TG Telegram Group Link
Channel: الخادم علي هادي الخزعلي
Back to Bottom
شكرا لله وللحسين ع وبالشكر تدوم النعم اللهم ادمها علينا وعلى جميع خدام الحسين ع المخلصين
علي الحسن


القناة تحتوي على قصائد منبريه لاهل البيت ع
وهيه رزق من مولاتي الزهراء ع
إقرؤا و إنتقوا ما يُعجبكُم بدون إستئذان ،
و لا تَنسوني من خالِص دُعائكم
https://tg-me.com/AliAlhasssn
صلاة على محمد و آلِ محمد نُهديها لمولانا صاحب العصر والزمان عج بنية تعجيل فرجه الشريف

اللهم صل على محمد وال محمد
https://youtu.be/xuZvBuc-1s4

كلمات الشاعر علي هادي الخزعلي
الرادود حليم الرميثي
حوار الامام الحسين ع مع المحسن ع

يلمشيت… وانه ضمة مگفة ضميتك الية
حسبيت ... بالطفوف يطيح دمك فوگ ادية

عدك ام تشگف عصرتك..اشيطرد العشرة اليجون
بأربعين امن الحوافر علصدر يتسابگون

تدري بيش.. خيل بس مو خيل واثجيلة وزن
ما اعيش .. تنطبگ فوگ الضلع طبگ الجفن
عازة الخوة تصير .. .... اهنانة اغله امن الضمير
================
مات اخوي .. اليم يمنتي بالضنك حاجز مكانة
ابن ابوي ..… الردت يم شماتي اگلهم هذا انة

وگفتك تسوة اليدمعن من يشح بية النِصير
حسبيتّك خوية محسن ألحسن بس الزغير

للعيون .. امنين اجيب الجابتة امي الما يرد
واقرة كون .. الحمد لله لجيّته موش الحمد
تمشي مگلوب السنين .. ليش بس وي الحنين
=============
ما اشوف… بگلبي وبعيني بقت حسرة اعله شكلك
بالطفوف.... الباب مهري وراح اطيحن منه مثلك

وبالرمح راسي يصبّح باچر ايغثة الصُباح
بالمشي تعرض رگبتي والشمس تچوي الرماح

والسهام… من اخيّك تاخذ امچان الصدر
بالخيام .… يحرگ ويمها يأشرلي الشمر
وابقة اتگلب و اموت .. امن الشمر يمي يفوت
=============
ما يصير .. الموت موش بحلّك وتمشي اوية موتك
راح احير.. ماهو كواك الدهر يزغير اخوتك

انه اطيحن جوة حافر وانت طايح جوة باب
انه تابوتي الحصيرة وانت تابوتك تراب

عله الريح .. باچر بشيباتي يتحنّة الرمل
من اطيح… وذر جسمي يصير بس ما ينّگل
والخيم غيمة حداد .. ويترس اجروحي الرماد
================
بالسموم .. زينب اتريدك ظهر لركاض باچر
خوية گوم .. انه اريدنك شگف عن الخناجر

أَلْحگ بسبعين آية وانت تلحگ بالرسول
انت ثوبك ضامينة وانه ثوبي بالخيول

واليبوگ .. ياخذ المحبس اويگطف خنصري
ما تلوگ.. تمر عايلتي سباية اعله الغري
جدي سولفلي شيصير .. باچر انلم بالحصير
============
بالسواد .. ايصير عبد الله السهم شامة برگبتة
الشمر غاد .. ايهوس براسي وترس ضرسة ضحكتة

والتدوس بگلبي أكثر من يجي وايسب وراي
هاي يرادلها زلمة كافل ولازم گفاي

امشي موت… امودع بألله يكسران الظهر
ما تفوت .. رايح ايعوضنة الله بچف گمر
اسمة عباس امن ابوي .. يجي وبي عطرك يخوي
==========
✍️علي هادي الخزعلي
#شور
#مشترك

