ارجـــوك لا تســـــأل ابــد يا صاحبي
تموت الحروف وتموت ايضا كلمتي

والضيق في صــدري سبــــبه اقاربي
وشفت البلاء جـاني على يد اخوتي

ان اخفيــتها طــلع التـــراب بشاربي
وان قلتها ما هي تجـــمــــل لحيتي

ابوسندس العلافي

المسلم اكمل ركن خامس من الدين
بعد الصيام يكون له عـيد في الــغد

والقلـــب هنــــاكم وهــنتكم العيـــن
وازكى التهاني تشــمل امة محــــمد

يـالله عســاكم بالفرح مســـتـريحين
ولازم عــــــلى الارحام زاور تـــفقد

ولا تحرمون العــيد مـن كان مسكين
خل الفــقير مسرور مــثلك يعيـــــد

والعيد عيـد الكل واسمـعني الحيــن
ما خص ربي العيد ولا يملكه. حــد

ومما تجود فــ الله يعــطيك ضعفين
ولا الجـــميل يضيع هـــذا مؤكـــــد

والله يعيد العيد عــلى حالكم زيـــن
ذي ان قرأ ابياتي يــردد انا اشهــــد

ابوسندس العلافي
كل عام وانتم بخير

العيد ما هو اكوات وثيـــاب وغتر
وشوي حنبــــص ما بهم حد عــيد

واذا الناس بتعيد كلما صامت شهر
فـ العيد عندي اذا سمعــــت السيد

ابوسندس العلافي

اولاد عـــمك في الشــدايد محزم
ان كنت نشمي فـ ابن عمك نشمي

انا ابـــن عمــي لــو طلـبته في دم
يومها قال ابشـــــــر تــفضل دمي

واذا لفــظت ادعيه ويــن ابن العم
قـــال احتــــزم لـبيه يــا بن عمي

امثـــال ابوعيسى انا اشــهد ونعم
لرد الجميل يارب اشـــدد عـــزمي

#ابوسندس_العلافي
https://hottg.com/alalafee

رفـيـق دربي عزتك محــــــفوظ ما بين اضلعي
لو الهلاك يـصيبنا يبـــــــقى احترامك ما هِلـك

سوى انت زيدي مذهبك او كــنت سني شافعي
يا قــــرم ثابت بالمبادي وسط قلبي منزلــــك

حتى الدعاء نتـــقاسمه وادعي لك الباري معي
ثلث الدعاء لي وانت ثلثين الدعاء ياخوي لك

ابوسندس العلافي

يا صاحبي ما هي شطارة في الحذق
والحــذق في راعيه مــذله وخســــه

اللـي بحـق الـــناس حـلال ان تمــرق
لكن حقه حق ولا احـــــد يــمــــســه

الناس هم للناس تــدري ويش الفرق
في مال غيره بـــــاح ولا بـاح فلسه

فــ لا تقــدر شـخص ما قدر الــخلـق
ولا يقتني الاصـحاب من حب نفسه

صاحب اذا اشـتدت بيسـابق الطلـق
وصاحب من افعـاله تمنى بدعســـه

ابوسندس العلافي

الحال كـــــم زاره في الوقت تغيير
ويا كم تعـــرقلنا تصاريف الاحوال

احيان تـــلقى الحال مليان بالخير
واحيان تـــلقاني مصارع للاهوال

احيان ما نـــــعجز لدفع الفواتيـــر
واحيان بين ابعث بيرجى الاتصال

وهذا النبي يوسف قد ارموه بالبير
وبعدها اتصدق من المـلك والمال

وان كنت تستسلم لسوء المقاديـــر
فلا تحسب انك بين الاقوام رجال

ابو سندس العلافي

تم القاء هذه القصيد في زيارة لجبهة خب ايام عيد الفطر المبارك))))



