دنـيـاي إبـهـضـمـهـه __ جـاسـمـتـنـي

الشـمر سـوطـه ييمه __ جـاسـمـتـنـي

وراك أركض واصيحن __ جـاسـمـتـنـي

أيــد بــأيــد نــمــشــي لـلـمـنـيــه

أبي وأمي وعشيقي ** ابا عبد الله
أمامي انته وصديقي ** ابا عبد الله
____________________
شكثر صادقت وصديقي بضيجي عافاني وهجر
حسين وانته يا حلاتك من تصادقلك بشر
إدور المحنه الچبيره وتوگف احزام بظهر
ما تخذله وتوفي وتصيرون حسين وگمر
شگد ما طيب انته ** ابا عبد الله
الحر ذاك وقبلته ** ابا عبد الله
_________________
علي گل لله عبدتك ما طمعت إبجنتك
وآنه ما اريدن ثوابك كافيتني وگفتك
آنه صاحبتك حبيبي لئن حلوه صحبتك
أهلاً لذلك لگيتك أبچي دم لمصيبتك
لمصابك راح اجدي ** ابا عبد الله
دم من دمعة المهدي ** ابا عبد الله
___________________
ما عفتني بكل حياتي انته مثلك ما يصح
ورده واذبل وانته تسگيني نده بلون الصبح
بجسمك إموفي الصداقه الف وتسعمية جرح
يا صديق يقدم لصدقانه راس إعله الرمح
وفيت انته ويربعك ** ابا عبد الله
ما وآفينه اصبعك ** ابا عبد الله

مو بعيد إحذاي اشوفك يوم لو مالي خلگ
تسأل عليه ادري بيك وانته صاحب من صدگ
گلبي ما اريده وغلاتك اذا بسمك ما يدگ
وين اكو صاحب يقدم ضلوعه لجلي للسحگ
شفت ما يكفي صدرك ** ابا عبد الله
گمت ضحيته عمرك ** ابا عبد الله
___________________
هواي صادقت بحياتي الصادقاني مصلحه
آنه حاملهم على سبعين محمل والضحه
ألگالي آنه خويك عافني إمن البارحه
حسين بس انته صحبتك وحگ زينب ناجحه
يحلمي انته وصحوتي ** ابا عبد الله
يأفضل من اخوتي ** ابا عبد الله
__________________
آنه ما وافيك يالغالي تره شما قدمت
واليموت رفيچه كون يموت واعذرني عشت
وحگ كلمن ركضت إعله الشوك مثلك ما شفت
انته لو ما أم أليه وأبو وصاحب چا ضعت
جعلتني من الأوادم ** ابا عبد الله
إرحمتني بالمآتم ** ابا عبد الله
،،،،،،،،،،،،،،،،،،

محمد الجوراني

يا حُسين إبختك .... أخدم إبفاتحتك
شهرين شهرين
...... ....... .......
بيدي أنصب چادرك وافراشه
حته لو من التعب اتلاشه
ما مقصر وياي انته حاشه
من اجلي حته انطيتهه الدشداشه
انطيت حته المحبس .... حته انه اتنفس
كل حين كل حين
....... ........ ........
تنعى ابو اليمه عشيرة هاشم
الفاتحه أمعزبهه اني وخادم
وفاتحه ما أقره مثل الوادم
خويدم أقرالك يعم القاسم
وحگ دمعة رمله .... غيرك اخدم ذله
بعدين بعدين
...... ....... ......
ليش اقصر وياك يالتستاهل
وانته لجلي بيسره ضعنك مايل
راسي انته ارفعته ما ضل نازل
كون اصيرلك أنه ابو فاضل
انته كلشي انطيتني .... امن البشر سويتني
يحسين يحسين

خدمة الشهرين أحسهه شويه
عندي شغله وي الله بس عالنيه
لو صرتلي الواسطه مگضيه
يسوي هاي الخدمه الي يوميه
ما يردك الله .... أنته ابو عبد الله
ألزين ألزين
....... ....... ........
آنه ملكك أشكرك خليتني
كلشي ما منطيك وانته انطيتني
أنطيتني عبد الله بي وعيتني
وبالمجالس آدمي سويتني
أشكرك بالمأتم .... أله اطلعلك دم
امن العين امن العين
.......... .......... ..........
الفاتحه مالت أبويه هيه
وآنه لجلك كون عندي بنيه
حته تطلع لليجن مچويه
مو نسه يلاجنهه بل ترچيه
أذن امشرميلهه .... وبسوط إمورميلهه
المتنين * المتنين
...... ....... ........

محمد الجوراني

توصلك يوميه مني _ ذنوب وكافيك اتسامحني
يأخرنك أدري وأفعلهن
تستخطيني وتتجاوزهن
يا مهدي
....................
آنه بذنوبي يمهدي مأخرك ما تطلع
ادري يوميه ذنب يآذيك عني تسمع

وبعطفك تتجاهل فعلي وتغفرلي الذنوب
إتسامحني وتگول عليه ميخالف يتوب
وآنه هوايه ألچم بجروحك ومفرحك يادوب
تحبني انته ومستغل حبك _ بأخطائي بس شالع گلبك
ذنوبي ادري معذباتك كلهن
تستخطيني وتتجاوزهن
يا مهدي
.................

گلت ما أذنب بعد يالمهدي وآنه تايب
نفسي گلتلي شباب وتوب وكت الشايب

نفسي أماره يالمهدي وألهه چن الراي
تبت وما تبت من ذنوبي وصارن حيل هواي
معذب روحي بيدي ادري ومعذبك مولاي
رايد من عندك تغسلني _ امن ذنوبي بنظره ارحمني
علّٙيه عويناتك وجهن
تستخطيني وتتجاوزهن
يا مهدي


هواي شالع گلبك آنه وأنته متحملني
والله لو غيرك تره من اول ذنب طاردني

أطرد روحي بذنبي عنك وتقربني عليك
أطلعني من الضلمه لنورك خاطر ما اذيك
مضيج خلگك آنه وما اجي أسألك اشبيك
أطرد روحي عنك وألهي _ وانته اتگلي بعطفك أدني
وجروحك آنه اللاچمهن
تستخطيني وتتجاوزهن
يا مهدي
...................