سقاي كلف واجمل مقاتل
سقاي بخت يمطر مراجل
سقاي على هيئة محارب
سقاي صدى سيفه هلاهل

شارت بني هاشم
بحسين اخوه هايم
تترخص من الله
وبي تحلف الوادم

اخياله يتجسد نهر
ساطر بسيفه الدهر
انه ما شايف ابد
ميت اتهابه البشر

گمر هاشم رب المرجله
گمر هاشم كاسر كربله
گمر هاشم صگار الفله

مدد .. مدد.. يا ابا الفضل مدد
~~~~~~~~~
خيّال… راسه يتضاوه خوّه
خيّال… النمرقة الوسطى هوّه
خيّال… مو مُسالم نزلها
خيّال… بكربله عمله سوّه

ع المشرعة بكيفة
نطقت مصاحيفة
طرة علي لمرحب
طر الزلم سيفة

الشاف ابو فاضل گرب
من حسِن حظه الهرب
الخندق اليم الخيم
حالف ايترسه رگب

حچة بسيفه حچاي ورزِن
حچه بسيفه وسكتّها اللسِن
حچه بسيفه ويتمايل حسِن

مدد .. مدد .. يا ابا الفضل مدد
~~~~~~~~
رجال والعساكر تهابه
رجال سيفه يهوى الطلابه
رجال الگابله يكتله خوفه
رجال ما يصعد نگابه

شايل جمال الله
اعليه الملك صلى
يسكتوه بعيونه
لو بچه عبدالله

يا حچي يكفي الگمر
فشله نختصره بنهر
واختصاره بس علي
مالك البر والبحر



ابو غيره شيال العلم
ابو غيره وبجفه ختم
ابو غيره اسماء الخدم

مدد .. مدد .. يا ابا الفضل مدد
~~~~~~~~~
عباس .. يخنگ الحومة ناوي
عباس .. ريجه من الله راوي
عباس .. درگتَه بيده كوكب
عباس .. سيفه نَيْزَك سماوي

ع القادة ناويها
تردم يخليها
مثل النساوة اتصير
طگته اثر بيها

وعلي شبعهم سفر
للنجف مهر الگمر
جوده ملّاچ العطش
طبها خنّاگ النهر

اخو زينب وبزينب قسم
اخو زينب .. ل اخيال الخيم
اخو زينب .. ما يعبر سهم

مدد .. مدد .. يا ابا الفضل مدد
~~~~~~~~~~
كَفال واحدٌ لا يثنى
كفال الگابله بجفه يفنى
كفال وله نظره ترهب
كفال للخدر گلبه يحنى

بعقلهِ الاقدر
باب العلم حيدر
لكن ابو فاضل
مدينة الخِدِّر

كاسر اضهور الزلم
من علي ماخذ عزم
مثل ابوه بالمعركه
يطشر بكيفه ويلم


بدر ضاوي چن وجه الحسن
بدر ضاوي بظلمات المحن
بدر ضاوي رغما عالزمن

مدد .. مدد .. يا ابا الفضل مدد
~~~~~~~~~
حمّاي .. اتحله اخته وتشدّه
حمّاي .. اي عدد ما يحدّه
ًحمّاي .. الواحد ابسبعه ثارة
حمّاي .. هسه جيبوا اليرده

ماي الغضب طافح
ب احواجب المالح
اطلابة وفصلها الماي
ليهسه ما طايح

ابسط امثال الاسد
بالادب واحد احَد
من عبر حد الخيّم
ع المهر يله صعد


ابو فاضل .. سمّه المشرعة
ابو فاضل .. ثار الاربعة
ابو فاضل .. ذكرك منفعة

مدد.. مدد .. يا ابا الفضل مدد
~~~~~~~~~
✍️عبد الله الشويلي
✍️ علي هادي الخزعلي
الك شايل محنة اتصفن ام النوگ
و ايام الاسبوع احبال عالمخنوگ
يبوصالح خنگتي اعليك تشبه حيل
طفل توه انولد والهسه ما مشبوگ

#علي_هادي_الخزعلي
مجاراة #_مهدويات -38
________________1
الشيخ حيدر الحميداوي

تفائلتُ بخير. وبـالحلم شفتك
جن مسموح اليه وحيل عانقتك
إذا يوسف يودي ويا القميص عيون
چا إنت شتودي ملفلف ابشتك؟
________________2
السيد جاسم الجزائري

تفائلتُ بخير بجية الجمعه
وصوت البالسمه ها سمعه ماسمعه
غروب باب بيتي عالگ الشمعه
هي اتسيل دمعه وانه اكت دمعه
________________3
عمار هليل الواسطي

