TG Telegram Group Link
Channel: الشاعرسیدمحمدالموسوی الغریفی
Back to Bottom
الرادود رسول مزرعة_ألمشاية
<unknown>
اصدار ؛؛ ( اصوات الجزیره )
سنة 1396 هجری الشمسی

قصیدة : صوت المشایه 👆
ڪلمـات الشاعر: سیدمحمد الموسوی
اداء الرادودالحسینی: رسول مزرعه

https://hottg.com/Aswatalhoseinye
قـــصــــیـــدة رثـــــاء :::


حوار السیده زینب مع رأس الامام الحسین
و تشرح حال السیده رقیه علیها السلام ؛؛

یل عَـالـرمح غــــافی
أمــشي ابجدم حـــافي

احسين استمع شكواي........يارجـــــواي

( یل عالرمح غافی )

۞۞۞ ۞۞۞

خویه ابدیلک مصـیبه وبیه چم نشـغـةطـفـل
امصـیبة ابنـیتک رقـیه التبچی من جَرح الحبل
تنـظرک علـرمح انـتـه و هـِیه صـعدت عَلـهِـزل
شُوغت المخنوگ بیهه وتشکی من سوط النذل

يا خـــــويه أذوهـــــا
باحـــــبال شــدوهــــا

واشـــــرح الك بلـــواي........ يارجـــــواي

( عالـــــعين سِطروهـــــا )

۞۞۞ ۞۞۞

تـرچـیـة بـنـتک خـذوها و ذانـهـه صَـبـت دِمـه
و عَلحسچ مَشوا رقیه و ضاجت الونهه السمه
علوجه چم لطمـه عدهه ابحـین أذاها الضـمـه
وتبچی من تسمع یخویه الخیل صدرک هَشمه

سلَـــــبَوا ترچـــــیه
من بِنـــــتک أرقـــــيه

اطــفال و ســبايه اوياي.......يارجـــــواي

( اَحمـــــيهه لِبنـــــيه )

۞۞۞ ۞۞۞

علرمح بعیونک انته السبی أبنیتک تصطبی
نوب بلاحـبال تلـتف نوب ایطگـها الاجـنبی
تنـظر الراسک وتـشکی بابا عـذبـنی السـبی
ودهه یمی اتلـوذ حـتی اتامن ابکـتر الـعـبی

صــــاحتلک الحَـــــگلی
مِن رُمحــــَک أنـــــزِّللی

اتلوذ ابعـــباتی اهـــوای........يارجـــــواي

( و اِتحَشـــِمَک مـــــثلی )

۞۞۞ ۞۞۞

بنـتک ازغـیره ولاچن جـبل صـارت من حـزن
حاضنه اتراب الخرابه من عگب ذاک الحضن
اشکثر ما بلضرب کـَثّر عدهه صار ازرگ متن
اید ذباحک ثجـیله اشگد ضربها اعلی الجفـن

یِضـــــرُب یـــأذيـــــهه
و اشـــگف احــامــــیهه

ویه الشـــمر ممـــشای.........يارجـــــواي

( بس یِزمـــــَخ اعلـــــیهه )

۞۞۞ ۞۞۞

بطشت من وصل راسک بسمک الغالی انـتخت
حِضنت الراس ابأدیهه اتناشق ابحرگه و بچت
تمـسح الـدم و الـتـراب الـنـایم ابوجـهک لگـت
بلخـرابه اوداع عدهه و عـینـهه ابکـترک غـفت

اعلـــــیک أنتخت صـــــاحت
ابگـــــد الألـــــم ناحـــــت

اتنــــوح و بچــت ویای ....... يارجـــــواي

( شُبگـــَــتک و مــــاتت )

۞۞۞ ۞۞۞

تمـــت بعـــون الله تعـــالی ....
کلمات خادم الامام الحسین ع ؛؛
سـید محـمد المـوســوی
(المحمره )

https://hottg.com/almusavi
قصیده جدیده 👆👆
PTT-20200920-WA0019.opus
215.5 KB
👆👆لحن قصیدة السیده رقیه عليها السلام ..
بصوت الرادود الحسيني سيدمرتضي الطالقاني
#ابیات_من_الفائزی_النـعی :
#مواقف_للســـیده_ام_کلـــثوم..

