(﷽)
✨خدمة محبي باسم الكربلائي تقدم:
📜قصيدة: ما نتعذر عن دينك يا مذهب جعفر
✒️للشاعر: ناظم الحاشي
📌 : استشهاد الامام الصادق (ع)
ما نتعذر .. ما نتعذر
عن دينك يا مذهب جعفر
▪️▪️▪️▪️▪️
لو نعرف كل احنه نموت
لو كل سبعين إبتابوت
لو تتهدم بينه بيوت
واللهِ الحب ما يتغير
▪️▪️▪️▪️▪️
بآدابه الصادق أدبنه
مصدر كل مذهب مذهبنه
خل يسمعنه إلما سامعنه
نرفض كلمن يرفض حيدر
▪️▪️▪️▪️▪️
حقد الناصب ما يعنينه
نتحده الموت يخلينه
لو فجر بأجساد البينه
حبنه إلحيدر ما يتفجر
▪️▪️▪️▪️▪️
منعوف الصادق و اتباعه
من هاليوم إليوم الساعه
ونقدم للمهدي الطاعه
وبجيشه نقاتل من يظهر
▪️▪️▪️▪️▪️
أهل البيت الكل سمعتهم
هم الگالوا عن شيعتهم
صاروا من فاضل طينتهم
جوهر و اتحول من جوهر
▪️▪️▪️▪️▪️
شيعة وشافوها وعرفوها
ما نتنازل لو ذبحوها
وگبور اليمه الهدموها
باجر نبنيها وتتعمر
▪️▪️▪️▪️▪️
إلما وقع جعفر جنسيته
نار الجبار إمتانيته
والناصب يعرف تاليته
ويه ابليس ابيوم المحشر
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠*
>>Click here to continue<<