TG Telegram Group & Channel
Channel: 🍎 蘋果園 🍎
Back to Bottom
🍎 蘋果園開始試業啦! 🍎

服務範圍
為貧困學生提供以下服務:
1. 電腦義診及打掃服務
2. 轉贈 Apple 裝置及配件
3. 轉介 Apple 裝置維修

收集物資 - (好壞都收)
1. iPhone (SE 或以上)
2. iPad (第五代以上)
3. Apple Watch (第二代以上)
4. EarPod (3.5mm 或 Lightning 頭)
5. AirPod 2
6. 配件 (充電線、火牛、外置充電器)
7. USB 3.0 或以上快閃記憶體 (手指)

備註:我哋收零件機/壞機,原因係有經銷商拒絕向維修人員賣出零件,而我哋亦唔希望向大陸零件商購入,所以希望收集壞機,作循環再造之用。

調理農務人士
如果家長仔女有任何查詢,
歡迎向 @appleland_akitsuki 發問~
🍎 蘋果園試業資訊 (1) 🍎

== 數據統計 ==
家長送機申請:
0 宗已完成收機程序
5 宗已確認申請,等待收機
3 宗未完成或已潛水申請
1 宗考慮申請中

小朋友放機申請:
0 宗已完成放機程序(原因:未有庫存)
3 宗已確認申請,等待放機
0 宗「特殊個案」(見註一)

小朋友維修申請:
0 宗已完成維修程序(原因:未有資金)
5 宗已確認申請,等待維修轉介
1 宗取消申請
0 宗「特殊個案」(見註一)

合共:0 個已完成申請;13 個未完成申請;0 個特殊個案

== 流程簡介 ==
我地流程大概分爲三部分:
1)瞭解對方需要(家長送機、小朋友申請、維修申請、特殊要求)
2)確認申請(申請類型、種類、數量、要求等等)
3)於交收前三天起確認同學身份(見註二、三)

任何於流程中交出已遮蔽嘅個人資料,同學仔都會被提醒必須設定爲限時圖片;
而家長送機過程,如果對裝置有任何保留,例如覺得壞機有私人資料唔想外流,都可以隨時撤回申請。

== 備註sssssss ==
註一:「特殊個案」爲受助人有特殊資格,則個案會優先處理。特殊個案需要有附帶證明,例如 SEN 同學可以選擇提交已經遮蔽個人資料嘅「傷殘人士登記證(正、背面)」(必須遮蔽除「有效期至」以外所有欄位),登記證後方則不可遮蔽任何地方;又例如有註冊社工或神職人員推薦;或者同學仔有合理理由。 註二:同學仔如果申請放機或者維修,咁就需要提交已經遮蔽個人資料嘅學生證明;並且需要簡述清貧原因,講下自己窮嘅原因
註三:如果同學仔有通過清貧同學生認證,則蘋果園會支付一切維修費用;如果同學仔只能夠通過學生認證,則需要自行支付黃店維修價格,如果需要到 Apple Store 維修,則蘋果園會支付維修費用的一半。
🍎 蘋果園試業資訊 (續) 🍎

== 園丁試業反映 ==
經過幾日試業以黎,收到好多唔同聲音,例如:

Q:點解要收 Apple Watch、iPad、AirPod?
A:收集物資範圍,係由過往我地曾經接觸過嘅同學,佢哋所使用嘅蘋果裝置得出;
事前我地並無考慮同學們會用咩裝備,的確係有不足,所以未來我地會收窄物資收集清單。

Q:點解淨係收特定新機種?
A:所有收返黎嘅裝置,我地都必須要確保能升級到 iOS 13 或 watchOS 6 以上,以避免出現安全問題。
A:iOS 13 裝置列表 >> https://www.apple.com/ios/ios-13/
A:watchOS 6 裝置列表 >> https://www.apple.com/watchos/watchos-6/

Q:你地會唔會資訊透明?啲機俾左你可唔可以知道去左邊?
A:我地所有申請,不論家長定同學仔,都會有申請編號,只要申請人向當值 admin 提出,就可以知道部機咩情況;
A:由於試業期間,未有固定班底同人手處理申請,所以只能夠不定時提供數據統計;
A:於試業過後,我地希望能夠有每星期服務承諾,每個週末都公佈數據。

