#قصائد_قصائد_الامام_الجواد_ع
#مـۄسسـﮫ_مــﻥــبـريۄن_للالـﺢــان
الناشر.احمد.الـــزوار.cc
ونبجي ونصيح الظليمه
مات مسموم الجواد😭
.
ــــــــــــــــــــــــــــــــ
استشهاد الجواد ع
حسرة غريب بصدري
وبعمر الاكبر عمري
واتلاثه ايام ابسطح
مرمي اواسي المنذبح
وبعمر الاكبر عمري
++++++++
هنيالـه لبمـوته الـه
حصة جرح من كربله
المايمه واحد من هله
وايغمض العين
انه الجواد الي جدت
بدموعي من عودي سمعت
ان كنت باكي او لو ردت
ابچي على حسين
كل موقف بموتي يمر
يم كربله ايروح الفكر
اتهون المصايب ادري
وبعمر الاكبر عمري
+++++++++
سم والعطش بيه حصل
ضل چبدي يتگطع وصل
بس راسي ما عني انفصل
لا گاطع اچفوف
صح اني مقتول انحِسِب
بموتي وعله حسين انتحب
آنه المتت ما منسلب
وبثوبي ملفوف
چتالي بت المأمون
ملعون خلف ملعون
تتمنه ينحز نحري
وبعمر الاكبر عمري
+++++++++
من خلت السم بالعنب
بحرورته گلبي التهب
صحتلها سويتي العجب
وي اقرب الناس
اسگيني ماي وما رضت
وانسدت الباب ومشت
والغربه بعيوني بدت
وينك يعباس
اليوگع وحيد ابغربه
صوب اهله ينظر دربه
ودموعي عالخد تجري
وبعمر الاكبر عمري
++++++++++
لا اصوت اصيح وينسمع
اوگف واطيح وانجمع
شتذكر بهذا الوضع
وتزيد الاجروح
موتي دنه مني احس
آخر مواسات التمس
داري بسطحها وبالشمس
خل تطلع الروح
حته الدرج بي عثره
والگلب صاير جمره
لا وين رايح فكري
ابعمر الاكبر عمري
+++++++++
كل بايه اعثر وانتچي
واخذلي شوط امن البچي
عن صعدت التل الحچي
يكسر بلعضام
اتسند وحيلي گضه
والسم وسط چبدي مضه
اعضامي احسها امرضرضه
ويا ثگل الاجدام
چني اسمعت رقيه
حرگو خيامي اعليه
اوگف واطيح ابقهري
وبعمر الاكبر عمري
+++++++
بحرورة السم والضمه
متمدد الوجه السمه
حضرتني امي فاطمه
محنيه لضلوع
گالتلي ما فوگك ستر
اشنيتك ييمه بهالامر
گتلها لا بيـه بـتر
لا صبعي مگطوع
گالتلي ياهنيالك
ابموتك حسين ابالك
گلتلها همي وذخري
ابعمر الاكبر عمري
ثائر الربيعي
+++++++++
ــــــــــــــــــــــــــــــــــــــــــــــــــــــــ
▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA
>>Click here to continue<<