ازكى ســــلام الـله لاهـل الــــهـمـــــة
وازكئ تهــــاني العيد ضمن المقصود

يــــــوصل رجـال الله كـلا بـاســـمـه
درع الوطـــــن والدين نصره وجنود

مقـــام المــــرابـط كـلنـا نـحـتـرمـــه
وسط المتارس يوم عيــده موجود

ســـاعـة طـلبـهم كـلهم بـالخـــــدمـه
تسري وتبذل فــوق ضعف المجهود

تـأخذ هــــداها من صميم الختـمـه
وتـأخـذ مــــن الايـات أمـر المعـبـود

ويـــــاكم جـمع عـدوانها من زحـمـه
ولاقـدر فـي زحــــزحتها إبـن اسعود

نــــادئ عـلا امـريكا ويصرخ يـأمـه
قـالـــــت تدلل يـالـرضـيـع الـمـولـود

نـادئ بـنــــي صـهيـون أبـناء عــمـه
واقبل يهودي وارتــــجم فوق يـهـود

ويـحــــسب إنه سهل يفرض حـكمه
وان الــــطريق جاهزومفروش بورود

تـبــــا لـمـن ظـن اليــــمـن لـه لـقــمـه
تنـشـب بحلـقه وان تنـفس مســدود

واجــه رجـال الله صـــابـه صـدمــه
شــاف العواقب ماعــددها مـحـدود

من حــــطم إبن اسعود وانهئ حلـمه
ردوه رازم فـوق رأســـه مــعـصــود

والـلي أتـئ بـالــــسم يـشـرب سـمــه
ومما زرع خصمي يـــجيه المحصود

قـهـوة عـدوي لاوصــــل مـن بــغـمـه
يطعم عصير ارصاص طازج منضود

تـفـطر بـهـجمه وان تــعشت هجـمه
تـدعـس ظلاما فــي لياليها، السود

وتلقـئ المجاهد قــدوضع له بصـمـه
بـيــن العـدا بـكــراع نــاره مــوقــود

عـنـدالمـجاهد مـعــنـويــة ضـخـمـه
ثـبـات راســخ مـــعــمــد بـصــمــود

يـسـرح عـليـهـم فــرد راكـب طـقمه
يـرجع ولــه طقــمـين واحيانـن زود

لبـيـه يــا إيـكــي عـشــايـك لـحـمــه
مـــاتــبـع الجـبنـه وخـبــز المـفـرود

ومن العدو يروي العطش من دمـه
والـخصـم أيـامـه شـويـه مـحـدود

وبـه نـاس مـاعـشئ سلاحه كدمـه
تقـطع يمـين إسـلاح مافـيه الجـود

مـالفـايده يـبقئ السـلاح بشـحـمـه
يـاعـيـب مبـداهـا خـتـان ولاهـــود

قـناصـة الـخمـسيـن حيـئ الـثـمـة
يـانــاس تأسرني مباصرهـا السود

منـهـو فــي الــزايـد تضـوي عـلـمـه
ولارحـمـك الله يـالـعـدو المـرصـود

لولا الـمـخوة وان نـسـوي قـسـمــه
ويـاسعد أرمـي ذي وذيـه مـسعـود

يـرسـل عــدو الـلـه وأنـا اسـتـلـمـه
يـرحـب عـلا حوض المنايا المورود

ويـد تـبـنـي قـال ويــد بـتـحـمـــه
مـاقـالـه الصـــمـاد فـينـا مـشـهــود

شـوارب الـشـلـقـه بـلحـمه دســمـه
ومـن غـزانـا كـيف ينــجـئ ويـعود

ومــا الــــيـمـن لـلي يــطـول كـمــه
وإذا سـلـمت القـتل تخـرج مطرود

يـحـرم عـلى الـغـازي تـراب يـشـمـه
والـي يـحـاول صـار وجـبه لـلـدود

طـبـع اليـمـاني مـاخـضع لـابن أمه
ويـدق لـلـبـرعـه رصــاص وبــارود

لـولا الصلاه مالطين يلمس خشمه
مـايلـمـسه إلا في أوقـات سـجود

وكـلـمـة يـمـاني مـااعتـلاهــا كلـمـه
بـنقـطع لـغـازيـنـا هـويـة مـفــقـود

ابوسندس العلافي

يا صاحبي لا اقفيت ما انت اخر الناس
ولا تحسب اني ذقت من هجرك الويح

اراك في عيني علــى الارض قـــرطاس
لو الريح راحت بك تردك لي الـــريــــح

#ابوسندس_العلافي

يمـــن بالدين والقــران دائم واحد
ما هي تفرقنا نياق اهل البسوس

وحدة ومن غيضه يموت الحاقد
ما نفترق مهما دعمتوا عيدروس

ابوسندس العلافي

من عرض بحليّه دخل وضع حساس
يكسر على قول المثل دون تصليح

الشـعر ما يحتاج مدفع ومــــتراس
وتمــويه لا يضهر من الاسم توضيح

لا تعترض الا بـشيء لك من الساس
فـ لا تفتح اقفالي بـــدون المــفاتيح

واختم بجمله واحـدة بـين الاقواس
(لا يتــبع الشوطين ضربات ترجيح)

