فزاعية للأمام علي عليه السلام (( يفتر عليك شماله ))


والبين صبح ياعلي
يفتر عليك شماله


خليني اسمع صوتك
گبل المنيه وموتك
شو حضروا تابوتك
وادموعهم هماله


تهمل الليله ادموعهم
ولدك نحيله اضلوعهم
الفرگه موش بطوعهم
يالفرگتك چتاله


يافرگتك ماتنحمل
ردناك خيمه للشمل
اسمع عتبنه ولاتمل
ترجع بعد يو لاله


ترجع بعد لحبابك
لو يبطي هاذه اغيابك
كلنه نصيح ابابك
اشلون الصميده احواله


ماكو خبر يملي الگلب
گالو علي وضعه صعب
ماينگطع دمه يصب
ويوادعونه اعياله


التمو ايودعونه
باچر علي يضيعونه
العيد اجه ويردونه
حمل الماكو امثاله


ماكو المثل مولانه
خالي وحزين امچانه
صبح وحش ديوانه
بنوره گبل يتلاله



لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://hottg.com/amhejran12345

نوحية للأمام علي عليه السلام ( وين اتريد )


وين اتريد ياحامي الحميه
اتصيح ام البنين بهالمسيه


لاتمشي بعجاله وريض النه
المن ضالين اوياك اخذنه
ياعزنه وضمدنه وتالي اهلنه
وسور بيوتنه المادام فيه
اتصيح ام البنين بهالمسيه


سور بيوتنه المادام ضله
يومك مانريده ولانقبله
بنص اگلوبنه چويات خله
ونار امصيبتك ضلت سريه
اتصيح ام البنين بهالمسيه


نار امصيبتك ماطفت تسعر
وراسك بالسجود اشلون ينطر
من سابع سمه  جبريل كبر
حيدركم وگع ياجعفريه
اتصيح ام البنين بهالمسيه


من سابع السمه الناعي ينادي
حيدر بالفرض صابه المرادي
الله ايعين ابن عمك الهادي
والله ايساعد الزهره الزچيه
اتصيح ام البنين بهالمسيه


الله ايعين ابن عمك وبته
صاحو ليش ياظالم طبرته
اليوم الدين بچفوفك هدمته
وطشر هامته اصواب المنيه
اتصيح ام البنين بهالمسيه


سيفك صوب الكرار والدين
اجه من الدار حافي ويركض حسين
بويه ايصيح يابويه طحت وين
اجروحك والألم ذبهن عليه
اتصيح ام البنين بهالمسيه



جروحك والألم بيه عساهن
يازينب واختهه الضيم اجاهن
ياريتك عدل بويه وتراهن
اخلافك ينسبن بالغاضريه
اتصيح ام البنين بهالمسيه



لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://hottg.com/amhejran12345

فزاعية للأمام علي عليه السلام ( اخر وداع )


اخر وداع اتوادعو
زينب وابوها الليله


اخر وداع اوداعهم
زادن الليله اوجاعهم
ذوله المحنه اطباعهم
يبچيلهه وتبچيله


تبچيله ويبچيلهه
وعن كربله يحچيلهه
زينب تهدم حيلهه
وحيدر تهدم حيله


ياحيلهه وحيله انهدم
والليله چنه ماسلم
مصيوب صگار الزلم
واصوابه شسويله


شسوي لصوابه خطر
بس الله ينطيهه الصبر
لو شال عنهه للگبر
لاترحل تناديله


طلعت وراه تنادي
المن رحت للوادي
ماريض الهه الحادي
ماخذ چبير العيله


ماخذ الهيبه ومارجع
زينب گلبهه ينوجع
تشوف بيته وتنفجع
ويامن توصيله


اتوصي الوليهه ويامن
وعيونهه ولانامن
لشوفت ارسومه احتامن
عدهه هضم تشكيله



لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://hottg.com/amhejran12345

ام جعفر:
ام جعفر:
قصيده حول الامام علي



اليله كلش  تختلف عن ليالي

ليله زينب فاكده ومضيعه غالي

شايل من الدار ابوها.   والعقيله يصبروها

اه يزينب اه يزينب



ليله مفكود الابو وشمعة نزلها
وزينب بيا حال والدمعه تهلها
بت علي بس نوح هليله وحزنها
لايگ عله الشال ومضيعه اليودها