*#موقف خطابها مع الملعون یزید ::*

مَتفوز یا طاغی الزمن ... یبن الظـــلاله
نور الله یظهر للخلگ .... لأهل الرساله
یشهد إبحگنه و للنصر..... رب الجـــلاله
و اتروه دین الله ابدمه.....اطیب سلاله

*#موقف عند مجیئ هند زوجة يزيد*
*و تعرفها علي الهاشميات*

غیر ملامحنه السبی ... و شفنه الأذيه
ذني خِدر آل النبی ..... إِبنات الزچـــیه
مَعرَفتی زینب عمتی....اِلجَتکم ســـبیه
خوله و رباب و عاتکه....و هاذی رقـــیه
رمله وسکینه اعله الترب...گعدن سویه
ولیلی تنوح اعله الولد.... لکــبر ضحـیه
هاذی حمیده أتيتمت ... تنــعي الـرزيه

*#موقف استشهاد السيده رقيه ع::*

فَت گلبی مَنظَر یا خلگ.... یکلف مصابا
اسمع رقیه ابکل ألـــم ..... تصرخ يبابا
جابولهه راس الولي .....و الدَم خضابا
شِبگتهِ ماتت علطشت.... وسط الخرابا

ک.. سیدمحمد الموسوی
الغـــریفـــی

رجاءً عدم حذف الرابط 🙏
https://hottg.com/almusavi
#مقطوعة :
#حـــســـرة_الـــزيـــاره...

بیــه شـــوگ ازیارتـــک رایـــد اجـــیک
باربعـــینک وِدی اَجـــَدِد هـــالعــــــهــد
امشی من لمحمـــره حَـدارض الطفـوف
امشی وابکل خطوه اَحس جسمی اِنولد
لچن سَـــدولی الطـــُرق مشـــای اجیک
و گلـــبی نـار ابــفـــرگـتک لا مــا بـُــرَد
ردت أرفـــع رایتــک طـــول الطـــریق
و لو تعـــبت، من الكفـــيل اطلب مَـدَد
رايـد انخــــاك ابگـــلب وَجـــّر لهـــیب
عندی حاجه و تنگضی ابچفـک وَعـَــد
یا حســـین أمحَلـــفک ابأمـــك أريـــد
سَجل اسمي اويه المِشه وصوبك گصد

ک .. ســـیدمحمدالموســـوی
الغـــریفـــی
https://hottg.com/almusavi
Media is too big
VIEW IN TELEGRAM
قصيدتي بمناسبة شهادة السيده فاطمة الزهراء سلام الله عليها ..
مشارکه من الابوذیات فی حق مقام الامهات ...
ارجو منکم حمایتنا اخوتی الکرام ..
نتشرف بمتابعتکم 👇🏻
https://www.instagram.com/tv/CNPfApvnMif/?igshid=1gjd1ru8ehmn0
(عنوان القصيده : سِجل الخِدام )

سیدی ابدمـعـة بـناتک والـعَلم
اسمی راید ینکتب ویه الخَدم

ادری جاهی ابمجلسک
ابکل وجودی اتنفسک
(یبن الـــزچیه)

۞۞۞ ۞۞۞
یا ملاذ الدنیه کلهه و انه ناشــــرلک حزن
یا مـنارة عِـزِه انته و بیـــک لاذ المـمـتحن
الطم ابمجلسک لازم ابچی من حرگه وأون
عاشگک من کل وجودی وتدری ابذچرک أجن

و انه رافع بسمک اعلام القیم
اسمی راید ینکتب ویه الخَدم

راسی عالي ابخدمتك
مِن علــــیه ابنــظرتک
( يبن الــــزچیه )

۞۞۞ ۞۞۞
مجلسک منهل کــرامه و انه للخدمه استعد
للخَدَم وَزَعت خیرک حــــاشه لو احــــد یرد
سیدی اتمنه اعله بابک اسمی یتسجل عَبد
حتی أَخدِمهه التِخِدمك وانته اعلم بالقصد

گلبی گاصد مجلسک گبل الجِدَم
اسمی راید ینکــــتب ویه الخَدم

وزعت خیرک الی
یابن حــــیدر علی
( يبن الــــزچیه )

۞۞۞ ۞۞۞
سیدی تبچی الغربتک کلهه و اینوح الفلک
یا ذبیح الصار مثلک هیچ عــــشاگ امتلک
انه ناذر کل حیاتی ابچی والطُم بس الک
لوخِدمتَک یعله راسی واعتبر نفسی المَلک

