#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


مقدمة للعليلة 
مهيمن يوسف الموسوي ١٤٤٦هـ  ٢٠٢٤م

شحال العليله فاطمه
غاب الأبو و متألّمه
*١*
طفله وبدأ عدها الحزن
لحسين ابوها و بس تون
ولشوفته بنته تحن
بعده الحياة و مظلمه
*٢*
راح و ترك عدها القهر
يصعب عليها تنتظر
بعّدها عنها هالقدر
ايحارب يريد الظالمه
*٣*
روح العليله امكدّره
عنها الابو رايح تره
مشتاكه بنته و تذكره
بشوگ و حنينه و هايمه
*٤*
للفرگه ما تگدر أبد
عنها الابو من ابتعد
بغيابه لا ما تنسعد
يرجع تشوفه واهمه
*٥*
ظلّت حزينه بكل وكت
ومنها الدمع لجله تكت
بس بالقهر و الهم بقت
ولهل الأمر متفهّمه
*٦*
تفهم ابوها بكربله
لاچن كثر حنّت إله
طوّل ابويه سائله
يم الاعادي المجرمه
*٧*
ليل و مسه اتهلّ الدمع
بعد الابو باصعب وضع
وبغيبته ما تقتنع
شوك و حنان الحاكمه
*٨*
تحكمها طفله بهالعمر
بس عاطفه بيها كثر
للفرگه صعبه بالصبر
بكل السنين القادمه
*٩*
طول الليالي مسهره
منها الدمع وشكد جره
لحسين ابوها و صابره
وبهالشدد متحزّمه
*١٠*
مو يم ابوها تنوجد
منهو المكانه ما يسد
مثله فلا ماكو بعد
بهاي القضيه جازمه


مهيمن يوسف الموسوي
٣ ذو الحجة ١٤٤٥
٢٠٢٤/٦/١١م يوم الثلاثاء    ٣:٥٤م

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ


بحق العليلة فاطمة بنت الحسين عليهم السلام
مهيمن يوسف الموسوي ١٤٤٦هـ ٢٠٢٤م


رحلتك طويله   شصبر العليله
بغيابك يبويه     دمع عيني اسيله
صعوبه عليه       الحزن و الاذيه    شصبر العليله
*١*
عتابي يالابو و أدري العتب يقهر
طفله وابعدت وبغيبتك شگدر
على افراگك دليلي شلون من يصبر
بعيد و عن نظر عيني ولا انظر
فلا موجود يمي و گلبي يتحسر
حسرته لشوفتك مقهور متكدر

حياتي حزينه      ودليلي بأنينه
افكّر و أتاني         ترد للمدينه
ترد روح اليه     الحزن و الاذيه    شصبر العليله
*٢*
من بارض المدينه و الضعن راحل
عليك العين تربي ومدمعي هامل
وحسرتي بالگلب بويه القهر حاصل
الزمان ابعدني عنك هالأمر جاعل
جعلني بشوگ گلبي و القهر حامل
وحمل كلّ الهموم و بالأذه فاعل

يأذي عدونه        بقهر من أجونه
يبعدك علينه            يبويه ولونه
على الغاضرية  الحزن و الاذيه    شصبر العليله
*٣*
وبشهكة حزن عندي الكلام احچيه
گلبي  من رحت عني القهر يأذيه
حالي بويه منهو الي يصد ليه
هموم هواي موجوده بدليلي بيه
حالي بويه تدري منهو الي واسيه
العده وبفركتك بس الاذه ايسويه

تطول المناحه         ابد ماكو راحه
حياتي حزينه          دليلي بجراحه
دمعتي سريه    الحزن و الاذيه    شصبر العليله
*٤*
حالي من غبت راح الفرح وياك
ترد لأرض المدينه بويه و اتمناك
مثل وكت المضه آنه اظل بحماك
لاكن والزمن بعّدنه ما خلاك
گلبي شيقتنع يصبر على فرگاك
اريدك ما تطوّل و آنه اتلگاك

يبويه تجيني     فلا يظل ونيني
يبن طه يمته      تجمّل سنيني
همومي سويه     الحزن و الاذيه    شصبر العليله
*٥*
تدري بويه حالي شصار من بعدك
يصعب عالعليله هواي كل فكدك
خذت روحي و رحت فكري بقه عندك
اتاني وانتظر يبن النبي وعدك
صبري بغيبتك صعبه وحگ جدك
من گاصد تحارب هالعده الضدك

يريت و مماتي     فلا تظل حياتي
حزن بويه تدري       صفت كل صفاتي 
وحگ الزچيّه    الحزن و الاذيه    شصبر العليله
*٦*
المدينه بغيبتك ظلمه يبن حيدر
وكلبي بس حزن و الهم عليك اصبر
لاكن رحلتك تدري شكثر تقهر
طفله بهالوضع بويه فلا اگدر
وضعي من رحت عني تره تغيّر
بحالة رأفه كلمن حالتي ينظر