اه يزينب.  اه يزينب



اليله ما عدها خلك زينب حزينه
والكلب عكب الابو زايد ونينه
شايل من الدار يا وسفه ولينه
اتكول عكب الغربو لايك بچینه


اه يزينب. اه يزينب. اه يزينب اه يزينب



حيل مختنكه العقيله ورايحه
وبنزلها اليله نصبو فاتحه
جان ابوي وياي هاي البارحه
وهسه صار بيتنه بس نايحه


اه يزينب. اه يزينب



نايحه ابدار الابو واسمع ونين
وتبچي اخوتي وانه اكول الله المعين
فاكدين وشايل الهيبه وحنين
والنعش غرب بأمير المؤمنين

اه يزينب. اه يزينب



اليله مخنوگه احس بالدنيا حيل
ولابو شال الابو وصار الرحيل
ابچي والدمعه بطرف عيني تسيل
والفكدته جان عايش بالدليل

اه يزينب. اه يزينب اه يزينب



لخادمة الزهراء العلويه ام جعفر غير مبري الذمه من يحذف الاسم وياخذ الكلام وينسبه له ج




https://hottg.com/am_jafar

لطمية للأمام علي عليه السلام (( خلاني غريبه ))


غريبه البين خلاني غريبه
كل يوم ويوگعني بمصيبه
اخذ مني الزچيه ... وحماي الحميه
وضلت دمعة عيوني سچيبه
غريبه البين خلاني غريبه


كل يوم وغدرني البين غدار
شفت ضلع ام حسن صوبه البسمار
وعالهامه انطبر والدي الكرار
ضلت خاليه وتنعاهم الدار
عافوني يتيمه ... واسحل بالهضيمه
خلص وكت المحنه اشلون اجيبه
غريبه البين خلاني غريبه


خلص وكت المحنه وراح كلشي
كون يصح بديه اوياهم امشي
يگلي البين بالهضمات بلشي
ومن نوحي عليهم طاح رمشي
مافليت نوحي ... ذوله اعزاز روحي
چنت بجالهم ياناس هيبه
غريبه البين خلاني غريبه


چنت بجالهم هيبه واميره
للهم والحزن خلوني اسيره
حگي من اون واحتار حيره
صدگ ثاري الدهر ماعنده غيره
فرهد مني الاحباب ... ثاري البين سلاب
جمر افراگهم يسعر لهيبه
غريبه البين خلاني غريبه


نار افراگهم ماطفت تسعر
بعد شيريد مني البين يفتر
شحمل يامصيبه الله واكبر
عيني مساهره وحالي تغير
افز بليل مانام ... گلبي يصيح محتام
اگولن وينهم طالت الغيبه
غريبه البين خلاني غريبه


اگولن وينهم محد رجعلي
نامو عالرمل بالمگبره اهلي
چا ياهو اليعدله ومال حملي
لاتبچين شو محد يگلي
محد گال اسكتي ... من هلت دمعتي
وين الطاهره وليث الكتيبه
غريبه البين خلاني غريبه


من ديوان مسلوب العمامه جزء العاشر
لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://hottg.com/amhejran12345

لطمية للأمام علي عليه السلام (( جاس اگلوبنه البين ))


اليوم اليوم ... جاس اگلوبنه البين
عاف الدار ظلمه وشال ابو حسين


شال وعاف داره اليوم ظلمه
مصيبه امصيبته وفرگاه هضمه
ابو الحملات لاح السيف عضمه
وراس المرتضى مطبور نصين
اليوم اليوم ... جاس اگلوبنه البين


راس المرتضى نصين مطبور
مافاده الدوه وايس الدكتور
اشلون ايبات جوه اتراب الگبور
نوم المگبره اعله الجرح موزين
اليوم اليوم ... جاس اگلوبنه البين


اتراب المگبره يلچم طبرته
الله يعينهه شتگول بته
ماتحمل غيابه ولاوحشته
عدهه اعمامته وعدهه القرائين
اليوم اليوم ... جاس اگلوبنه البين


بس اعمامته والكتب عدهه
راحت شوفته الحلوه شيردهه
داره امهدمه ودفنو عمدهه
حزنانه الجوامع والدواوين
اليوم اليوم ... جاس اگلوبنه البين