تفائلت بخير بغير ما شوفك
وحلم عندي بمنامي تسيّر اطيوفك
شفت أو ما شفت ثابت يقيني اوياك
أعوف الغالي عندي وأبد ما عوفك
________________4
ابو محسن المشكوري

تفائلت بخير وصحت يالمهدي
رغم كثرة ذنوبي وكل أثم عندي
تتعطف عليه من انام الليل
وبحلامي اشوفك ولو متعدي
________________5
مهدي التقي

تفائلتُ بخير .. إبليلة الجمعه
ودعيت الله إبـ(كُمَيْل) إبرحْمِتَه الوسعه
والنُدبه قريته إبنبرة الغرگان
وإجه ليل السبت چا ما إلك رجعه ؟
________________6
علي هادي الخزعلي

تفائلتُ بخير ومن خطف ذچرك
عطر گبر الحسين استنشگه بعطرك
يبو ظهر الچسير اعله الذبح والماي
ضلع صدر الزچية هذا لو ظهرك؟
_______________7
سيد حيدر الجزائري

تفائلتُ بخير الثارك اتكرب
شايل خلگ دمعه وتجري من زينب
ضوه وايامي لون اخيام الحسين
الحگ يابو صالح خاف تتسلب
________________8
علي محسن الزيادي

تفائلتُ بخير وگلت راح الگاه
الزياره الناحيه اقراها انا اوياه
بس من يقره اين الطالب بالثار
خاف ايگلي ذنبك اخّراني احاه
________________9
كامل السعيدي

تفائلتُ_بخير . وبـالحلم شفتك
يبوصالح وبين احواجبك بستك
لزمت ايدك وصحت ابشاربك مولاي
وطنه اتفرهد وهذا الوطن حصتك
________________10
علي العگبي

تفائـلت بخيـر المهـدي هـادينـي
خادم للحسيـن وقيمه منطيني
اسمي بالمجالس شاعر اهل البيت
مـو همـه وأحـس هـو اليسـمـيني
________________11
عبد الرحمن الفضلي

تفائلتُ بخير وجرحي ضل يدّي
وردت مولاي أعيشن بالدمع وحدي
أضل أقرالك بندبة الطف وأنعاك
ومو جندي انحسب لو عاد نص جندي
________________12
علي الشملاوي

تفألت بخير ودمعتي بخدي
انته الامل ترجع غيرك شعندي
جسد فارغ اعيش اخلافك بلا روح
عشرتي وياك مثل الماي والبردي
________________13
كرار الهاشمي

تفائلت بخير وطابت احلامي
حلم منهن اشوفك تروي كل ضامي
وترد زينب لهلهه وتسگي كل عطشان
وحلم بالطف اشوف حسين مو دامي
____
الجمعة - 22 ربيع١ / 2021
لمولاتي الزهراء عليها السلام

شعملت وياك يا وكتي .. اجبني
الهدمته اعليه ما يرهم.. اجبني
بتسع رفسات موش اشهر .. اجه ابني
بزر من گلبي طايح للمنية


#علي_هادي_الخزعلي
#شور
#دين_الماي

سلطاني .
اخذ گلبي بيدك
ضريحك اقدس فَي .. يدين الماي
سلطاني
اموت او لا انسه
الفضل من الخدمة .. وصرت مشاي

كمت احبن كل بچي
العليك الماي اشربة وانتچي
واعاتب روحي اگلها بالحچي .. عمت عينج

عطّش اخيامة الدهر
فگد محبوبي من ظهرة ظهر
لهاته اميبّسة ويجري النهر .. عمت عينچ

حسين ... حسين
~~~~~~~~~~
سوّاني ..
بشر كلها اتحبه
وچنت ما اسوالي .. تراب الباب

سوّاني ..
وعتق اغلال ايدي
وهويه امسلملي .. دمع واصواب

دمعه سواني ازلمة
وحبيبي اعيونه غرگت بالدمة
حبيبي الدمّة واصل للسمة .. و لا طايح

كافي روحي اتأدبي
غريبة انتي الحسين ابن نبي
حبيبي اعياله ماتوا بالسبي .. و طفل رايح

حسين .. حسين
~~~~~~~~~
راداني..
اله و استخلصني
بزغر عمري لشيبي .. بچي اتربيت