مَلک اَصبَح راسی یِعله اعله قِمَم
اسمی راید ینکــــتب ویه الخَدم

تنطی جاه الیخدمک
ابلحن حبه ایکلمک
( يبن الــــزچیه )

۞۞۞ ۞۞۞
انه اشتم عطر جودک للحســــینیه من أطب
مره اوزع چای خیرک مره أفض ماي الشرب
وَسَعّت عشگی اعله بابک تدری المفارگ صعب
اگعد ابچی الحال اختک شبعت اصیاط وضرب

انعی اخــــتک زینب وشايل أِلِم
اسمی راید ینکـتب ویه الخَدم

کتب تاریخ الــــزمن
تبقه یحسین الوطن
( يبن الزچیه )

۞۞۞ ۞۞۞
سیدی ابروحی عشگتک و انته منبع للعــــشگ
کل عشگ بالکون کاذب بس یضل عشگک صدگ
یاهوا الــــریتی الاشمک دون عطرک اخــــتنگ
بلمجالس جیــــت اوافی ابحرگه لمصابک ادگ

ودی افدی ابروحی الک والله قسم
اسمی راید ینکــــتب ویه الخــــَدم

کون نبچــــیلک دمه
انواسی امک فاطمه
( يبن الــــزچیه )

۞۞۞ ۞۞۞

سیدمحمدالموسوی
محرم الحرام 1443

غیر مبری الذمه الیحذف رابط القناة..
رجائي من الخدام عدم حذف رابط القناة🙏
رابط القناة :👈
https://hottg.com/almusavi
السيده زينب س عند رأس اخيها
قمر العشيره عليه السلام ..

اشکثر وحشه اللیالی ... اجیت اشکی یغالی
یبوفاضل .. یبوفاضل .. یبوفاضل ..یعباس

۞۞۞ ۞۞۞

اِجتك زينب اختك ياهوا انفاسي
إتفاخر بيك خويه و مرتفع راسي
چفیلی وهیبتی و اشراع نوماسی
صعب طایح اشوفک وانته نبراسی

أنه ابخدري ودلالي.....اجیت اشکی یغالی
یبوفاضل ..یبوفاضل .یبوفاضل ..یعباس

۞۞۞ ۞۞۞

مَحنِیت ظَهر هل جيت واحچيلك
دمعی اِلتِهل خویه ابهضم تشکیلک
غیابک صار وحشه ایفـــزع ابلیلک
دگوم اگبالی یا عباس شـــد حیلک

ردت تنظر الحالی .......اجیت اشکی یغالی
یبوفاضل .. یبوفاضل .. یبوفاضل ..یعباس

۞۞۞ ۞۞۞

یخویه اشلون غِدرت بیک السیوف
وحاطت بیک یا عباس الصــــفوف
صریع و گَطِعّوا من عندک چفوف
ودریتک یا بطل ماتعرف الخـــوف

کفو ابزودک یوالی... اجیت اشکی یغالی
یبوفاضل ..یبوفاضل .. یبوفاضل..یعباس

۞۞۞ ۞۞۞

تضل ایامی صعــــبه إلبَلدة الشام
اضل عگبک وحیده واجمع ایتام
فراقک یابوفاضل شَکنی بســـهام
اِخذ یذبح ابحیلی و کل الاحـلام

ذبح فرحة وصالي... اجیت اشکی یغالی
یبوفاضل ..یبوفاضل .. یبوفاضل..یعباس

۞۞۞ ۞۞۞

يخويه اوداعــــتك يا صاحب الغــيره
أنه ابيـــاهـــك امـــيره و مـو اســــيره
ابوجودك دوم احس تنزاح كل حــيره
يضل مرفوع راسي امن اطب كل ديره

ابوجودك راسي عالي... اجیت اشکی یغالی
یبوفاضل .. یبوفاضل .. یبوفاضل ..یعباس

۞۞۞ ۞۞۞

تمت بعون الله تعالي
سيدمحمدالموسوي الغريفي
محرم الحرام عام 1443 ه.ق

غیر مبری الذمه الیحذف رابط القناة..
ارجوكم عدم حذف رابط القناة:
رابط القناة :👈
https://hottg.com/almusavi
قصيدة رثاء ....
میمر للخدمه الحسینیه :

