوابه
نجري الدمع لمصابه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*
>>Click here to continue<<