العنده مثلك يابو صالح كون يشكر ربك
مو يسوي أذنوب يوميه يأذي گلبك

عليك ادري يوميه اعمالي كلهن ينعرضن
شايل غيبه وآنه آثم في بعض الضن
سامحني لو مرك موقف لعيني ما غضن
عن ما حرم ربي عليه _ وعن الرايحله برجليه
وعن نظراتي الناظرهن
تستخطيني وتتجاوزهن
يا مهدي





گالو انته يابو صالح كل عزه لطامه
شلون اعرفك إسألت گلولي عندك شامه

للمجلس طبيت أتلفت وأسأل ليعرفوك
گتلهم گلولي لو اجه شوكت إمن يشوفوك
بوجوه اللطامه أدور عن الي يشبهوك
گلولي إتريد اتشوفه انته _ خلي القاري يقره لعمته
وضلوع وخيل الداستهن
تستخطيني وتتجاوزهن
يا مهدي
...................
عمل ما عندي يبيض وجهي يمك باچر
عندي بس لطمي وتراب المشي وطبر العاشر

بس ذني عندي وعيونك ودمعاتي وني
من أسمع نار وترچيه اجدامي يچوني
بلكت ترتاح انته بيهن وبلكي ينفعني
توبني إمن اذنوبي أبمجلس _ وبراسي بچفينك إتحس
عليه أتفضل واتقبلهن
تستخطيني وتتجاوزهن
يا مهدي
...................

محمد الجوراني

ما اريد أبعد عنك ما اريد
بعدي يألمك ما اريد
تكول الناس عاف حسين
....................
1__ويه غيرك ماردت محبوبي رايد وياك
آنه اعله مودك منخلفاشلون اعيش بلياك
صدكني يامذبوح
ماتسوه هاي الروح
وي غيرك امن اتروح
يحسين*اهواي ومايي يحسين
غيرك ما لي يحسين
عايش بيه أنته حسين


2__يلي ما عايفني ابد متكرب اعليه هواي
اعطش واروحن للعذبيحسين اشوفك بالماي
لو عنك امشي ابعيد
عمري اعيشه وحيد
رمضاني وانته العيد
وياكرايد عمري وياك
وحته بكبري وياك
اضل عايش محب حسين


3__عيب امن اكولن عالهوه_عيشتي وانته موجود
حته الهوه يتنفسك_وللماي ماي انته وجود
الكون انته هواه
لو انته مو وياه
ايموت كلشي هناه
وتموتحته الورده وتموت
لو ما انته وتموت
ناس اتعشكك حسين


4__محتاجك ابكد الهوه__واكثر بعد تدري حسين
شلون ما هذا الجفن_تحتاج اله هاي الحين
محتاجك ابكد هاي
حاجة عطش للماي
بشمسي وادور افياي
محتاجمنك نظره محتاج
ترضه الزهره محتاج
اضل يمك واصيح حسين


5__من ابتعد عنك فله يلفيني أحد وياه
وآنه الردت كربك ترهمو أبتعادك والله
راحمني ربي بيك
الماي امن اشربه ارضيك
ابكل مجعه أسلم إعليك
عطشانادري كلبك عطشان
آنه الكربك عطشان
علي وجهك تديره حسين


6__اشلون اعوفك والله بيك_علالي يحسين الشان
وبجاه عاش اليخدمك_والخدم غيرك منهان
شما قدملهم زين
مو مثلك انته حسين
امعيشني بالعز اسنين
محسودجي اخدمنك محسود
*وعليك الطم محسود
اطبرلك هامي حسين.

احتمال اكو جسد سابع.
ببركة دعائكم..خادمكم.

ادعيني من تنصب عزه*** للبچي عيوني جاهزه
يابختي من اندعي//// فرصه واكسر اضلعي
بهذا العزاء
___________________
يوميه أسود لابس وأفتر بالدروب
روحي تدور عالعزه الناصبه المحجوب
دليني بمچانك واجيبن دمعتي غروب

گالو انته يابو صالح قصتك===إدور ابكل لحظه مأتم عمتك
رايد احظر حته أحظه ابشوفتك=== گرة العين
إذكرني كلما تنهظم*** ألزينب أتسوي لطم
اوكتك تگضيه نعي///فرصه واكسر اضلعي
بهذا العزاء
__________________
اعيوني مشبوحه عله كل باب مفتوح
بهالبيت اگولن أكو لازم مأتم اجروح
أتصنت وبلكي أسمعه گلبك ينوح

اتگربت للباب گلت هنا جرح=== لئن باب الناس ميظل منفتح
أله مجلس منعقد عالمنذبح === وبادي الونين
وحاظره أم الثمنطعش*** للهمسته آه يالعطش
ومتوچيه عل لا وعي///فرصه واكسر اضلعي
بهذا العزاء
__________________
متحظر بعيني الدمع من گبل چم عام
امن اهد ما ظل عمتك فر من الخيام
وبلكي هسه اشوي بعد تجمعنه الايام

يمته بالمجلس يمهدي نجتمع=== ادعيني من تنصب بواچي عالصبع
من اشوفن حرگتك أكسر ضلع=== واصفع العين
جفنك لون شفته حمر*** صدري اطبگه وي الظهر
وعيون أصب مدمعي///فرصه واكسر اضلعي
بهذا العزاء
___________________
مثل الخيم المحرگه وبعازت الماي
هيچ المجالس واللطم عندي يمولاي
بين الركب راسي احطه وأثغب هواي

گلي وقت المأتم انته التحظره=== ويا مكان التبچي بي وي الطاهره
اشكبره حظي امن اندعي وأوگف وره=== هلمعزين
حته لو يم الباب اظل***يالمهدي من عندك فضل
ممنون الك مرجعي///فرصه واكسر اضلعي
بهذا العزاء
____________________
كل مغربيه اوگف جروح ابراس الفروع
لو ما أطب مجلس أعيشن عمري موجوع
هيچ وتمر اعليه بيدك شايل اضلوع