راداني ..
انعم الله اعله اخيامة
الحرگها وخلّاني .. گعدت ابّيت

قل اعوذُ امن السبب
اليسيء بخدمتي اوياك الادب
اعله بابك يسوه تل امن الذهب .. اسم خادم

كون اشگ زيج الجفن
عليك ودمعي بخدودي يرن
بجنوني اعليك اسمعنه خشن .. حچي الوادم

حسين .. حسين
~~~~~~~~~~
ربّاني ..
عله ايده ام الخنصر
واحن من امي ايحن .. عليه اهواي

ربّاني ..
العذر من امي اهواي
الحسين اكثر يمه .. تعب وياي

ياهو مثلة ابلا ذنب
اعلمود اهدومي هدمه ينسلب
أنه المو ذاكه اخته تنسحب .. بحبل چتال

والله لو املك بخت
تظل فاتحته بيه وما طفت
العليك اعيونه ابد ما خلّصت .. صدگ رجال

حسين .. حسين
~~~~~~~~~~~~
✍️علي هادي الخزعلي


لطلب اللحن مراسلتي
@Alihadi217777
مجاراة مع الموفق شيخ حيدر الحميداوي
#_مهدويات -39
________________1
الشيخ حيدر الحميداوي

على الباب انتظرتك والالم بيه
انعصر عصرة كبر مولاي ليليه
نضحك نبتشر وانام اي نرتاح
اهو الراحه يعرفها العنده مسبيه؟
________________2
السيد جاسم الجزائري

على الباب انتظرتك شجره رادت ماي
لاتگدر تجيبه ولا تسولف راي
(كلوروفيل) عمري مصوفر بلياك
عُمُر رافگني بُعدك يمته تمشي وياي
________________3
مهدي التقي

على الباب انتظرتك والگلب يچوي
خلگ عندي إلرجوعك چن خلگ بدوي
نوم أهل الكهف نوّمني يا مولاي
وفزِّزني ويه طلعت نورك اليضوي
________________4
علي هادي الخزعلي

على الباب انتظرتك والصبر گطرة
الهوه بغيابك ايدليني ع النظرة
سيف افراگك وگلبي الزغير اگراب
اغيابك سيف باشط يگطع الشَعرة
________________5
علي المشكوري

على الباب انتظرتك وأدري جلمة باب
من عينك تنزل دمعك السجاب
وتذكرك بسطره وجف جوته النار
وبكسرة ضلع لليوم ابد ماطاب
_______________6
سيد حيدر الجزائري

على الباب انتظرتك بيه ما بيه
رغم هجرك حرگ بس عاشَر الريه
اوگفت وگّفت عليله امتاعي الدموع
اقبل لو توّدي اخويط خاچيه
________________7
الشيخ احمد الشامي

على الباب انتظرتك اه من الباب
ذكرني بمتن وبعين وباعتاب
عليها الزهره طاحت والضلع مكسور
ومحسنها رفس چن طير من ينصاب
________________8
علي محسن الزيادي

على الباب انتظرتك طفله مجروحه
عليله اخلاف ابوها عدله مذبوحه
اثاري الينتظر غايب مجانه الباب
وكلما طاح ظل ينتچي اعله اجروحه
_________________9
علي عگاب

على الباب انتضرتك ليلي ونهاري
عليـه شـأخـرك يارحمـة الباري
خليني اشوفك حتى لو بالطيف
يالدوم أعله بالي وشاغل افكاري
________________10
علي الشملاوي

على الباب انتظرتك هلبت ادكه
احر من قلب يوسف صاير الملكه
حتى الحيل من فركاك مابيه حيل
يعكوب بفكد شوفه ترى حكه
________________11
مصطفى امين

عله البابك انتظرتك والجرح نازف
اعمي اعيوني الك حد ماترد حالف
شنهي ادموع واعيونك تصب ادموم
تقصر عيني وياك ابدمع خايف
______
الجمعة / 29 ربيع١ / 2021
سيف ذو الفقار يخاطب الامام علي ع
*

