Президент раислигида маҳаллий саноат тармоғидаги ички имкониятларни сафарбар этиш орқали аҳолини ишли ва даромадли қилиш масалалари юзасидан видеоселектор йиғилиши бошланди.

Ҳозирда амалга оширилаётган йирик инвестиция лойиҳалари билан бирга тез фурсатда маҳаллада юзлаб иш ўрни ва экспортбоп маҳсулот яратадиган, юқори даромад келтирадиган кичик ва ўрта корхоналар кераклиги таъкидланди.

Йиғилишда айрим вазир ва ҳокимлар бу соҳа тадбиркорларини эшитмаётгани, тайёр имкониятлардан тўғри фойдалана олмаётгани кўрсатиб ўтилди.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

Хотин-қизларни раҳбарликка тайёрлаш бўйича ўқув дастури

Малакали бошқарув кадрларни тайёрлаш тизимини ривожлантириш, хусусан хотин-қизларнинг ижтимоий, сиёсий фаоллигини ошириш, давлат бошқарувида муҳим қарор қабул қилиш жараёнидаги иштирокини янада кенгайтириш, салоҳиятли раҳбар аёллар корпуси учун номзодларни мақсадли тайёрлаш муҳим.

Шу мақсадда, Президент ҳузуридаги Давлат хизматини ривожлантириш агентлиги, Давлат бошқаруви академияси, Оила ва хотин-қизлар қўмитаси ҳамкорлигида “Раҳбар аёллар мактаби” ўқув дастури асосида хотин-қизлар учун малака ошириш ўқувлари ташкил этилди.

Дастурдан бошқарувда стратегик қарор қабул қилиш, рақамли трансформация, замонавий менежмент, дипломатик протокол ва этикет, раҳбар аёлнинг маънавий ахлоқи ва имиджига оид назарий ҳамда амалий машғулотлар ўрин олган.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

#Филиаллар_фаолияти

Давлат хизмати самарадорлиги — давлат хизматчиларининг касбий тайёргарлиги, билим ва кўникмасига боғлиқ

Президент ҳузуридаги Давлат хизматини ривожлантириш агентлиги, Агентликнинг Бухоро вилояти филиали ва Бухоро вилояти ҳокимлиги ҳамкорлигида туман (шаҳар) ҳокимликлари таркибий бўлинмаларидаги давлат фуқаролик хизматчилари учун соҳавий махсус малака ошириш курси бўлиб ўтмоқда.

▫️Мақсад — тингловчилар самарали фаолият юритиши учун зарур бўлган сиёсий-ҳуқуқий, касбий билимларини ошириш, кенг жамоатчилик ва аҳоли билан самарали мулоқот қила олиш кўникмаларини ривожлантиришдан иборат.

Ўқув курсларига туман (шаҳар) ҳокимларининг молия-иқтисодиёт ва камбағалликни қисқартириш ҳамда инвестициялар ва ташқи савдо масалалари бўйича, ёшлар сиёсати, ижтимоий ривожлантириш ва маънавий-маърифий ишлар бўйича, қурилиш, коммуникациялар, коммунал хўжалик, экология ва кўкаламзорлаштириш масалалари бўйича, оила ва хотин-қизлар масалалари бўйича ҳамда қишлоқ ва сув ҳўжалиги масалалари бўйича ўринбосарларига бириктирилган жами 60 нафар мутахассислар жалб этилган.

Малака ошириш курсининг биринчи кунида профессор-ўқитувчилар ҳамда соҳа экспертлари томонидан аудиторияда дарс машғулотлари, иккинчи куни алоҳида режа дастур асосида бевосита тренинг ва амалий машғулотлар шаклида ўтказилади.

Расмий саҳифаларимиз
Veb-sayt|Telegram|Facebook|Instagram|You Tube|X|Murojaat

#Халқаро_ҳамкорлик

Хитойнинг давлат хизматига доир тажрибаси ўрганилмоқда

Ўзбекистон Республикаси Президенти Администрацияси, Давлат хизматини ривожлантириш агентлиги масъул ходимларидан иборат бир гуруҳ давлат хизматчилари Хитойда хизмат сафарида.

Делегация аъзолари Хитой Ҳалқ Республикасининг Ўзбекистондаги элчихонаси ҳамкорлигида Наньчан шаҳрида ташкил этилган семинарда иштирок этмоқда. Семинар иштирокчиларига Цзянси хорижий тиллар ва ташқи савдо коллежи мезбонлик қилмоқда.

Дастур доирасида иштирокчилар Хитойнинг давлат хизмати соҳасидаги ислоҳотлар, рақамлаштириш, раҳбар кадрларни тайёрлаш ва етакчилик кўникмаларини ривожлантириш бўйича Хитой тажрибасини ўрганиши, маҳаллий даражада давлат хизматини ташкил этиш амалиёти билан танишиш мақсадида Сиань шаҳрига ташриф буюриши режалаштирилган.

Маълумот учун, семинар 15 майга қадар давом этади.
 
Каналга уланиш — hottg.com/argos_uz