وتعطف اعليه وتگلي عازمك=== عالبواچي وشوگي احظر مأتمك
حته اواسي كل جروح التألمك=== كل السنين
أمنيتي أبگد الهوه*** نحظرابكل مجلس سوه
للمجلس أطب معي/// فرصه واكسر اضلعي
بهذا العزاء
____________________
انفاسي أجرهه كربله وكل يوم عاشور
روحي ولاتگعد أبد عالمجلس إدور
ما دام اكو بالطف يمهدي صبع مبتور

بلهفه تفتر عالمجالس وبحرص=== سامعه ابچف بي أكو اصبع نقص
واظن زينب شافت الخنجر يگص===اصبع حسين
خنصرهه ما اشك انوجع***من اصبع حسين انگطع
ريت انگطع اصبعي///فرصه واكسر اضلعي
بهذا العزاء
___________________
مرات أظنن عالنهر مأتم اكو هناك
أتعنه واسرح بمنياتي التگي وياك
من اوصلت چن اشرتلي رايتك ذاك

باوعتلك وي اشارات العلم=== تابعت خطواتك إلصوب الخيم
رايح ويم ابو فاضل باچي دم===ويمه چفين
شني من مجلس عالنهر***بين ابو صالح والگمر
ونكم لو مر مسمعي///فرصه واكسر اضلعي
بهذا العزاء
________________
محمد الجوراني

اصبر يقوس النايبه لا ترمي سهمي
تدريني ضامي ومنتظر يرجعلي عمي
لا تسفك ادماي * وبجربة الماي
يرجعلي عمي
____________________________

ثغري ضامي وما أحمله السهم ياقوس الرعب
وانظره أطول من حياتي وجنه عطشان الكلب
يعني بي اليوم موتي ونحري ضامي ينضرب
آنه ضامي وهوه ضامي ويروه من دمي اليصب
^^^
تدريني مجروح إبضمه وجرحي إشيضمده
لو أجتني النبله يعني عمري حده
وتغمضلي عيناي * وبجربة الماي
يرجعلي عمي

______________________________

احسب ابدمعة اماني هسه يرجعلي الكمر
وانته تدري بيه انطره العطش بجروحي سعر
يبس ثغري اشكد تنيته ودمعي ما يروي النحر
عين اصد بيهه اعله سهمك عين اصدهه لنهر
^^^
خايف يصوبني السهم وعطشانه روحي
ومتاني جود الكافل إيبرد جروحي
مهلوني يعداي * وبجربة الماي
يرجعلي عمي



انظر السهمك عجيبه ارجال بي التنصدع
مو طفل عمره شهور وترف نحره ينكطع
لا تهد سهمك عليه ويفتح اجروح الدمع
وبالخيم كلب امي عفته ضامي مثلي وينفجع
^^^
هذا السهم من يفجع الام ابولدهه
تبقه اعله ابنهه الفكدته دمعه اعله خدهه
وتيه الراي * وبجربة الماي
يرجعلي عمي

_______________________________

عفت روح امي اعله دربي إمتانيه يرد الولد
ياسهم قوس الرزيه غيري ماعدهه ابد
هسه بالخيمه تلولي كاعده اتناغي المهد
وآلده وما تغمضلهه عيون لو ابنهه انفكد
^^^
لا ترمي سهم الفاجعه وتسفكلي دمي
يا قوس اذا سهمك رميته يفجع امي
وتتأثر بهاي * وبجربة الماي
يرجعلي عمي






مثل ثغره المهد ضامي وحضنه ينطر ردته
ولبو فاضل عينه عبد الله يصدهه ابدمعته
ضامي ومتاني الكفيل ايرد عليه ابجربته
مادره يم الشريعه اسهام اميه غدرته
^^^
سهمين اجن عالجربه لا توصل خيامه
صد واحد ابعينه الكمر والثاني هامه
وآهاتي بلواي * وبجربة الماي
يرجعلي عمي

______________________________

ياسهم ارحم دليل الوالد الضل وحده
هالوحيد بقه عنده ومنه لا لتفرهده
يطيح حيل حسين ضامي لو ذبحته يشاهده
وزينب وسكنه ورقيه والرباب التفكده
^^^
للخيمه جابه الوالد وسهم ابركبته
صرخة سكينه ابيا ذنب لمن ذبحته
مايهده مبجاي * وبجربة الماي
يرجعلي عمي
_________________________________
الشاعر
محمد الجوراني

صار يوم الطف ليل والكمر عباسه
▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪

هذا ترباية علي ومن عنده وارث غيره
صار بالطف حيدره بشخصيته وبتصويره
علي لو طب للمعارك يفترض تقديره
والكمر للطف يطبه الزلزله تفسيره
الدنيه تعرف عباس علي جفه باسه

▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
أقره سورة زلزله العباس كل معناهه
زلزل إطفوف وزلمهه إبرايته ذلاهه
مدري خيبر مدري خندق أظن كل رداهه
والمنيه اليوم صوته إبياهله اتلكاهه
رايه شال العباس شالهه بنوماسه

▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
1))))

من نخته زينب اعله الماي طك عرك العزم
صاح بشري اليوم اجيبه وخلي تمنعني الزلم
صالت الغيره بوسطهم كام يردمهم ردم
عالشريعه اصفوف صفت هاي كلهه ماتهم
وا لله لو مو سبعين الكون وبكل ناسه

▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪

كام ماي النهر كله اتلكه عباس ورجف
من اجه العباس يمه عنده غايه وجن هتف
كله ياماي الشريعه اتروح لخيام الشرف
هدده وراح النهر بجروفه للخيمه زحف
لو وصيه امن حسين جا محه حراسه

▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
((2))


