(﷽)
✨خدمة محبي باسم الكربلائي تقدم:
📜قصيدة: اخذني للبقيع
✒️للشاعر: السيد عبد الخالق المحنه
🕌المكان: حسينية أمير المؤمنين ع - طهران
🔖المناسبة: ذكرى هدم قبور أئمة البقيع عليهم السلام
https://hottg.com/m7bebasim/57880
إخذني للبقيع أنحب عله إترابه
إشلون ينام ليله الفارگ أحبابه
▪️▪️▪️▪️
اخذني للبقيع الروح مهضومه
إلي أربع قبور هناك مهدومه
مته يرتاح گلبي وتنجل إهمومه
مته بحر المصايب ينغلق بابه
▪️▪️▪️▪️
فلا يكفي إذا أبجي المدامع دم
گبر جعفر الصادق ليش يتهدم
يهدمون الصفا والمروه وي زمزم
حقد هاي النواصب نعرف أسبابه
▪️▪️▪️▪️
ينكرون الذي أسس مدارسهم
نكروا مذهبه وعبدوا مذاهبهم
عجب أهل العلم نكروا معلمهم
واللي يترك أصله نعرف إجوابه
▪️▪️▪️▪️
عجيبه تقبل المنصور هالأمة
تعوف أهل العلم والنور والحكمة
الدين إنباع من إنباعت الذمة
والبايع ضميره يحرم إعتابه
▪️▪️▪️▪️
وصية المصطفى بأولاده نكروها
حقد و قبور أهل البيت هدموها
حتة إمن الزيارة الشيعة حرموها
اليمشي للبقيع إيشاهد إمصابه
▪️▪️▪️▪️
نصيح الغوث أدركنه يمهديها
تعال گبور أهلك إنت تبنيها
تگص جفه الذي يتجاوز إعليها
متى العايل عليكم يبدأ إحسابه
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻Facebook
https://facebook.com/m7bebasim
📷Instagram
https://instagram.com/m7bebasem
💠telegram
https://hottg.com/m7bebasim
📝 Tel : للقصائد المكتوبة
https://hottg.com/bassempoems
📲Whatsapp
+96170873295🇱🇧
+989371659815🇮🇷
*💠خدمة محبي باسم الكربلائي💠
>>Click here to continue<<