حزنانه الجوامع واغبر الكون
ابو الحملات فارگ شيعته شلون
ضلت ساهره ومانامت ام عون
دم ودموع تبچي وتهمل العين
اليوم اليوم ... جاس اگلوبنه البين


عله الطيبين تهمل عينهه ادموم
كل يوم وسطرها البين كل يوم
ضلع امهه انكسر والمتن مهشوم
زاد اصوابهه وصارن اصوابين
اليوم اليوم ... جاس اگلوبنه البين


زاد اصوابهه لچمات واصواب
ومضيعه الزچيه وداحي الباب
مارجعو عليهه يطول الغياب
عنهه اثنينهم كلش بعيدين
اليوم اليوم ... جاس اگلوبنه البين


لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://hottg.com/amhejran12345

موشح للأمام علي عليه السلام ( گوم صلي )

گوم صلي ... وعوف هاي النومه
اتصيح بويه وتلطم المهضومه


هاك بويه ميزرك واعمامتك
حلوه بالمحراب تعجب وگفتك
خل اتچيلك واشدن هامتك
دولبتني هامتك مهشومه
گوم صلي ... وعوف هاي النومه


هامتك بالسيف بويه امهشمه
من امس لليوم تتناگط دمه
اسمع اونين ومناحه بالسمه
ومنبرك مهضوم ياجيدومه
گوم صلي ... وعوف هاي النومه


منبرك مهضوم ياحامي الدخيل
لاتفك عينك ولاتگدر تميل
ينهدم حيلي امن اشوفنك عليل
روحي مثلك گاضيه ومالومه
گوم صلي ... وعوف هاي النومه


روحي مالومه وگضت وي روحك
جرحي ينزف من اشوف جروحك
سيف ابن ملجم ندامه ايلوحك
وانته محد گابلك بالحومه
گوم صلي ... وعوف هاي النومه


محد ايلاويك لو صارت حرب
ياشجاع وياغيور وياصعب
تالي ماتالي بصلاتك تنضرب
ضربت اليكره صدگ ميشومه
گوم صلي ... وعوف هاي النومه


طاحت الضربه اعله راسك بالجبين
من عمت عين اللعين ابن اللعين
كون اموت ومااودعك يالحنين
اوجهك ايضيعن عليه ارسومه
گوم صلي ... وعوف هاي النومه


اشلون اودعنك واضيعك بالتراب
علمتني اعليك موش اعله الغياب
يامصيبه ايشيل گلبي وياعذاب
امصيبتك وامصيبة المظلومه
گوم صلي ... وعوف هاي النومه



لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://hottg.com/amhejran12345

الدنيه اعليك مرتجه وفلك صاير
ياحر يالمخوف الحاط والطاير
حسافه اتشيل وتخلي الحسن حاير
( بديار النيبه اليوم البين امچودر )

✍ام هجران العمارچيه

محزن منبرك وامكدر القرآن
ومچفيه الدلال وينحب الديوان
حسافه ايغيب شخصك ياچبير الشان
( مكسورين اعليك     اليوم حسين وزينب )

وآماماه 😭😭 وآعلياه 💔💔



✍ الملة ام هجران العمارچية

لطمية للعباس عليه السلام لسان حال ام البنين عليها السلام (( اخذت احچايتي ))


اخذت احچايتي ... وماخيبت ضني
براسك والزند ضحيت عفيه ابني


اعرفنك شجاع وماتضم ايدك
بروحك والعمر ضحيت لعضيدك
هالموقف حلو وبالاخره ايفيدك
بالعز والفخر ضليت متهني
اخذت احچايتي ... وماخيبت ضني


بالعز والفخر ضليت تتهنه
راسي وراس زينب بيك ارفعنه
ترهب من تگول الجيش اطشرنه
الك صوله وعزم واخبار وصلتني
اخذت احچايتي ... وماخيبت ضني


خوش اعلوم اجتني وخوش اجتني اخبار
گالولي البطل سوه الگبل ماصار
خليت اليضدك خايف ومحتار
وين اتصيح يرحون العده مني
اخذت احچايتي ... وماخيبت ضني