كثر كل حنيني        بداية سنيني
عشت عمري غربه      مناحه بأنيني
ادزلك تحيه    الحزن و الاذيه    شصبر العليله
*٧*
شعتب و العتب زيّد دليلي هموم
من هاي العده بويه شكثر مالوم
حزني اوي الكلب ويه القهر ملزوم
بغيابك حيل يقهر هالحزن معلوم
منّ اعداك بويه يالولي مظلوم
لجل دين الجلاله الخالق القيوم

لجل هالديانه      تزول الخيانه
عدونه يخونك        فلا بي أمانه
اشد من منيّه    الحزن و الاذيه    شصبر العليله


مهيمن يوسف الموسوي
١٠ ذو الحجة ١٤٤٥هـ
٢٠٢٤/٦/١٧م يوم الاثنين ١١:٥٥م

ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



العليله

زادي صار النوح من نويت اتروح
فارگيت النوم او ضيعيت الروح
علتي گامت تزود .. ليلي او مصباحي سود
________

فارگت روحي او جروحي يلي هجرانك الم
دمعه دمعه ارسومي ذبلن واصبحت مثل العدم

يا نظر عيني اخلافك عميت
تدري ابحالي اشلوني غديت
الينشد عله اسمي گتله نسيت

ليّه ماضل حال لا گلب لا بال
بس دمع والآم تنتظر مرسال
يمته مرسالك يعود .. ليلي او مصباحي سود
________

بويه من يوم العفتني او ضعنك امغرّب مشه
من اهدها اعظامي بادن والنظر بعدك غشه

امسح اعيوني ابثوبك وانوح
شوفي يرجعلي وابچي اويروح
ياجرح يسكن ايفزز جروح

اشخله بيه اجفاك اموهدنه او انعاك
الما تنام الليل ابيا حلم تلگاك ؟
حنّت الحالي اليهود .. ليلي او مصباحي سود
________

بويه چم مكتوب اليه بالدمع مو بالحبر
إِذا تقراهن يبويه خاف گلبك ينكسر

مادزه خاطر تگدر تنام
وتلفي اعله بالي صورة خيام
چي بيهن انت انترسن حمام

يمك انت اتدور ابلا جنح مكسور
او للعليله اجناح صوّباه عاشور
او بعدت اعليه الحدود .. ليلي او مصباحي سود
________

ابدار مهجوره عفتني لا دواء او لا صبر
احسين يل كلشي خذيته المن امبقي العمر

لا بيه اجيلك لا عندي راي
خبروني عنك السمعو بچاي
احسين الرضعيه مالاگي ماي

گالو امن ضماه دم تخر اشفاه
والدچ عطشان واللهب بحشاه
واصبح ابروحه يجود .. ليلي او مصباحي سود
________

اتشوغ روحي من حچيهم واطلع اگعد عالدرب
بلكي لن طارش يجيني ابخبر وايبرد الگلب

گالولي أبسي يرجع محال
برسومه ماضل ذاك جمال
الخيل اسحگنه او راسه ابنبال

وآنه عندي احساس براسي طاح الفاس
لا ترد يحسين او لا يجي العباس
ضني مگطوع الزنود .. ليلي او مصباحي سود
________

ادعي الله ابكل مسيه مايجي ابراسك رمح
ولون هل محتوم صاير ربي موتني الصبح

الاغله مني بس نحره جاي
معقوله اشوفه بعيوني هاي
ربي اخذني او حقق مناي

تمرمرت بجفاه النوب اضل انعاه
هل عمر ماريد ربي اخذني اوياه
شلّي أبأيامي عود .. ليلي او مصباحي سود
________

ابو فاطمة الطائي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

نَموت ولا يَمُوت عَزاء الحُسَين ❤️

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ

العليله

الانتظار .. بويه شيبني او عيونك الانتظار
يا مرار ؟؟ اشد من ساعه بدونك يامرار ؟؟
يمته يحنيّن تعود
مو جزت كل الوعود انتظار انتظار
__________

آه يفراگك يبويه مثله ما شفت ابتلاء
لا جرح وانتظره يبره لامرض يشفه ابدواء
بويه متلمني ابغيابك لا ارض لا هل سماء
وشل الماي ابعيوني او صارت ادموعي دماء

كربلاء .. مرمرت روحي العليله كربلاء
بس بكاء .. اگضي ساعاتي الطويله بس بكاء
حفرت ادموعي الخدود
مو جزت كل الوعود انتظار انتظار
__________

كربلا من وين اجتني امنين اجاني هل مصاب
چنت ورده او ازهي هسا مثل خرگه عل تراب
بويه مو بس راسي شيب والله گلبي اعليك شاب
وين ادورك وانت صاير تشبه ابعيني السراب

مادريت .. ابحالي وكت المغربيه مادريت
اشگد نخت .. ربي ايرجعك عليه اشگد نخيت
بويه انا ابروحي اجود
مو جزت كل الوعود انتظار انتظار
__________