فقارك انه ياعلي وكاتلني الاعتاب
لو اكتل اليكسر ضلع لو اشلع الباب

ياحيدر .. ياحيدر
~~~~~~~~~~~~~
اصواب ام حسن يابو الاحسين اصوابي
ترضاها ينطگ العرش بغيابي
من الحرگ دخان صار انگابي
صوت الكسر يسحبني من اگرابي

لو ما وصيتك والحسن لا حاسب احساب
لو اكتل اليكسر ضلع لو اشلع الباب

ياحيدر .. ياحيدر
~~~~~~~~~~~~
ما بيدي شي وام الحسن متصوبه
واگرابي يخنگ بيه چف و رگبه
لو دافع الباب انرُخص اتگربه
لا والله اگطع راسه و اگطع صلبه

و انه انعرفت بكل حرب گطّاع الاصلاب
لو اكتل اليكسر ضلع لو اشلع الباب

يا حيدر .. يا حيدر
~~~~~~~~~~~
جيت اطلع اعليهم بل ايعجبنك
من اسمعت ذيچ اللسن سبّنك
اچفوف الچنت تطيهن اغتالنك
طيحة ثمر من النخل طاح ابنك

والزهرة صارلها شهر خانگها الاصواب
لو اكتل اليكسر ضلع لو اشلع الباب

ياحيدر .. ياحيدر
~~~~~~~~~~~
لو ما اموصه وانه بيدك تفزع
خيّرهم ابلايه ضلع من يرجع
والصله بالجامع چذب ضل يجمع
نار وحطب يم بيتك و يتسبّع

يتسبّع الذاك بأحُد ما جايس اگراب
لو اكتل اليكسر ضلع لو اشلع الباب

ياحيدر .. ياحيدر
~~~~~~~~~~~~~~
لو الله خالقلي لسان بذاتي
مو اله اطلع تكتل احچاياتي
دمعات زينب طيّحن دمعاتي
شگن اگرابي امن الغضب فتحاتي

ام الحسن تمسحني چانت من الاتراب
لو اكتل اليكسر ضلع لو اشلع الباب

ياحيدر .. يا حيدر
~~~~~~~~~~~
التجّتف بحبل الوصية اكتارة
عالحايط ايظل منصلب فقارة
شيبني موقف فاطمة بأسرارة
وسيفك تعرفة ايشيّب بزنجارة

لو ما حچيت بأذني انت وگتلي الاسباب
لو اكتل اليكسر ضلع لو اشلع الباب

ياحيدر .. ياحيدر
~~~~~~~~~~~~~~
✍️علي هادي الخزعلي
#لمولاتي_فاطمة_الزهراء_ع

مو مالت افراگ .. عشرتنه مالة ملگة
مو مالت افراگ .. يكتل حنين الفرگة
___يالزهرة بفراگچ صرت كل اغروب
___ابچي واصيح اخذيني صيحة متعوب
يكتل حنين الفرگة
~~~~~~~~~~~~~~~~
بسمارچ ايدگ بالنفس .. يطلع ضلع وي نِفْسي
واليمسي چان بشوفتچ .. بالشوغة ظل ايمّسي
ما صارخ بعمري و الچ .. بالصرخة طبّگ حسّي
من عميه عينك يالگبر .. بنص مترة تدفن شمسي

كتّاله الاشواگ .. وگلبي الچبير اتفتّه
كتّاله الاشواگ .. انه الدفن سالفتّه
__ امشي بجرح رديت مشية مصيوب
__ابچي واصيح اخذيني صيحة متعوب
يكتل حنين الفرگة
~~~~~~~~~~~~~~~
اول بشر يدفن گلب .. بيده وتخنگة الهظمة
سموّني دفان الشمس .. چي رجعتي اعله الظلمة
گمت اطرد بريتي الهوه .. بس الهوه شيظمة
يا ام ابوها بروحتچ .. گمت امشي واصرخ يمة

من دمعچ الطاح .. تربة صلاتچ شابت
من دمعچ الطاح .. خرزة سبحتچ ذابت
__صبر الصبرته بسكتتي ايموتْ ايوب
__ابچي واصيح اخذيني صيحة متعوب
يكتل حنين الفرگة
~~~~~~~~~~~~
دمچ ترس بابي ونشف .. جيبيلي چف ايمسحة
من انگطع نفسچ شفت .. انگطع خيط السبحة
ما يرهم اعليچ الگبر .. يا دم علي او يا جرحة
التاخذ زهرتي ابلا عطر .. هاي المگابر وكحة

