#الليالي_العلويـه
#قصيده_لأستشهاد_الأمام_علي

شايــل وين   يربات  الأكباريه..
عفتنه اليوم يا حيف ومهضميه..

➖➖➖➖➖➖➖

تــــون آعليك كتبك والقرائين
عليك الون يابويه يابو حسين
نون آعليك كلنه أنجـر الونين

*الوهامه يا حيف أتشيل*

✍ #الشاعره عـلـویه_ام_فــاضل

➖➖➖➖➖➖➖

دواوين الكرم مســــدوه هالليله
لو طاح الحمل ياهو الذي يشيله
أبو الحــــسنين شو يتم مداليله

*وتنوح عليك المهضومه*

✍ #الشاعره ام فاطمة الزهراء

➖➖➖➖➖➖➖

شلون تشيل يل بأسمك يحلفون
على فراكـــك أبد ماظلت عيون
ثكيل فراك وجهك موش بالهون

*أنهد حيلي بغياب الوالي *

✍ #آلّشآعرهً آلــــّعــلّويِـــه آلّمٌوسويِــــۿ

➖➖➖➖➖➖➖

بگه المحـــراب خالــي يبــو الأيتام
وعليك اظلم اورفعو سـود الأعلام
مصلینك اجـــــت تلطم على الــهام

  *مفگــود الوالــي أبهل الليله*

✍ #الشاعره ام عباس الحسیني

➖➖➖➖➖➖➖

يبو الحسنين تبجي تون الأطفال
عفتهم والهضم بين عــــله الحال
خذاك الموت منهم والدمع سال

*نريد وياه العيد أنعيده *

✍ #الشاعره أم باقر الشويلي

➖➖➖➖➖➖➖

وســفه تشيل عنه وياحسافات
رايــــح وين ياراعــي الكـلافات
اعله فگدك يا علي بالگلب ونات

*تنوح آعليه الـــيوم احبابه *

✍#الشاعره ام مهدي الفرطوسيه

➖➖➖➖➖➖➖

#تـمت_بـأقــلام ✍🏻✍🏻
⚶مجموعة شاعرات أهل البيت⚶
⏪تأسست المجموعة ٧-٢-٢٠١٨⏩

تمــت بعون اللــه..


https://hottg.com/alweyaamosaweyarrrr2626

#الليالي_العلويـه..
#لسان_حال_السيده_زينب

لايلفي الفجــر لا ينتهي الليــل••
يجيبونه الولي دم هامته يسيل••

ـــــــــ❀••❀ـــــــــ

لايلفي الفجر تنكضي الساعات
على فراك الأبو بانت علامات
وين آلكه بديلك بوية هيهات
بنتك لو رحت تبقى بوسط ويل..

ـــــــــ❀••❀ـــــــــ

بنتك لو رحت تعميهه الهموم
ويكلبي بروحتك نصين مجسوم
عكبك لاحله ولاطاب ألي نوم
يريت الموت ألي يالماخذ الحيل..

ـــــــــ❀••❀ـــــــــ

يريته الموت ألي ولاأشوفك تموت
ظلمة الدار بعدك ظلمه البيوت
تمنيت أندفن ويلمني تابوت
يذخري وهيبتي ياريحة الهيل..

ـــــــــ❀••❀ـــــــــ

يذخري والسند ياقرة العين
وحقك من شلت عاشرنه الونين
وين ألكه مثيلك ياعلي وين
الدهر وياي يقسى لمن تشيل..

ـــــــــ❀••❀ـــــــــ

الدهر وياي يقسى ياضوه البيت
يريته وياك دفني بويه ياريت
بحسرات و ألم للزهره ناديت
بفكدج والأبو ماظل ألي حيل..

ـــــــــ❀••❀ـــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://hottg.com/alweyaamosaweyarrrr2626

#الليالي_العلويـه
#مربوعه أو فزاعيه

أبو الحسنين شال و يتم أعياله..
وعلى الوجنه دموع العين هماله..