ترعد من تهب اعله الزلم وتصيح
لاهمك جمع لاهمك التسليح
كلمن بارزك ماراد عمره يطيح
وام حسين عنك راضيه وعني
اخذت احچايتي ... وماخيبت ضني


عنك راضيه الزهره وبعد شتريد
ياصنديد مثلك مايصح صنديد
كلشي ولاتخلي حسين اخوك اوحيد
ماكو اطروش چا وديتلك متني
اخذت احچايتي ... وماخيبت ضني


اوديلك متوني وكون تتوده
خاطر عن اخوك العسكر اتصده
يهد حيلي ودليلي من يضل وحده
عالمظلوم وني ولوعتي وحزني
اخذت احچايتي ... وماخيبت ضني


افكر بالغريب وتثگل احزاني
چني اوحيد اشوفه ينادي يخواني
عفتوني شعجب مابين عدواني
ادري اسيوفهم باچر يوذرني
اخذت احچايتي ... وماخيبت ضني


لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://hottg.com/amhejran12345

قصائد محرم

يوجد توصيل لكافة المحافظات
لطلب والحجز المراسله على الخاص
@ABRAR5325


قناة مكتبة عاشوراء 👇👇👇
https://hottg.com/AiDoiwwn19878

فزاعية للنزلة ( والعسكر تلگونه )


من هسه الدرب ملزوم
والعسكر تلگونه


من هسه العده اموگفين
چنهم عالحرب ناوين
شو گلبي رجف يحسين
اضن راسك يريدونه


راسك رايدينه الگوم
شو گلبي رجف مهضوم
خل نشيل يامظلوم
والطف لاتدخلونه


خل انشيل ياعطشان
المن جاي للميدان
ثاري البايعك خوان
وثاري الغدر مضمونه


نكروا كل عهد ذوله
اشوف اسيوف مسلوله
بگلبي النار مشعوله
وضل يفور چانونه


بضلوعي تشب النار
والبايع طلع غدار
باچر تهجم الكفار
وصيوانك يسلبونه


باچر ماتضل خيمه
اشلون انبات بالهيمه
وابو الناموس والشيمه
دمه يضيع وامتونه



دمه ايضيع وچفوفه
واشبع ضيم بالكوفه
نعشك عالثره انشوفه
يوذرونه ويدوسونه


من ديوان الفزاعية الحسينية الجزء السادس

لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://hottg.com/amhejran12345

انه ام الخدر واخت البطل عباس
للعفه مثال وللشرف مقياس
لاذبيت هدمي ولاكشفت الراس
(( والوادم تحلف بذيالي ))

والنعم مولاتي 😭💔

✍خادمة اهل البيت
ام هجران العمارچيه

فزاعية للعليله عليها السلام ( هلبت كسرت اگلوبكم )


اشعدكم ياهلي تطلعون وتطبون
بوداع وسفر سمعيتكم تحچون
اوياكم خل اروحن ليش ماترضون
فرگاكم مصيبه والمرض ملعون


     ( نزلة الفزاعية )


هلبت كسرت اگلوبكم
يالبالنزل عفتوني


هلبت رحمتوا حالي
وادموع عيني اتلالي
يابيتكم ضل خالي
اظلم ويعمي عيوني



مسدود واظلم بيتكم
حيلي انهدم ناديتكم
لو اندل الطف جيتكم
وجعانه خليتوني


ضليت اون وجعانه
الوجه الصبح سهرانه
كلهه مشت بس انه
چا ليش ماخذتوني


محد ذكرني اشبيكم
اعتب اهواي اعليكم
اتمنه اروحن ليكم
وادموم بچيتوني


ابچيلكم وادعيلكم
يايوم ترجع خيلكم
من ياهضيمه اشچيلكم
مهضومه ماشفتوني


كل يوم تكبر هضمتي
ولادوه يشافي علتي
معتازه ابوي وعمتي
من اوگع يگوموني



ماگوموني من طحت
بطرگ المناحه صبحت
چا وينكم يهلي صحت
وابعاد ماسمعوني



لشاعرة اهل البيت
ام هجران العمارچية
غير مبري الذمه من يمسح اسم الشاعره او ينسب الرثاء لشخص اخر


https://hottg.com/amhejran12345