ابوسندس العلافي

(ثمار الصرخة)

نــــرفع يــــــدينا الله واكبر نصرخ
عز الـيمن واهــله ثمار الصــــرخة

الــموت لامـريكا الحـقيرة تُــسلخ
في مـوتها اشحـــط يدك لا ترخه

والموت لاسرائيل لا تنصب فــــخ
ويموت من للـــدين ينصب فــخه

وألعن يهودي لعــنتي له تمســـــخ
والعــــن من اتولاه مثلـه نسخـــة

والنصـــــر للاســـــــلام عهد مؤرخ
عهدا من الله فــي ختــام الصرخة

صــرخـــة براءة من رفعها يــشمخ
لازم من الـــعداء تــبرأ يا. خـــــــه

واشوش بالصرخة وراســـي يطنخ
والراس بالعصبة فديت الطنخـــة

وان شفت مستكبر صرخت ودوخ
ياهيــــه والصرخــة عــلاج الدوخة

وذي ما اقتــنع قلـبه اكيد اتــوسخ
صرخةغسيل اهل القلوب الوسخه

واحـرق فــتيل الكفر بالنار اانفــخ
صرخــــة تسبب لليهودي نفـخــــة

والمـــــعركة لاجاء هجمنـا ونضــخ
والمــرتزق تلـقى المــجاهد طــــخه

صــرخة بصـــــيرة نور وضياء للمخ
ذي ما صــرخ مضـمون يفسد مخه

ابوسندس العلافي
الذكرى السنويه للصرخة

ذي يجعل الخاطـــــر من الصدمة عليل
اذا الاصدقاء في ساعة الضيق اختفوا

وما نكد العيشة سـوى مــــوت الاصيل
ياليــت والانذال من العيش اكتفـــــوا

والاتصـال اللي يطفــــــــح كل كـــــيل
اذا المتصل اخبرك عن مـــــوت الكفو

ابوسندس العلافي

يالله يامنزل تبارك وفاطر والأنفال
يـامنِــزل الـتٌـوبـه والأعراف والطور

بـدعوك يالـلـه تفرجّها علا كل رجال
ذي بًـالـوٌفـاء والعٌـز والجـود مًذكور

زادت هموم الجيد والـصبر قد طال
والـقـلـب بًـالأحـزان مًملي ومـقُهـور

أنـت الأمـل يـالـلـه يـاعـالـم الـحـال
أجّـعـل حـياة الكفو فُي عز وٌسرور

وارفع هّموم الشهّم ذي فوقه ثـقَـال
وُآنٌـزَلَ بّـهِـآ فـوق مِـنٌ كـان مـغـرور

يّــآ رَبّ جَـنٌـبّــنٌـآ مِــرَآجَـآة الأنــذال
لا نـطلَبً آلَحآجّآتٌ مًنِهّمً وٌلَآ آلَشوٌر

ذي فوقنا يلعـب ولـه طـبع مـحتـال
لَآتٌــجّـعــلَـهّ يَـآلَـلَـهّ يَـلَعــبً بـنِـآ دوٌر

آنـتٌ الـرجـاء يالله للـقوم الأبـطـال
يَـآغـآيَةّ آلَـمًـؤمًـنِ آذِآ حـآدهّ آلَجّـوٌر

ثبت خـطانا ۆأصلح آلُحآل ۆآلُـبـآل
فَيَ دِربْ منْ بآلَهّديَ وٌآلُخـيَرمًشُهّوٌر

مـع آبـنِ بدر آلَدٍيَنِ فيَ کْلَ آلَآحوٌآلَ
هّـوٌ مـنِقُذِ آلَأمًـهّ مـنِ آلَـظُلَـم لَلَـنِـوٌر

إصّلَحً لنا الأقوال يـالـلـه والأعمـال
وٌآغُفُر لَنِآ مًآقدٍ حًصّلَ منِآمًنِ قُصّوٌر

✍️موسى كباس

يـــــارب لا تبـــلى يد الجود بالــقِـــل
ومن رام فعل الزين يسلم من الشين

واحفظ عزيز النفس مايعـــرف الذل
ان صارت الحاجه تحده على الــهين

كـم من كريــم الوقـت حوله تبـــدل
ويّد العطاء والجود تبحث على دين

واللي تسلف منه في عظمه الســــل
يقاضيه طول الوقت سـاعة وثنتين

والاجــودي كثـر المقــــاضاه قد مل
يسدد ولو كان الثمن يقــتلع عيـــن

النـايبة للنـاس هـي مـــن تغـــربــــل
اما المظاهر كلها خلــق مـــن طـــين

ادعيـك يالله ان زمـــاني تــعــرقــل
مااحتجت لاتحويه جيوب الملاعين

وان كان اخر حل فما يلــزم الحـل
فـ الموت امره ستـر والصبر تمكين

ابوسندس العلافي

كم شــخص خــــــاين مع العــدوان ينتطط
وحــق الخيانه يســــــــتلــمها منهم اقساط