• ━━━━━━❪❆❫━━━━━━ •

أبو الحسنين شال وعايف دياره
أجت تنحب حزينه الليله خطاره
يودعونه بحزن وبدمعه تتجاره
سمانه والأرض حزنانه تنعاله..
• ━━━━━━❪❆❫━━━━━━ •

سمانه والأرض لفراكه محزونه
حضرت كل هله بلوعة يودعونه
أهتز ركن السمه والدنيه مرجونه
شال البي محنه اليرهب آخياله..
• ━━━━━━❪❆❫━━━━━━ •

شال البي محنه وفارك أحبابه
أجت الأيتام كلها الليله يم بابه
تصيح بنوح يا لكرار ومصابه
تنحب يم علي بدمعات هماله..
• ━━━━━━❪❆❫━━━━━━ •

بدمعات الحزن ودعنه والينه
شايل يالولي وعدمن أمخلينه
دخيلك يــا علي لا لا تـخلينه
تخلينه بهضيمه وفرگه جتاله..
• ━━━━━━❪❆❫━━━━━━ •

يكسرنه البعد ياشمعة الساده
مهضوم الكلب والحيل يتراده
كاسرها اليتم هلليله أولاده
شايل يافخر والماكو أمثاله..
• ━━━━━━❪❆❫━━━━━━ •

شايل والمحب مانشفت دموعه
عشنه جم جرح جم هضمه جم لوعه
لا يلفي الفجر لايكرب طلوعه
يشيلونه النعش ويطول ترحاله..
• ━━━━━━❪❆❫━━━━━━ •

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://hottg.com/alweyaamosaweyarrrr2626

#الليالي_العلويـه
#فزاعيه بدايتها نعي

مكسورة كلب ناحت لواليهه ~
زينب والمصايب زادت أعليهه ~
رايح يا علي وألمن مخليهه.. ~


فلت عشرتـج لا لا تتــانينــه••
شايل هيبتج شال التحبينه••
ـــــــــ❀••❀ـــــــــ

شايل هيبتج غمضهن عيونه
وجهج منخطف وأتبدل بلونه
هاليوم الأرض والسمه مرجونه
ودعيه بالهضيمه وماتشوفينه..
ـــــــــ❀••❀ـــــــــ
يعينج عل الحزن وشثكله يفراكه
يربات الخــدر والدمــعه حراكه
مــاظنتي يــرد و بــعيد الملاكه
شبعي أنفاس منه من تشمينه..
ـــــــــ❀••❀ـــــــــ
يــالمة گبل هــاليوم ودعيهه
وضحكة والدج لا ما تشوفيهه
دمعات الحزن لا لا تبطليهه
تنزفلك دمه الدمعه يوالينه..
ـــــــــ❀••❀ـــــــــ
ريض بالدفن بلله يدفانه
صوابه بالكلب خلاها نيشانه
حزنانه بغيابه وحيل نحلانه
كوم أكعد يبويه أكعد وحاجينه..
ـــــــــ❀••❀ـــــــــ
يالماخذ علينه للدفن جيبه
شايل هيبتي شايل أبو الطيبه
مشه عني الدلال وراحت الهيبه
يكسر بالكلب فركاك ياذينه..
ـــــــــ❀••❀ـــــــــ

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://hottg.com/alweyaamosaweyarrrr2626

الله يرحم الطلاب برحمته الواسعه ويصبر قلوب ذويهم ومحبيهم فاجعة كبيره 😭💔

#عگيلي_لهدم_قبور_أئمة_البقيع

*للمــوت انـظل مــا ننـساها*
*كـــل عــام انـجدد ذكـراها*

≈≈__≈≈__≈≈

ويـانـة المهـدي بـهالـذكرى
ينعى امصاب اولاد الزهره
لجور الظـلام ايجر حسره
*ويشكي جروحه لجده طه*
*كـــل عــام انـجدد ذكـراها*

✍🏻 #ولائـية_وافتـخر (دعاء العامري)
✺✺✺..........✺✺✺..........✺✺✺

ايعيــنك ربك يــا مهدينه
نـريدك تظهــر وتـلاگيــنه
خلصنـه الصــبر وملينــه
*ويـوميـه مصيبـه نـلگاها*
*كـــل عــام انـجدد ذكـراها*