اوحيدي ابدار الهواشم لا لي اخوه او لا خوات
گوطرو عني او جفوني او راحو الشاطي الفرات
خذو عافيتي او دليلي او بقت بس الذكريات
احسين بايت بل براري وآنه وي ثوبه ابات

ما انام .. الا ابل ثوبه ابدموعي ما انام
چل حمام .. أون واتحنن ضلوعي چل حمام
صبري جزاها الحدود
مو جزت كل الوعود انتظار انتظار
__________

ساعه امش وجهي ابقميصك ساعه اشبگنه او انوح
احسين بل طف طوليتو وآنه ما ضل عندي روح
شنهو عني العطلاكم ها يبو گلب السموح
دارت الوادم عليكم ؟ وانترس گلبك جروح ؟

هل ضنون .. تاخذ افكاري او تردها هل ضنون
ما يجون ..روحي ملت من نشدها مايجون
صار كل ايامي سود
مو جزت كل الوعود انتظار انتظار
__________

بويه كل الي أنشده عني ابوجهه يشيح
محد ايجاوب سؤالي سكته والمدمع يسيح
واسمع الناس اتهامس . هسه شنگلها ؟ ذبيح
انگلها گطعو راسه بالطف او جسمه مابي شي صحيح

بل رماح .. راس ابوچ امعلگينه بل رماح
ضامي طاح .. ماي لا مامشربينه ضامي طاح
او عمها مگطوع الزنود
مو جزت كل الوعود انتظار انتظار
__________

آنه كل حچي السمعته گلت لا هاذه محال
احسين واعدني يجيني گال اجيلچ والله گال
گال اجيچ او راسي عالي ابعلو الرماح الطوال
وانتشابگ وانتسامر او ترجع ايام الدلال

بابا وين .. يمته ترجعلي واضمك بابا وين
يل حنين ..روحي مختنگه ارد اشمك يل حنين
والفرح يمته يسود
مو جزت كل الوعود انتظار انتظار
__________

ابو فاطمة الطائي


ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA

#قصائد__العليله_١٤٤٦_ه‍

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc
🥀
اللهم ارزقنا البكاء والجزع على الحسين🥀
ــــــــــــــــــــــــــــــــــــــــــــــــــــــــ



العليله

روحي بيش اسليها
عليله اتريد واليها
نار الهجر تچويها نار الهجر تچويها
____

يا اهل روحي اعله روحي ما تنشدون
اتضعضعت لا حيل بيه او لاكو اعيون
بيش اسلي الروح عنكم واصبر اشلون
وانه كل الي انشده ؟ ايگلي ميجون

ماضل دمعه بعيوني
يهل الغيره ارحموني
روحي صبر مابيها نار الهجر تچويها
____

آنه مدري احسين بيه اشصار ما صار
اجويعده ليلي او نهاري ابعتبة الدار
بلچي لن طارش يجيني جايب اخبار
لا كو طارش . لا اجوني ابطيف خطار

اغفه بل درب واصحه
حتى اطيوفهم شحه
يربي اشلون تاليها نار الهجر تچويها
____

انعم الله لو يجيني بل حلم عاد
ابدمعة اعيوني انشده ليش البعاد
هو آنه اشضال عندي؟ صايره ارماد
لا ابو لا ام اليه والجسم باد

علّه تآكل ابروحي
او هجرك زود اجروحي
اعيوني النوم جافيها نار الهجر تچويها
____

يمته ترد امن السفر واتكحل العين
بويه اعله بنتك ماتحن معقوله يحسين
طالت عليه غيبتك طالت يل حنين
لا وين وداك الدهر يا مهجتي وين

مامش وعد وانتظره
ويلاه يا هل سفره
اعيوني نوت تعميها نار الهجر تچويها
____

بويه عليه اشعطلك مو عادتك هاي
چنت من تتركني ليله . اشعر اهواي
هسه ايام او ليالي او لا خبر جاي
كل مغرببه بدونك يلتهب داي

اتفسر الصخر حسراتي
سهراته وي شوغاتي
اجروحي منو ايشافيها نار الهجر تچويها
____

مدري احير ابغيبتك مدري بلالام
بويه تبچي اعليه گامت كل الاسلام
بويه من بچيي عليكم جاري ما نام
بويه ارحم حالي مرلي لو بل احلام

الخاطر الله مر بيه
تراها ايامي مگضيه
المنيه گربت اعليها نار الهجر تچويها
__________

ابو فاطمة الطائي
ــــــــــــــــــــــــــــــــــــــــــــــــــــــــ

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55
(كروب مؤسسة منبريون)
الكروب الاول 👇
https://hottg.com/+tVfRCNCfpmJlMGRi
الكروب الثاني 👇
https://hottg.com/+tVGiZHdfNq81ZGYy
▪️ قناة اليوتيوب الرسمية رابط الاشتراك
https://youtube.com/channel/UCz03jT4unuka51X7foOyXcg
▪️قناة الحان الرادود احمد الزوار على اليوتيوب
https://youtube.com/channel/UCEa2AIfPlXlAHgT7b8hxpvA