باع الوطـن لاجـــله يحـــــصلها رزم وشبط
وماالفايده حتى وان كثرها يقطع المطاط

والصقر يبقــى صقر غــــير الدجاج والبــط
ولا فعوله مــن فعــــول  الطايــــر الوطـاط

لكـن على المـــشاط حذاري يقــبل المنحـط
ما هو يدنس هيبــته ســــنتي ولا قيــــراط

احــــذر تـجـنب حــــذاري قبل ما تغـــلـــط
والزم حــدودك وانتبه في حضرة المـــشاط


ابوسندس العلافي

الناس مثل الشـــعر ليســــــت سويه
بعض البيـــــوت يعدل بوزنه قصايد

واحد من الاصحــــاب يغني عن ميه
والمائة شخص ماهم يساوون واحد

ابوسندس العلافي

((((خب الشعف))))

يا حـــي جند الله لا الـــــحرب ارعدا
ولحن البنادق من رصاصه قد عزف

وارض الاجاشر مهـلكه رووس العدا
والمحرقة للخصم في خب الشعف

في ظل قايد مفــــــترس قوم الرداء
وافراده الشـــجعان لا شب النكــــف

تكتيك عالي في الجيوش مـــشيدا
بنيان مرصوصه وصف اركـى لصف

يسقوا من الايات منهــــاج الهـــدى
اخوة معارك كلــهم كـــتفا لـــكتــف

تسليـــمهـــم لله ثــــــم محـــــمـــدا
وعهودهـــم بالدم ما شخص اختلف

عهد الولاء فـــ قلــــوبهم يتـــجـــددا
حيدر ولــــي الله ذي به نعـــــتــرف

عبدالملك يبقى العــــلم والـسيــــدا
وكل من والى العـلم نال الشـــــرف

في خب تلقى العـــز ورجال الفـــدا
ناوي على التطهير كامل من طـرف

باعـــت من الله واستجابت للـــنداء
تسـلم يد القناص يسلم من زحـــف

تسديد للرمية ودقـــه فــــي الاداء
ولا عوايد رميهـــم يخــطي الهدف

جهود العدو اليوم قد راحت ســــدى
وشاف واقع غير سيـــئ مختلـــف

خـــــبر عدو الله موعـــدنا كـــداء
من بعدها للقدس ما مؤمن وقف

والمــوت للعدوان امر مـــــؤكــــدا
والنصر للاسلام من خب الشعــــف

ابوسندس العلافي

للمجاراة عن #الذكرى_103_لمجزرة_تنومه

البداية #أبورواسي_أرحب

ثار ياكل اليمن شعب وحكومه
لعنبوا من مات جنب البيرضامي

للدم المسفوك في وادي تنومه
يا عصب كتفي ويامونة حزامي

السعودي ماهو إلا فرخ  بومه
نتفوا ريشه في الخط الأمامي


ابويوسف

مانسينا ثار عاشورا ويومه
والجرايم ذي اتت قبل الف عامي

كيف ننسى ذي قتل ساعةقدومه
للحرم قدام قرن ابيوم دامي

بلغ ابن اسعود لايهنا بنومه
والله انها دين عندك ياحرامي

#ابوسندس_ العلافي

اسس ابن سعود دولته الرخومة
هي على كره الــــيمن منذ القدامــــي

من تنومه تشهد اعلان الخصومه
جاءعلى الحجاج قانصهم ورامــــي

عهد في ثار اليماني ما نسومه
عهد ياسلمان ما تلقى السلامي

والله ان الشعب ضاقت به هدومه
كم تشوق نحوكم للاقتحامي

والقسم بالله ثارش ياتنومه
بانجيبه من لظى البارود حامي

بالــجمايل ما بغيت اطـــلع جلاء
لكن ظــــروف الزمن منعت يدي

ضاق صدري من ظروفي وامتلاء
ما التحق له جود من كان اجودي

ليــــت درب الكفو مايعرف بلاء
والعوافي ماتجي الشخص الردي

ابوسندس العلافي