✍🏻 #الــعــلويـــة_المــوســويــة
✺✺✺..........✺✺✺..........✺✺✺

لا تـشييد ولا قبــة الـهم
أظـهر غـايبنة وشيدلـهم
فـعـل النــواصـب ألَـمهُم
*انــظر الـقبــور و أنــعاها*
*كـــل عــام انـجدد ذكـراها*

✍🏻 #ولائـية_وافتـخر (دعاء العامري)
✺✺✺..........✺✺✺..........✺✺✺

هـدموا الگــبور وخــلوها
كل ذكرى ألكــــم زالـــوها
أرض الـروافض ســموها
*نـدري بجيتـك مـا تـنساها*
*كـــل عــام انـجدد ذكـراها*

✍🏻 #الــعــلويـــة_المــوســويــة
✺✺✺..........✺✺✺..........✺✺✺

گلـب الـزهره اتوجر هاليوم
بحسرة تنـوح اعليهم للدوم
بيهم كل يوم اتشوف هموم
*نبچي اوية الزهره لمبچاها*
*كـــل عــام انـجدد ذكـراها*

✍🏻 #ولائـية_وافتـخر (دعاء العامري)
✺✺✺..........✺✺✺..........✺✺✺

لليـوم ايـهل دمـع الـزهره
تـريـد الثــار الـها وللطبره
ولـحسين المظلوم ونحره
*الدنيا اظلمت وانته ضواها*
*كـــل عــام انـجدد ذكـراها*

✍🏻 #الــعــلويـــة_المــوســويــة

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
❌لاإجيــــز حذف الأسم❌

https://hottg.com/alweyaamosaweyarrrr2626

فزاعيه
وتقرأ ايضآ مربعه
لشجاعه أبا الفضل العباس عليه السلام..


ياهلة بعباس صاحو ياهلة..
زلزل الميدان فارس كربله..
@@@@@@@@@@

زلزل الميدان ابن ليث الحرب
كام يحصد روس ويذب علدرب
وهوه يابس ريج مابله وشرب

يدري وكته الموت كبر بأوله..

✍🏻زينب الحوراء
@@@@@@@@@@
خله تشهد كربله و افعالها
تهاب حته المشروعه برجالها
من لقط مهره الكفل خيالها

ياهله بشيخ العرب والمرجله..

✍🏻 #علويه ام فاضل
@@@@@@@@@@
ياهله بشيخ زلم وابن الفحل
ضل يكر بروس يسحلهم سحل
وزينب توصيه اريدنك كحل

واكفه ام عون تقره الزلزلـــــــــــــه..

✍🏻الشاعرة ام روكان الشمري

@@@@@@@@@

مايهاب عداه صكار الزلم
يكابل العدوان يوكف بالهمم
بيده سيف يحارب وبيده علم

يموت كلمن لو برز ويقاتله..

✍🏻 ام زهراءالفاطمية
@@@@@@@@@@
رجف الصوبين يسراها ويمين
قدم الذرعان وصواب الجبين
هذا أبن الطاهره أم البنين
يشوف ملك الموت كلمن يوصلله..

✍🏻آلّشآعرهً آلــــّعــلّويِـــه آلّمٌوسويِــــۿ

@@@@@@@@@@

من نزل عباس ساحات الطفوف
شال سيفه يخترق بين الصفوف
تلال من الروس سواها نشوف

منهو اليلاوي ابن عقد الوله..

✍🏻 عاشقة كربلاء الطف ام محمد آل درويش
@@@@@@@@@@
تمت القصيده باقلام شاعرات
رابطه الطفوف لا نجيز حذف الاسماء

تمــت بعون اللــه..



https://hottg.com/alweyaamosaweyarrrr2626

الصبر حدب

قصيده ثقيله الموالي يبث شوق انتظاره لصاحب الزمان عجل الله فرجه الشريف

*****



آنه يوميه بدمع للغايب..
آنه مو ذاك الكبر بس شايب..