بحظان الاتراب .. ادفن حبيبة روحي
بحظان الاتراب .. شوفيلي حل لجروحي
__ رايدله بوداعچ علي عشر اگلوب
__ابچي واصيح اخذيني صيحة متعوب
يكتل حنين الفرگة
~~~~~~~~~~~~~
ما مقتنع ميتة وعلي .. شو چنچ بنص عيني
صارن حروف ابلا نقط .. مابيها معنى اسنيني
ظهرين سواني الهجر .. من فرگتچ شوفيني
مايعرف ايلاگي الگبر .. متعلم اتلاگيني

هادمني فرگاچ .. بدموعي صار اسلوبي
هادمني فرگاچ .. واصل سوادي لثوبي
__هالمرة ماغالب علي ورد مغلوب
__ابچي واصيح اخذيني صيحة متعوب
يكتل حنين الفرگة
~~~~~~~~~~~~~~
فاطمتي كاتلها الرفس .. بس گوة لازم صبري
بالمغتسل شفت الضلع .. طالع و ابد ما ادري
ركضة النار اعله الگطن .. يركض الشيب بشعري
شايب چبير بفرگتچ .. ما يمشي گايم عمري

ما باقي بس ثوب .. زين وتشوف عيوني
ما باقي بس ثوب .. كلساع اتيّه لوني
__چا يمته من عندي الهجر عود ايتوب
__ابچي واصيح اخذيني صيحة متعوب
يكتل حنين الفرگة
~~~~~~~~~~~~~
ايسموني ابو اتراب الخلگ.. چي مترب اعله البضعه
اخذيني احسبيني الچفن .. ألشوگ يكتل رَبعه
يل ميّت ابطنچ نفس .. يل ذبتي ذوبة شمعه
بس هو اليحبني صدگ .. للرفسة يفتح ضلعه

يل بيش اجازيچ .. يا بعد سبع اضلوعي
يل بيش اجازيچ .. خدي درب لدموعي
__ذيچ السوالف ما يسدها المكتوب
__ابچي واصيح اخذيني صيحة متعوب
يكتل حنين الفرگة
~~~~~~~~~~~~~
✍️علي هادي الخزعلي
كلميني... كلمة طلعت من يتيم بحرگته
كلميني… حته خلّاق البچي هم بچّته
ياعلي عن الجسد .. وخّر اولادك بَعد
~~~~~~~~~~~
حسين صيّح كلميني والعرش هزّه
حگة هاي امه الحنينة الكلش اتعزّه
ياعلي اعذرني اعله چفني اتگلة الامجهزَه
امن الچفت طلعن اديها بحرگة الفزّه

كلميني… غير من گالاها طيحلة سمة
كلميني… فتِشَت و تحركتله فاطمة
صاحب الموت استعد .. وخّر اولادك بعد
ياعلي
~~~~~~~~~
اليمة تطلع منّه تچوي وبيها حنّية
غصّت الدنيه بكلمته و حرگت الريّة
بوية متأكدلي هيه خاف مو هيّة
ألچفن ما تلبس امي تلبس النيّة

كلميني… هيه ست احروف بس بيها حچي
كلميني... من حچاها انكسر گلبة امن البچي
الميت بصوته گعد .. وخّر اولادك بعد
ياعلي
~~~~~~~~~~
هوّ المعّود عله امه ايكتله فرگاها
وامه مو اي ام يوادم حته ينساها
الثاني يوم الناس تبچي وتنسه موتاها
وهو طاحت ايده يدعي ايموت اوياها

كلميني… الگالها وي الهجر داخل حرب
كلميني… شنهي من كلمة التعدللها گلب
اجنازتك حطلها حد .. وخّر اولادك بعد
ياعلي
~~~~~~~~
بالهوة الكاتل يذبها ذمة اشموعة
الما يفارگ فوگ راسة الشيبة ممنوعة
يمة بس گعدي يگلها ويچوَن ادموعة
عوزچ اشچم ضلع اخذي صدري وضلوعة