جيوش كلهه اعله الحصن عباس غيره مرتجل
والأجابه ارواح آخذ سيفه لمن ينسأل
الحومه سواهه ابو فاضل جنهه وادي للنمل
والزلم صاحت دخيلك سيفك الماينحمل
بالكمر لاذ الجيش خاف يخطف راسه

▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪

ببو اليمه الكمر هايم هاي تضحية العشك
حسين ما وصاه حارب بس تولاهم سحك
الموت وي عباس دومه يمشي لا ما يفترك
والعساكر من اجاهه الروسهم رنة رشك
وفه عباس حسين لجله ضحه انفاسه

▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
3))))

عنده غايه الكمر بالطف أخته تبقه امخدره
الماي صاح اليوم اجيبه واكر عين الطاهره
جفوف ضحه لجل زينب هامه وصبي ناظره
ملحمة تاريخ سوه الكمر ضلت تذكره
لسه موجوده اخبار لنهر من داسه

▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪▪
4))))
تمت
خادم العباس..ع..
--------
الشاعر
محمد الجوراني

وياك ياحبيبي مو ويه غيرك

====================

هذا صوتي اعله المنابر خل يسمعوني واعيد
ما اعوفك ياحسين لو يكطعون الوريد
افترض عفتك حبيبي بالحشر ياهو اليفيد
ومنبرك علمني انته ألي شافع مو يزيد


====================

لو يسألوني اعله ديني بكل صراحه راح اجيب
هيه مو شغلة اصوم آنه واصلي ويستجيب
الدين ذني فروعه لو بس هنه اسويهن اخيب
والأمامه أصل ديني والفعل بيهه يطيب


====================


لو يخلون الكمر بيساري والشمس ابيمين
وهذا كله يصير ملكي ما اعوفك ياحسين
هيه جلمه وحده اكلك يبن امير المؤمنين
ما اعوفك للمنيه أقسم بأم البنين

آنه دربي هوه دربك ما اعوفه لو جحيم
كل درب فاني وجوده وأدري بس دربك يديم
عليه لو مجنون كالوا أفتخر والله العظيم
بأبي أنته وأمي بغيرك آنه اصبح يتيم


====================


هيه دنيه بغيرك انته آنه بيهه ألمن أكون
وانته لو ما انته خالد هذا ما يتسمه كون
انته موجود ابحياتي بل أكيد ومو ضنون
لسان حالي يصيح احبك ياحسين بهالجنون


====================

هاك اخذ عهدي اولائي يبن خير الانبياء
بالحديث القدسي جبرائيل عن رب السماء
هالفلك كله خلقته لجل من تحت الكساء
يعني انته كل وجودي الضوه والماي والهواء
======================
الشاعر
محمد الجوراني

مسلم شبه حيدر......بالكوفه رد خيبر
يساويهه بعزمه ويگلبهه....تيه عالوادم مهربهه
مسلم شبه حيدر

ورث غيرة علي وللكوفه طب ابسيفه ويلات
كلمن شاف مسلم صاح حيدر بعده ما مات
بغيرة عمه غار وردهه كل ذيچ البطولات
شايل نخوة چفه مثل چف البلفتوحات
اينظروله بس هوه ..... طگ بركان المروه
هاي الكوفه ومسلم طبهه..... تيه عالوادم مهربهه
مسلم شبه حيدر

اهل الكوفه صارت خدم مسلم هوه سلطان
بالحومه وگف وگفة علي اتوسط الميدان
ذل فرسان اميه سيفه من التهب نيران
جيش امعسكر ايهابه ويشوف ابعينه بركان
ضل فوگ الرگب يسحگ.....يرعد سيفه بس بالحگ
حومه وتعرف بس صاحبهه..... تيه عالوادم مهربهه
مسلم شبه حيدر

نگلة جدمه مسلم برق فوگ ارگابهه يفوت
وگفهم قصاص وأجه بيده يوزع الموت
ضلمه وخله فرعون اليحشم وينه جالوت
وسيفه الفصل الحومه عليهم كلهه تابوت
برهن حُسينيته ...... والكل عرف صيته
جيوش وبس وحده امتعبهه.... تيه عالوادم مهربهه
مسلم شبه حيدر

طب للكوفه شال ابعينه بس اوصية حسين
نعم للوحده والمعروف لا لخيانة الدين
لچن خانو وصيته وباعو المعروف طاغين
وبقت طوعه التذكره ابعزم امير المؤمنين
واتذكره بالحمزه...... بسيفه العسكر ايفرزه
لبه الوصيه الجايبهه.....تيه عالوادم مهربهه
مسلم شبه حيدر

رغم اجراحه مسلم صوت أذن دمه منصور
ابكبر الحومه كبره واله صله نزف النحور
هيبة تضحياته دمه صار اسلاح عالجور
مراجل حيدره بالكوفه ردهه عليهم إثور
صوت العزم أذن ..... صولاتك علي ردن
شيطان اميه وحاربهه ..... تيه عالوادم مهربهه
مسلم شبه حيدر

على عينة زلمهم سيفه هلهل حز الرگاب
حومه وبيهه مسلم حاكم وچن صار الحساب
هذا يگول خل نتنخه كلنه إبداحيّ الباب
وذاك ايصيح نستسلم أله ويرجع الهاب
صاح الجيش استسلم .... بس رد الهوه مسلم
جنهم وانسهم توبهه..... تيه عالوادم مهربهه
مسلم شبه حيدر

الشاعر.،.،. محمد الجوراني

ملك بچفوفه النهر....إله انشگ وجه الگمر
بي محتاره هالناس....محمد مدري عباس
إله انشگ وجه الگمر

إتيسر بسيفه ابو فاضل لازم يجيب النهر
سوره سمعو لشجاعه إترتلت لا من مفر
وجل بگلوب العساكر يتبعه رُعب السعر
ولمعة السيف ابيمينه خطفت ألماح البصر
ريح صرصر بالزلم ....بيهه ماضل كل عزم
العسكر صابه وهواس... محمد مدري عباس
إله انشگ وجه الگمر