Q:Apple 好似電池容量低過 80% 就會倒水,用唔到,你地點處理?
A:所有收返黎嘅裝置,我地都會用檢測工具(例如 coconutBattery) 查詢電池可用容量;
A:如果低於 80% 都會一律更換,確保同學們收到裝置時,電池係 95% 以上。

Q:你地會點樣交收?
A:我地有速遞員到各區交收,服務時間通常由中午到夜晚
A:如果家長同學有特別要求,我地都會儘量配合
A:某 admin 表示有同學要求順豐,我地重申,我地係唔會用順豐。(紅到黑你都用?無野啊?)
⚠️緊急通知⚠️

由於電話庫存嚴重不足,以及有特殊情況出現,本頻道會維持最低限度服務

所有申請嘅處理及輪候時間將延長至一星期不等,敬請見諒。
🥺 捐贈呼籲 🥺

由於電話庫存即將見底,園丁在此呼籲家長們慷慨解囊~

所需機種: iPhone 5s 或以上

✴️備註:好壞都收,唯園丁會優先處理運作正常嘅裝置 ✴️

捐贈或查詢可以搵 @appleland_akitsuki
🍎 蘋果園特別公告 🍎

== 特別公告 ==
由於特殊情況依然持續,
我地將會暫停服務至 2019 年 12 月 31 日嘅深夜時分;

屆時我地會交代蘋果園試業報告,以及後續方案。
敬請留意我地 channel @appleland_HK 啦~

💡 特別備註 💡
由於家長、同學、MO/SW或神職人員等會因應特殊情況而不被記錄受助個案,
因此統計數據將會與實際數字有差別,多謝你嘅體諒。
🍎 蘋果園試業資訊 (2) 🍎

== 數據統計 ==
家長送機申請:
1 宗已完成收機程序
0 宗已確認申請,等待收機
18 宗未完成或已潛水申請
2 宗考慮申請中

同學放機申請:
0 宗已完成放機程序
20 宗已確認申請,等待放機
8 宗「特殊個案」(見註一)

同學維修申請:
0 宗已完成維修程序
16 宗已確認申請,等待維修轉介
4 宗取消申請
2 宗「特殊個案」(見註一)

合共:3 宗已完成申請;21 宗未完成申請;11 宗特殊個案
合共收到捐贈:3 部正常 iDevices、0 部壞嘅零件機、4 件充電配備、2 份電話配件

== 備註sssssss ==
註一:「特殊個案」爲受助人有特殊資格,則個案會優先處理。特殊個案需要有附帶證明,例如 SEN 同學可以選擇提交已經遮蔽個人資料嘅「傷殘人士登記證(正、背面)」(必須遮蔽除「有效期至」以外所有欄位),登記證後方則不可遮蔽任何地方;又例如有SW、MO、神職人員推薦;或者同學仔有合理理由。
🍎 蘋果園特別公告 🍎

== 特別公告 ==
首先,要感謝各位家長以及手足嘅信任;
如果冇你哋嘅支持,蘋果園都唔會走到今日。

遺憾地,我哋 admin 發現有 channel 暗中抹黑本果園,令到大部分家長取消捐贈;我哋一眾 admin 實在愧對同學們,由11月拖到最後都未能安排新機/放機/維修。

至此,我哋正式宣布要取消及停止接收所有放機申請,本果園會於完成最後維修申請後,結束收放機及維修服務。

最後,不幸中之大幸係,有一位忠實嘅友台 admin 肯義務幫助,承諾每月小額捐款 $1000 以補貼本果園維修費用。本果園謹此承諾,定必會幫助正在等候維修嘅同學們。

過去一年,能夠同大家走到最後,實屬榮幸。
新一年雖然未能同行到尾,但希望大家毋忘初衷,五大訴求、缺一不可!


💡 特別備註 💡
由於家長、同學、社工或神職人員有特殊情況而不會被記錄受助個案,
因此統計數據將會與實際數字有差別,多謝你嘅體諒。
2020/04/06 03:02:15

Back to Top