راسی ابخــــدمتک عَل قــِمَم علیته
و یحسین یا عشگی ویمــن حبـیته

(مالک جمیع انفاسی)
(یا مهجتی واحساسی)

                 ۞۞۞ ۞۞۞

یحسین یا مــبدء جمــیع العــشاگ
مُغرم الک والحضرتک دوم اشتاگ
جرح البُعد ینــزف اذا صح فـــراگ
ملهوف الک والخدمتک عندی اشواگ

محلاک یا افضل مُحب عِــــشگیته
راسی ابخــــدمتک عَل قــِمَم علیته

(بلخدمه رافع راسی)
(یا مهجتی واحساسی)

۞۞۞ ۞۞۞

يل عايش ابگلبی و بلانفاس اتدور
ابظلمة حياتي اسمک یضل یسطع نور
امخصص الک ایامی تصبح عاشور
و اللطُم الک کلساعه ماتکفی اشهور

ذچرک سری ابشریانی بس حسیته
راسی ابخــــدمتک عَل قــِمَم علیته

( و یَلحَبِتّک کل ناسی)
(یا مهجتی واحساسی)

۞۞۞ ۞۞۞

ذچرک یضل بلسم یشافی اجروحی
یا دنیـتی و یا فرحـتی و یا نــوحی
من انعی و أيهــج المصاب أبسوحي
تلبس سواد أِتحـِج ضَريحك روحـي

یا اغـله محــبـوب الگــلب کـتبـیـته
راسی ابخــــدمتک عَل قــِمَم علیته

( حبی انعرف عباسی)
(یا مهجتی واحساسی)

۞۞۞ ۞۞۞

یحســــین مِن مــِثلَک کِرَم خدامــه
و الخـــادم الحــُبَک نـــــذر ایامـــه
عاشــورک و طـــف الحزن جــدامه
و ابمجلــــسک یرسم جمیع احلامه

و الشفـته عاشگ منـهجک ماشــیته
راسی ابخــــدمتک عَل قــِمَم علیته

( یلمنهجک نومـــاسی)
(یا مهجتی واحساسی)

۞۞۞ ۞۞۞

یحسین یلمــذبــوح یا بن حــــیدر
ابصفــناتی اتصور الک چم منـــظر
یل مُحیی دین الله ابدماء المــنحر
مَحــَد مـَثیلک ســوه یابـوالاکــــبـر

بِمحــَرَمک عــــندک عــَلَم رفعـــیته
راسی ابخـــدمتک عَل قــِمَم علیته

( بِمحَبــتّک مقیاسی)
(یا مهجتی واحساسی)

۞۞۞ ۞۞۞

تمت بعون الله تعالی
کلمات الاقل سیدمحمدالموسوی
محرم الحرام 1443 ه.ق

غیر مبری الذمه الیحذف رابط القناة..
ارجوكم عدم حذف رابط القناة :
رابط القناة :
https://hottg.com/almusavi
الشاعرسیدمحمدالموسوی الغریفی pinned «#قصـــيدة_رثـــاء : لسان حال خادم الحسین ع ; عنوان القصيده ; (#نخیتک_بالمجالس) ۞۞۞ ۞۞۞ نخیـــتک بل مجـــالـــس عشگـــتك و انه عـــابـــس فطـــرتی اتنادي یحسین تـــره ابحـــبك مجـــانـــين (نخيتك…»
الشاعرسیدمحمدالموسوی الغریفی pinned «قصـــــیده ولائــــیه :: عنوان القصیده : (( ماعندی نصیب)) لسان حال الخادم الذی لم تنالهُ السعاده لزیارة اباعبدالله الحسین ع فی یـوم الأربعین ؛؛؛؛ لـیـش ما صار النصـیب امشی و اقصد للحبیب چفوفی مارفـعـت…»
The account of the user that owns this channel has been inactive for the last 11 months. If it remains inactive in the next 29 days, that account will self-destruct and this channel may no longer have an owner.
The account of the user that owns this channel has been inactive for the last 11 months. If it remains inactive in the next 19 days, that account will self-destruct and this channel may no longer have an owner.
The account of the user that owns this channel has been inactive for the last 11 months. If it remains inactive in the next 10 days, that account will self-destruct and this channel may no longer have an owner.
HTML Embed Code:
2024/03/28 15:38:33
Back to Top