نخت زينب غيرة الله إگبالهه الشارب يرف
شال رايه ونخوة أخته وجربه شايلهه الچتف
بچفه غطاهه الشريعه إبكبره چفه منعرف
إستوله عالماي ابو فاضل بأمره صاير كل حرف
گله زينب طلبتك....صاح اترس جربتك
حير عقل الارجاس....محمد مدري عباس
إله انشگ وجه الگمر

حالف ابخت العقيله زينب ودمع اليها
الحومه أطويهه بيميني مثل ما اطوي السجل
نادته بصوت الزچيه الله حيه بيك اصل
بيك اشم غيرة ابونه وبوجودك ما اذل
صاح هذا اليوم ألي....شلون تنذل بت علي
گلهه عالي الراس.....محمد مدري عباس
إله انشگ وجه الگمر

ناويّ العباس بيهم لازم الانفس تضيق
والهوه صار بأمرته كل زفير وكل شهيق
مهرته أعله الجثث رفست شبه رمي المنجنيق
وضربة العباس وحده عالرگب مثل الحريق
علي چنه ابحملته....ما يثني ابضربته
وحده ضربته احساس....محمد مدري عباس
إله انشگ وجه الگمر

علي شجره لهل شجاعه وبيهه عباسه غصن
عاصفه وطبت عليهم عاصفه ومنهه اشتضن
بعد ما زالت تربهه زلم تردم بالحصن
المشرعه تابوت چنهه عليهه ابو فاضل يمن
الموت ناده ياعجب....ابو فاضل ما تعب
هله بحده المينجاس.... محمد مدري عباس
إله انشگ وجه الگمر

گوم فرعون واجاهم شبه موسه ابأفعته
سيوف ألقوهه عليه وهوه ألقه غيرته
شال سيفه وچفه ابيض بي دلاله الخوته
جيش وحده الگمر واگف علي چنه ابوگفته
الگمر معجزته العلم.....سيوفهم سيفه إلتهم
شجاع وكله نوماس.... محمد مدري عباس
إله انشگ وجه الگمر

مَلك عباس إبوكتهه ومِلك گاعچ كربله
بيچ طب چنه البراءه خاليه امن البسمله
فسرت جيته الشريعه الاجه گالت زلزله
الغضب والغيره ابقبضته الله اوحاهن أله
علي لو هذا النبي.....الزلم لبسهم علي
وگف حته الانفاس.... محمد مدري عباس
إله انشگ وجه الگمر

الشاعر،،، محمد الجوراني

علتي بويه رحيلك...عني لا تبعد دخيلك
يامصابي..عله بابي. حل عذابي..بروحتك يحسين

عالدرب اگعد واناشد رايح وجاي
بلكي احصل خبر منه ويهده مبچاي
گمت اسأله حسين خافن ما شرب ماي
حته بچفوفه اودي دموع عيناي
حته منهن انته تشرب...وبيهن اسأل يمته نگرب
يالعفتني..حيرتني..عذبتني... بروحتك يحسين

بنور وجهك عودتهه تصّبح العين
ويروه گلبي بالمحنه بشوفت حسين
جسدين وروح وحده احنه الاثنين
جسد ضامي بالغربه والثاني خذاه البين
انته روحي وانته كلّي...عنك اسأل حته ضلي
بدمعي اليسيل... اسأل الليل...يوگع الحيل.. بروحتك يحسين

هموم هجرك بيه احسهه تاكل هموم
امس تانيتك واگولن ترجع اليوم
عيني سهرانه عفتهه تحسب انجوم
لئن من درب الگصدته گلبي ملچوم
وين مجروح ابدليله ... سأله عن حال العليله
جفني ما نام ...ساهر الآم...اقسه ايام.. بروحتك يحسين

گمت اتصور وجودك يميّ اهناه
وياك وبعالم خيالي الحچي اشمحلاه
غفل چن گللي ايسي ونتي والاه
گابلتني ام البنين ابيا حسيناه
بطول ليلي اون مصابي....يمته تندك بويه بابي
ألم روحي...من جروحي...بده نوحي... بروحتك يحسين

بعد بيمن بويه الوذن والسهر طال
گمت اصيحن ياعلي الحگني الظهر مال
من اجاني الخبر زينب بين الانذال
وزينب الما شافت الزينبكم اخيال
بآل ام الگمر فكر...خاف عنهه الگمر قصر
چلمت الناس ...جرح الاحساس...فگدت عباس... بروحتك يحسين

بعين شمس الضحى اشوفك بويه مذبوح
روحي رادت مني تطلع يمك اتروح
بين احلم بين يقضه وگلبي مجروح
حته مل من عندي صبري وملت جروح
نوح كل ليل اليجرني...لصبح ما سكت وني
يمته ملگاك ...وارجع وياك ...بده فرگاك.. بروحتك يحسين

الشاعر .. محمد الجوراني

روحي سرحانه بجمالك .... يالاكبر
ترد گلب امك دعالك .... يالاكبر
من عيني اخذ دمعتي.....بيدك حرز دعوتي
يالاكبر

چدامك الروح...مشت دعوه ترد عن هامك اسيوف
وياك اخذ صوت...دمع امك يالاكبر ساعة الخوف
من ودعتني...بقت بس الاماني بخيمتي اطوف
ياكبري لو صار...اريدك انه يبني مدري الطفوف
سجد الباري حنيني... يالاكبر
گلبي يدعيلك تجيني... يالاكبر
جفني عشگ يقضتي.....بيدك حرز دعوتي
يالاكبر

دمع الجفن سال...أصيحن علي بس ما ينسمع صوت
اسمك ريحة حسين...يونس لو رحت ميهدك الحوت
لو ماخذ وياك...عمر امك يشيعك من يجي الموت
صليت الوداع...وتمنيت الك حضني يصير تابوت
انته جرح الغاضريه.... يالاكبر
بحضني اسويلك عزيه... يالاكبر
إلبست الحزن شيلتي....بيدك حرز دعوتي
يالاكبر

