‏كثر ما أجهل مصيري في عيونك والزمن سرّاق
‏يطمّني على الحب .. إنك أكثر من عرفني زين

‏مدري وش الحاجة اللي ضيّقت صدري
‏طغت على الإبتسامة واغرت الدمعة

‏تصدّق إني من الضيقة ما عاد أدري
‏هي ليلة السبت والاّ ليلة الجمعة ؟

يا شوق انا عنك ظروفي حدتني

لا تورّطني وانا فيك متورّط
‏يا نظر عين القصيد ونظر عيني

‏الغلا في ثومة القلب لا قرط
‏مستحيل تفکه إيديك وايديني

‏ودي افرّط بعمري ولا افرّط
‏فيك وأنت أن طعتني لا تخليني

‏بقبل اشروطك و لانيب متشرّط
‏من غرامك عطني اللي بتعطيني

مرتاح
لا خايف أحدٍ يروح … ولا منادي اللي راح

أنت وينك ؟ يا وجع هذا السؤال
ضاق صدرٍ كان بالدنيا وسيع

الحزن ما كان من وحي الخيال
وصوت راشد بالحزن جداً بديع

انكسر واشتاق لا غنّا وقال
حبنا يا نور عيني لا يضيع

‏يا كثر صوّرك — اللي ما نساها بالي النسّاي
‏لو ان عمري معك مرت سنينه مثل أسابيعه

‏شلون انا بنساك ، واستقبل الغير
‏ووسوم حبك واضحه وسط وجهي

‏لا تقول خيره .. والقدر لازم يصير
‏الخيره الي عقب فرقاك .. وشهي ؟

بحر الهوى جدًا عميق .. لأحد يغوص إلا الشُجاع

مرواح الذهيب اللي تقفاه عج و ليل
محد جاب له طاري ولا قص له جرّه

يا وجه رفعته بين نجم الجدي و سهيل
ولو كان عند الناس ما يازن الذره

و أنا عارف اللي عاش بالنصب و التضليل
مابه واحد سرّه ولا واحد ضرّه

أخترت الجناب اللي ما يكبر مع التطبيل
عن العشره اللي طعمها دايم مرّه
- سلطان حمود

مبارك عليكم الشهر
وكل عام وأنتم بخير 🤍

إيه والروح مثل الجلد تبرا وتدمى
‏والمشاريه مردوفه ورا كل هامه

‏عن هزيل الكلام أشوم والنفس تسمى
‏عن مقامٍ يعرّضني لسان الملامه

‏والله إن السراب ألذ من شربة الما
‏لا حداني عن العد القراح الكرامه

‏﴿ اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّا ﴾

باقي على عيــــد الفطر عدة ايام
‏ياللي غرامك داخل القلب بارك

‏كل عام وانـــت بخير ياخير كل عام
‏ياعيد قلبي جعل عيــدك مبارك

‏مري على القاع القفر
‏خليّ هماليله تجود

‏وغطي نحرك عن المطر
‏لاتنبت اطرافه ورود