كلميني .. لا اموتن موته صدمة اعله العمر
كلميني .. خضّرت بيدي الرسايل للهجر
ال(بعَد) شتفيد البَعد .. وخّر اولادك بعد
ياعلي
~~~~~~~~~~~~~~
گطعت الوگفة وجعها منتشر بيها
لحّگ اعله امك تعال وشوفها شبيها
بچة املاك الله كلها من يحاچيها
الدنية ماتوگف عله احد وگفت اعليها

كلميني… انتي مو مالة جنايز انتي الي
كلميني… من تنهّد عالچفن بچّه علي
والدمع للرب صعد .. وخّر اولادك بعد
ياعلي
~~~~~~~~~~
حسين امة شيله شيله بريته حاسبها
شفته متعوده اعله اديها اتصلي وتحبها
ينغمي اعله امه بگبرها وحيدر اينبها
بلّحد كلما يحطها بيده يسحبها

كلميني… عش حمامة بيتچ امتّرس نِشِد
كلميني… افراشچ امزّهب اشعندچ باللحد
لأمة حنّان الولد .. وخّر اولادك بعد
ياعلي
~~~~~~~~~~~~
✍️علي هادي الخزعلي
يا صاحب الزمان عج

الناس اتنام وانت السهر ما عافك
مصايب كربلة يگعدن عله اچتافك
الشافك بالحلم عايش الحد الان
بكثر ما گايليلك عاش من شافك

#علي_هادي_الخزعلي
رجعت بكسرة ما مكسورها انسان
علي الچان الهوة ايصيحولة دفّان
اعله گبرچ طاحن اعيوني ... ارد كلما يشيلوني
~~~~~~~~~~
الدمع زاتوت العيون … عله الدافن حياته
أنه اول فاگد ايصير ... الدمع يگطع صلاته
رجعت امنّگِب الليل ... بسلف ينگط شماته
الملائِك من الاگبور ... علي ما شايلاته

بتَرَاباتي رجعت احچي اوي الاتراب
وعلي لو ما فشل سويتك انگاب
اموتن لا توخروني .. ارد كلما يشيلوني
~~~~~~~~~~~~~
السفينة التدفن اشراع… چذب يعدل ظهرها
اذا ما شافتچ حيل ...اعيوني بإيدي اجرها
هذا يا خشب طاح .… عله اضلوعچ كسرها
أنه اهمومي نهر ماي… وطحت گطرة بنهرها

عدل بعده الاحسين وحلفت العين
يأم احسين اگعدي بروح الاحسين
تره ولدچ يصيحوني .. ارد كلما يشيلوني
~~~~~~~~~~~
تابوتچ سهم حاد .. وظهري القوس صاير
طحت وي طبت البيت .. مثل طيحة مناير
تجدح شگة الزيج ... ووجع لعيوني عابر
بخسرتچ افرش افراش .. بعد واحسب خساير

مو دخلة عرف راح ادخل الدار
كرهته ومن اطب ادخلّة خطار
صرت بعدچ يتچوني .. ارد كلما يشيلوني
~~~~~~~~~~
امن اسلم يم الاگبور ... سلامي يردلي و ابرد
اسلم ما تردين .. وسلامي واجب الرد
الوجع بضلوعي بعدچ .. بيت احزانه شيَّد
اگعدي وسولفي وياي… عليچ بدم محمد

وحگ العيشة ذيچ وذيچ الايام
علي من البچي يم گبرچ اينام
اگلهم لا تگعدوني .. ارد كلما يشيلوني
~~~~~~~~~~~
احاول امشي للبيت .. وترد رجلية تزلف
حيلي بإيدي مدفون .. بعد ياحيل اكلّف
ادبنه مَثَل للناس… وبي گام الله يحلف
اسولف من تسكتين .. وتسكتين امن اسولف

تصلين اعتبر ما رايح انعاچ
لإن بس بالصلاه ما احچي وياچ
بعد إنسه يوصوني .. ارد كلما يشيلوني
~~~~~~~~~~~
تطم البير للراس .. دموعي الطيحتها
الصيحة الطلعت اعليچ .. عله امي ما صحتها
بإم بيتي يهل ناس .. المگابر صبحتها
رمدة الگاع والگاع .. بثوبچ كحلتها

ترة احروب الهجر ما بيهن اسباع
بله اشلون هسه بعملة الگاع
ارحموني وادفنوني .. ارد كلما يشيلوني
~~~~~~~~~~
✍️علي هادي الخزعلي
HTML Embed Code:
2021/11/29 22:09:32
Back to Top