من الفراك..
من الفراك..

*****

الغيبه طالت والصبر حدب ظهر
الدقيقه بيومها عدت شهر
وانه وي اليل عشرتنه سهر

يمته تلحك يمته وتحسر سنين..
ودعي عجل بالفرج بسم الحسين..
وانه واثق ما اردن خايب..
أنه يوميه بدمع للغايب..

من الفراك
من الفراك
*****

ارد اكحل عيني لحظه بشوفته
يعتبر انجاز عمري محبته
ابو صالح سر الهي بغيبته

هوه اخر نور مشكات الوجود..
هوه رحمه وهوه نعمه ابلا حدود..
من اذكره ابطولي انهض طايب
آنه يوميه بدمع للغايب..

من الفراك
من الفراك

✍طالبةالزهراء القريشي

**

من أذكره يفيض بعيوني الدمع
كلبي من افراكه ذايب جن شمع
يمته أسمع جلمة المهدي طلع

يمته يكرمنه ألآله أبهل حبيب..
فاضت كلوب البشر طال المغيب..
وبدعاء الندبة نبقى نعاتب
آنه يوميه بدمع للغايب..

من الفراك..
من الفراك..
✍🏻آلّشآعرهً آلــــّعــلّويِـــه آلّمٌوسويِــــۿ

**

يضيج خلكي ومن اذكره ينشرح
هوه بلسم لو نغز بيه الجرح
هوه معنى ولذه احجايه ملح

خاف يلفيني غفل مر الممات..
حسره وتضل شوفته طول الحياة..
شوك بالدلال احسن صايب..
آنه يوميه بدمع للغايب..

من الفراك
من الفراك

✍🏻ام عباس السكيني

*****

مثل بلسم هوه لجروحي الدوه
يا اعز انسان واغلى من الهوه
وانه نار افراكه لكليبي جوه

يمته اكرن عيني بأنوار الأمان..
روحي تهده وترتقي لتاج الزمان..

همت بيه وكلبي لجله ذايب..
اني يوميه بدمع للغايب..

من الفراك
من الفراك
✍ام حيدر العباديه عماره

*****

تمت القصيده باقلام شاعرات رابطه الطفوف
لانجيز حذف الاسماء


https://hottg.com/alweyaamosaweyarrrr2626

#قصيده للعليله فاطمه بنت الحسين
عليها السلام

#طور_أهوازي


عليله الوحدي بالدار
انحب والدمع جاري
مامش من هلي اخبار
وما توصلهم اخباري...٢
💔💔💔💔
اخلص الليل بالونه
واجذب بالكلب حسره
اذكر كعدتي وياهم
اسولف وآنه مبتشره
من سار الضعن لليوم
نار بكلبي متوجره
بعد وين الكه ابويه حسين
اليطفي بالكلب ناري..٢

✍️ام حسين الفريداوي
💔💔💔💔
بعد وين الگه ابوي حسين
سافروحدي عافاني
مااحمل الم وفراگ
رحيل احبابي هداني
بغيابه والدي عني
دهري بجمره چواني
الدنياضاگت ابعيني
ويخنگني الهوه الساري..٢

✍🏻ام زهراء الزيداويه البصراويه
💔💔💔💔
من يوم الرحل لليوم
جفني ماغمض ساعه
وكلبي من الهضم بي نار
حزين وهاجت أوجاعه
مشتاكة وتون هالروح
لأبوي الحلوة أطباعه
أناطر ع الدرب بالآه
وليلي يشبه نهاري..٢

✍🏻آلّشآعرهً آلــــّعــلّويِـــه آلّمٌوسويِــــۿ
💔💔💔💔
بگيت الوحدي يابويه
مريضه والمرض هدني
مابيه احمل الفرگه
يبگه الدار يخنگني
وكت الحملاها النوگ
ضل الموت يعصرني
ضعنكم بويه من گوطر
عليكم تاهت افكاري..٢