حلم أمك يموت...وامانيهه يالاكبر كلهه وياك
ما حسبت راح...تخليني واعيشن جرح فرگاك
يوليدي وديت...سنيني ومهجتي وعيوني ترعاك
بساحة الميدان...تذّكر متن امك ساعة ارباك
عفت دمعة عيني يمك... يالاكبر
حته تذكر تعب امك... يالاكبر
لا تنسه امس سهرتي.... بيدك حرز دعوتي
يالاكبر

رآفگت ممشاك.. يالاكبر عيني بيهه اجروحك اوساع
بلحضت اتانيك...اسمعت صوت السيوف يصيح الوداع
بگلبي شلت نار...واصيحن عمر الاكبر خلص ابساع
كل تعب السنين...وسهر عيني ابمصابك والخدر ضاع
كسر عمر امك مصابك .... يالاكبر
منو يسد ثغرة غيابك.... يالاكبر
ضايع سهر تعبتي..... بيدك حرز دعوتي
يالاكبر

مشبوحه العيون....أعله دربك ياستر روحي وعباتي
ما تنسي وياك....ترافة عمري صوره ابذكرياتي
بعدك علي احزان...زماني اتگلب ابصفحة حياتي
مسبيه لشام....وعفتهه اتضمد اجروحك غلاتي
اتكلمك وتشد جروحك.... يالاكبر
الموت اخذ روحي ويروحك... يالاكبر
وعمري التگه بضيعتي...بيدك حرز دعوتي
يالاكبر

تدري علي الروح....تريد الفرحه والدمعه يرجواي
والونه ياصوب....لا شوفنهه واسمعهه وبلا راي
من رحت عني ....نسيت ابمشيتك يالاكبر اضماي
يوليدي ردلي....اريدك انته ما أريدن بعد ماي
شوفتك صارت بعيده... يالاكبر
موتك اليصفعني بيده.... يالاكبر
وياك افگدت راحتي....بيدك حرز دعوتي
يالاكبر

الشاعر...محمد الجوراني

عباس .. هذا اليوم ألي ،،،،،،،، عباس .. گل ألبت علي
بيه الخدر مرتجي
الماي أجيبه وأجي
عباس .. گل ألبت علي
****************************
آنه ابو فاضل يزينب وانتي تدرين
يازلم تمنعني عنه والزلم وين
ياهو يدنه يمي وآنه ابن ابو حسين
وآنه بيدي علي يختي سلم البين
عباس .. حيدر لو حمل ،،،،،،،، عباس .. بيميني الاجل
بسيفي ألوح النجم
و المعركه للزلم
عباس .. گل ألبت علي
****************************
آنه علمت المنايه بأخذ الاعمار
الموت طالب چان عندي وآنه الاختار
بسيفي من اضربلي واحد بضربتي حار
موسه بسمي نخه لمن شگ الابحار
عباس .. موسه دعوته ،،،،،،،، عباس .. من هد افعته
بسمي نخه وانتصر
يازينب آنه الگمر
عباس .. گل ألبت علي
****************************
(١)


خويه زينب راح اشوف الحومه شتريد
چني احسهه تريد بيهه حيد ابن حيد
ويدي خاطرهه يزينب خيبره اتعيد
الموت يازينب رفيجي ابدرب البعيد
عباس .. يم الشط وگف ،،،،،،،، عباس .. وبجوده غرف
الجود أعله ظهري انفرش
يسموني ساقي العطش
عباس .. گل ألبت علي

****************************

بيده جر سيد الصوارم طلگ اگراب
سيف لو ملك المنايه الوگع ارگاب
چف علي العباس حيله والزلم باب
ماخطه من دفع سيفه بيهم إصواب
عباس .. عجبه للعجب ،،،،،،،، عباس .. بيهم ماتعب
بي زينب إتنومست
والحرب ألي لو بدت
عباس .. گل ألبت علي
****************************
(٢)



خويه زينب هم سمعتي الشمس تلاح
وآنه شمس الغيره والحَر يختي الاسلام
صوت واحد من اصيحن توگع ارواح
إله اخلي الموت يصرخ رايد ارتاح
عباس .. جيش الوحده ،،،،،،،، عباس .. بسم الله بده
مني يزينب عهد
إله اركع العدد
عباس .. گل ألبت علي
****************************
من وكت صاحت عساكر جاينه الليل
والعجب كلمن رگبته بالهوه اتميل
نظرة العباس رسلت طير ابابيل
رمه بيهه النار مدري حجر سجيل
عباس .. لو حامي الحمه ،،،،،،،، عباس .. نار ابصارمه
بس وحده همه إشكثر
وياهو اليلاگي النصر
عباس .. گل ألبت علي
****************************
(٣)
الشاعر ،، محمد الجوراني