✍🏻 _#بنت العباس ع ام منتظر الجابري
💔💔💔💔
بعدني ابعازتك يحسين
ليش، اتعوفني وحدي
ابنيتك والگلب مفجوع
وبس دمعه على خدي
جرحك بالكلب ماطاب
من يومك صبح يدي
مريضه والنضر مشبوح
محد ضل الي يباري..٢

✍️خادمة اهل البيت ام ابراهيم الحلفي
💔💔💔💔
عليكم تاهت أفكاري
وجفني مساهر اعليكم
عيني أعله الدرب تربي
بشوك بلهفه اتانيكم
جا يمته الوكت يعزاز
الداري يرد بيكم
بعدكم بالحزن ظليت
وكلبي من الفرح عاري..٢

✍️ام نور الزهراء الزينبيه
💔💔💔💔


تمت بأقـــلام شاعرات رابطة الطفوف

https://hottg.com/alweyaamosaweyarrrr2626

#قصيده للأمام الحسين عليه السلام
#وزن بحر طويل
#طور أهوازي

لــولا حسين ماكو أسلام هوه الشيده بنحره
ولــولا وكفــة الحوراء ماكو أثر للثوره
🏴🏴🏴🏴🏴🏴

وكفتهه جبل شامخ تهز أعروش للطغيان
اتكول حسين والينه هوه الشيد الأركان
وتشهد كربله اليومه وعاشر يوم بالأحزان
واجب نذكر المظلوم ونبجي اعليه وبعبره..

✍🏻أم مرتضى الخزرجي

🏴🏴🏴🏴🏴🏴

واجب نذكر احنه احسين وماننسه أبديومه
ضحه أبدمه لجل الدين وضل تاريخ بعلومه
أبو السجاد ختم بالدم لجل الدين مرسومه
حكنه لو ندك اصدور للمهيوب ونكسره..

✍🏻 أم زين العابدين المحمداويه

🏴🏴🏴🏴🏴🏴🏴🏴🏴

ضحى بالنفس والروح روه كربله بدماه
وما همه صهيل الخيل ولاهمه جموع اعداه
حرم واطفال جاباهم يشهدون المنايا اوياه
كفو منه وسبعة انعام الامه الجابته الزهره..

✍🏻ام حسين الفريداوي

🏴🏴🏴🏴🏴🏴🏴🏴

كفو ونعمين من حيدر خلف للرساله اسباع
من دخلو لأرض غاضر أهتزت من جدمهم كاع
سفينه للعدل أحسين وأخوته الحياده اشراع
خلو بيها ارض غاضر للعدوان الف عبره..

✍🏻 أم رحمه الگاظميه

🏴🏴🏴🏴🏴🏴🏴🏴

ترك دار الأهل من شال ضحى بروحه وعياله
رسم نهجه بأساس الدين أمامي بذبحة أوصاله
بقى عاري على التربان ولا واحد أجه وشاله
نبجيله دمه من العين الضحه بعيلته وعمره..

✍🏻آلّشآعرهً آلــــّعــلّويِـــه آلّمٌوسويِــــۿ

🏴🏴🏴🏴🏴🏴🏴🏴🏴

ترك داره ابو اليمه ورايح لرض المنيه
حمل عيلته كلها خواته وياه ورقيه
وزينب بالضعن يمه تهل دمعات مجريه
باجر راح ايضل وحيد محد من هله ينصره..

✍🏻الشاعره كريمه البو حلوه

🏴🏴🏴🏴🏴🏴🏴🏴🏴

لوما دم ابو السجاد ماكمـــلت  الحريه
ولوما زينب اطب شام ماكو  اشعار شيعيه
احنه انعيش منصورين بالدم الحسينيه
وجف عباس لجل الدين يم العلقمي ايشمره..

✍🏻خادمة اهل البيت ام ابراهيم الحلفي

🏴🏴🏴🏴🏴🏴🏴🏴🏴

تمت بعون الله بأقلام شاعرات رابطة سيد الشهداء عليه السلام غير مبري الذمه اللي يحذف الاسماء او يتلاعب بيهه..


https://hottg.com/alweyaamosaweyarrrr2626