للانصار .... موقف حُسيني وانحسم
عد عيناك.... أستعرضو يم الخيم
ياحسين
...........
هوسة حبيب الشيخ ،،،، والرايه شيبه
گال الحبيب ايريد ،،،، يفدي حبيبه
أستعرض حبيب وهوس اگبال المخيم
گال ارد الاگي الله وصابغ شيبتي الدم
آنه رايدهه الحرب .... وهيه هم اتريدني
حچايه عندي من أطب .... حسين بس يفيدني
وبحبيب .... لحسينه شيگول الدم
عد عيناك .... أستعرضو يم الخيم
ياحسين
.........
عابس نظرهه ابعيد ،،،، من شگ قميصه
گال النفس لحسين ،،،، كلش رخيصه
كون آنه اموتن واحيه وارجع هم اموتن
ومن حيدره متعلم انه شلون اصولن
ريت ربي من اموت .... كون لا مو يومي
حته لطف من اعود .... هم اشگ اهدومي
خاطر گال ..... بجنوني افهم الما فهم
عد عيناك .... أستعرضو يم الخيم
ياحسين
.....
بشري زينب صاح ،،،، ابنص العراضه
اسود نعرفه جون ،،،، بگلبه بياضه
سور أعله خيمتكم يحره جسمي الاسود
تسحگني خيل ومن ضلوع حسيني انعد
اسهام تصبغ چثتي .... من دمائي الحمره
حته حر لا مو عبد .... اتصدلي عين الزهره
احمر صار .... بنزفه وجراحه من هجم
عد عيناك .... أستعرضو يم الخيم
ياحسين
......
هوس اجه ابن القين ،،،، الحومه آنه اهلهه
گال امن اخوزر عين ،،،، الجيوش اذلهه
روحي ألك مو ايدي يابو اليمه امدهه
آنه زهيرك والاكضهه ما اهدهه
آنه ما عندي كلف..... كلشي لجلك يسهل
خلهم يضمو الرگب.... سيفي هوه يندل
بيدك راح.... اصبح درع سيف وسهم
عد عيناك... أستعرضو يم الخيم
ياحسين
........
ها خوتي صاح هناه ،،،، الحر الرياحي
لنصرة ابو السجاد ،،،، شمحله جراحي
گله الحُسين أنته كما سمتكَ امك
بالجنه انته يمي ياحر وانه يمك
گله يابو اليمه اجيت.... طالب المرضاتك
عفو منك انه اريد .... ورأفه من نظراتك
والحر ذاك.... احضه برضاته والنَعم
عد عيناك... أستعرضو يم الخيم
ياحسين
.......
هوسوا انصار حسين ،،،، بالحومه هوسه
رباط هوستهم چان ،،،، العسكر ندوسه
سبعين همه لاچن الواحد منيه
بالذر اضن دربهم حماي الحميه
سبعين ضد سبعين الف.... عزريل بيهم حاير
عزريل ما لحگ يلم ... عاف نص الباچر
ملك الموت... تعبان من گد ما هو لم
عد عيناك... أستعرضو يم الخيم
ياحسين.
......


الشاعر..... محمد الجوراني .

عاشر محرم رتل ،،،،، يالمهدي عمتك عالتل
عمه تعال النار
إشگد چوتلنه ازغار
تعال
______
عمه عالتل واگفه وهذا المچان يكون
البي نتلاگه واجيك آنه بزراگ امتون
اترابه گامت واحنه عدنه اطفال يختنگون
انوبه يشتمون دخان وعلي يموتون

بهايه وگفتي ردتك ،،،،، تجي وتساعد عمتك

لچوي برجلي آثار
إشگد چوتلنه ازغار
تعال
_____

١__

الناس تقرالك ندبتك بالجُمع وهواي
وآنه وحدي اقره عجلي تلم وياي
ازغار من جوه الحوافر سحگتهه اعداي
لو تجي أتسوي ابعباتك عله حسين افياي

فييله عمه امن الحر ،،،،، عالرمح وجه اتغير

جو الغاضريه حار
إشگد چوتلنه ازغار
تعال
_____




٢


آنه اريدنك تجيني احنه بس نسوان
بعمر جاسم كون اشوفك مهدي مو كبران
آنه ادري الصار بيه يشيب الرضعان
انته لو شايب تجيني شلون بالنيران

ياهو اليطفي الخيام ،،،،، وياهو اليلم الايتام

يلما تحب الاعذار
إشگد چوتلنه ازغار
تعال
_____





٣

واگفتلك عله التله لا يجينه الليل
خاف منشوفه ونطلعه المنسحگ بالخيل
اطفالنه هوايه يمهدي وبيه ما ضل حيل
متوني ذني وذني أديه عمه دم اتسيل

شلون آنه المهم شلون ،،،،، ومن حيلي ميتات امتون

ويمتوني عدهم ثار
إشگد چوتلنه ازغار
تعال
_____





٤



يله هسه خل ندور عله كلمن ضاع
حافي لا تمشي تره متروسه نار الگاع
قبل ميصير المسه تلگاهم انته بساع
وآنه مناكه اروحن الم لحسين اضلاع

طشر اعضامه الحافر ،،،،، صدره يم ظهره صاير

ضلوعه صفت طشار
إشگد چوتلنه ازغار
تعال
____



٥


الناس لا ما تدري چانت عد علي ابنيات
الما ينشافن هذن بين الزلم طالعات
عمه علوياتكم هجن تره حافيات
وعدنه چم إيتيمه مدري وينهن ضايعات

وحده منهن شفتهه ،،،،، مجروره ترچيتهه

ما ادري بيهه اشصار
إشگد چوتلنه ازغار
تعال
_____




٦
أركض ويركض ورايه الشمر بين ارجاس
الرايه عندك وآنه عمتك صيرلي العباس
جيبلي الخيمه عباتك ستري من الناس
طاح بناي الخيام وچفه عالشط انداس

تره من طاح الكفال ،،،،، زينب انشافلهه خيال

وكتي عليه اندار
إشگد چوتلنه ازغار
تعال
______
الخادم
محمد الجوراني



٧

شفتك،، ما معقوله انته ابحالك اشصاير
شفتك،، گلي خويه وين الاصبع العاشر
لا اصبعك لا خاتمك.......ولا كتر ضل ما يألمك
ابحالك اشصاير
.................
هواي متغير تره....ما چنت هيچ انته خويه ما عرفتك
سنين عشناهه سوه....مو غريب اعليه اخوي وآنه اختك
حافظه شكلك عدل....وين چا ذيچ السماحه الي بضحكتك
خمس اصابع يمنتك....اربعه ذن بعد اصبع من يمنتك

خويه،، بالخاتم اتصدق وآلدي اذكر
خويه،، وانته اتصدقت يبن امي بالخنصر
حيدر وآلدي علمك......ولا كتر ضل ما يألمك
ابحالك اشصاير
..................
صدرك اشبي منحفر....خويه چن خسفات خيل اعليه اضنن
اي حوافرهن شفت....امكسرات ضلوع يعني حيل دبچن
اسمان كلهن يالاخو...عله صدرك گامن ابواهس يلعبن
هنه ياخويه تره....ألزينب امن الضيم غايتهن يموتن

داسن،، نو بس اغله صدرك داسن بصدري
داسن،، بحافرهن طلع خويه عمرك وعمري
آه يالحافر الهشمك.........ولا كتر ضل ما يألمك
ابحالك اشصاير
..................
شفتك ابروحك تجر....تزحف أعله الگاع خويه وليش مسرع
امتلفك الدم والرمل....وليش تتلفت اشوفك شنو مضيع
شنو الغايه ابزحفتك....اضن جاي إدور انته عله الاصبع
ردت ادورنه ألك....بس خفت من خيلهم يحسين تخرع

حيره،، من اطلع ادوره انته ما ترضه
حيره،، الكافل خفت ينشاف اله عرضه
عرضك گوم الي حشمك.....ولا كتر ضل ما يألمك
ابحالك اشصاير
.................
هذا عود انته صدگ....حيرتني خويه هاي اشصاير بيك
صرت اداوي ياجرح....اذا هنه هواي حيل وكلهه تاذيك
عندي بس دم المتن....عله جروحك راح اخليه وبي اداويك
او من ارد الخيمتي....شراح اگللهه رقيه التنشد عليك

گلي،، امسافر اگلهه وما ترد لينه
گلي،، لو اگللهه ذبحوه التريدينه
ذاك انته سيف امجسمك.......ولا كتر ضل ما يألمك
ابحالك اشصاير
.................
انته مو هچي چنت....راسك ابجسمك تره من رحت عني
هسه من شفتك صحت....انته اخوي حسين والله فاجأتني
وين چا ذاك الجسم....خطوط حمره بي اشوفن شنهي ذني
وشنو هذا المنكسر....داخل ابگلبك سهم خلاك محني

طالع،، يحسين اشوفه امن الظهر سهمك
طالع،، براس السهم گلبك وبي دمك
انخلط وي دم جاسمك....... ولا كتر ضل ما يألمك
ابحالك اشصاير
.................
امنين ما اصدلك أنه....امجرح ومن كل كتر هاليجري دمك
جرح متغطي ابجرح....أتعب امن اريد اعدهه جروح جسمك
لحظة اموادع ردت....انته تحظني آنه اخاف امنين الزمك
تشوغ روحي والگلب....لو صحت آه يمي وآنه الي الچمك

چا ليش،، جرحك من الزمه يلچم الثاني
چا ليش،، الموت الخذاك وآنه خلاني
حته يطگني ضالمك....... ولا كتر ضل ما يألمك
ابحالك اشصاير
.................
گوم خويه امن الشمس....حسين چا ليش انته نايم جوه هالحر
جيتك آنه امن الخيم....ركض ردت اشكيلك وجدمي ايتعثر
تنهض ويايه ردت....سوه اندور اطفالنه التاهو ابهالبر
ادري ما تگدر ابد....خويه اعذرك لئن انته كلك احمر

ادري،، گطرة دم ابجسمك خويه ما ضلت
ادري،، سيوف وخيل اميه عليك هالصلت
كل جسمك ادري يلچمك...... ولا كتر ضل ما يألمك
ابحالك اشصاير
.................

الشاعر :: محمد الجوراني

العلي السجاد أخذني ......... يشوگي ولا تردني
يريته إيصير عمري دمعه يبچوهه ابقيعه
_______________________________

عمري إيصير دمعه أتمنه تنزل هم عله خدود
وشرط يبچيني محزن عله حسين وگلبه ممرود
شايل صدره حزن الغاضريه وذيچ الورود
أريد ابخده أصيرن دمعه تتنطر الموعود
مثل دمع اليتامه ......... إنمله آه وملامه
من فگدو أبوهم حيدر وعطفه وربيعه
________________________________
مثل دمع انتظار إسكينه يرجع عمهه عباس
ومثل عمتهه زينب حزن شدت معصب الراس
وجرح زينب نزف منه يتامه يلچم احساس
أصير اخيام ريت وعنهه أحجب نظرة الناس
الگمر ضحه ابحياته ......... ولا نظرة شماته
وجفن عيونه سور الحره تشهدله الشريعه
________________________________
يشوگي يم حبيبي ودني ياريت المسيه
أريد ابمتنه أعد جروحه من اسياط اميه
البقيع وگاعه أترسه من دموع الغاضريه
وأون ون اليتامه يَمه من ماتت رقيه
وأطلع دمعة العين ......... وأسمع ام البنين
وتساعدني إعله جزعي وتهمل الدمعه سريعه



وأشرح للبقيع إبدمعي وأذكر ما جراله
علته إمن الطفوف ودمعه بعيونه حلاله
واصيح هناك ريت الموت اخذ عمري ابداله
وعلي السجاد باقي خيمه ليتامه وعياله
يشوگي إبدمعي اطوفه ........ أون وابچي الطفوفه
وصدر حسين متهشم عليه وسد رضيعه
_________________________________
روحي بعيني دمعه إتصير وابچيهه إعله بابه
اهناك امن اشم احزان عماته ابترابه
ومن ابعيد اصيحن آه يحسين ومصابه
وأحس وياي صاحت ياعلي حتى الخرابه
حسبي الله أعله زمره ......... أجت هدمتله گبره
بعد امصايب حسين البقيع اعظم فجيعه
__________________________________
أظم ابصدري وني لو أجاني الليل يَمه
صوت الليل مسموع آنه ما أگدر أكلمه
خاف إمن ارد أونن لو أسولف تسمع امه
بطاري الغاضريه أدري ضلع الزهره ألچمه
وأگل لليل لتون .......... تلچم ضلع محسن
ولا تذكر سبي زينب قرب گبر الوديعه




بحزن البيه أبچي حيل وأسأل عن الحسين
واذكر يَمه جاسم والرضيع إبدمعة العين
ومن قبر الامام الباقر اسمع صوت الونين
حين الگتله خبرني على فاگد الچفين
والصادق سمعته ........ آه ياعمي ونته
وگال ابذكر عمي احيو مجالسنه يشيعه
______________________________

الحقير ،، محمد الجوراني